HighLight News

 ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊  လပွတ္တာမြို့နယ်တာဝန်ခံ ဦးမြင့်ဌေးသည် မြို့နယ်မွေးမြူရေးနှင့်ကုသရေးဦးစီးဌာနနှင့်ပူးပေါင်း၍ (၉-၈-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် လပွတ္တာမြို့နယ်၊ မွေးမြူရေးနှင့်ကုသရေးဦးစီးဌာန ရုံးခန်း၌ပြုလုပ်သော  တိရိစ္ဆာန်ကျန်းမာရေးနှင့် မွေးမြူရေးအသိပညာပေးဟောပြောပွဲ၌ စားသုံးသူအသိပညာများဟောပြောခဲ့ပါသည်။

 ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ လပွတ္တာမြို့နယ်တာဝန်ခံက တက်ရောက်လာသောရပ်ကွက်နေပြည်သူများအား စားသုံးသူ၏အခွင့်အရေးနှင့် အကျိုးစီးပွားကာကွယ်ရေးဆောင်ရွက်ရန်၊ စားသုံးသူကာကွယ်ရေးဆိုင်ရာအသိပညာပေးလုပ်ငန်းများ စဉ်ဆက် မပြတ်ဆောင်ရွက်လျက်ရှိပါကြောင်း၊ စားသုံးသူကာကွယ်ရေးလုပ်ငန်းများကို မိမိတို့ဌာနနှင့်ပူးပေါင်းဆောင်ရွက်ကြရန်လိုအပ်ပါကြောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များနှင့်စပ်လျဉ်း၍ စားသုံးသူကာကွယ်ရေးဥပဒေ အခန်း(၉)ပါ စားသုံးသူ၏အခွင့်အရေးနှင့်တာဝန်များ၊ ဥပဒေအခန်း (၁၀)ပါ စီးပွားရေးလုပ်ငန်းရှင်၏တာဝန်များ၊ ပြစ်မှုပြစ်ဒဏ်များ၊ တားမြစ်ချက်များ၊  ဥပဒေအခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် ပါဝင်ရမည့်အချက်များကို အသိပညာပေးရှင်းလင်းဆွေးနွေးခဲ့ပြီးနောက်  ပြည်သူများ၏ မေးမြန်းချက်များကိုပါ ပြန်လည်ရှင်းလင်းဆွေးနွေးခဲ့ကြောင်းနှင့် ဟောပြောပွဲသို့ ရပ်ကွက်နေပြည်သူ(၂၅)ဦးတက်ရောက်ခဲ့ကြကြောင်းသိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင်၊ မြောင်းမြမြို့နယ်ဦးစီးမှူး ဦးလှထွဋ်ဦးသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၁၀-၈-၂၀၂၃) ရက်နေ့၊ နံနက် (၁၀:၀၀) နာရီအချိန်တွင်  အောင်ဆန်းဈေးရှိ မုန့်မျိုးစုံဆိုင်များ၌ ရောင်းချနေသောအချိုရည်ဘူးများတွင် ကုန်အညွှန်းအမှတ်အသားဖော်ပြချက်ပြည့်စုံခြင်းရှိ/မရှိကို ကွင်းဆင်းစစ်ဆေးခဲ့ပါသည်။

 ထိုသို့ကွင်းဆင်းစစ်ဆေးဆောင်ရွက်ရာတွင် မြောင်းမြမြို့နယ်ဦးစီးမှူးက အောင်ဆန်းဈေးရှိ မုန့်မျိုးစုံဆိုင်(၄)ဆိုင်တွင်ရောင်းချနေသော အချိုရည်ဘူးများနှင့်မုန့်ထုပ်များပေါ်တွင် ကုန်အညွှန်းအမှတ်အသားပြည့်စုံစွာဖော်ပြမှုရှိ/မရှိကိုစစ်ဆေးခဲ့ပြီး ဆိုင်ပိုင်ရှင်များအား  စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ဥပဒေအခန်း(၂၄)ပါ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁၊ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး မိမိတို့ရောင်းချနေသောကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီ လိုက်နာဆောင်ရွက်ကြရန်အတွက် ဌာနအနေဖြင့် ဈေးကွက်စောင့်ကြည့်စစ်ဆေးမှုများကို စဉ်ဆက်မပြတ်ဆောင်ရွက်သွားမည်ဖြစ်ကြောင်းသိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင်၊ မြောင်းမြမြို့နယ်ဦးစီးမှူး ဦးလှထွဋ်ဦးသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၈-၈-၂၀၂၃)ရက်နေ့၊ နံနက် (၁၀:၀၀) နာရီအချိန်တွင်  မြို့ပေါ်ရှိ စတိုးဆိုင်နှင့် မုန့်မျိုးစုံဆိုင်များတွင်ရောင်းချနေသော အချိုရည်ဘူးများတွင် ကုန်အညွှန်းအမှတ်အသားဖော်ပြချက်ပြည့်စုံခြင်းရှိ/မရှိကို ကွင်းဆင်းစစ်ဆေးခဲ့ကြပါသည်။

  ထိုသို့ကွင်းဆင်းစစ်ဆေးဆောင်ရွက်ရာတွင် မြောင်းမြမြို့နယ်ဦးစီးမှူးက မြို့ပေါ်ရှိ စတိုးဆိုင်များ၌ရောင်းချနေသော   အချိုရည်ဘူးများတွင် ကုန်အညွှန်းအမှတ်အသားပြည့်စုံစွာဖော်ပြမှုရှိ/မရှိကိုစစ်ဆေးခဲ့ပြီး ဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ဥပဒေ အခန်း (၂၄) ပါ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁၊ ပုဒ်မခွဲ (ခ) နှင့် (ဆ) တို့အရ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး မိမိတို့ရောင်းချနေသော ကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီ လိုက်နာဆောင်ရွက်ကြရန်တို့အတွက် ဌာနအနေဖြင့် ဈေးကွက်စောင့်ကြည့်စစ်ဆေးမှုများစဉ်ဆက်မပြတ်ဆောင်ရွက် သွားမည်ဖြစ်ကြောင်းသိရှိရပါသည်။

DOCA(ဧရာဝတီ)

  (၈-၈-၂၀၂၃) ရက်နေ့၊ နေ့လယ် (၁၄း၀၀) နာရီအချိန်တွင် စားသုံးသူရေးရာဦးစီးဌာနသည် ပန်းတနော်မြို့နယ်၊ စက်မှုလယ်ယာသင်တန်းကျောင်း၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်အတူ သင်တန်းသူ (၅၇)ဦးအား စားသုံးသူအခွင့်အရေးသိရှိနားလည်ကြစေရန် အသိ ပညာပေးဟောပြောပွဲပြုလုပ်ဆောင်ရွက်ခဲ့ပါသည်။

    အဆိုပါဟောပြောပွဲတွင် ပြန်ကြားရေးနှင့်ပြည်သူဆက်ဆံရေးဦးစီးဌာနမှ မြို့နယ်ဦးစီးမှူးက သင်တန်းသူများအား စာဖတ်ခြင်းအကျိုးကျေးဇူးနှင့်ပတ်သက်၍ ရှင်းလင်းပြီး လူငယ်နှင့်ကျန်းမာရေးအကြောင်းကိုဆွေးနွေးခဲ့ပါသည်။ ပန်းတနော်မြို့နယ်၊ စားသုံးသူရေးရာဦးစီးဌာန၊ မြို့နယ်ရုံးကိုယ်စား မအူပင်၊ ဒု-ခရိုင်ဦးစီးမှူး ဦးအောင်ဇော်ဦးက စားသုံးသူရေးရာဦးစီးဌာန၏ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း ပြည်သူများသည် မိမိတို့၏အခွင့်အရေးကိုသိရှိနားလည်းနိုင်ရန်လိုအပ်ပါကြောင်း၊ စားသုံးသူရေးရာဦးစီးဌာနသည် ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်စေရန် မျှော်မှန်းဆောင်ရွက်လျက်ရှိပြီး စားသုံးသူကာကွယ်ရေးဥပဒေအရ စားသုံးသူကာကွယ်ရေးလုပ်ငန်းစဉ်များအကြောင်းကိုရှင်းလင်းဆွေးနွေးခဲ့ပါသည်။ စားသုံးသူများသည် မိမိတို့၏အခွင့်အ‌ရေးကိုသိရှိနားလည်ပြီး ကုန်စည်/ဝန်ဆောင်မှုနှင့်ပတ်သက်၍ အမှန်တကယ်နစ်နာဆုံးရှုံမှုများဖြစ်ပေါ်လာပါက နစ်နာမှုအတွက် စားသုံးသူရေးရာဦးစီးဌာနသို့ ဆက်သွယ်တိုင်ကြားလိုပါက Online မှတစ်ဆင့် တိုင်ကြားလိုသောပြည်သူများအနေဖြင့် DOCA Website၊ DOCA Myanmar Mobile application တို့တွင်ပါဝင်သည့် Consumer Complaint System တိုင်ကြားလွှာပုံစံတို့၌ အချက်အလက်များဖြည့်သွင်း၍ တိုင်ကြားနိုင်ကြောင်း၊ Consumer Call Center No. (1535) သို့လည်းကောင်း၊ CICC စင်တာများ၊ လိပ်စာနှင့် ဖုန်းနံပတ်များကိုသိရှိနိုင်ရန် အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

  စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၉-၈-၂၀၂၃) ရက်နေ့တွင် (၁၀:၀၀) နာရီအချိန်တွင် ညောင်တုန်းမြို့ရှိ Good Brother ဆန်စက်သို့ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြပါသည်။

