သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန စစ်ကိုင်းခရိုင် ခရိုင်ဦးစီးမှူးဒေါ်သန်းသန်းတင် ဦးဆောင်ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍   အမှတ်(၁)အခြေခံပညာအထက်တန်းကျောင်း၌  ဆရာ/ဆရာမများနှင့် ကျောင်းသား/ကျောင်းသူများ စုစုပေါင်း (၁၉၅)ဉီးအား စားသုံးသူကာကွယ်ရေးဥပဒေအကြောင်း သိကောင်းစရာများနှင့်လူကုန်ကူးမှုနှင့်ပတ်သက်၍ သိကောင်းစရာများ အသိပညာပေးဟောပြောပွဲကို ဩဂုတ်လ ၉ ရက်နေ့ကကျင်းပပြုလုပ်ခဲ့ပါသည်။

       ဟောပြောပွဲတွင် အမှတ်(၁)အခြေခံပညာအထက်တန်းကျောင်း ကျောင်းအုပ်ဆရာမကြီး ဒေါ်အေးအေးခိုင်က အဖွင့်အမှာ စကားပြောကြားခဲ့ပြီး၊ စားသုံးသူရေးရာဦးစီးဌာန၊ စစ်ကိုင်းခရိုင် ဒု-ခရိုင်ဦးစီးမှူး ဒေါ်ခင်မြတ်မူက ဌာနအကြောင်း မိတ်ဆက်ပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒေါ်မေဇင်မိုး(ဦးစီးအရာရှိ)က လူကုန်ကူးမှုနှင့်ပတ်သက်၍ သိကောင်းစရာများ ရှင်းလင်းဆွေးနွေးကာ ဆက်လက်၍ စားသုံးသူရေးရာဦးစီးဌာန၊ စစ်ကိုင်းခရိုင်ခရိုင်ဦးစီးမှူး ဒေါ်သန်းသန်းတင်က စားသုံးသူကာကွယ်ရေး ဥပဒေအကြောင်းသိကောင်းစရာများအသိပညာပေး ဟောပြောရာတွင် စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ ၁၅ ရက်နေ့က ပြည်ထောင်စုလွှတ်တော် ဥပဒေအမှတ်၉ ဖြင့်ပြဌာန်းခဲ့ပြီး အခန်း ၂၅ ခန်း၊ ပုဒ်မ ၈၄ခု ပါဝင်ပါကြောင်း၊ စားသုံးသူကာကွယ်ရေးဥပဒေ အခန်း(၁)ပါ အမည်နှင့်အဓိပ္ပါယ်ဖော်ပြချက်များ၊ အခန်း(၂) ပါ စားသုံးသူကာကွယ်ရေးဥပဒေ ပြဌာန်းရခြင်း၏ ရည်ရွယ်ချက်များ၊ အခန်း(၉)ပါ စားသုံးသူ၏ အခွင့်အရေးနှင့် တာဝန်များ၊ အခန်း(၁၀)ပါ စီးပွားရေး လုပ်ငန်းရှင်များ၏တာဝန်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ဖော်ပြရမည့် အချက်များ၊ အခန်း(၂၀)ပါ စီမံခန့်ခွဲရေးနည်းလမ်းအရ အရေးယူခြင်း၊ အခန်း(၂၃)ပါတားမြစ်ချက်နှင့်ပြစ်မှုပြစ်ဒဏ်များအကြောင်းသိကောင်းစရာများကို အကျယ်တဝင့် Power Point ဆလိုက်များဖြင့် ရှင်းလင်းဆွေးနွေးပြီး စားသုံးသူကာကွယ်ရေးဆိုင်ရာ လုပ်ငန်းများအောင်မြင်ရန် တစ်ဦးတစ်ယောက်တည်း/ ဌာနတစ်ခုတည်း ဆောင်ရွက်၍မရပါကြောင်း၊ သက်ဆိုင်ရာအစိုးရဌာနများ၊ အစိုးရအဖွဲ့အစည်းများ၊စားသုံးသူပြည်သူများ၊ စီးပွားရေးလုပ်ငန်းရှင်များအားလုံး ပူးပေါင်းဆောင်ရွက်မှသာအောင်မြင်မည်ဖြစ်ကြောင်း၊ သို့ပါ၍ လူမျိုးမရွေး၊ ဘာသာမရွေး၊ ကျား/မမရွေး စားသုံးသူပြည်သူများအားလုံး စားသုံးသူကာကွယ်ရေးဥပဒေဆိုသည့် ထီးရိပ်အောက်မှာ ခိုလှုံကြပါလို့ပြောကြားခဲ့ပါကြောင်း သတင်းရရှိပါသည်။

