HighLight News

             ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ပြန်ကြားရေးနှင့်ပြည်သူဆက်ဆံရေးဦးစီးဌာန၊ Community Centre ခန်းမ၌ စားသုံးကာကွယ်ရေးအသိပညာ‌ပေးလုပ်ငန်း Talk Show ကို ၁၉.၂.၂၀၂၅ နေ့ (၁၃၀၀)နာရီအချိန်တွင် ကျင်းပပြုလုပ်ခဲ့ကြောင်းသိရသည်။

              အသိပညာပေး ဆွေးနွေးပွဲတွင် မြို့နယ်ဦစီးမှူးရုံးမှ ဦးဝင်းမင်းစိုးက ရှင်းလင်း ပြောကြား ရာ ပြည်သူများသိရှိနိုင်ရန်အတွက် ကမ္ဘာ့စားသုံးသူအခွင့်အရေးနေ့ စတင်ဖြစ်ပေါ်လာပုံအကြောင်း ကို ရှင်းလင်းပြောကြားခဲ့ပြီး စားသုံးသူကာကွယ်ရေးနှင့် ပတ်သက်၍ အနောက်နိုင်ငံများတွင် ၁၉၆၀ ခုနှစ် နောက်ပိုင်း အရေးဆိုဆောင်ရွက်လာမှုအပေါ် အမေရိကန်သမ္မတ ဂျွန်အက်ဖ်ပနေဒီက ၁၉၆၂ခုနှစ် မတ်လ ၁၅ရက်နေ့တွင် ကွန်ကရက်လွှတ်တော်၌ စားသုံးသူအရေးကိစ္စနှင့် ပတ်သက်ပြီး မိန့်ခွန်းပြောကြားခဲ့ရာမှ အစပြု၍ “ကမ္ဘာ့စားသုံးသူအခွင့်အရေးများနေ့” (WCRD) အဖြစ် သတ်မှတ်ခဲ့ကြောင်း၊ အဆိုပါနေ့ကို ကမ္ဘာ့စားသုံးသူများအဖွဲ့ ကဦးဆောင်၍ နှစ်စဉ် မတ်လ ၁၅ ရက်နေ့တွင် စားသုံးသူများ၏ အခွင့်အလမ်းများကို ဂရုပြုမြှင့်တင်သည့်အနေဖြင့်  ကမ္ဘာ့စားသုံး သူအခွင့်အရေးများနေ့ အခမ်းအနားများကို နှစ်စဉ်ကျင်းပပြုလုပ်လျှက်ရှိကြောင်း၊ မြန်မာနိုင်ငံတွင် လည်း စားသုံးသူကာကွယ်ရေးလုပ်ငန်းများကို ၂၀၁၄ခုနှစ်တွင် စတင်လုပ် ဆောင်ခဲ့ပြီး ၂၀၁၆ ခုနှစ်မှ စ၍ နှစ်စဉ်  မတ်လ ၁၅ ရက်နေ့ရောက်တိုင်း ကျင်းပဆောင်ရွက်လာရာ ယခုဆိုလျှင် မြန်မာနိုင်ငံတွင် ကမ္ဘာစားသုံးသူ အခွင့်အရေးများနေ့ အခမ်းအနားကို ကျင်းပဆောင်ရွက်ခဲ့ရာ (၁၀)နှစ် သို့ ပြည့်မြောက် ခဲ့ပြီဖြစ်ပါသည်။ စားသုံးသူရေးရာဦးစီးဌာနကို ၂၀၁၆ခုနှစ် ဧပြီ ၁ရက်နေ့တွင် စတင်ဖွဲ့သည်းတည်ထောင်ခဲ့ပြီး စားသုံးသူအခွင့်အရေးအပြည့်အဝရရှိနိုင်ရန် ရည်ရွယ်၍ စားသုံးသူများ ဘေးအန္တရာယ်ကင်းရှင်းစေရေးဦ ကုန်သည် ဝန်ဆောင်မှုများ လုံခြုံစိတ်ချရ မှုရှိစေရေး ၊ စားသုံးသူပြည်သူများ၏ ရုပ်ပိုင်ဆိုင်ရာ၊ စိတ်ပိုင်းဆိုင်ရာ ကျန်းမာရေးဆိုင်ရာ ဆုံးရှုံးနစ်နာမှုများကို ကာကွယ်ပေးရေး၊  စားသုံးသူနစ်နာဆုံးရှုံးမှုနှင့် စပ်လျဉ်း၍ တိုင်ကြားမှုအပေါ် ဥပဒေပြဌာန်း ချက်နှင့်အညီ ဖြေရှင်းဆောင်ရွက်ပေးလျှက်ရှိကြောင်းတို့ကို အကျယ်တဝင့် ရှင်းလင်းပြောကြားခဲ့ပြီး စားသုံးသူဖြစ်ဖြစ်၊ မည်သည့် စီးပွားရေး လုပ်ငန်းရှင် ဖြစ်ဖြစ် စားသုံးသူကာကွယ်ရေးလုပ်ငန်းနှင့် ပတ်သက်၍ သိရှိလိုပါက Consumer Call Center နံပါတ် 1535 သို့ ရုံးချိန်အတွင်းလည်းကောင်းဆက်သွယ်မေးမြန်းနိုင်ကြောင်းနှင့် စားသုံးအခွင့် အရေး နစ်နာဆုံးရှုံး မှု ရှိလာပါက တိုင်ကြားနိုင်ကြောင်းကိုလည်း ပြည်သူများသိရှိနိုင်ရန် အသိပညာပေး ဆွေးနွေးခဲ့ကြောင်း သတင်းရရှိပါသည်။     

