သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်၊ ကျုံပျော်မြို့နယ်၊ မြို့နယ် တာဝန်ခံနှင့် ဝန်ထမ်းသည် ဆန်ဈေးနှုန်းများ ဈေးနှုန်းမြင့်တင်ရောင်းချမှုရှိ/ မရှိကို  မေလ (၉)ရက်၊  နံနက် (၁၀:၀၀) နာရီအချိန်တွင် ပူးပေါင်းအဖွဲ့များဖြင့်  ကျုံပျော်မြို့နယ်၊ မြို့မဈေးအတွင်းရှိ ဆန်ဆိုင်များသို့ ဈေးကွက်စောင့်ကြည့်စစ်ဆေးခဲ့ပါသည်။

      ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာန၊ ကျုံပျော်မြို့နယ် တာဝန်ခံက ဆန်ဈေးနှုန်းအခြေအနေများ၊ ဈေးနှန်းများမှန်ကန်မှုရှိ/မရှိနှင့် ဆန်လက်ကျန် အခြေအနေများကို  ဈေးကွက်စောင့်ကြည့် စစ်ဆေးစုံစမ်းခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊   မြန်အောင်မြို့နယ်ဦးစီးမှူးနှင့်အဖွဲ့သည် (၈.၅.၂၀၂၄)ရက်နေ့၊ နံနက်(၁၀:၀၀)အချိန်တွင် မြန်အောင်မြို့နယ်၊ အမှတ်(၁)ရပ်ကွက်၊ ရုံးလမ်းရှိ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ စားသုံးသူပြည်သူ(၁၀၀)ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

    ဟောပြောပွဲတွင် မြို့နယ်ဦးစီးမှူး ဦးမြင့်အောင်က စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များအကြောင်း၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန် ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ်ဝယ်ယူနိုင်ရန်၊ စီးပွားရေးလုပ်ငန်းရှင်များ အနေဖြင့် မိမိတို့ ရောင်းချနေသော ကုန်စည်နှင့်ဝန်ဆောင်မှုများတွင် အာမခံချက်ပေးနိုင်ခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်းနှင့် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ(Consumer Information and Complaint Center) CICC ဖွင့်လှစ်ထားရှိမှု အခြေအနေကိုလည်းကောင်း၊ စားသုံးသူရေးရာဦးစီး ဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကို လည်းကောင်း စသည်တို့ကိုအသိပညာပေးဟောပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း၍ (၈.၅.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ဇလွန်မြို့နယ်၊ လမ်းမတော်(မ)ရပ်ကွက်နှင့် လမ်းမတော်(တ)ရပ်ကွက်ရှိဆန်ဆိုင်ကြီးများနှင့်ဆန်ဂိုဒေါင်များအား ကွင်းဆင်းစစ်ဆေးမှု ဆောင်ရွက်ခဲ့ပါသည်။

     ထိုသို့ကွင်းဆင်းရာတွင်  ဆန်ဆိုင်(၆)ဆိုင်အားစစ်ဆေးခဲ့ပြီး ဆင်းသုခ တစ်အိတ်လျှင် (၈၀၀၀၀ ကျပ်)၊ ရွှေသွယ်တစ်အိတ်လျှင်(၁၁၂၀၀၀ ကျပ်)၊ ဖန်သီးတစ်အိတ်လျှင် (၉၅၀၀၀ ကျပ်)၊ ဧရာဝတီ ပေါ်ဆန်းတစ်အိတ်လျှင်(၁၄၀၀၀၀ ကျပ်)ဖြင့်ရောင်းချပြီး ၊ ဇလွန်မြို့နယ်အပြင် ဖျာပုံ၊ မြောင်းမြ၊ ပုသိမ်မှ စားဆန်များကို လိုသလောက်သာမှာယူရောင်းချပြီး သိုလှောင်ခြင်း၊  ဈေးနှုန်းမြှင့်တင်ရောင်းချခြင်း မရှိပါကြောင်း စစ်ဆေးတွေ့ရှိရသည်ဟု သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် ခရိုင်FDA ဦးဆောင်၍ မြို့နယ်စည်ပင်သာယာရေးအဖွဲ့၊ ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန ပူးပေါင်းအဖွဲ့သည် (၉.၅.၂၀၂၄) ရက်နေ့ နံနက်(၀၉:၃၀)နာရီ အချိန်တွင် အင်္ဂပူမြို့ စည်ပင်သာယာဈေးရှိ ပဲပြား၊ မုန့်ဖတ်၊ မျှစ်နှင့် ငရုတ်သီးအရောင်တင်မှုန့် အရောင်းဆိုင်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

