သတင်းနှင့် လှုပ်ရှားမှုများ

  ၂၀၂၅ ခုနှစ်၊ မေလ ၁၄ ရက်နေ့၊   ၀၈း၁၅ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် မိတ်ဖက်ဌာနများ ဖြစ်သည့် အထွေထွေအုပ်ချုပ်ရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊  ပြည်သူ့ ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ထားဝယ်မြို့၊ ကမ်းနားပျံကျစျေးရှိ  အသင့်စားမုန့်အမျိုးမျိုးအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့သည်။

          အဆိုပါ စျေးကွက်စောင့်ကြည့်စစ်ဆေးရာတွင် သုံးစွဲသူပြည်သူများ‌ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက်စျေးကွက်အတွင်း မြန်မာဘာသာနှင့် အခြားဘာသာတစ်ခုခုနှင့်ဖြစ်စေ တွဲလျက်ဖော်ပြထားသော ကုန်အညွှန်းအမှတ်အသား ပြည့်စုံမှန်ကန်စွာပါရှိသည့် မုန့်အမျိုးမျိုး ရောင်း ချနေခြင်းများ ရှိ/မရှိ၊ သက်တမ်းလွန်မုန့်အမျိုးမျိုးရောင်းချခြင်းများရှိ/မရှိ စစ်ဆေးခြင်းများ ဆောင် ရွက်ခဲ့ကြောင်း သိရှိရပါသည်။

DOCA(တနင်္သာရီ)

   ၂၀၂၅ ခုနှစ်၊ မေလ ၁၄ ရက်နေ့၊ (၀၇း၄၅)နာရီအချိန်တွင် တနင်္သာရီတိုင်းဒေသကြီးဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် တနင်္သာရီတိုင်းဒေသကြီး၊ ထားဝယ်မြို့၊ ကမ်းနား ပျံ ကျစျေးအတွင်းရှိ အလှကုန်အရောင်းဆိုင်များအား သက်ဆိုင်ရာဌာနများ ဖြစ်သည့် အထွေထွေ အုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီး ဌာန၊ စည်ပင်သာယာရေးအဖွဲ့တို့နှင့်အတူ စျေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။

   အဆိုပါ စျေးကွက်စောင့်ကြည့်စစ်ဆေးရာတွင် သုံးစွဲသူပြည်သူများ‌ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက်စျေးကွက်အတွင်း မြန်မာဘာသာနှင့် အခြားဘာသာတစ်ခုခုနှင့်ဖြစ်စေ တွဲလျက်ဖော်ပြထားသော ကုန်အညွှန်းအမှတ်အသား ပြည့်စုံမှန်ကန်စွာပါရှိသည့်အလှကုန်ပစ္စည်းများ ရောင်းချနေခြင်း၊ သက်ဆိုင်ရာဌာနများမှ တားမြစ်ထားသောအလှကုန်ပစ္စည်းများ‌ရောင်းချခြင်းနှင့် တရားမဝင်တင်သွင်းလာ‌သော အလှကုန်ပစ္စည်းများ ရောင်းချခြင်းများရှိ/မရှိစစ်ဆေးခြင်းများ ဆောင် ရွက်ခဲ့ကြောင်းသိရှိရပါသည်။

DOCA(တနင်္သာရီ)

    ၂၀၂၅ ခုနှစ်၊ မေလ ၁၄ ရက်နေ့၊ နံနက်(၀၇း၀၀)နာရီ အချိန်တွင် တနင်္သာရီတိုင်းဒေသကြီးဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် တနင်္သာရီတိုင်းဒေသကြီး၊ ထားဝယ်မြို့၊ ကမ်းနား ပျံကျစျေးအတွင်းရှိ မုန့်ဖက်၊ ခေါက်ဆွဲဖက်၊ ချဉ်ဖက်အရောင်းဆိုင်များအား သက်ဆိုင်ရာဌာနများဖြစ်သည့် အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ စျေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။

    ထိုသို့ဆောင်ရွက်ရာတွင် စျေးအတွင်းရောင်းချနေသော မုန့်ဖက်၊ ခေါက်ဆွဲဖက်၊ ချဉ်ဖက်များတွင် စားသုံးသူပြည်သူများ အန္တရာယ်ဖြစ်စေနိုင်သည့် တာရှည်ခံဆေးဝါးများ ပါဝင်မှု ရှိ/မရှိ၊ ခွင်မပြုဆိုးဆေးများပါရှိမှု ရှိ/မရှိ အစားအသောက်နှင့်ဆေးဝါးကွပ်ကဲရေးဦးစီးဌာနမှ Mobile lab မော်တော်ယာဥ်ဖြင့် စစ်ဆေးခြင်းနှင့် သန့်ရှင်းလတ်ဆတ်စွာဖြင့် ရောင်းချနေမှု ရှိ/မရှိ စစ်ဆေး ဆောင်ရွက်ခဲ့ပါသည်။

