သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနရုံးတွင် ဌာနဆိုင်ရာများနှင့် ကျောင်းသား/သူ များအား ၁၇.၁၁.၂၀၂၅ ရက်နေ့ နံနက်(၁၀)နာရီအချိန် တွင် စားသုံးသူကာကွယ်ရေး အသိပညာပေးဟောပြောခဲ့ပါသည်။

          ဟောပြောရာတွင် ပန်းတနော်မြို့နယ်တာဝန်ခံ ဦးအောင်ကျော်သက်က ကျောင်းသား/ကျောင်းသူ (၁၅၀)ဦးအား စားသုံးသူကာကွယ်ရေးဥပဒေအကြောင်းကို ရှင်းလင်းဟောပြောခြင်း စားသုံးသူပြည်သူ များ  ဘေးအန္တရာယ်ကင်းရှင်းစေရေး၊ စားသုံးသူ အခွင့်အရေး အပြည့်အဝရရှိစေရေးနှင့် ကုန်စည်ဝန်ဆောင်မှု များအပေါ်တွင် နစ်နာဆုံးရှုံးမှုများ မဖြစ်ပေါ်စေရေးနှင့် ဖြစ်ပေါ်လာပါက အရေးဆိုတိုင်ကြားနိုင်​ကြောင်း၊ စီးပွားရေးလုပ်ငန်းရှင်နှင့် စားသုံးသူ၏ တာဝန်များအကြောင်းကို အကျယ်တဝင့် ရှင်းလင်းပြောကြားပြီး စားသုံးသူအခွင့်အရေး (၈) ချက်နှင့် လိုက်နာဆုံးရှုံးမှုများကို မိမိဌာနသို့တိုင်ကြားနိုင်ပါကြောင်းနှင့် လိမ်လည်တိုင်ကြားမှုမပြုကြရန်၊ OnLine မှ လိမ်လည်မှုများကို အထူးသတိပြုကြစေရန်နှင့် OnLine Shopping ရောင်းချနေသူများကို စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန လက်အောက်ရှိ ကုန်သွယ်ရေးဦးစီးဌာနတွင် မှတ်ပုံတင်ပြီး ရောင်းချခွင့်ပြုပေးထားပါကြောင်း၊ တိုင်းကြားနိုင်သည့် Wetsite, Application နှင့် CICC  ဖုန်းနံပါတ်များကို အသိပေးပြောကြားခဲ့ကြောင်း သိရှိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၅ ခုနှစ်၊ နိုဝင်ဘာလအတွင်း လုပ်ငန်းရှင် ၅၁ ဦးက အပ်နှံလာသော သီးနှံ အမျိုးအစား ၁၂ မျိုး၊ စုစုပေါင်းနမူနာအရေအတွက် ၉၆ ခု၊ ဓာတ်ခွဲစမ်းသပ်မှုပေါင်း ၂၆၀ ခုကို ဓာတ်ခွဲစမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။

    ၂၀၂၅ ခုနှစ်၊ နိုဝင်ဘာလအတွင်း လယ်ယာထွက်ကုန်ပို့ကုန်များအား တရုတ် နှင့် ဂျပန် နိုင်ငံများသို့ တင်ပို့နိုင်ရေးအတွက် ဆန်ဖြူ၊ ဆန်ကွဲ၊ နှမ်းနက်သိပ္ပံ၊ နှမ်းညို၊ နှမ်းဖြူ၊ ပြောင်းဖူးစေ့၊ ပဲလွန်း၊ အခွံချွတ်ပဲလွန်း၊ ပဲစဉ်းငုံဖြူ၊ ပဲထောပတ် တို့တွင် ပိုးသတ်ဆေးဓာတ်ကြွင်း ပါရှိမှု၊ မှိုဆိပ် ပါရှိမှု၊ သီးနှံဓာတုအရည်အသွေးနှင့် သီးနှံရူပအရည်အသွေး စသည့် ဓာတ်ခွဲစမ်းသပ် စစ်ဆေးခြင်း၊ အင်ဒိုနီးရှားနိုင်ငံမှ တင်သွင်းလာသည့် စားအုန်းဆီများ၏ အရည်အသွေးများကို  ဓာတ်ခွဲစမ်းသပ် ခြင်းများ ဆောင်ရွက်ခဲ့ပါသည်။

     ဓာတ်ခွဲခန်းအလိုက် ဓာတ်ခွဲစမ်းသပ်မှုအနေဖြင့် ပိုးသတ်ဆေးဓာတ်ကြွင်းဓာတ်ခွဲခန်းမှ ၅၆ ခု၊  မှိုဆိပ်ဓာတ်ခွဲခန်းမှ ၁၅ ခု၊ ဆီနှင့်ဆီထွက်သီးနှံဓာတ်ခွဲခန်းမှ ၁၄၆ ခု၊ သီးနှံဓာတု ဓာတ်ခွဲခန်း မှ ၄၀ ခု၊ သီးနှံရူပဓာတ်ခွဲခန်းမှ ၃ ခု၊ စုစုပေါင်းဓာတ်ခွဲစမ်းသပ်မှု ၂၆၀ ခု ဆောင်ရွက်နိုင်ခဲ့ပါသည်။

