သတင်းနှင့် လှုပ်ရှားမှုများ

          (၂၃.၁၀.၂၀၂၅)ရက်နေ့ နေ့လည်(၁၂:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦးဦးစီးမှူးပါ (၃)ဦးတို့သည် ထန်းတပင်မြို့နယ်ရှိ “ဖြိုး”စက်သုံးဆီ ဆိုင်သို့ ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် ဓနဲရိကျေးရွာအုပ်စု ထန်းတပင်မြို့နယ်ရှိ “ဖြိုး”စက်သုံးဆီဆိုင်မှ တာဝန်ခံက မိမိဆိုင်တွင် ကားများစောင့်ဆိုင်းဝယ်ယူခြင်းလည်း မရှိပါကြောင်း ရရှိသောခွဲတမ်းများ ကိုလည်း စနစ်တကျရောင်းချပေးလျက်ရှိကြောင်း၊ ချိန်တွယ်ရာတွင်လည်း လီတာများကို ပြည့်ဝစွာ ချိန်တွယ်ပေးသောကြောင့် ဝယ်ယူသူများစိတ်ကျေနပ်မှုရရှိစေပါကြောင်း၊ ရောင်းချသော ဈေးနှုန်းမှာ လည်း အပတ်စဉ် သောကြောနေ့တိုင်း ထုတ်ပြန်ထားသော ရည်ညွှန်းဈေးအတိုင်း ရောင်းချပေးပါ ကြောင်း၊ ရောင်းချသောဈေးနှုန်းများကိုလည်း အများပြည်သူမြင်သာအောင် ရိုးရိုးဆိုင်ဘုတ်ဖြင့် ဖော်ပြထားပါကြောင်းနှင့် မိမိတို့ဌာနမှလည်း ဈေးနှုန်းမြှင့်တင်ရောင်းချခြင်း၊ သိုလှောင်ထားခြင်းများ မပြုလုပ်ရန် ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

     ၂၄.၁၀.၂၀၂၅ ရက်နေ့ နံနက် (၀၉း၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးနှင့် အကြီးတန်း စာရေး ဒေါ်ယွန်းမီမီဖူးဝေတို့သည် ချောင်းဆုံမြို့နယ်၊ အ.မ.က (ခရိုက်သစ်)ကျောင်း၌ စားသုံးသူကာကွယ်ရေး အသိပညာပေး ဟောပြောဆွေးနွေးပွဲကျင်းပပြုလုပ်ခဲ့သည်။

          အဆိုပါဟောပြောဆွေးနွေးပွဲတွင် ကျောင်းအုပ်ဆရာမကြီးက အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာန၊ ချောင်းဆုံမြို့နယ်တာဝန်ခံက ဌာန၏ မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူ အခွင့်အရေးနှင့် တာဝန်များ၊ ကုန်အညွှန်းအမှတ် အသားနှင့် ပတ်သက်သည့် သိကောင်းစရာများ၊ စားသုံးသူများ နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့်နေရာများ၊ နည်းလမ်းများ၊ Consumer Call Center အကြောင်းအရာများနှင့် www.doca.gov.mm တွင်လည်း ဝင်ရောက်ကြည့်ရှု့လေ့လာ နိုင်ကြောင်း ဟောပြောဆွေးနွေးခဲ့ပါသည်။

အဆိုပါ ဟောပြောဆွေနွေးပွဲသို့ ဆရာ၊ ဆရာမ၊ ကျောင်းသား၊ ကျောင်းသူများ (၂၂၈) ဦး တက်ရောက်ခဲ့ပြီး စားသုံးသူကာကွယ်ရေးအသိပညာပေး လက်ကမ်းစာစောင်များအား ဖြန့်ဝေ ပေးခဲ့ကြောင်း သိရှိရပါသည်။

DOCA (မွန်)

     ၂၂.၁၀.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် မွန်ပြည်နယ် ကုန်သည်များနှင့်စက်မှုလက်မှုလုပ်ငန်းရှင်များအသင်း ပြန်လည်ဖွဲ့စည်းမည့် ကိစ္စနှင့်စပ်လျဉ်း၍ အကြိုညှိနှိုင်းအစည်းအဝေးကို  Zoom ဖြင့် တက်ရောက်ခဲ့သည်။ အဆိုပါ အစည်းအဝေးသို့ မွန်ပြည်နယ်အစိုးရအဖွဲ့မှကိုယ်စားလှယ်တစ်ဦး၊ မြို့မိမြို့ဖ ကိုယ်စားလှယ် တစ်ဦး၊  စားသုံးသူရေးရာဦးစီးဌာန၊ မွန်ပြည်နယ်ဦးစီးမှူး၊ မွန်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်းမှ အလုပ်အမှုဆောင်များ၊ ညီနောင်အသင်းမှ ကိုယ်စား လှယ်များ  တက်ရောက်ခဲ့ကြသည်။

