သတင်းနှင့် လှုပ်ရှားမှုများ

    (၇.၅.၂၀၂၅)  ရက်နေ့၊ နံနက်(၀၉:၀၀) နာရီအချိန်တွင် စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများဖွံ့ဖြိုးတိုးတက်ရေး၊ ထုတ်ကုန်များ လုံခြုံစိတ်ချရမှုရှိစေရေး၊ ဥပဒေများနှင့်အညီထုတ်လုပ်နိုင်စေရေးအတွက်  ဈေးကွက်စောင့်ကြည့် စစ်ဆေးခြင်းများကို  စဉ်ဆက်မပြတ်ဆောင်ရွက်လျက်ရှိရာ ခရိုင်ဦးစီးမှူး ဦးသန်းစိုးနှင့်ဝန်ထမ်း များသည် မြင်းခြံမြို့၊ အမှတ်(၁၅)ရပ်ကွက်ရှိ ခင်မြင့်ရီအမှတ်တံဆိပ် မုန့်ကြွပ်လုပ်ငန်းခွင်သို့ ကွင်းဆင်းခြင်း လုပ်ငန်းဆောင်ရွက်ခဲ့ကြောင်း သိရသည်။

     ခင်မြင့်ရီအမှတ်တံဆိပ်မုန့်ကြွပ်လုပ်ငန်းသည် တစ်ရက်လျှင် ဂျုံ (၁၅)ပိဿာ အသုံးပြုရကြောင်း၊ ဆီပိဿာချိန်(၁၅)ပိဿာ ကုန်ကျပါကြောင်း၊ဂျုံတစ်ပိဿာလျှင် (၆၅၀၀)ကျပ်နှင့် ကုန်ချော မုန့်ကြွပ်ကြော် (၂၅)ကျပ်သားလျှင်(၅၅၀၀)ကျပ်‌၊ တစ်ပိဿာလျှင်(၂၂၀၀၀)ကျပ်ဖြင့် ဒေသတွင်း ဖြန့်ဖြူးပါကြောင်း သိရသည်။ ခရိုင်ဦးစီးမှူးမှ MSME လုပ်ငန်းများဖွံ့ဖြိုးတိုးတက်ရေးကို အားပေး ဆောင်ရွက်လျက်ရှိပါကြောင်း၊ လုပ်ငန်းသုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲရမည်ဖြစ်ပါကြောင်း၊ လုပ်ငန်းရှင်များ အနေဖြင့် ကုန်ကြမ်းပစ္စည်းများသည် အရည်အသွေး ကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်ရန် အထူးအလေး ထားလုပ်ဆောင်ရမည်ဖြစ်ပါကြောင်း၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ပါကြောင်း၊  စားသုံးသူများဘေးအန္တရာယ် ကင်းရှင်းစွာစားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း  သိရသည်။

DOCA(မန္တလေး)

        မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံနှင့် ဝန်ထမ်းသည် စားသုံးသူများ ဘေးကင်းလုံခြုံစိတ်ချမှုရှိစေရေးအတွက် ရည်ရွယ်၍ မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာန၊ ရပ်ကွက်အုပ်ချုပ်ရေးမှူးတို့နှင့် ပူးပေါင်း၍ (၈-၄-၂၀၂၅)ရက်နေ့၊ နံနက်(၀၉း၀၀)နာရီအချိန်တွင် ကံမမြို့၊ အမှတ်(၁၊၂၊၃၊၄)ရပ်ကွက်များရှိ ဆေးနှင့် ဆေးပစ္စည်းအရောင်းဆိုင်များသို့ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရ သည်။

          ဆေးနှင့်ဆေးပစ္စည်းအရောင်းဆိုင်များ၌ သက်တမ်းလွန်ဆေးဝါးများ၊ တရားမဝင်ဆေးဝါးများ တင်သွင်းရောင်းချခြင်းမရှိကြောင်း စစ်ဆေးတွေ့ရှိရပြီး ကံမမြို့နယ်တာဝန်ခံမှ မြန်မာဘာသာဖြင့် ဖော်ပြပါရှိသော ကုန်စည်များသာရောင်းချရန်၊ ထုတ်လုပ်သည့် ရက်စွဲ၊ သက်တမ်းလွန်ရက်စွဲများကို အလေးထားကြည့်ရှုရောင်းချရန်၊ တရားမဝင်ဆေးဝါးများ ဈေးကွက်အတွင်း တင်သွင်းရောင်းချ ခြင်းမပြုရန်၊ ဆေးဈေးနှုန်းများ မြှင့်တင်ရောင်းချမှုမရှိစေရေးနှင့် ဆေးဝါးများပြတ်လပ်မှု မရှိစေ‌ရေး တို့အား အသိပညာပေးဆွေးနွေးခဲ့ပြီး ဈေးနှုန်းများအဆမတန် မြှင့်တင်ရောင်းချမှုမရှိကြောင်းနှင့် ဆေးဝါးများ ပြတ်လပ်မှုမရှိကြောင်း စစ်ဆေးတွေ့ရှိရပြီး ဆေးဝါးဈေးနှုန်းကောက်ယူခြင်းတို့အား ဆောင်ရွက်ခဲ့ကြောင်း သိရပါသည်။

