သတင်းနှင့် လှုပ်ရှားမှုများ

              ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ မြောင်းမြမြို့နယ်တာဝန်ခံ ဒေါ်ရည်မွန်သန့်နှင့်ဝန်ထမ်းများသည် အထွေထွေစီမံအုပ်ချုပ်ရေးဦးစီးဌာန၊ မြို့နယ်မီးသတ်ဦးစီးဌာနနှင့် မြို့နယ်စည်ပင်သာယာရေးအဖွဲ့တို့ပူးပေါင်း ၍ (၂၄.၉.၂၀၂၆) ရက်   နေ့လည်(၁၂:၃၀)နာရီအချိန်တွင် မြို့ပေါ်ရှိ စက်သုံးဆီရောင်းချနေသော ဆိုင်များတွင်သတ်မှတ်ရည်ညွှန်းဈေးနှုန်းဖြင့် ရောင်းချပေးနေခြင်းရှိ/မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးဆောင်ရွက်ရာတွင် မြောင်းမြမြို့နယ်တာဝန်ခံမှ မြို့ပေါ်ရှိစက်သုံးဆီ ရောင်းချ နေသော ဆိုင်များအား  စက်သုံးဆီများကို လက်လီ/လက္ကား ရောင်းချနေမှုအပေါ် သတ်မှတ်ရည်ညွှန်းဈေး ဖြင့် ရောင်းချရန်၊ ဈေးနှုန်းမြှင့်တင်ရောင်းချမှုမရှိစေရန်၊ အလေးချိန်ပြည့်ဝမှန်ကန်စွာရောင်းချကြရန်၊ စည်းမျဉ်း စည်းကမ်းများနှင့်အညီ စနစ်တကျဖြန့်ဖြူးရောင်းချကြရန် ရှင်းလင်းပြောကြားခဲ့ပြီး စက်သုံးဆီရောင်းချ နေသောဆိုင်ပိုင်အား စက်သုံးဆီရောင်းချမှုအခြေအနေနှင့် လက်ရှိဖြစ်ပေါ်နေသော စက်သုံးဆီဈေးနှုန်း ကြီးမြင့်နေမှုကိုမိမိတို့ဆိုင်များအနေဖြင့် ပြည်သူများအားဈေးနှုန်း မြှင့်တင်ရောင်းချခြင်းမပြုရန်၊ သတ်မှတ် ဈေးနှုန်းဖြင့်သာရောင်းချရန်၊ ဈေးနှုန်းမြှင့်တင်ရောင်းချခြင်း၊ဈေးကစားရန် ရည်ရွယ်ချက်ဖြင့် သိုလှောင်ထား ရှိခြင်းများတွေ့ရှိပါက    အရေးကြီးကုန်စည်နှင့်ဝန်ဆောင်မှုဥပဒေအရ   အရေးယူဆောင်ရွက်သွားမည်ဖြစ်ကြောင်း စက်သုံးဆီဆိုင်ပိုင်ရှင်အား ရှင်းလင်းဆွေးနွေးပြောကြားခဲ့ကြောင်း သိရှိရပါသည်။ 

     (DOCA ဧရာဝတီ)

              စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ်တာဝန်ခံရုံးမှ ဝန်ထမ်း များသည် (၂၂.၉.၂၀၂၆) နေ့ နေ့လည် (၁) နာရီအချိန်တွင် ပန်းတနော်မြို့ပေါ်ရှိ စားအုန်းဆီ လက်လီ/ လက်ကားဖြန့်ဖြူးရောင်းချ သောလုပ်ငန်းရှင်(၉)ဦးနှင့် တွေ့ဆုံ၍ လုပ်ငန်းရှင် ဆွေးနွေးပွဲပြုလုပ်ခဲ့ပါ သည်။

            အဆိုပါတွေ့ဆုံပွဲတွင် ပန်းတနော်မြို့နယ်တာဝန်ခံက လုပ်ငန်းရှင်များအား စားအုန်းဆီ လက်လီ/လက်ကားဖြန့်ဖြူးရောင်းချသူများအနေဖြင့် စားအုန်းဆီတင်သွင်း၊ သိုလှောင်၊ဖြန့်ဖြူး ရောင်းဝယ်ရာတွင် Good Grade ပေပါများ၊ Trankများ အသုံးပြုရေး၊ စားသုံးသူရေးရာဦးစီးဌာန၊ (ရုံးချုပ်)၏ ညွှန်ကြားချက်များကို ရှင်းလင်းဆွေးနွေးခဲ့ပြီး ကုမ္ပဏီများမှ ဖြန့်ဖြူးသော စားအုန်းဆီလက်ခံရရှမှု အခြေအနေ၊ ပြည်သူထံ ဆက်လက်ဖြန့်ဖြူး ဆောင်ရွက်မှုများကို စနစ်တကျစီးဆင်း သွားစေရေး အမှန်တကယ်ရောက်ရှိရေး ဆီစာအုပ်စနစ်ဖြင့်သာရောင်းချရေး ကုမပ္ပဏီအလိုက် ကိုယ်စားလှယ်တဆင့်မှ လက်လီလုပ်ငန်းရှင်ထံ အဆင့်ဆင့်ဆောင်ရွက်မှုကို စာရင်းသွင်းပြုစုထား နိုင်ရန် ဆီထုတ်ယူခွင်စာအုပ်ဖြင့် ဝယ်ယူသူများကို အမှတ်တကယ်ရောင်းချပေးနိုင်ရေး ကိုဆောင်ရွက်ရန်၊ စားသုံးဆီဝယ်ယူရာတွင် တိုင်ကြားမှုများ မရှိစေရေး ဆီရောင်းချသူ လုပ်ငန်းရှင်များ အဆင်ပြေစွာရောင်းချပေးနိုင်ရန် အသိပညာပေးပြီး  ၂၀၁၉ စားသုံးသူကာကွယ်ရေးဥပဒေပါ လုပ်ငန်းရှင်များလိုက်နာရမည့် တာဝန်များကို ရှင်းလင်း ဆွေးနွေးခဲ့ကာ သတ်မှတ်ချက်များကို လိုက်နာမှု မရှိကြောင်းစိစစ်တွေ့ရှိပါက စီမံခန်ခွဲမှု နည်းလမ်းများအရ အရေးယူခံရမည်ဖြစ်ကြောင်း အသိပညာပေး ဆွေးနွေးခဲ့ပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဦးတင်ကိုဝန်ထမ်းတို့သည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် ကျန်းမားရေး၊ မြို့နယ် ပြန်/ဆက်၊ မြို့နယ်အားကစားနှင့် ကာယပညာဦးစီးဌာနတို့နှင့် ပူးပေါင်း၍ ၂၀၂၆ ခုနှစ်၊ စက်တင်ဘာလ (၂၆) ရက်နေ့၊ နံနက် (9:0၀) နာရီအချိန်တွင် ကျောင်းကုန်းမြို့နယ် အလက ပျော်ဘွယ်ကုန်းကျောင်းတွင် တွင် အသိပညာ ပေးဟောပြောခဲ့ပါသည်။