     အစည်းအဝေးတွင် အသင်းပြန်လည် ဖွဲ့စည်းရေးအတွက် ဆောင်ရွက်ရမည့် လုပ်ငန်းစဉ် များနှင့်စပ်လျဉ်း၍ ဆွေးနွေးခဲ့ကြကြောင်း သိရှိရပါသည်။

DOCA (မွန်)

စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဝန်ထမ်းများ သည် (၂၃.၁၀.၂၀၂၅)ရက်နေ့၊ နံနက်(၁၀း၀၀)နာရီအချိန်တွင် သရက်ခရိုင် အစားအသောက်နှင့် ဆေးဝါး ကွပ်ကဲရေးဦးစီးဌာန၌ သရက်မြို့ပေါ်ရှိ ဆေးနှင့်ဆေးပစ္စည်းများ ရောင်းချသည့် အရောင်း ဝန်ထမ်းများအား အသိပညာပေးဟောပြောပွဲပြုလုပ်ရာတွင် မြို့နယ်အထွေထွေအုပ်ချုပ်ရေးဦးစီး ဌာန၊ မြို့နယ်ကျန်းမာရေးဦးစီးဌာနတို့နှင့်အတူ ပူးပေါင်းဆောင်ရွက်ခဲ့ကြောင်း သိရသည်။

          ထိုသို့ အသိပညာပေးရာတွင် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီး အရာရှိ ဒေါ်သဲဦးဗိုလ်က ဆေးပစ္စည်းများရောင်းချရာတွင် လိုက်နာရမည့် စည်းမျဉ်းစည်းကမ်း များအားလည်းကောင်း၊ ကျန်းမာရေးဦးစီးဌာနမှ ဒေါ်သဲအိက ဆေးဆိုင်များတွင် ကျန်းမာရေးနှင့် ညီညွတ်သော စည်းမျဉ်းစည်းကမ်းချက်များ အတိုင်းထားရှိစေရေးအားလည်းကောင်း၊ စားသုံးသူ ရေးရာဦးစီးဌာနမှ ဦးစီးမှူး ဦးအုန်းမြင့်က မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြား ချက်(၂/၂၀၁၉)တွင် ထုတ်ပြန်ထားသော ကုန်စည်အုပ်စု(၈)အုပ်စုတွင်ပါဝင်ရမည့် ကုန်အညွှန်း အမှတ်အသား ဖော်ပြရမည့်အချက်များ ထည့်သွင်းဖော်ပြထားသည့် ကုန်စည်များ ရောင်းချစေရေး နှင့် စားသုံးသူများ၏ အခွင့်ရေးနှင့် တာဝန်များအကြောင်းအားလည်းကောင်း အသေးစိတ်ရှင်းလင်း ပြောကြားဆွေးနွေးပြောကြားပြီး တက်ရောက်လာသူ မိဘပြည်သူတို့အား ဌာန၏ ဥပဒေလက်ကမ်း စာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

    ၁၇.၇.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံသည် မော်လ မြိုင်မြို့နယ်၊ ဖက်တန်းရပ်ကွက်ရှိ “နှင်းသဇင်အောင်” အွန်လိုင်းရောင်းဝယ်ရေးလုပ်ငန်းသို့ မြေပြင်ကွင်းဆင်း စစ်ဆေးခဲ့ကြောင်း သိရှိရသည်။

    ထို့သို့ ကွင်းဆင်းစစ်ဆေးခဲ့ရာ   အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့)ဝန်ဆောင်မှု အမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှု ရှိ/ မရှိတို့ကို စစ်ဆေးခဲ့ပြီး လုပ်ငန်းရှင်အား မှတ်ပုံတင်လက်မှတ်ရရှိပါက မှတ်ပုံတင် လက်မှတ်ရရှိသူ၏ လိုက်နာရမည့်အချက်များ၊ ကုန်စည်များပေါ်တွင် ကုန်အညွှန်း အမှတ်အသားဖော်ပြချက်များကိုလည်း စားသုံးသူကာကွယ်ရေးဥပ‌ဒေနှင့်အညီ ဖော်ပြပါရှိသော ပစ္စည်းများကိုသာ ရောင်းချရန် အသိပညာပေးဆွေးနွေးခဲ့ပါသည်။

DOCA (မွန်)