DOCA(စစ်ကိုင်း)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ၊ မြို့နယ်ဦးစီးမှူး ဦးလှထွဋ်ဦးသည် (၁၁.၈.၂၀၂၂)ရက်နေ့ နံနက်(၁၀:၃၀)နာရီတွင် ခရိုင်ပြန်ကြားရေးနှင့်ပြည်သူ့ ဆက်ဆံရေးဦးစီးဌာနတို့်နှင့်ပူးပေါင်း စားသုံးသူပြည်သူများအား မြောင်းမြခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအားအခြပြုဗဟိုဌာန Communit  Centre ခန်းမတွင် စားသုံးသူ အသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင် ဦးစီးမှူးမှ စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားခဲ့ပြီး၊ စားသုံးသူရေးရာဦးစီးဌာန၊ မြို့နယ်ဦးစီးမှူးမှ ဌာန၏မျှော်မှန်းချက်၊ ရည်မှန်းချက်များ ရှင်းလင်းပြောကြောကြားခဲ့ပြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ လက်ရှိဆောင်ရွက်နေသော လုပ်ငန်းတာဝန်များ၊ စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များအရ စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ပြစ်မှုပြစ်ဒါဏ်များ၊ အခန်း(၁၈)ပါများ ဈေးနှုန်းချိုသာစွာ ဝယ်ယူသုံးစွဲနိုင်ရေးအတွက် စက်သုံးဆီနှင့် စားသုံးဆီများအား အခြေခံရည်ညွှန်း ဈေးဖြင့် ရောင်းချပေးနေမှုများအား ကြီးကြပ်စစ်ဆေးဆောင်ရွက်လျှက်ရှိကြောင်း၊ စက်သုံးဆီနှင့် စားသုံးဆီလိုအပ်ချက်များ သိရှိစေရန်အတွက်ကွင်းဆင်း၍ စာရင်းကောက်ယူမှုများ၊ စားသုံးသူများအနေဖြင့် နစ်နာမှုတစ်စုံတစ်ရာဖြစ်ပေါ်လာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC)ရုံးသို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ ww.doca.gov, mm Website , doca. Myanmar application တို့တွင်လည်း တိုင်ကြားနိုင်ကြောင်း အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

        ၁။      စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု(လှည်းကူး)သည် ပြည်တွင်းကုန်သွယ်မှုဖွံ့ဖြိုးရေးကို အထောက်အကူပြုလျက် ပြည်ပပို့ကုန်လုပ်ငန်းရှင်များအတွက် လယ်ယာထွက်ကုန်သီးနှံများနှင့် ပြည်ပမှ တင်သွင်းသည့် စားသုံးဆီများအား ဓာတ်ခွဲစမ်းသပ်၍ အရည်အသွေးထောက်ခံချက်ပေးသော ဝန်ဆောင်မှုလုပ်ငန်းကို ဆောင်ရွက်လျက်ရှိရာ ၂၀၂၂ ခုနှစ်၊ ဇူလိုင်လအတွင်း ဓာတ်ခွဲခန်းများအလိုက် ဓာတ်ခွဲစမ်းသပ်ဆောင်ရွက်နိုင်မှုအခြေအနေမှာ အောက်ပါ အတိုင်းဖြစ်ပါသည်-