          အဆိုပါဟောပြောမှုတွင် မြို့နယ်တာဝန်ခံဦးတင်ကိုသည် ကျောင်းတွင်းနှင့် ကျောင်းပြင်ပတွင် ရောင်းချနေသော ဈေးဆိုင်များတွင် ကုန်ပစ္စည်းများ ကုန်ညွှန်းအမှတ်အသားပြည့်စုံခြင်းရှိမရှိ၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ မြန်မာဘာသာစကားဖြင့် ဖော်ပြထားသော ကုန်ပစ္စည်းများကို ဝယ်ယူကြရန်နှင့် ကုန်ညွှန်းအမှတ်အသား ပြည့်စုံခြင်းမရှိသော ကုန်ပစ္စည်းများကို အသုံးမပြုကြရန်၊ ရွေးချယ်ဝယ်ယူသုံးစွဲသည့် အခါတွင်လည်း အခန်း(၁၈)ပါ ကုန်ညွှန်းအမှတ်အသား များပြည့်စုံသော ကုန်ပစ္စည်းများကိုသာ အရွေးချယ်ဝယ်ယူသင့်ကြောင်းနှင့် ကုန်ညွှန်းအမှတ် အသားများ ပြည့်စုံခြင်းမရှိသော မုန့်များသာမက အခြား စားသောက်ကုန်များ တွင်လည်း ကုန်ညွှန်းအမှတ်အသား ပြည့်စုံသော ကုန်ပစ္စည်းများကိုသာ ရွေးချယ်ဝယ်ယူသုံးစွဲသင့် ကြောင်း အသိပညာပေးဟောပြော ခဲ့ပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် စားသုံးသူရေးရာဦးစီးဌာနတို့ ပူးပေါင်း၍ ပြည်သူများ စားသုံးသူအခွင့်အရေးများကို ပိုမိုသိရှိနားလည်စေ ရန်ရည်ရွယ်ကာ "စားသုံးသူအခွင့်အရေး ၈ ချက်" အသိပညာပေး Talk Show အစီအစဉ် ကို Community Centre ခန်းမ၌ ကျင်းပပြုလုပ်ခဲ့ပါသည်။

              အဆိုပါ Talk Show တွင် ပြည်သူများအနေဖြင့် ကုန်စည်နှင့် ဝန်ဆောင်မှုများကို ဝယ်ယူအသုံးပြုရာတွင် မိမိတို့ရရှိမည့် ဥပဒေပါ အခွင့်အရေးများနှင့် နစ်နာဆုံးရှုံးမှုများရှိခဲ့ပါက တိုင်ကြားနိုင်သည့် နည်းလမ်းများကို အကျယ်တဝင့် ဆွေးနွေးခဲ့ကြသည်။ စားသုံးသူများ သိရှိထားရမည့် အခွင့်အရေး ၈ ချက်အနေဖြင့် (က) စားသုံးသူများအတွက် ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ အခြေခံလိုအပ်ချက်များ ပေါ်တွင် စိတ်ကျေနပ်မှု ရရှိစေခြင်း၊(ခ) ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရှိခြင်း၊(ဂ) ကုန်စည် သို့မဟုတ် ဝန်ဆောင်မှုကို ရွေးချယ်ဝယ်ယူအသုံးပြုရာတွင် လိုအပ်သော သတင်းအချက် အလက်များ ပြည့်စုံမှန်ကန်စွာ သိရှိခွင့်နှင့် ပြေစာ သို့မဟုတ် အထောက်အထား ရယူခွင့်ရှိခြင်း၊(ဃ) ဈေးကွက်အတွင်းရှိ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ စိတ်ကြိုက်ရွေးချယ် ဝယ်ယူနိုင်ခွင့်ရှိခြင်း၊(င) စားသုံးသူနစ်နာဆုံးရှုံးမှုနှင့်စပ်လျဉ်းသည့် ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့် ရရှိနိုင်စေခြင်း၊(စ) ကုန်စည် သို့မဟုတ် ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှု များနှင့်စပ်လျဉ်း၍ ကုစားခွင့်ရရှိခြင်း၊(ဆ) ကုန်စည် သို့မဟုတ် ