သတင်းနှင့် လှုပ်ရှားမှုများ

     ၂၀၂၅ခုနှစ်၊ ဇူလိုင်လ(၁၀)ရက်နေ့၊ နံနက်(၁၁း၀၀)နာရီအချိန်တွင် မြိတ်ခရိုင်စားသုံးသူရေးရာ ဦးစီးဌာနနှင့်အတူ ခရိုင်ပြည်သူ့ကျန်းမာရေးဦးစီးဌာနနှင့် ဆရာ၊ဆရာမများပူးပေါင်း၍ မြိတ်မြို့၊ ကြံတောမူလတန်းလွန်ကျောင်းပတ်ဝန်းကျင်ရှိ မုန့်ဆိုင်နှင့် စားသောက်ကုန်မျိုးစုံရောင်းချနေသော ဆိုင်များသို့ စားသုံးသူများဘေးကင်းလုံခြုံမှုရှိစေရေးကွင်းဆင်းစစ်ဆေးခဲ့ကြပါသည်။

      ကွင်းဆင်းစစ်ဆေးရာတွင် ဘေးအန္တရာယ်ရှိသော စားသောက်ကုန်များရောင်းချခြင်းရှိ/မရှိ၊ သက်တမ်းလွန်စားသောက်ကုန်များရောင်းချခြင်းရှိ/မရှိစစ်ဆေးပြီး အကြော်၊အလှော်များကို တစ်နေ့ တာအတွင်းသာရောင်းချရန်နှင့် ခြင်၊ ယင်မနားစေရန် အဖုံးအကာများဖြင့်ရောင်းချမှုရှိစေရေး ပြော ကြားခဲ့ကြောင်း သိရှိရပါသည်။

DOCA(တနင်္သာရီ)

၂၀၂၅ခုနှစ်၊ ဇူလိုင်လ(၁၀)ရက် နံနက်(၁၀း၀၀)နာရီအချိန်တွင် မြိတ်မြို့၊ ပုလဲရတနာခန်းမ၌  ပြည်ထောင်စုရွေးကောက်ပွဲကော်မရှင်၊ မြိတ်ခရိုင်ရွေးကောက်ပွဲကော်မရှင်အဖွဲ့ခွဲ၊ မြန်မာအီလက်ထ ရောနစ် မဲပေးစက်(MEYM) ရှင်းလင်းပြသခြင်း၊ လက်တွေ့စမ်းသပ်မဲပေးခြင်းနှင့် နည်းပြဆရာဖြစ် သင်တန်း ဖွင့်ပွဲအခမ်းအနားသို့ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး သည် ခရိုင်အဆင့်ဌာန ဆိုင်ရာများ၊ နိုင်ငံရေးပါတီကိုယ်စားလှယ်များနှင့်အတူ တက်ရောက်ခဲ့ကြောင်း သိရှိရပါသည်။

          အဆိုပါ မြန်မာအီလက်ထရောနစ်မဲပေးစက် (MEYM) ရှင်းလင်းပြသပွဲ၌ ပြည်ထောင်စု ရွေး ကောက်ပွဲကော်မရှင်အဖွဲ့ဝင် ဦးကိုကိုလွင်၊ တနင်္သာရီတိုင်းဒေသကြီး၊ လမ်းပန်းဆက်သွယ်ရေးဝန်ကြီး ဦးအောင်ဇော်လှိုင် တို့မှ အဖွင့်အမှာစကားပြောကြားခြင်း၊ ပြည်ထောင်စုရွေးကောက်ပွဲ ကော်မရှင်ရုံးမှ  ဒုတိယညွှန်ကြားရေးမှူး ဦးညီညီကျော် မှ မြန်မာအီလက်ထရောနစ်မဲပေးစနစ်(MEYM)ကို ခေတ် မီဖွံ့ဖြိုးတိုးတက်နေသော နိုင်ငံ(၃၄)ခု၌ သုံးစွဲနေသောမဲပေးစက်များအား လေ့လာပြီး မြန်မာနိုင်ငံနှင့် ကိုက်ညီသော (MEYM)အား အဆင့်ဆင့်စမ်းသပ်ပြီးမှထုပ်လုပ်သုံးစွဲတာဖြစ်ကြောင်း၊ အသေးစိပ်ရှင်း လင်းဆွေးနွေးပြီး တက်ရောက်လာသော ဌာနဆိုင်ရာအကြီးအကဲများ၊ နိုင်ငံရေးပါတီများနှင့် ကိုယ်စား လှယ်တို့မှ လက်တွေ့ မြန်မာအီလက်ထရောနစ် မဲပေးစက်(MEYM) အသုံးပြုမဲပေးမှု စမ်းသပ်ဆောင် ရွက်ခဲ့ကြောင်း သိရှိရပါသည်။