     ထိုသို့ကွင်းဆင်းခဲ့ရာတွင် ပူးပေါင်းအဖွဲ့သည် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော စားသောက်ကုန်စည်များ ဖြစ်သည့် ပဲပြား၊ မုန့်ဖတ်၊ မျှစ်နှင့် ငရုတ်သီးအရောင်တင်မှုန့်များအား တားမြစ်ဆေးဝါးများသုံးစွဲခြင်းရှိ/မရှိ နမူနာကောက်ယူစစ်ဆေးခြင်းများပြုလုပ်ခဲ့ပြီး၊ စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံ ဦးဘိုဘိမှ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်းနှင့် တားမြစ်ချက် များအကြောင်း၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင် ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှု ရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်စသည်တို့ကို အသိပညာပေး ဆွေးနွေးခဲ့ပြီး၊ ကုန်မျိုးစုံအရောင်းဆိုင်(၇)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါ သည်။

DOCA(ဧရာဝတီ)

     ဖျာပုံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးနှင့်ဘိုကလေးမြို့နယ်တာဝန်ခံ တို့သည်  (၃-၅-၂၀၁၄) ရက်နေ့၊ နံနက်(၁၀:၀၀)နာရီအချိန်တွင် ခရိုင်ဦးစီးမှူးဦးဆောင်၍ ဘိုကလေးမြို့နယ်ရှိ ဆီကုန်သည်နှင့်ဆီလုပ်ငန်းရှင်(၂၈)ဦးအား ဘိုကလေးမြို့နယ် တာဝန်ခံရုံး၌ စားသုံးသူကာကွယ်ရေး အသိပညာပေး ဟောပြောဆွေးနွေးခဲ့ပါသည်။

    အဆိုပါဟောပြောပွဲတွင် ခရိုင်ဦးစီးမှူးဦးထွေးသိမ်းက “ဆီကုန်သည်နှင့် ဆီလုပ်ငန်း ရှင်များအား  စားသုံးဆီများကို သတ်မှတ်ရည်ညွှန်းဈေးဖြင့်ရောင်းချရေး၊ ဆိုင်းဘုတ်တင် ရောင်းချရေး၊ ဘောက်ချာဖွင့်လှစ်ရောင်းချရေး၊ဘူးဆီများနှင့် ပတ်သက်၍ ကုန်အညွှန်း အမှတ်အသား ပြည့်စုံစွာ ပါရှိပြီး၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်ပါရှိသော ဘူးဆီမျာအား ဝယ်ယူဖောက်ကားကြရန် ဟောပြောဆွေးနွေးခဲ့ပြီး၊ မြို့နယ်တာဝန်ခံ ဒေါ်ခင်စန်းအေးမှ ဆီကုန်သည်နှင့် ဆီလုပ်ငန်းရှင်များအား ဆက်လက် ဟောပြောဆွေးနွေးခဲ့ရာ ဆီလုပ်ငန်းရှင်များအနေဖြင့် မိမိတို့ လုပ်ကိုင်နေသော လုပ်ငန်းတွင်သာ လုပ်ငန်းရှင်ဖြစ်သော်လည်း အခြားလိုအပ်သည့် ကုန်စည်နှင့် ဝန်ဆောင်မှုများအား ဝယ်ယူသုံးစွဲရာတွင် စားသုံးသူတစ်ဦးဖြစ်ကြောင်း၊ စားသုံးသူကာကွယ်ရေး ဥပဒေပါ စားသုံးသူအခွင့်အရေးများ၊လုပ်ငန်းရှင်များ၏တာဝန်များအား ဟောပြောဆွေးနွေးခဲ့ပါကြောင်း”  တက်ရောက်လာသူများမှ သိရှိလိုသည်များအား ခရိုင်ဦးစီးမှူးနှင့် မြို့နယ် တာဝန်ခံတို့မှဖြေကြားခဲ့ပြီး နံနက် (၁၁:၃၀)နာရီတွင် ဟောပြောဆွေးနွေးပွဲ ကျင်းပပြီးစီးခဲ့ပါကြောင်း သတင်းရရှိပါသည်။

DOCA(ဧရာဝတီ)