  အဆိုပါကွင်းဆင်းစစ်ဆေးမှုတွင် ညောင်တုန်းမြို့နယ်၊ Good Brother ဆန်စက်လုပ်ငန်းရှင်နှင့်တွေ့ဆုံ၍ ဆန်စက်ကြိတ်ခွဲထုတ်လုပ်မှုနှင့် ရန်ကုန်တင်ပို့မှုအခြေအနေ၊ ဆန်းစပါးဈေးကွက်ဈေးနှုန်းအခြေအနေများနှင့် ပြည်တွင်း/ ပြည်ပဖြန့်ဖြူးတင်ပို့နိုင်ရေးကိစ္စရပ်များကိုဆွေးနွေးခဲ့ကြပြီး  (၉-၈-၂၀၂၃) ရက်နေ့တွင်ဖြစ်ပေါ်နေသော ဆန်စပါးဈေးနှုန်းအခြေအနေဖြင့် ညောင်တုန်းမြို့နယ်၌ (၂၀၂၂/၂၀၂၃) ခုနှစ်ထွက် မိုးမနောသုခစပါး (၅၀)ပေါင်ကွင်းဈေးမှာ ၁၉၃၀၀ကျပ်၊ စက်ဈေးအနေဖြင့် ၁၉၅၀၀ကျပ်၊ မိုးမနောသုခစပါး(၄၆)ပေါင်ကွင်းဈေးမှာ ၁၇၈၀၀/-ကျပ်၊ စက်ဈေးမှာ ၁၈၀၀၀/-ကျပ်၊ မိုးဆန်မနောအလတ်စ (၁၀၈)ပေါင်လျှင် ၇၀၀၀၀/-ကျပ်၊ ထိပ်စဈေးနှုန်းမှာ ၇၂၀၀၀/-ကျပ်ဈေးဖြစ်ပြီး၊ မိုးစပါးနှံကားကွင်းဈေးမှာ (၅၀)ပေါင်လျှင် ၁၆၈၀၀/-ကျပ်၊ စက်ဈေးမှာ ၁၇၀၀၀/-ကျပ်၊ မိုးစပါးနှံကား(၄၆)ပေါငကွင်းဈေးမှာ  ၁၅၅၀၀/ကျပ်၊ စက်ဈေးမှာ ၁၅၇၀၀/-ကျပ်ဖြစ်ပြီး၊ မိုးဆန်မနောသုခ အလတ်စ(၁၀၈)ပေါင်ဈေးမှာ ၆၀၀၀၀/-ကျပ်၊ ထိပ်စဈေးမှာ ၆၂၀၀၀/-ကျပ်ဖြစ်ပေါ်လျက်ရှိကြောင်း၊ ဆက်လက်၍ နွေစပါးဆင်းသုခ/မနောသုခစပါး(၅၀)ပေါင်ကွင်းဈေးမှာ ၁၉၀၀၀/-ကျပ်၊ စက်ဈေးမှာ ၁၉၂၀၀/-ကျပ်၊ နွေစပါးဆင်းသုခ/မနောသုခ (၄၆)ပေါင်ကွင်းဈေးမှာ ၁၇၆၀၀/-ကျပ်၊ စက်ဈေးမှာ ၁၇၈၀၀/-ကျပ်၊ နွေဆင်းသုခ/မနောသုခ ဆန်(၁၀၈)ပေါင်အလတ်စဈေးမှာ ၆၉၀၀၀/-ကျပ်၊ ထိပ်စဈေးမှာ ၇၁၀၀၀/-ကျပ်ဖြစ်ပြီး နွေသီးထပ်ရင်စပါး(၅၀)ပေါင်ကွင်းဈေးမှာ ၁၅၉၀၀/-ကျပ်၊ စက်ဈေးမှာ ၁၆၁၀၀/-ကျပ်၊ နွေစပါးသီးထပ်ရင် (၄၆)ပေါင်ကွင်းဈေးမှာ ၁၄၆၀၀/-ကျပ်၊ စက်ဈေးမှာ ၁၄၈၀၀/-ကျပ်နှင့် နွေသီးထပ်ရင်ဆန်(၁၀၈)ပေါင်အလတ်စဈေးမှာ ၆၀၀၀၀/-ကျပ်နှင့် ထိပ်စဈေးမှာ ၆၂၀၀၀/-ကျပ် ဖြစ်ပေါ်လျက်ရှိကြောင်းကို ရှင်းလင်းပြေကြားပြီး ဆန်စက်မှကြိတ်ခွဲထွက်ရှိလာသော ဆန်များအရည်အသွေးပြည့်မီစေရေး အကြံပြုပြောကြားခဲ့ပြီး စားသုံးသူကာကွယ်ရေးဥပဒေ (၂၀၁၉) ပါ လုပ်ငန်းရှင်တို့လိုက်နာရမည့်တာဝန်များအကြောင်း ကုန်စည် (သို့) ဝန်ဆောင်မှုလုံခြုံစိတ်ချရမှုနှင့်စပ်လျဉ်းသည့်အချက်များအကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်းသည့် ကိစ္စရပ်များအကြောင်းကိုရှင်းလင်းဆွေးနွေးပြီး ဆန်စက်လည်ပတ်မှုအဆင့်ဆင့်ကိုကြည့်ရှုစစ်ဆေးခဲ့ကြကြောင်း သတင်းရရှိပါသည်။

DOCA(ဧရာဝတီ)