DOCA(ဧရာဝတီ)

          အွန်လိုင်းစနစ်ဖြင့် ရောင်းဝယ်ခြင်းလုပ်ငန်းကို အရေးကြီးဝန်ဆောင်မှုအဖြစ် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ အမိန့်ကြော်ငြာစာအမှတ် (၅၀/၂၀၂၃) ဖြင့်သတ်မှတ်ကြေညာခဲ့ပြီးဖြစ်ပါသည်။

          ထို့ကြောင့် Online Sales လုပ်ငန်းများအနေဖြင့် လုပ်ငန်းမှတ်ပုံတင်ခြင်း ကို www.ecomreg.gov.mm မှ တစ်ဆင့်ဝင်ရောက် လျှောက်ထားနိုင်ကြပြီး အဆိုပါလုပ်ငန်း များမှ လျောက်ထားလာသည့် လုပ်ငန်းဆိုင်ရာ အချက်အလက်များမှာ မှန်ကန်မှု ရှိ/ မရှိ ကို စားသုံးသူရေးရာဦးစီးဌာနမှ မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိပါသည်။

          (၁၉.၂.၂၀၂၅) ရက်နေ့တွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင် ဦးစီးမှူး ရုံးမှစစ်ဆေးရေးအရာရှိ ဦးအောင်ဇော်ဦးသည် မအူပင်ခရိုင်ရှိ ရှင်းရှင်းဘွင်းဘွင်း Diamond,Gold & Jewellery အရောင်းဆိုင်သို့ သွားရောက်၍ Online Sales ဆောင်ရွက်ခြင်းအတွက် လိုအပ်သော အချက်အလက် များကို မြေပြင်ကွင်းဆင်းစစ်ဆေးမှု များ ဆောင်ရွက်ခဲ့ပါသည်။ စစ်ဆေးရေးအရာရှိသည် မြေပြင် ကွင်းဆင်းစစ်ဆေး တွေ့ရှိချက်များကို Online Sales application တွင် ဖြည့်သွင်းပေးပို့ခဲ့ပြီး အဆိုပါ စစ်ဆေးချက်များကို ကုန်သွယ်ရေးဦးစီးဌာနမှ ဆက်လက်စိစစ်ပေးပြီးပါက Online Sales လုပ်ငန်းမှတ်ပုံတင်လက်မှတ်ထုတ်ပေး ခြင်း(သို့)ပယ်ဖျက်ခြင်း တို့ကို ဆက်လက်ဆောင်ရွက်သွားမည် ဖြစ်ကြောင်းသိရှိရပါသည်။