        ၂။       ၂၀၂၂-၂၀၂၃ ဘဏ္ဍာနှစ်၊ ဇူလိုင်လအတွင်း ကုန်ပစ္စည်းနမူနာအရေအတွက် (၇၆)ခု လက်ခံ ရရှိပြီး ဓာတ်ခွဲစမ်းသပ်မှုစုစုပေါင်း(၂၅၁)ခု ဆောင်ရွက်နိုင်ခဲ့ရာ ဓာတ်ခွဲစမ်းသပ်ခ ဝင်ငွေကျပ် ၃,၁၉၅,၁၅၀ိ/- (သုံးဆယ့်တစ် သိန်းကိုးသောင်းငါးထောင့်တစ်ရာ့ငါးဆယ်ကျပ်တိတိ) ရရှိခဲ့ပါကြောင်း တင်ပြလိုက်ပါသည်။

သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ

         ပဲခူးတိုင်းဒေသကြီး၊ ပြည်ခရိုင် ၊ပန်းတောင်းမြို့နယ် သာစည်ရပ်ကွက်ရှိ အ.မ.က(လွန်) ကျောင်းသို့ (၁၁.၈.၂၀၂၂)ရက်နေ့ နံနက်(၁၀:၀၀)နာရီအချိန်တွင် စားသုံးသူကာကွယ်ရေးဆိုင်ရာ အသိပညာပေးဆွေးနွေးပွဲကျင်းပပြုလုပ်ခဲ့ပါသည်။

       ထိုစားသုံးသူအသိပညာပေးဆွေးနွေးပွဲသို့ စားသုံးသူရေးရာဦးစီးဌာနမှ ပန်းတောင်းမြို့နယ် တာဝန်ခံနှင့် ဝန်ထမ်းများနှင့် ပြန်ကြားရေးနှင့် ပြည်သူဆက်ဆံရေးဦစီးဌာနမှ ပူးပေါင်းပြီး ဆရာ/ဆရာမအပါအဝင် ကျောင်းသား/ကျောင်းသူ စုစုပေါင်း (၅၅)ဦးတို့ တက်ရောက်ခဲ့ကြပါသည်။ အသိပညာပေး ဟောပြောဆွေးနွေးပွဲတွင် စားသုံးသူရေးရာဦးစီးဌာန၊ ပန်းတောင်းမြို့နယ်တာဝန်ခံ ဒေါ်သန်းသန်းအေးမှ စားသုံးသူကာကွယ်ရေးဆိုင်ရာ ၂၀၁၉၊ ဥပဒေပါ စားသုံးသူများ၏ အခွင့်အရေးများ၊ ထုတ်ကုန်လုံခြုံစိတ်ချရမှုဆိုင်ရာ ကုန်အညွှန်းအမှတ်အသားများအကြောင်းအား ပြည့်စုံစွာရှင်းလင်းဟောပြောဆွေးနွးခဲ့ပါသည်။ ထိုနောက် ကျောင်းသား/ကျောင်းသူများ အားသိရှိလိုသည့် အချက်အလက်များအား ရှင်းလင်းပေးခဲ့ပြီး စားသုံးသူအသိပညာပေးဆိုင်ရာ လက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။

DOCA(ပဲခူး)

            ဖျာပုံမြို့နယ် ဆန်စက်လုပ်ငန်းရှင် ဆန်ကုန်သည်များအား စားသုံးသူရေးရာဦးစီးဌာနမှ ခရိုင်ဦးစီးမှူးနှင့် မြို့နယ်တာဝန်ခံတို့သည် ဩဂုတ်လ(၉)ရက်နေ့၊ နံနက်(၁၀:၀၀)နာရီတွင်မြို့နယ် ဆန်စက်လုပ်ငန်းရှင်များအသင်းရုံးတွင် စားသုံးသူကာကွယ်ရေး အသိပညာပေးဟောပြောခဲ့ကြောင်း သိရသည်။

