သတင်းနှင့် လှုပ်ရှားမှုများ

           ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် စည်ပင်သာယာမြို့မဈေးရှိ လက်ကိုင်ဖုန်း အမျိုးမျိုးရောင်းချသော ဆိုင်များသို့ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍  မေလ (၂၃)ရက်နေ့၊ နေ့လယ် (၁၂:၃၀)နာရီအချိန်တွင် စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍  ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာတွင်  စည်ပင်သာယာမြို့မဈေးရှိ လက်ကိုင်ဖုန်းအမျိုးမျိုး ရောင်းချသော လင်းလက်ဖုန်းဆိုင်၊ မဟာလင်းလက်ဖုန်းဆိုင်များသို့ မြန်မာနိုင်ငံ စားသုံးသူ ကာကွယ်ရေးကော်မရှင်မှ ထုတ်ပြန်သော ညွှန်ကြားချက် အမှတ်(၂/၂၀၁၉)နှင့်အညီ ကုန်စည် များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ် မဖြစ်မနေ ဖော်ပြရမည်ဖြစ်ကြောင်း၊ အဆိုပါ ညွှန်းကြာချက်အား လိုက်နာဆောင်ရွက်ကြရမည်ဖြစ်ကြောင်း၊ ကုန်အညွှန်းအမှတ်အသား ပြည့်စုံမှုမရှိသည့် လက်ကိုင်ဖုန်းအမျိုးမျိုးတို့အား ရောင်းချခြင်းမပြုလုပ်ကြရန်၊ ထိုသို့ ပြုလုပ်ပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း အသိပညာပေး ဆွေး နွေးခဲ့ကြောင်း သိရှိရပါသည်။

DOCA(ရန်ကုန်)

            ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် အစားအသောက် ရောင်းချဝန်ဆောင်မှုပေးသည့် စားသောက်ဆိုင်နှင့် စပ်လျဉ်း၍ ဈေးကွက်စောင့်ကြည့် စစ်ဆေးခြင်းအား ဌာနဆိုင်ရာပူးပေါင်းအဖွဲ့ဖြင့် မေလ (၂၃)ရက်နေ့၊ နံနက် (၁၀:၅၅)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

           ထိုသို့ ကွင်းဆင်းစစ်ဆေးခဲ့ရာတွင်  မြို့နယ် စားသုံးသူရေးရာဦးစီးဌာန၊ မြို့နယ်ကျန်းမာ ရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ အမှတ်(၉)ရပ်ကွက်၊ အောင်ဇေယျလမ်းရှိ ရွှေကြယ်ဖြူ စားသောက်ဆိုင်သို့ စားသုံးသူကာကွယ်ရေး ဥပဒေနှင့်အညီ ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးအတွက် အစားအသောက် ရောင်းချသည့် ဝန်ဆောင်မှုနှင့် စပ်လျဉ်း၍ အစားအသောက်ပြုပြင်ရောင်းချသည့် နေရာများ သန့်ရှင်းမှုရှိ/မရှိ၊ အစားအသောက် ကိုင်တွယ်ချက်ပြုတ်သူများ ဝန်ဆောင်မှုပေးသူများ၏ တစ်ကိုယ်ရည် သန့်ရှင်းမှုရှိ/မရှိ၊ အစားအသောက်များ လတ်ဆတ်သန့်ရှင်းမှုရှိ/မရှိနှင့် စားသောက်ဆိုင်များသည် မိမိတို့ဆိုင်များမှ ပေးအပ်သည့် ဝန်ဆောင်မှုနှင့် စပ်လျဉ်း၍ စားသုံးသူများအား လုံလောက်သည့် သတင်းအချက်အလက်များကို အသိပေးဖော်ပြ ထားခြင်းရှိ/မရှိနှင့် ရောင်းချသည့် စားသောက်ဖွယ်ရာများ၏ အမျိုးအစား၊ အရွယ်အစား (Size) ပမာဏအလိုက် ဈေးနှုန်းအား ပွင့်လင်းမြင်သာစွာ ကြိုတင်အသိပေး ဖော်ပြထားခြင်းရှိ/မရှိ တို့အား ဈေးကွက်စောင့်ကြည့်စစ်ဆေးပြီး စားသုံးသူများ၏ ကျန်းမာရေးပြဿနာများနှင့် အခွင့် အရေးများအား ကာကွယ်နိုင်ရန်အတွက် ဖော်ပြပါအချက်အလက် လိုအပ်ချက်တစ်ချို့အား အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

             ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်းရှိ ဆန်ဆိုင်များတွင် ရောင်းချလျှက်ရှိသော ရွှေဘိုပေါ်ဆန်းနှင့် ဧရာဝတီပေါ်ဆန်း ဆန်များအား သတ်မှတ် ရည်ညွှန်းဈေးများအတိုင်း ရောင်းချမှုရှိ/မရှိနှင့် ဈေးနှုန်းမြှင့်တင်ရောင်းချမှုမရှိစေရေးကို ပူးပေါင်းအဖွဲ့ဖြင့် မေလ(၂၃)ရက်နေ့၊ နံနက် (၁၀:၀၀)နာရီအချိန်တွင် ကွင်းဆင်း စစ်ဆေးခဲ့ကြောင်း သိရသည်။

            ထိုသို့ ကွင်းဆင်းစစ်ဆေးရာတွင် မြို့နယ်စည်ပင်သာယာရေးအဖွဲ့မှ ဝန်ထမ်းများနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့ ပူးပေါင်းအဖွဲ့သည် စည်ပင်သာယာ မြို့မဈေးအတွင်းရှိ  ဆန်ဆိုင်များတွင် ရောင်းချနေသော ဧည့်မထဆန်၊ ဧရာဝတီ ပေါ်ဆန်းဆန်၊ ကြားပျံ၊ ရွှေဘိုပေါ်ဆန်းဆန်များ၏ ရောင်းဈေးနှုန်းများ ကောက်ခံခြင်း၊   သိုလှောင်ထားရှိသော ဆန်အိတ်အရေအတွက် လက်ကျန်စာရင်းများ ကောက်ခံခြင်း၊ သတ်မှတ်ရည်ညွှန်းဈေးများအတိုင်း ရောင်းချခြင်းရှိ/မရှိနှင့် ဈေးနှုန်းမြှင့်တင်ရောင်းချခြင်းရှိမရှိတို့အား စစ်ဆေးမှုများ ပြုလုပ်ရာတွင် သတ်မှတ်ရည်ညွှန်းဈေးနှုန်းနှင့် ရောင်းလျက်ရှိကြောင်း တွေ့ရှိရပြီး ဆိုင်ပိုင်ရှင်များအား ဆန်များရောင်းချရာတွင် စီးပွားရေးကူးသန်းရောင်းဝယ်ရေး ဝန်ကြီးဌာနမှ လစဉ်သင့်တင့်မျှတသော ဈေးကွက်ဈေးနှုန်းများအား ထုတ်ပြန်ပေးလျက်ရှိရာ သယ်ယူ၊ သိုလှောင်စရိတ်များအပါ သတ်မှတ်ရည်ညွှန်းဈေးများအတိုင်း ရောင်းချကြရန်နှင့် ဈေးနှုန်းမြှင့်တင်ရောင်းချပါက ဥပဒေနှင့်အညီ အရေးယူ ဆောင်ရွက်သွားမည် ဖြစ်ကြောင်း အသိပညာပေးခဲ့ကြောင်း သိရှိရပါသည်။

DOCA(ရန်ကုန်)

           ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ် စည်ပင်သာယာမြို့မဈေးအတွင်း/ အပြင်ရှိ Mobile Phone ရောင်းချသောဆိုင်များသို့ ကုန်အညွှန်းအမှတ်အသားများနှင့်အညီ ကိုက်ညီမှုရှိစေရေးအတွက်   မေလ(၂၂)ရက်နေ့၊ နံနက် (၁၀:၃၀) နာရီအချိန်တွင် ကွင်းဆင်း စစ်ဆေးခဲ့ကြောင်း သိရပါသည်။

             ထိုသို့ ကွင်းဆင်းစစ်ဆေးရာတွင် တွံတေးမြို့နယ်ရှိ ဗိုလ်ချုပ်လမ်း၊ အုန်းပင်စုရပ်ကွက် နေလင်းအောင်  Mobile Phoneနှင့် ဖုန်းအပိုပစ္စည်းအမျိုးမျိုးရောင်းဝယ်ရေးဆိုင်နှင့် မင်းရဲကျော် စွာလမ်း၊ အုန်းပင်စုရပ်ကွက် ဓူဝံကြယ် Mobile Phone နှင့် ဖုန်းအပိုပစ္စည်းအမျိုးမျိုး ရောင်းဝယ် ရေးဆိုင်သို့ သွားရောက်၍  Mobile Phone အမျိုးမျိုး ရောင်းချသော ဆိုင်များသို့ ကုန်စည်များ တင်သွင်းဖြန့်ဖြူး ရောင်းချလျက်ရှိသည့် အခြေအနေများ၊ ကုန်စည်များတွင် မြန်မာဘာသာ ဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက် ဖြစ်စေ ဖော်ပြရန် လိုအပ်ကြောင်းနှင့် မြန်မာနိုင်ငံ စားသုံးသူ ကာကွယ်ရေးကော်မရှင်မှ ထုတ်ပြန် ထားသော ညွှန်ကြားချက် အမှတ်(၂/၂၀၁၉)နှင့်အညီ လိုက်နာဆောင်ရွက်ကြရန် ကုန်အညွှန်း အမှတ်အသား ပြည့်စုံစွာ ဖော်ပြထားခြင်းမရှိသည့် လက်ကိုင်ဖုန်းများအား ဈေးကွက်အတွင်း ရောင်းချခြင်း မပြုလုပ်ကြရန်၊ ထိုသို့ ပြုလုပ်ပါက စားသုံးသူကာကွယ်ရေး ဥပဒေနှင့်အညီ အရေးယူဆောင် ရွက်သွားမည်ဖြစ်ကြောင်း အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

    မန္တလေးတိုင်းဒေသကြီး၊ တံတားဦးမြို့နယ်အတွင်း   စားအုန်းဆီရောင်းချသည့်ဆိုင်များ အနေဖြင့်  စားသုံးသူများအတွက်ဖြန့်ဝေသည့်ဆီများအား သတ်မှတ်ရည်ညွှန်းစျေးဖြင့် အိမ်ထောင် စုတစ်စုအတွက် တစ်လလျှင်  ၂ ပိဿာနှုန်းရောင်းချပေးနိုင်ရေးနှင့်ပတ်သက်၍  ၁၉.၅.၂၀၂၅  ရက် နေ့တွင် ဆွေးနွေးပွဲတစ်ရပ်ကျင်းပခဲ့ကြောင်း  သိရပါ တယ်။

    အဆိုပါဆွေးနွေးပွဲတွင် မန္တလေးတိုင်းဒေသကြီး၊စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးရုံးနှင့်ကျောက်ဆည်ခရိုင်ဦးစီးမှူးရုံးရှိတာဝန်ရှိသူများနှင့်အတူ တံတားဦးမြို့နယ်အတွင်းရှိ စားအုန်း ဆီရောင်းချသည့်ဆိုင်(၁၆)ခုတို့ပူးပေါင်း၍  ဆွေးနွေးခဲ့ကြောင်း သိရပါတယ်။

DOCA(မန္တလေး)