DOCA(ဧရာဝတီ)

          ကျုံပျော်မြို့နယ်၊ သောင်ကြီးကျေးရွာအတွင်း (၁၈.၂.၂၅) ရက်နေ့၊ နံနက် (၁၀:၃၀) နာရီအချိန်တွင် စိုက်ပျိုးရေးအရောင်းဆိုင်များအား သတ်မှတ်ရည်ညွှန်းဈေးထက်ကျော်လွန်၍ ဈေးနှုန်းကြီးမြင့်စွာ ရောင်းချခြင်းရှိ/မရှိ သတ်မှတ်စံချိန်စံညွှန်းနှင့် ကိုက်ညီမှုမရှိသော တရားမဝင် ဓါတ်မြေဩဇာများ၊ ပိုးသတ်ဆေးများ ရောင်းချမှုမရှိစေရေးအတွက် ကျုံပျော်မြို့နယ်၊ စားသုံးသူရေးရာဦးစီးဌာနမှ ဝန်ထမ်း များသည် မြို့နယ်ယူရီးယားဓါတ်မြေဩဇာ ဖြန့်ဖြူးရောင်းချရေးကော်မတီအဖွဲ့နှင့်အတူ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

           ၂၀.၂.၂၀၂၅ ရက်နေ့တွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်တာဝန်ခံနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဓနုဖြူမြို့ရှိ ဘုရင့်နောင်လမ်းမပေါ်ရှိ ဒေါ်မြအေး ကုန်မျိုးစုံ၊ ဒေါ်အေးကုန်စုံဆိုင်၊ ပြည်စုံလှိုင်ကုန်စုံဆိုင်၊ ဦးအောင်သန်း ကုန်စုံဆိုင်သို့သွားရောက်၍ ကလေးအသုံးအဆောင် ပစ္စည်းအမျိုးမျိုးတို့အား ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။

          ထိုသို့ ဈေးကွက်ကွင်းဆင်းစစ်ဆေးရာတွင် ဈေးကွက်အတွင်းရောင်းချလျက်ရှိသော အမှတ်တံဆိပ်ပါ ဗူးသွပ်ဆီ စားသုံးဆီအမျိုးမျိုးနှင့်စပ်လျဉ်း၍ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းပုံ အညွှန်းတို့ကို မြန်မာဘာသာဖြင့် မဖြစ်မနေဖော်ပြရန် လိုအပ်ကြောင်း၊ ဈေးကွက်အတွင်း ဖြန့်ဖြူးရောင်းချနေသည့် ဟင်းသီးဟင်းရွက်ဆီ (Vegetable Oil, Cooking Oil) အမျိုးအစားနှင့်စပ်လျဉ်း၍ ကုန်အညွှန်းအသားဖော်ပြရာတွင် ပင်ရင်းပါဝင်ပစ္စည်းကို အခြေခံသော ကုန်စည်အမျိုးအမည်ကို တိကျစွာမြန်မာဘာသာဖြင့် ဖော်ပြရမည်ဖြစ်ပြီး ကုန်စည်၏အသားတင်ပမာဏနှင့် အရွယ်အစားတို့အား မြန်မာအလေးချိန်ယူနစ်ဖြစ်သော ပိဿာ/ ကျပ်သားတို့ဖြင့် ဖော်ပြရမည်ဖြစ်ကြောင်း၊ရှင်းလင်းပြောကြားခဲ့ပြီး Lotus ဗူးသွပ် ရောနှောဆီများတွင် ရောနှောဆီရောင၈်းချမှု သက်မှတ်ချက်များအတိုင်းဖော်ပြထားပြီး သက်ဆိုင်ရာထောက်ခံချက် အမှတ်များ ပါဝင်ကြောင်း နှင့် ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိသည်ကို စစ်ဆေးတွေ့ရှိရပါကြောင်း သိရှိရပါသည်

DOCA(ဧရာဝတီ)