             အခမ်းအနားတွင် ခရိုင်ဦးစီးမှူး ဦးထွေးသိမ်းက စားသုံးသူရေးရာဦးစီးဌာနအနေဖြင့် စားသုံး သူပြည်သူများ စားသုံးသူကာကွယ်ရေးအသိပညာပေး ဆောင်ရွက်နေရပြီး ပုဂ္ဂလိက ကဏ္ဍဖွံ့ဖြိုးတိုးတက်ရေးနှင့် ပြည်တွင်းကုန်သွယ်မှု ဖွံ့ဖြိုးတိုးတက်ရေး၊ တရားမဝင် ကုန်သွယ်မှုတိုက်ဖျက်ရေးအတွက်လည်း ဆောင်ရွက်နေရပါကြောင်း၊ လယ်ယာထွက်ကုန် ပစ္စည်းများမှ တန်ဖိုးမြှင့်ထုတ်ကုန် Value Added အဆင့်သတ်မှတ်၍ ထုတ်လုပ်နိုင်ရေးနှင့်ထုတ်လုပ်နေမှုရှိပါက FDA ၏ ခွင့်ပြုချက်နှင့် ပြည်ပပို့ကုန်ထုတ်လုပ်ရန် သတ်မှတ်ထားလျှင် ခွင့်ပြုနိုင်ရေးကိုလည်း ကူညီဆောင်ရွက်ပေးမည်ဖြစ် ကြောင်း၊ စားသုံးသူကာကွယ်ရေးဥပဒေအရ စားသုံးသူအခွင့်အရေးနှင့် တာဝန်များရှိသလို စီးပွားရေးလုပ်ငန်းရှင်၏တာဝန်များလည်းရှိပါကြောင်း၊ စီးပွားရေးလုပ်ငန်းရှင်များအနေဖြင့် စီးပွား ရေးလုပ်ကိုင်ရာတွင် စီးပွားရေးကျင့်ဝတ်စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်ခြင်း စသည်ဖြင့် အကျယ်တဝင့် ဟောပြောဆွေးနွေးပါသည်။

            ဆက်လက်၍ မြို့နယ်တာဝန်ခံဦးမင်းဇော်က စားသုံးသူကာကွယ်ရေးဥပဒေပါ အခန်း(၁၈) ပုဒ်မ(၄၁)(၄၃)နှင့်စပ်လျဉ်း၍ ညွှန်ကြားချက်(၁/၂၀၂၁)အရ Vegetable  Oil, Cooking Oil ဟင်းသီး ဟင်းရွက်ဆီဘူးများတွင် ကုန်အညွှန်းအမှတ်အသားဖော်ပြရာ၌ မြန်မာဘာသာဖြင့် ဖော်ပြရန်ကို လည်းကောင်း၊ ဦးစားပေးကုန်စည်(၅)မျိုးဖြစ်သည့် ကလေးအာဟာရ ဖြည့်စွက်စာအမျိုးမျိုး၊(၁၀) ဂရမ် အထက် အလှကုန်ပစ္စည်းအမျိုးမျိုး၊ စားသုံးဆီအမျိုးမျိုး၊ သွားတိုက်ဆေးအမျိုးမျိုးနှင့်အေးခဲ အစား အစာအမျိုးမျိုးတို့ကို ကုန်အညွှန်းအမှတ်အသား ပြည့်စုံကိုက်ညီမှုရှိ/မရှိ ဈေးကွက်စောင့်ကြည့် စစ်ဆေးဆောင်ရွက်လျက်ရှိပါကြောင်းဟောပြောဆွေးနွေးပါသည်။ ထို့နောက်တက်ရောက်လာသူများမှ မေးမြန်းမှုအပေါ်တာဝန်ရှိသူများက ပြန်လည်ဖြေကြားခဲ့ပြီး စားသုံးသူများနစ်နာဆုံးရှုံးမှုရှိပါက တိုင်ကြားနိုင်သည့် Call   Center   1535 နှင့် နေပြည်တော်ဖုန်းနံပါတ်၊  ပုသိမ်ဖုန်းနံပါတ်၊  ဖျာပုံခရိုင်  ဖုန်းနံပါတ်များပါသည့် လက်ကမ်းစာစောင်များ ဖြန့်ဝေခဲ့ပါသည်။

             အဆိုပါအခမ်းအနားသို့ စီးပွားရေးလုပ်ငန်းရှင်(၂၀)ဦး တက်ရောက်ကြောင်း သိရသည်။

DOCA(ဧရာဝတီ)