DOCA(တနင်္သာရီ)     

     စားသုံးသူရေးရာဦီးဌာန၊ဟင်္သာတခရိုင် ၊ဟင်္သာတမြို့နယ်ဦးစီးမှူး ဦးမိုးကျော်သည်(၁၀.၅.၂၀၂၅) ရက်နေ့ နေ့လည် (၁၅:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အထူး စုံစမ်းစစ်ဆေးရေးဦးစီးဌာနတို့မှ မြို့နယ်စစ်ဆေးရေးမှူးများ၊ စည်ပင်သာယာရေးအဖွဲ့၊ နယ်မြေခံအုပ် ချုပ်ရေးမှူးတို့နှင့်ပူးပေါင်း၍ ဟင်္သာတမြို့နယ်အတွင်းရှိ ဘိလပ်မြေအရောင်းဆိုင်များအား ကွင်းဆင်း စစ်ဆေးခြင်းကို ဆောင်ရွက်ခဲ့ပါသည်။

     ထိုသို့စစ်ဆေးခဲ့ရာတွင် ပူးပေါင်းအဖွဲ့သည် ဈေးကွက်အတွင်း ရောင်းချလျက်ရှိသော ဘိလပ် မြေအိတ်များ ပစ္စည်းပြတ်လပ်မှုရှိ/မရှိ၊ ဈေးနှုန်းမြှင့်တင်ရောင်းချမှု ရှိမရှိတို့ကို စစ်ဆေးခဲ့ပြီး၊ စားသုံးသူ ရေးရာဦးစီးဌာန၊ ဟင်္သာတမြို့နယ်တာဝန်ခံ ဦးမိုးကျော်က ဘိလပ်မြေအရောင်း ဆိုင်လုပ်ငန်း ရှင်များအား လက်ကျန်ပစ္စည်းများ ကျန်ရှိနေသေးပါက ပြည်သူများအား ခွဲတမ်းချရောင်းချပေးပါရန်၊ ဈေးနှုန်းအဆမတန်မြှင့်တင်၍ ရောင်းချခြင်းမပြုလုပ်ရန်နှင့် ဈေးကစားရန်ရည်ရွယ်ချက်ဖြင့် သိုလှောင် ထားခြင်း မရှိစေရေး၊ အထက်ဌာနမှညွှန်ကြားထားချက်များအတိုင်း လိုက်နာဆောင်ရွက်ရန် ရှင်းလင်း ဆွေးနွေးခဲ့ပြီး  လုပ်ငန်းရှင်များကလည်း သိလိုသည်များကိုမေးမြန်း၍ အပြန်အလှန်ဆွေးနွေးပြော ကြား ခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် ၂၀၂၅ ခုနှစ်၊ မေလ (၁၀)ရက်နေ့ နေ့လည်(၁၅:၀၀)အချိန်တွင် ဇလွန်မြို့နယ်၊အဒါးလမ်း၊လမ်းမတော်မြောက်ရပ်ကွက်ရှိ စားသုံးသူရေး ရာဦးစီးဌာန၊ ဇလွန်မြို့နယ်ဦးစီးမှူးရုံးတွင် အထူးစုံးစမ်းစစ်ဆေးရေးဦးစီးဌာနနှင့်ပူးပေါင်း၍ ဘိလပ်မြေ အရောင်းဆိုင်လုပ်ငန်းရှင်(၉)ဦးနှင့် တွေ့ဆုံ၍  အသိပညာပေးဟောပြောခြင်းကို ဆောင်ရွက်ခဲ့ပါသည်။

    ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက မိတ်ဆက်စကားပြောကြားခဲ့ပြီး၊  ဈေးကွက် အတွင်း ရောင်းချလျက်ရှိသော ဘိလပ်မြေအိတ်များ သင့်တင့်မျှတသောဈေးနှုန်းဖြင့် ‌ရောင်းချနိုင်ရေး၊ ဈေးကစားရန် ရည်ရွယ်ချက်ဖြင့် သိုလှောင်ထားမှုမရှိစေရေး စသည်တို့ကို အကျယ်တဝင့် ရှင်းလင်း ဆွေးနွေးခဲ့ပါသည်။ ဆက်လက်၍ အထူးစုံစမ်းစစ်ဆေးရေးဦးစီးဌာန မြို့နယ်တာဝန်ခံမှ လက်ရှိ စစ်ဆေးဆောင်ရွက် ခဲ့သည့်အခြေအနေများအား ရှင်းလင်းခဲ့ပြီး၊ လုပ်ငန်းရှင်များမှ ဝန်ခံကတိ လက်မှတ် ရေးထိုးကာ နေ့လည် (၁၆:၃၀)အချိန်တွင် ဆွေးနွေးပွဲကို ရုပ်သိမ်းခဲ့ပါသည်။

DOCA(ဧရာဝတီ)