              ၁၉-၂-၂၀၂၄ရက်နေ့ နံနက် (၁၁:၀၀)အချိန်က ဓနုဖြူမြို့နယ်ကုန်ဈေးနှုန်းတည်ငြိမ်ရေး လုပ်ငန်းအဖွဲ့ဝင်များသည် ဓနုဖြူမြို့နယ် စားအုန်းဆီ လက်လီ/လက်ကား ရောင်းချနေသော ဆီအရောင်းဆိုင်များအား တိုင်းဒေသကြီးနှင့် ခရိုင်အဆင့်ဆင့်တို့၏ လမ်းညွှန်ချက်များအရ ဈေးကွက်စောင့်ကြည့် ကွင်းဆင်းစစ်ဆေးခြင်းလုပ်ငန်းကို ဆောင်ရွက်ခဲ့ကြကြောင်း သိရသည်။

              ဈေးကွက်စောင့်ကြည့် စစ်ဆေးရာတွင် စားအုန်းဆီ လက်ကား/လက်လီ အရောင်းဆိုင်(၁၀)ဆိုင်ကို စစ်ဆေးဆောင်ရွက်ခဲ့ကြပြီး ပူးပေါင်းစစ်ဆေးရေးအဖွဲ့မှ ဆိုင်ရှင်များကို ပြေကြားရာ ဝန်ကြီးဌာနအနေဖြင့် စားအုန်းဆီတင်သွင်းမှုအပေါ်အခြေခံပြီး တိုင်းဒေသကြီးနှင့် ပြည်နယ်အလိုက်အလိုက် ဖြန့်ဖြူးရမည့်ပမာဏကို လျာထားသတ်မှတ်ပေးပြီး သတ်မှတ်ရည် ညွှန်းဈေးအပေါ် ဆီခွဲတမ်းထုတ်ယူမှု ကုန်ကျစရိတ် ထပ်ပေါင်း၍ အမြတ်၂ရာခိုင်နှုန်းဖြင့်သာ ဗီနိုင်းချိတ်၍ ရောင်းချရန်၊ သက်ဆိုင်ရာတိုင်းဒေသကြီးနှင့် ပြည်နယ်၊ ခရိုင်၊ မြို့နယ်များ ဖွဲ့စည်းထားသည့် ကုန်ဈေးနှုန်းတည်ငြိမ်ရေး လုပ်ငန်းအဖွဲ့၊ စားသုံးဆီဖြန့်ဖြူး ရောင်းချမှုကြီး ကြပ်စစ်ဆေး ဆောင်ရွက်မည်ဖြစ်ကြောင်း  ဆီရောင်းချသူများမှ သတ်မှတ်ချက် များကို လိုက်နာ၍ သတ်မှတ်အရေအတွက်အတိုင်း သတ်မှတ်ဈေးနှုန်းဖြင့် စားသုံးသူလက်ဝယ်သို့ မဖြစ်မနေ ရောက်ရှိစေရေး၊ စနစ်တကျ ဖြန့်ဖြူးရောင်းချစေရေးနှင့် စားအုန်းဆီတင်သွင်းသည့် လုပ်ငန်းရှင် များ၊ လက်ကား၊ လက်လီများ၏ ဖြန့်ဖြူးရောင်းချမှုများကို နေ့စဉ် ရောင်းချမှု စာရင်းပြုစုထားပြီး စစ်ဆေးရေးအဖွဲ့မှ ဈေးကွက်စောင့်ကြည့် စစ်ဆေး မည်ဖြစ်ပြီး လိုက်နာဆောင်ရွက်မှု မရှိသော လုပ်ငန်းရှင်များကို ဥပဒေအရ အရေးယူ ဆောင်ရွက်သွား မည်ဖြစ်ကြောင်းနှင့် လုပ်ငန်းရှင်များက သိရှိလိုက်နာဆောင်ရွက်မည်ဖြစ်ကြောင်း ဝန်ခံကတိပြုလက်မှတ်ရေးထိုးခဲ့ကြပြီး စစ်ဆေးတွေ ရှိချက်များကို ဦးစီးဌာနသို့ မှတ်တမ်းများနှင့်အတူ ပြန်လည် တင်ပြဆောင်ရွက်ခဲ့ကြောင်း သတင်းရရှိပါသည်။