DOCA(မကွေး)

မွန်ပြည်နယ်၊ မုဒုံမြို့နယ်ရှိ ကျေးရွာများနှင့် မြို့အနီးအနားဝန်းကျင်တွင် မြေအောက်ရေစနစ်ဖြင့် တစ်ပိုင်တစ်နိုင် နွေစံပယ်များကို စိုက်ပျိုးကြရာ အောင်မြင်ဖြစ်ထွန်းပြီး တောင်သူများ အဆင်ပြေလျက်ရှိကြောင်း သိရသည်။

စံပယ်ပင်များကို ပျိုးပင်များနှင့် ကိုင်းဖြတ်ကိုင်းကူးနည်းစနစ်များဖြင့် မိုးဦးကျကာလ ဇွန်နှင့်ဇူလိုင်လတို့၌ စိုက်ပျိုးရန်အကောင်းဆုံးအချိန်ဖြစ်ပြီး မိုးနှောင်းကာလ စက်တင်ဘာနှင့် အောက်တိုဘာလမှစ၍ ပန်းအငုံများစတင်ထွက်ရှိကာ သဘာဝမြေသြဇာကျွေးခြင်းနှင့် ပေါင်းသင်မြေဆွပေးခြင်းတို့ကို စနစ်တကျဆောင်ရွက်ပါက အပွင့်များ လှိုင်လှိုင်ထွက်ရှိမည် ဖြစ်ကြောင်း၊ စံပယ်ပင် အပင် (၁၀၀)ကို စိုက်ပျိုးကုန်ကျစရိတ် တစ်သိန်းဝန်းကျင်ရှိ၍ တစ်နှစ်လျှင် ဝင်ငွေ (၃၀၀၀၀၀) ကျော်ရရှိကြောင်းနှင့် နှစ်စဥ်ပန်းများကို ခူးယူရောင်းချ ရကြောင်း စံပယ်ပန်းစိုက်ပျိုးတောင်သူ ဦးထွန်းဝင်းက ပြောသည်။

စံပယ်ပန်းစိုက်ပျိုးရေးလုပ်ငန်းကို မိသားစု တစ်နိုင်တစ်ပိုင် အပိုဝင်ငွေရရှိရေးအတွက် ဒေသခံပြည်သူများက အိမ်ခြံဝင်းများ၊ မြေကွက်လပ်နေရာများတွင် စိုက်ပျိုးကြပြီး ဥယျာဥ် ခြံများဖြင့်လည်း စနစ်တကျတွင်ကျယ်စွာ စိုက်ပျိုးရောင်းချသူများလည်းရှိကြောင်း သိရသည်။

DOCA (မွန်)

    (၇.၅.၂၀၂၅)  ရက်နေ့၊ နံနက်(၀၉:၀၀) နာရီအချိန်တွင် စားသုံးသူရေးရာဦးစီးဌာန၊  မြင်းခြံ ခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများဖွံ့ဖြိုးတိုးတက်ရေး၊ ထုတ်ကုန်များ လုံခြုံစိတ်ချရမှုရှိစေရေး၊ ဥပဒေများနှင့်အညီထုတ်လုပ်နိုင်စေရေးအတွက်  ဈေးကွက်စောင့်ကြည့် စစ်ဆေးခြင်းများကို  စဉ်ဆက်မပြတ်ဆောင်ရွက်လျက်ရှိရာ ခရိုင်ဦးစီးမှူး ဦးသန်းစိုးနှင့် ဝန်ထမ်း များသည် မြင်းခြံမြို့၊ အမှတ်(၁၈)ရပ်ကွက်ရှိ ဓနစိန်တောင်အမှတ်တံဆိပ် ကိတ်နှင့်မုန့်မျိုးစုံ လုပ်ငန်းခွင်သို့ ကွင်းဆင်းခြင်း လုပ်ငန်းဆောင်ရွက်ခဲ့ကြောင်း သိရသည်။

