သတင်းနှင့် လှုပ်ရှားမှုများ

        တရားမဝင်ကုန်သွယ်မှုတိုက်ဖျက်ရေးစီမံချက်၏ ရည်ရွယ်ချက်များဖြစ်သော တရားမဝင်ကုန်သွယ်စီးဆင်းမှုများ လျော့နည်းပပျောက်ရန်၊ တရားဝင်ကုန်သွယ်မှုလမ်းကြောင်းပေါ်သို့ ရောက်ရှိစေ ရေးဆောင်ရွက်ရန်၊ နိုင်ငံတော်မှရသင့်ရထိုက်သည့် အခွန်အခများရရှိရန် ရည်ရွယ်၍ တမူးမြို့ရှိ(၄)မိုင် စစ်ဆေးရေးဂိတ်၊ စစ်ကိုင်းမြို့ရတနာပုံစစ်ဆေးရေးဂိတ်၊ မုံရွာမြို့ရှိ ကျွဲရဲစစ်ဆေးရေးဂိတ်၊ ရွှေဘိုမြို့ရှိ အမှတ်(၈)စစ်အခြေခံလေ့ကျင့်ရေးတပ်ထိပ်ဂိတ်နှင့် မုံရွာမြို့အထွက်ရှိ မအူကျေးရွာတွင် မအူပူးပေါင်း စစ်ဆေးရေးဂိတ်အား ဖွင့်လှစ်ဆောင်ရွက်ခဲ့ရာ စားသုံးသူရေးရာဦးစီးဌာနမှ ဝန်ထမ်းများအား တာဝန်ပေး စေလွှတ်ခဲ့ပါတယ်။

          တရားမဝင်ကုန်သွယ်မှု တိုက်ဖျက်ရေးဦးဆောင်ကော်မတီ၏ ဆုံးဖြတ်ချက်နှင့် စစ်ကိုင်းတိုင်း‌ဒေသကြီးအစိုးရအဖွဲ့၏ လမ်းညွှန်မှုအရ  တရားမဝင်ကုန်သွယ်မှု တိုက်ဖျက်ရေး ဆင့်ပွားသင်တန်းကို စစ်ကိုင်းတိုင်းဒေသကြီး၊ တရားမဝင် ကုန်သွယ်မှုတိုက်ဖျက်ရေးအထူးအဖွဲ့ ဥက္ကဌ လုံခြုံရေးနှင့်နယ်စပ် ရေးရာဝန်ကြီး ဦးစီးပြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၌ (၂၇.၅.၂၀၂၂) ရက်နေ့တွင် တရားမဝင်ကုန်သွယ်မှုတိုက်ဖျက်ရေးဆင့်ပွားသင်တန်းကို ကျင်းပခဲ့ပါတယ်။

   ၂၀၂၂ခုနှစ်၊ ဇွန်လအတွင်း စစ်ကိုင်းတိုင်းဒေသကြီး တရားမဝင်ကုန်သွယ်မှု တိုက်ဖျက်ရေးစစ်ဆေးရေးဂိတ်များတွင် တရားမဝင်ကုန်စည်များဖမ်းဆီးရရှိမှုအခြေအနေမှာ ဘိန်းဖြူ (၁၇၀၀.၈၈၁)ဂရမ် ခန့်မှန်းတန်ဖိုး(ကျပ်)၁၁၅၉၂၁၉၀၄၀၊ စိတ်ကြွဆေးပြား(၆၂၂၉၀)ပြားခန့်မှန်းတန်ဖိုး(ကျပ်)၂၆၄၇၄၂၅၀၀၊ ဘိန်းစိမ်း(၁၀၂၆၀)ဂရမ် ခန့်မှန်းတန်ဖိုး (ကျပ်) ၁၀၂၆၀၀၀၀၊ ဒီဇယ်ဆီ (၂၀၈၄၁) ဂါလံ ခန့်မှန်းတန်ဖိုး (ကျပ်) ၁၉၃၃၁၁၆၀၀၊ ဓါတ်ဆီ (၈၅၀)ဂါလံ ခန့်မှန်းတန်ဖိုး(ကျပ်) ၁၆၂၅၂၀၀၀၊ မီးသွေး (၁၃၈.၈၀၀)တန် ခန့်မှန်းတန်ဖိုး(ကျပ်)၂၄၉၈၄၀၊ ဆိုင်ကယ်(၆)စီး ခန့်မှန်းတန်ဖိုး(ကျပ်) ၁၅၀၀၀၀၀၊ ‌မော်တော်ကား(၁၉)စီး ခန့်မှန်းတန်ဖိုး(ကျပ်) ၇၁၇၀၀၀၀၀၊ လူသုံးကုန်ပစ္စည်း(၅၉)မျိုး ခန့်မှန်းတန်ဖိုး(ကျပ်) ၁၄၅၃၂၇၀၀၀၊ တရားမဝင်သစ်(၁၀.၃၈၁၆)တန် ခန့်မှန်း တန်ဖိုး(ကျပ်) ၂၁၇၃၈၀၀၊ ဓါတ်မြေဩဇာ (၃၈၀)အိတ် ခန့်မှန်း တန်ဖိုး(ကျပ်) ၁၃၃၀၀၀၀၀၊ ရေနံစိမ်း (၅၄၅၀)ဂါလံ ခန့်မှန်းတန်ဖိုး (ကျပ်) ၄၃၀၅၅၀၀၀၊ ရေနံချက်ဆီ (၂၅၀)ဂါလံ ၂၀၅၀၀၀၀ စုစုပေါင်း(၈၀)မှု၊ ခန့်မှန်းတန်ဖိုး(ကျပ်) ၁၉၂၃၁၄၀၇၈၀ ဖမ်းဆီးရရှိခဲ့ပါတယ်။

   ၂၀၂၂ခုနှစ်၊ ဇူလိုင်လအတွင်း စစ်ကိုင်းတိုင်းဒေသကြီး တရားမဝင်ကုန်သွယ်မှုတိုက်ဖျက်ရေး စစ်ဆေးရေးဂိတ်များတွင် တရားမဝင်ကုန်စည်များဖမ်းဆီးရရှိမှုအခြေအနေမှာ ဘိန်းဖြူ (၁၅၄၄.၀၇)ဂရမ် ခန့်မှန်းတန်ဖိုး(ကျပ်)၇၇၆၁၆၅၀၀၊ စိတ်ကြွဆေးပြား(၇၀၂၀)ပြား ခန့်မှန်းတန်ဖိုး(ကျပ်)၁၇၄၈၃၅၀၀၊ ဆေး ခြောက်(၈၁၅.၃၅)ခန့်မှန်းတန်ဖိုး(၂၁၇၄၂၅၀)၊ဒီဇယ်ဆီ(၂၉၀၀၀)ဂါလံခန့်မှန်းတန်ဖိုး(ကျပ်)၂၉၀၀၀၀၀၀၀၊ ဓါတ်ဆီ(၂၈.၃)ဂါလံ ခန့်မှန်းတန်ဖိုး(ကျပ်)၃၅၉၂၀၀၊ ဆိုင်ကယ်(၁၅)စီး ခန့်မှန်းတန်ဖိုး(ကျပ်) ၃၉၄၀၀၀၀၊ ‌မော်တော်ကား(၆)စီး ခန့်မှန်းတန်ဖိုး(ကျပ်) ၂၂၅၀၀၀၀၀၊ လူသုံးကုန်ပစ္စည်း(၂၀)မျိုးခန့်မှန်းတန်ဖိုး(ကျပ်) ၁၉၄၅၈၆၀၀၊ တရားမဝင်သစ်(၁၇၆.၀၀၉၆)တန် ခန့်မှန်း တန်ဖိုး(ကျပ်) ၆၅၂၀၁၆၃၂ စုစုပေါင်း (၆၄)မှု၊ ခန့်မှန်းတန်ဖိုး(ကျပ်)၄၉၈၇၃၃၆၈၂ ဖမ်းဆီးရရှိခဲ့ကြောင်း သိရှိရပါတယ်။

DOCA(စစ်ကိုင်း)

      ကယားပြည်နယ်ဆေးဝါးနှင့်ဆေးပစ္စည်းများဈေးကွက်စောင့်ကြည့်စစ်ဆေးကြပ်မတ်ရေးအဖွဲ့မှ ၂၀၂၂ ခုနှစ်၊ ဩဂုတ် လ(၆)ရက်နေ့၊ နံနက်(၀၉:၃၀)နာရီအချိန်တွင် လွိုင်ကော်မြို့ပေါ်ရှိ ဆေးဝါးဖြန့်ဖြူးရောင်းချနေသော ဆေးဝါးအရောင်းဆိုင်များ၌ Covid-19 ကျန်းမာရေးဆိုင်ရာ အထောက်အကူပြုပစ္စည်းများ၊ ဆေးဝါးများနှင့်လူသုံးများသော ဆေးဝါးများ ဈေးကွက်အတွင်း ဆေးပြတ်လပ်မှုမရှိစေရေးနှင့် သတ်မှတ်အရည်အသွေးနှင့် ဈေးနှုန်းမှန်ကန်စေရေး ဈေးကွက် စောင့်ကြည့်ကွင်းဆင်းစစ်ဆေး ဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် ဆေးဝါးအရောင်းဆိုင်များ၌ Covid-19 ရောဂါ ပြန့်ပွားမှုလျော့နည်းလာသဖြင့် Covid-19  ဆေးဝါးများနှင့် ကျန်းမာရေးအထောက်အကူပြု ပစ္စည်းများမှာ ရောင်းအားလျော့နည်းလာကြောင်း၊ ပစ္စည်းပြတ်လပ်မှုလည်းမရှိသေးပါကြောင်း၊ လူသုံးများသောအဖျားပျောက်ဆေး၊ အကိုက်အခဲပျောက်ဆေး၊ ချောင်းဆိုးပျောက်ဆေး၊ အားဆေး၊ သွေးကျဆေး၊ ဆီးချိုဆေးစသည့်ဆေးဝါးများကို ဆေးအရောင်းကုမ္ပဏီများမှ မှာယူရာတွင် အနည်းငယ်အခက်အခဲရှိပါကြောင်း၊ ယခုလက်ရှိဆေးဆိုင်များတွင် အဆိုပါဆေးဝါးများပြတ်လပ်မှု မရှိသေးဘဲ ရောင်းချရန်ဆေးလက်ကျန်ရှိသေးပါကြောင်း၊ ဆေးဝါးများကိုလည်း ဝယ်ယူရသည့် ဈေးနှုန်းနှင့် သင့်တင့်မျှတသော ဈေးနှုန်းများဖြင့်သာ မှန်ကန်စွာရောင်းချနေကြောင်း တွေ့ရှိရပြီး  ဆေးဝါးဖြန့်ဖြူးရောင်းချသော လုပ်ငန်းရှင်များအနေဖြင့်  စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသော အရေးကြီးကုန်စည်များအပေါ် တားမြစ်ထုတ်ပြန်ခြင်း၊ အမိန့် ကြော်ငြာစာအမှတ် (၂၁/ ၂၀၂၀)အား သိရှိလိုက်နာ ဆောင်ရွက်ကြရန် အသိပေးဆောင်ရွက်ခဲ့ ကြောင်း သတင်းရရှိပါသည်။

DOCA(ကယား)

       စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးကျော်မိုးလွင်(ဌာနခွဲစာရေး)သည် ၉.၈.၂၀၂၂ ရက်နေ့တွင် မိုးကောင်းမြို့နယ်၊ ပင်းကြိုင်းကျေးရွာအတွင်းရှိ စားသုံးသူများအား စားသုံးသူကာကွယ်ရေးအသိပညာပေး ဟောပြောပွဲပြုလုပ်ဆောင်ရွက်ခဲ့ပါသည်။

       စားသုံးသူကာကွယ်ရေး အသိပညာပေးဟောပြောရာတွင် စားသုံးသူ၏အခွင့်အရေးများဖြစ်သော စားသုံးသူများအတွက် ကုန်စည်သို့မဟုတ်ဝန်ဆောင်မှုနှင့်စပ်လျဉ်းသည့် အခြေခံလိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရှိခြင်း၊ ကုန်စည် သို့မဟုတ် ဝန်ဆောင်မှုကို ရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များ ပြည့်စုံမှန်ကန်စွာသိရှိခွင့်နှင့်ပြေစာသို့မဟုတ် အထောက်အထား ရယူခွင့်ရှိခြင်း၊ ဈေးကွက်အတွင်းရှိ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူစိတ်ကြိုက်ရွေးချယ် ဝယ်ယူနိုင်ခွင့်ရှိခြင်း၊ စားသုံးသူနစ်နာဆုံးရှုံးမှုနှင့်စပ်လျဉ်းသည့် ကိစ္စရပ်များတွင် ရှင်းလင်းတင်ပြခွင့်နှင့်တိုင်ကြားခွင့်ရရှိနိုင်စေခြင်း၊ ကုန်စည် သို့မဟုတ် ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့်စပ်လျဉ်း၍ ကုစားခွင့်ရရှိခြင်း၊ ကုန်စည် သို့မဟုတ် ဝန်ဆောင်မှုနှင့် စပ်လျဉ်းသည့် အသိပညာဗဟုသုတများ၊ အခွင့်အရေးများနှင့် လိုအပ်သောအချက်အလက်များကို သိရှိလေ့လာနိုင်ခွင့်ရှိခြင်းနှင့်ပစ္စုပ္ပန်တွင်သာမက အနာဂတ်မျိုးဆက်များအတွက်ပါ ကောင်းမွန်သာယာသော လူနေမှုအဆင့်အတန်းနှင့်ပတ်ဝန်းကျင်တွင် နေထိုင်နိုင်ခွင့်ရရှိစေခြင်းတို့ဖြစ်ကြောင်းစသည့် အချက်များအား အသိပညာပေးဟောပြောခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

       စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၉.၈.၂၀၂၂ ရက်နေ့ နံနက်(၁၀:၀၀)နာရီအချိန်တွင် ဗန်းမော်ခရိုင်ဦးစီးမှူးရုံး၌ ရှမ်းမလေး (ချဉ်စော်ကားသီး ယိုစုံ)လုပ်ငန်းရှင်(၂)ဦးအား တွေ့ဆုံ၍ စားသုံးသူကာကွယ်ရေးဆိုင်ရာ အသိပညာပေးဆွေးနွေးခဲ့ ပါသည်။

      ထိုသို့ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက စီးပွားရေးလုပ်ငန်းရှင်၏ တာဝန်များဖြစ်သော ကုန်စည်သို့မဟုတ်ဝန်ဆောင်မှု၏ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာ ဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူများနစ်နာဆုံးရှုံးမှုဖြစ်ပွားစေမည့် ကုန်စည်သို့မဟုတ်ဝန်ဆောင်မှု ကိုတိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းကိုရှောင်ကြဉ်ခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ကတိပြုထားသောအာမခံချက်နှင့်ကိုက်ညီမှုမရှိပါက ကတိပြုထားသည့် အတိုင်းတာဝန်ယူဆောင်ရွက်ပေးခြင်းနှင့် စီးပွားရေးလုပ်ငန်းရှင်များ၏ မဖြစ်မနေဆောင်ရွက်ရမည့် တာဝန်များကိုရှင်းလင်းပြောကြားခဲ့ပြီး ထုတ်လုပ်သည့်ကုန်စည်များတွင် ကုန်အညွှန်းအမှတ်အသား ဖော်ပြရာ၌မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ကြောင်းနှင့် ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များဖြန့်ဝေခဲ့ပါသည်။

DOCA(ကချင်)

              စားသုံးသူရေးရာဦးစီးဌာန တောင်ငူခရိုင် အုတ်တွင်းမြို့နယ်တာဝန်ခံ ဒေါ်အေးအေးခိုင် နှင့် ဌာနခွဲစာရေး ဦးအောင်ဝင်းတို့သည် ဩဂုတ်လ ၅ ရက်နေ့ နေ့လယ်ပိုင်းက အုတ်တွင်းမြို့ စည်ပင်သာဈေးအတွင်း၌ ဈေးကွက်စောင့်ကြည့် စစ်ဆေးခြင်းကို ဆောင်ရွက်ခဲ့ပါသည်။

          အုတ်တွင်းမြို့ စည်ပင်သာယာဈေးအတွင်း ရောင်းချနေသော သွားတိုက်ဆေးအမျိုးမျိုးကို မြန်မာဘာသာဖြင့် ဖော်ပြရမည့် ကုန်အညွှန်းအမှတ်အသားများ ဖော်ပြထားခြင်းရှိ/မရှိကို ဈေးကွက် စောင့်ကြည့်စစ်ဆေးဆောင်ရွက်ခဲ့ရာ မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာ ဖော်ပြေထားသည်ကို တွေ့ရှိရပါသည်။

              ပဲခူးတိုင်းဒေသကြီးဦးစီးမှူးရုံးက ယခုနှစ်အတွင်း ဦးစားပေးဆောင်ရွက်ရန် သတ်မှတ်ပေး သည့်ကုန်စည် ၁၀ မျိုးကို အစီအစဉ်အလိုက်ဆောင်ရွက်ရာ၌ တောင်ငူခရိုင်ဦးစီးမှူးရုံး၏ လမ်းညွှန် ချက်အရ ယခုလတွင် သွားတိုက်ဆေးအမျိုးမျိုးကို ဈေးကွက်စောင့်ကြည့်စစ်ဆေးလျက်ရှိကြောင်း သိရှိရပါသည်။

DOCA(ပဲခူး)