       ရေကြည်မြို့နယ်တွင် ပြည်သူများဘေးအန္တရာယ်ကင်းရှင်း၍ လုံခြုံစိတ်ချရမှုရှိစေရန်နှင့် အစား အသောက်ဝန်ဆောင်မှုုလုပ်ငန်းများကြောင့် ထိခိုက်နစ်နာမှုမရှိစေရန် စားသုံးသူရေးရာဦးစီးဌာနမှ ဝန်ထမ်းများသည် မိတ်ဖက်ဌာနများနှင့် ပူးပေါင်း၍ စားသောက်ထုတ်ကုန်များဈေးကွက်အတွင်း မရောက်မီဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ စစ်ဆေးရာတွင် ရေကြည်မြို့၊ အောင်ဆန်းရပ်ကွက်၊ အောင်ဆန်း(၁၀) လမ်းရှိ အိကေ အာလူးကြော်လုပ်ငန်းအား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

(DOCA) ဧရာဝတီ

   ကျုံပျော်မြို့နယ်၊ စားသုံးသူရေးရာဦးစီးဌာနမှ ဦးစီးအရာရှိ ဒေါ်ခင်မေဝင်းသည် (၁၇.၁၁.၂၅) ရက်နေ့တွင်  မြို့နယ်အတွင်းရှိ ဆန်စက်များသို့ သွားရောက်၍ ဆန်တင်ပို့သူများမှ ကုန်ပို့လွှာ မဖြစ်မနေ ယူဆောင်သွားနိုင်ရေး ၊  နေ့စဉ် ကုန်တင်ပို့မှုကို စာရင်းပေးပို့နိုင်ရေးကိစ္စ နှင့် စပါး(၂၅၀၀) တင်း ၊ ဆန်အိတ်(၅၀၀) အထက် သိုလှောင်ထားရှိပြီး MyRO မှတ်ပုံတင်ရန် ကျန်ရှိနေပါက မှတ်ပုံတင် ဆောင်ရွက်ထားရန်၊ MyRO မှတ်ပုံတင်ထားရှိသူများမှ လတစ်လ၏ ဆန်၊စပါး လက်ကျန် စာရင်းအား နောက်တစ်လ၏ လဆန်း(၇) ရက်အတွင်း MyRO ၏ သိုလှောင်ရုံလုပ်ငန်းစဉ်တွင် မပျက်မကွက် ဖြေဆိုပေးနိုင်ပါရန် ၊ MyRO မှတ်ပုံတင်ခြင်း၊ သက်တမ်းတိုးခြင်းနှင့် လစဉ်လက်ကျန် ဖြေဆိုရန် အခက်အခဲရှိပါက စားသုံးသူရေးရာ ဦးစီးဌာနနှင့် ဆက်သွယ် ဆောင်ရွက်နိုင်ပါရန် အချက်များအား  ဆွေးနွေး ဆောင်ရွက်ခဲ့ပါကြောင်း သတင်းရရှိပါသည်။

(DOCA) ဧရာဝတီ

       စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ ဒေါ်အေးမြင့်ငြိမ်း(ဦးစီးအရာရှိ)နှင့်ဝန်ထမ်းများသည် ၂၀၂၅ ခုနှစ် နိုဝင်ဘာလ (၁၉)ရက်နေ့၊ နေ့လယ် (၁၄:၀၀)နာရီအချိန်တွင် မုံရွာမြို့၊ နန္ဒဝန်ရပ်ကွက်ရှိ“အခြေခံပညာမူလတန်း(အမက-၁၅၉)ကျောင်း” သို့သွားရောက်၍ စားသုံးသူကာကွယ်ရေးဆိုင်ရာ အသိပညာပေးဟောပြောခြင်း၊ စားသုံးသူနစ်နာမှု ရှိပါက ၁၅၃၅သို့ အလွယ်တကူတိုင်ကြားနိုင်ရန်နှင့် ကုန်အညွှန်းအမှတ်အသား ဖော်ပြခြင်းဆိုင်ရာ အသိပညာပေးဟောပြောပွဲကိုကျင်းပခဲ့ပါသည်။ ထိုဟောပြောပွဲသို့ကျောင်းသား/ကျောင်းသူ(၂၀၀)ဦး ခန့်တက်ရောက်ခဲ့ပါသည်။

        အဆိုပါဟောပြောပွဲတွင် ဒေါ်အေးမြင့်ငြိမ်း (ဦးစီးအရာရှိ)မှ စားသုံးသူ ကာကွယ်ရေးနှင့် ပတ်သက်၍ စားသုံးသူကာကွယ်ရေးဥပဒေပြဌာန်းချက်ပါ စားသုံးသူအခွင့်အရေးနှင့် တာဝန်များ၊ ကုန်စည်တစ်ခုကိုဝယ်ယူမည်ဆိုပါက စစ်ဆေးကြည့်ရှုရမည့်အချက်များ၊ ဘေးအန္တရာယ် ဖြစ်စေနိုင်သည့် အစားအစာများနှင့် စားသုံးရန်သင့်/ မသင့် သိရှိသင့်သည့် ကုန်အညွှန်း အမှတ်အသား ပါအချက်အလက်များ၊ စားသုံးသူနှစ်နာခြင်းနှင့်ပတ်သတ်၍ တိုင်ကြားနိုင်သည့် နည့်းလမ်းများကို အသိပညာပေးဟောပြောခဲ့ပြီး မေးခွန်းများမေးမြန်းခြင်း၊ ဆုချီးမြှင့်ခြင်းများနှင့် လက်ကမ်းစာစောင်များ ဖြန့်ဝေခဲ့ကြောင်း သတင်းရရှိရပါသည်။

DOCA(စစ်ကိုင်း)