DOCA(တနင်္သာရီ)

 

ရန်ကုန်တိုင်းဒေသကြီး၊ စားသုံးသူရေးရာဦးစီးဌာန အရှေ့ပိုင်းခရိုင်ဦးစီးမှူးရုံးမှ ဦးရန်နိုင်ထွန်း(ကြီး/ရေး)နှင့်ဝန်ထမ်းများသည် ၂၀၂၅ ခုနှစ်၊ ဇူလိုင်လ (၄) ရက်နေ့၊ နေ့လယ်(၁၂:၀၀) နာရီအချိန်တွင် တာမွေမြို့နယ်၊ ကျိုက္ကဆံ(စူပါဝမ်း) ရှိ တာဝန်ခံများနှင့်တွေ့ဆုံ၍ အလှကုန် ပစ္စည်းများတွင် ကုန်အညွှန်းအမှတ်အသားများ မြန်မာဘာသာဖြင့် ရေးသားဖော်ပြထားခြင်းရှိ/ မရှိ ဈေးကွက်စောင့်ကြည့်စစ် ဆေးခဲ့ကြောင်း သိရသည်။ ထိုသို့ ဈေးကွက်စောင့်ကြည့်စစ်ဆေးရာတွင် အလှကုန်ပစ္စည်းများ (၁၀)ဂရမ်အထက် အလှကုန်များတွင် မြန်မာလိုမဖြစ်မနေဖော်ပြရမည့် အမျိုးအမည်၊ အသားတင်ပမာဏ၊ ကြိုတင်သတိပေးချက်၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ ပါရှိရမှာဖြစ်ပြီး (၁၀) ဂရမ်အောက် အလှကုန်များတွင် အမျိုးအမည်၊ အသားတင်ပမာဏ၊ ဓာတ်မတည့် ကြောင်းဖော်ပြချက်တို့ဖော်ပြထားခြင်းရှိ/ မရှိတို့ကို စစ်ဆေးခြင်းနှင့် ရေးသားဖော်ပြထားခြင်းမရှိသော အလှကုန်များကို စစ်ဆေးတွေ့ရှိပါက ဥပဒေအရ‌ အရေးယူခံရမှာဖြစ်ကြောင်း အသိပညာပေးခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ စားသုံးသူရေးရာဦးစီးဌာန အရှေ့ပိုင်းခရိုင်ဦးစီးမှူးရုံးမှ ဦးမြသန်း နိုင်(ဒု-ကြီးကြပ်ရေးမှူး)နှင့် ဝန်ထမ်းများသည် ၂၀၂၅ ခုနှစ်၊ ဇူလိုင်လ (၈) ရက်နေ့၊ နေ့လယ် (၁၃:၀၀) နာရီအချိန်တွင် မြောက်ဒဂုံမြို့နယ်၊ ပင်လုံလမ်းမပေါ်ရှိ Capital Super Market ရှိ တာဝန်ခံများနှင့် တွေ့ဆုံ၍ Market အတွင်း ရောင်းချလျှက်ရှိသော ကလေးကစားစရာအရုပ်များတွင် ကုန်အညွှန်းအမှတ်အသားများ မြန်မာဘာသာဖြင့် ရေးသားဖော်ပြထားခြင်းရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။ ထိုသို့ ဈေးကွက်စောင့်ကြည့်စစ်ဆေးရာတွင် ကလေးကစားစရာအရုပ်များတွင် ကုန်အညွှန်းအမှတ်အသားဖော်ပြရမည့်အချက်များအား မြန်မာဘာသာဖြင့်ဖော်ပြထားသည်ကို စစ်ဆေးတွေ့ရှိရပြီး ကလေးကစားစရာအရုပ်များတွင် ဘေးအန္တရာယ်ကင်းရှင်းစေရန် ကြိုတင်သတိပေးချက်များကို မဖြစ်မနေရေးသားဖော်ပြရမှာဖြစ်ကြောင်းနှင့် ကလေးများထိခိုက်မှုမရှိစေရန်အတွက် ယခုလို ဈေးကွက်စောင့်ကြည့်စစ်ဆေးရခြင်းဖြစ်ကြောင်း အသိပညာပေးခဲ့ကြောင်း သိရှိရပါသည်။ DOCA(ရန်ကုန်)

ဧရာဝတီတိုင်းဒေသကြီးဝန်ကြီးချုပ်နှင့်အဖွဲသည် (၁၀.၇.၂၀၂၅) ရက်နေ့တွင် ဝါးခယ်မ မြို့နယ်၊ အူကျွန်းကျေးရွာတွင် ပြုလုပ်သည့် လက်ဆွဲကောက်စိုက်နှင့် မျိုးစေ့ချကိရိယာများ ပေးအပ်ပွဲ၊ တောင်သူဦးကျော်ရွှေ၏ စိုက်ဧက(၅)ဧကတွင် ဝါးခယ်မမြို့စက်မှုလယ်ယာဦးစီးဌာန၊ အမှတ်(၇၈)စက်မှုလယ်ယာစခန်းမှ ကောက်စိုက်စက်ဖြင့်စိုက်ပျိုးခြင်း၊ မိုးစပါးမျိုးစေ့ချကိရိယာ ဖြင့် မျိုးစေ့ချစိုက်ပျိုးခြင်း၊ လက်ဆွဲ ကောက်စိုက်စက်ဖြင့်စိုက်ပျိုးခြင်း အခမ်းအနားများသို့ တက်ရောက်၍ ကောက်စိုက်စက်ဖြင့် စိုက်ပျိုးခြင်း၊ မျိုးစေ့ချကိရိယာဖြင့် မျိုးစေ့ချစိုက်ပျိုးခြင်း တို့အား ကြည့်ရှုအားပေးခဲ့ပြီး တောင်သူများထံသို လက်ဆွဲကောက်စိုက်နှင့် မျိုးစေ့ချ ကိရိယာများပေးအပ်ခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်က“ ယခုနှစ်တွင်တိုင်းဒေသကြီးအနေဖြင့် မိုးစပါး ပန်းတိုင် အထွက်နှုန်းရောက်ရှိရမည့် နှစ်ဖြစ်ပါကြောင်းနှင့် သီးနှံစုံပန်းတိုင်အထွက်နှုန်း ရောက်ရှိရေးအတွက်လည်း အင်တိုက်အားတိုက် ဆောင်ရွက်လျက်ရှိပါကြောင်း၊ မိုးစပါး ပန်းတိုင်အထွက်နှုန်း ရရှိစေရေးအတွက် ကောက်စိုက်စက်၊ အစေ့ချကိရိယာများနှင့် စိုက်ပျိုး ခြင်း၊ အထွက်တိုးမျိုးစပါးများ အသုံးခြင်းများကိုစနစ်တကျ ဆောင်ရွက်ကြရမှ ဖြစ်ပါကြောင်းနှင့် ကြဲခင်းစနစ်ပပျောက်ရေးကိုလည်း ဆောင်ရွက်ကြရမှာ ဖြစ်ပါကြောင်း၊ သီးထပ်စွမ်းအား တိုးတက်ရေးအတွက်လည်း တောင်သူများ၊ ဌာနဆိုင်ရာများပူးပေါင်း ဆောင်ရွက်ကြရမှာ ဖြစ်ပါကြောင်း၊ တိုင်းဒေသကြီးအစိုးရအဖွဲအနေဖြင့် စိုက်ပျိုးရေး၊ မွေးမြူရေး သာမက ပညာရေး၊ ကျန်းမာရေး၊ လူမှုရေးအပါအဝင် ကျန်ကဏ္ဍများကိုလည်းတပြေးညီ ဖွံဖြိုး တိုးတက်အောင် ဆောင်ရွက်လျက်ရှိပါကြောင်းနှင့် ကျောင်းနေအရွယ်ကလေးအားလုံး ရာနှုန်းပြည့် ကျောင်း တက်ရောက်စေရေး၊ စဉ်ဆက်မပြတ်အတန်းစဉ်ကူးပြောင်းမှုရှိစေရေးအတွက် ပြည်သူများ အနေဖြင့် ပူးပေါင်းဆောင်ရွက်ကြရန်” ဆွေးနွေးမှာကြားခဲ့ကြောင်းသိရသည်။ DOCA(ဧရာဝတီ)