          ဓနစိန်တောင်အမှတ်တံဆိပ်ကိတ်နှင့်မုန့်မျိုးစုံလုပ်ငန်းသည် တစ်ရက်လျှင် ကုန်ကြမ်း(ဂျုံ-၄၀kgပါ အိတ်) (၅)အိတ် အသုံးပြုရကြောင်း၊ သကြားတစ်အိတ် (၃၅)ပိဿာပါ အိတ်(၁)အိတ်ခွဲ၊ ကြက်ဥအလုံး (၉၀၀)လုံးနှင့် ဆီပိဿာချိန်(၄၀)ပိဿာကုန်ကျပါကြောင်း၊ လုပ်သားကျား(၈) ယောက်၊မိန်းကလေး(၁၀)ယောက်နေ့စဉ်အသုံးပြုပြီး ကျားလုပ်သားခ(၁၀၀၀၀)ကျပ်နှင့် မိန်းကလေး လုပ်သားခ(၈၀၀၀)ကျပ် ပေးရပါကြောင်း၊ မုန့်အမျိုးအစား(၁၅) မျိုးခန့်ထုတ်လုပ်ပြီး ‌ဖြန့်ဖြူးမှုအနေ ဖြင့် နွားထိုးကြီးမြို့၊ တောင်သာမြို့၊ မန္တလေးမြို့၊ တောင်ကြီးမြို့၊ မော်လမြိုင်မြို့နှင့် ဒေသတွင်း ဖြန့်ဖြူးပါကြောင်း သိရသည်။ ခရိုင်ဦးစီး မှူးမှ MSME လုပ်ငန်းများဖွံဖြိုးတိုးတက်ရေးကို အားပေး ဆောင်ရွက်လျက်ရှိပါကြောင်း၊ လုပ်ငန်းသုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲရမည်ဖြစ်ပါကြောင်း၊ လုပ်ငန်းရှင်များ အနေဖြင့် ကုန်ကြမ်းပစ္စည်းများသည် အရည်အသွေး ကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်ရန် အထူးအလေးထားလုပ်ဆောင်ရမည်ဖြစ်ပါကြောင်း၊ ကုန်စည်နှင့်သက် ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါရှိရ မည်ဖြစ်ပါ ကြောင်း၊  စားသုံးသူများဘေးအန္တရာယ် ကင်းရှင်းစွာစားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း  သိရသည်။

DOCA(မန္တလေး)

     စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြိုးတိုးတက်ရေး၊ ထုတ်ကုန်များလုံခြုံစိတ်ချရမှုရှိစေရေး၊ ဥပဒေများနှင့်အညီထုတ်လုပ်နိုင်စေ ရေးအတွက်  ဈေးကွက်စောင့်ကြည့်စစ်ဆေးခြင်းများကို  စဉ်ဆက်မပြတ်ဆောင်ရွက်လျက်ရှိရာ (၇.၅.၂၀၂၅)  ရက်နေ့၊ နံနက်(၀၉:၀၀) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ အမှတ်(၁၈)ရပ်ကွက်ရှိ နေပြည်တော်အမှတ်တံဆိပ် မုန့်မျိုးစုံလုပ်ငန်းခွင်သို့ ကွင်းဆင်းခြင်း လုပ်ငန်းဆောင် ရွက်ခဲ့ကြောင်း သိရသည်။

     နေပြည်တော်အမှတ်တံဆိပ်မုန့်မျိုးစုံလုပ်ငန်းသည် တစ်လပျမ်းမျှ ကုန်ကြမ်း(ဂျုံ-၄၀kgပါ အိတ်) အိတ်(၄၀/၅၀) အသုံးပြုရပြီး၊ သကြားတစ်အိတ် (၃၅)ပိဿာပါ အိတ်(၂၅)အိတ်၊ ကြက်ဥအလုံး (၄၅၀)လုံးနှင့် ဆီပိဿာချိန်(၂၅၀/၃၀၀)ပိဿာကုန်ကျပါကြောင်း၊ လုပ်သားကျား(၅) ယောက်၊မိန်းကလေး(၅)ယောက်ခန့် လုပ်ကိုင်ရပါကြောင်း၊မုန့်အမျိုးအစား(၁၀) မျိုးခန့်ထုတ်လုပ်ပြီး ‌ဖြန့်ဖြူးမှုအနေဖြင့် ပခုက္ကူမြို့၊နွားထိုးကြီးမြို့နှင့် ဒေသတွင်း ဖြန့်ဖြူးပါကြောင်း သိရသည်။ ခရိုင်ဦးစီး မှူးမှ MSME လုပ်ငန်းများဖွံဖြိုးတိုးတက်ရေးကို အားပေး ဆောင်ရွက်လျက်ရှိပါကြောင်း၊ လုပ်ငန်းသုံး စားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲရမည်ဖြစ်ပါကြောင်း၊ လုပ်ငန်းရှင်များအနေဖြင့် ကုန်ကြမ်းပစ္စည်းများသည် အရည်အသွေး ကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့် ညီညွတ်ရန် အထူးအလေးထားလုပ်ဆောင်ရမည်ဖြစ်ပါကြောင်း၊ ကုန်စည်နှင့်သက်ဆိုင်သည့်ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ပါကြောင်း၊  စားသုံးသူများ ဘေးအန္တရာယ်ကင်းရှင်းစွာစားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက် ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း  သိရသည်။

DOCA(မန္တလေး)