အုတ်တွင်းမြို့နယ်အတွင်း စက်သုံးဆီအရောင်းဆိုင်များသို့ ကွင်းဆင်းစစ်ဆေး
ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင်နှင့် ဌာနခွဲစာရေး ဦးအောင်ဝင်းတို့သည် ဇွန်လ ၁၆ ရက်နေ့ နံနက်ပိုင်းက အုတ်တွင်းမြို့နယ် ကျွဲပွဲနှင့် ညောင်ခြေထောက်ဒေသများရှိ Lucky, လှရတနာ(ညောင်ခြေထောက်)၊ Diamond, ဖြိုးဝေကျော်နှင့် လှရတနာ(မြေစီး)များသို့ သွားရောက်၍ ဈေးနှုန်းနှင့်ရောင်းချမှုအခြေအနေများကို ကွင်းဆင်းစစ်ဆေးခဲ့ပါသည်။
ထိုသို့ ကွင်းဆင်းစစ်ဆေးရာတွင် အချို့ဆိုင်များ၌ ဆီဘောက်ဆာယာဉ်များရောက်ရှိပြီး အချို့ဆိုင်များတွင် ဆီဘောက်ဆာများမှာထားပြီးကြောင်း သက်ဆိုင်ရာဆိုင်တာဝန်ခံများက တင်ပြပါသည်။ ၎င်းဆိုင်များ၌ စက်သုံးဆီရောင်းချရမှုမှာ ပုံမှန်အတိုင်းရှိကြောင်းနှင့် ရောင်းဈေးမှာလည်း ရည်ညွှန်းဈေးနှင့်ကွာခြားချက်မရှိကြောင်း တွေ့ရှိရပါသည်။ မြို့နယ်တာဝန်ခံက သက်ဆိုင်ရာဌာနဆိုင်ရာများက သတ်မှတ်ထားသော စည်းမျဉ်းစည်းကမ်းများနှင့်အညီ ရောင်းချရေးနှင့် စားသုံးသူစိတ်ကျေနပ်မှုရှိစေရန် ဝန်ဆောင်မှုပေးရေးများကို ဆွေးနွေးမှာကြားခဲ့ကြောင်း သိရှိရပါသည်။
DOCA(ပဲခူး)
