သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံနှင့် ဝန်ထမ်းများသည် မိတ်ဘက်ဌာနဆိုင်ရာ များနှင့် ပူးပေါင်း၍(၁၂.၉.၂၀၂၅)ရက်နေ့၊ နံနက်(၈:၃၀)အချိန်တွင် ကြံခင်းမြို့ ရွာသစ်ရပ်ကွက်၊ မြို့မဈေးအတွင်းရှိ ကုန်မျိုးစုံဆိုင်များတွင်ရောင်းချသော အမှတ်တံဆိပ်ပါ ဗူးသွပ်ဆီများအား ထုတ်ကုန် လုံခြုံစိတ်ချ ရမှုရှိစေရေး ဈေးကွက်စောင့်ကြည့်စစ်ဆေးခြင်းကိုဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် မြို့နယ်တာဝန်ခံ ဦးကျော်နိုင်ဝင်းက  စားသုံးသူမိဘပြည်သူ များ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ဗူးသွပ်ဆီများတွင် FDA ထောက်ခံချက်ပါရှိသည့်အပြင် ကုန်အညွှန်းအမှတ်အသားပြည့်စုံစွာ ဖော်ပြထားကြောင်း စိစစ်တွေ့ရှိ ခဲ့ပြီး၊   မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက် အမှတ်(၂/၂၀၁၉)နှင့်အညီ မြန်မာဘာသာဖြင့်ပြည်စုံစွာဖော်ပြထားသောကုန်စည်များကိုသာရောင်းချရန် နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာ ဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေး နှင့် သတ်မှတ်အရည်အသွေး ပြည့်မီသောကုန်စည်များကိုသာ ရောင်းချရန်၊ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် စသည်တို့ကို အသိ ပညာပေးပြောကြားခဲ့ပြီး၊ ကုန်မျိုးစုံဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင် ရွက်ခဲ့ကြောင်း သိရှိရပါသည်။

(DOCA ဧရာဝတီ)

       စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံနှင့်ဝန်ထမ်းများသည်(၁၂.၉.၂၀၂၅)ရက်နေ့ နံနက်(၁၀:၃၀)တွင် ကြံခင်းမြို့၊ ဗိုလ်ချုပ်လမ်း၊ ရွာသစ်ရပ်ကွက်ရှိ “ဆန်းသစ်” ပဲကြော်၊ ပဲလှော်လုပ်ငန်း သို့ သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးမှုများ ဆောင်ရွက်ခဲ့ပါသည်။

          ထိုသို့စစ်ဆေးရာတွင် မြို့နယ်တာဝန်ခံ ဦးကျော်နိုင်ဝင်းက ပြုလုပ်ပုံလုပ်ငန်းအဆင့်ဆင့်ကို မေး မြန်းပြီး ၎င်းတို့ပြုလုပ်နေသော ပဲကြော်/ပဲလှော်များအား စားသုံးရန် (သို့) အသုံးပြုရန်သင့်/မသင့်၊ ဘေးအန္တရာယ်ကင်းရှင်းမှုရှိ/မရှိနှင့် သက်ဆိုင်ရာဌာန ထောက်ခံချက်များရှိ/မရှိ စစ်ဆေးခြင်းများဆောင် ရွက်ခဲ့ပြီး၊ ဆက်လက်၍ စားသုံးသူကာကွယ်ရေးဥပဒေတွင် ဖော်ပြထားသော စီးပွားရေးလုပ်ငန်းရှင် များ ၏ တာဝန်များအား အသေးစိတ်ရှင်းလင်းဆွေးနွေးခဲ့ပါသည်။ စားသုံးသူမိဘပြည်သူများ ဘေးအန္တရာယ် ကင်းရှင်းစွာ အသုံးပြုနိုင်စေရန်၊  ထုတ်ကုန်များ လုံခြုံစိတ်ချရမှုရှိစေရန်၊ ကုန်စည်၏ ထုတ်လုပ်ပုံနည်း စနစ်၊ ဈေးနှုန်း ဈေးကွက်အခြေအနေ၊ ရင်းနှီးမြှပ်နှံမှုနှင့် အကျိုးအမြတ်ရရှိမှု၊ သက်ဆိုင်ရာဌာနများ၏ ထောက်ခံချက်၊ သတ်မှတ်ထားသော စံချိန်စံညွှန်းပြည့်မီအောင် ထုတ်လုပ်နိုင်ရေး၊ ပတ်ဝန်းကျင် သန့်ရှင်းမှု တို့ကို အလေးထားဆောင်ရွက်စေလိုကြောင်း အသိပညာပေး ဆွေးနွေးခဲ့သည်ဟု သတင်း ရရှိပါသည်။

(DOCA ဧရာဝတီ)

     ၁၃.၉.၂၀၂၅ ရက်နေ့တွင် မွန်ပြည်နယ်၊ သထုံမြို့နယ်ရှိ စားအုန်းဆီကိုယ်စားလှယ်များ ထံသို့ Lwin Maung Maung ကုမ္ပဏီသို့ ယာဉ်အမှတ် 3N-6995၊ ယာဉ်မောင်း ဦးထိန်လင်း မော်တော်ယာဉ်ဖြင့် လက်လီကိုယ်စားလှယ် ဒေါ်မင်းမင်းနိုင်သို့ (၁၉) ပေပါ၊ ဦးခင်ဇော်သို့ (၁၈) ပေပါ ရောက်ရှိပြီး၊ Myat Ah Kan ကုမ္ပဏီသို့ ယာဉ်အမှတ် 1M-3255၊ ယာဉ်မောင်း ဦးထက်မြတ်နိုး မော်တော်ယာဉ်ဖြင့် လက်လီကိုယ်စားလှယ် ဒေါ်ညိုညိုချောသို့ (၂၁) ပေပါ ရောက်ရှိမှု အခြေအနေအား မြို့နယ်တာဝန်ခံမှ သွားရောက်စစ်ဆေးခဲ့ပါသည်။

    ထို့သို့စစ်ဆေးရာတွင် မြို့နယ်တာဝန်ခံက အဆိုပါစားအုန်းဆီများကို သထုံမြို့နယ် အတွင်း ဖြန့်ဖြူးရောင်းချရာတွင် သတ်မှတ်ရည်ညွှန်းစျေးအတိုင်း‌ရောင်းချရန်၊ အလေးချိန်ပြည့်မစေရေး၊ သတ်မှတ်ဗီနိုင်းချိတ်ဆွဲရောင်းချရန် ပြောကြားခဲ့ကြောင်း သိရသည်။

DOCA (မွန်)

    ၁၅.၉.၂၀၂၅ ရက်နေ့တွင် မွန်ပြည်နယ်၊ ဘီးလင်းမြို့နယ်တွင် ရန်ကုန်မြို့၊ Kaung Hlyan New Asia ကုမ္ပဏီနှင့် Myat Ah Kan ကုမ္ပဏီတို့မှ မြို့နယ်အတွက် ခွဲတမ်းရရှိသော စားအုန်းဆီများအား ဘီးလင်းမြို့နယ် လက်လီကိုယ်စားလှယ်များထံသို့ (၁၂.၉.၂၀၂၅) ရက် နေ့တွင် ခွဲတမ်းရစားအုန်းဆီ (၄၄)ပေပါအား မော်တော်ယာဥ်များဖြင့် သယ်ဆောင်ရောက်ရှိခဲ့ပြီး (၁၃.၉.၂၀၂၅) ရက်နေ့မှ လက်လီကိုယ်စားလှယ်များမှ ဘီးလင်းမြို့နယ်အတွင်းရှိ ရပ်ကွက်နှင့် ကျေးရွာများတွင် ပြည်သူများသို့ စတင်ဖြန့်ဖြူးရောင်းချခဲ့သည်။

          ထိုသို့ စားအုန်းဆီများ ပြည်သူများထံသို့ ဖြန့်ဖြူးရောင်းချရာတွင် (၁၄.၉.၂၀၂၅) ရက်နေ့၊ ဘီးလင်းမြို့၊ ဘိုးရာဇာရပ်ကွက်၊ အခွန်လွတ်စျေး၌ စားသုံးသူပြည်သူများသို့ ရောင်းချနေရာသို့ ဘီးလင်းမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့်မြို့နယ်ရဲတပ်ဖွဲ့မှူး ခေါင်းဆောင်သော စားအုန်းဆီများအား သတ်မှတ်ရည်ညွှန်းစျေးအတိုင်း ရောင်းချခြင်း ရှိ/မရှိ ကွင်းဆင်းစစ်ဆေးရေးအဖွဲတို့သည်  လက်လီကိုယ်စားလှယ်တို့မှ သတ်မှတ်ရည်ညွှန်းစျေး အတိုင်း ရောင်းချခြင်း ရှိ/မရှိ၊ အလေးချိန် ပြည့်/မပြည့်၊ ဝယ်ယူစားသုံးသူပြည်သူများ ပွင့်လင်း မြင်သာမှုရှိစေရေးအတွက်  ရောင်းချသည့်ရက်စွဲ၊ ပိဿာချိန်၊ ရောင်းချသည့် စျေးနှုန်းနှင့် ရောင်းချသူ အမည်တို့ ပါဝင်သော ဗီနိုင်းချိတ်ဆွဲရောင်းချခြင်း ရှိ/မရှိတို့ကို ကြီးကြပ်စစ်ဆေးခဲ့ပြီး စားသုံးသူ ပြည်သူများမှ သက်သာသော စျေးနှုန်းဖြင့် စားအုန်းဆီများ ဝယ်ယူစားသုံးခွင့်ရသဖြင့် များစွာ အဆင်ပြေနေကြောင်းတို့ကို သိရှိရပါသည်။

DOCA (မွန်)

    ၁၂.၉.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင် ဦးစီးမှူး၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲတာဝန်ခံနှင့် ‌မော်လမြိုင်မြို့နယ်တာဝန်ခံတို့သည် မော်လမြိုင်မြို့ရှိ နေသူရိန် တံဆိပ်ရိုက်လုပ်ငန်းအား မှတ်ပုံတင်ခြင်းနှင့်စပ်လျဉ်း၍ မြေပြင်ကွင်းဆင်းစစ်ဆေးခဲ့ကြောင်း သိရှိရသည်။

    ထို့သို့ ကွင်းဆင်းစစ်ဆေးခဲ့ရာ   အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့)ဝန်ဆောင်မှု အမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှု ရှိ/ မရှိတို့ကို စစ်ဆေးခဲ့ကြောင်း သိရှိရပါသည်။

DOCA (မွန်)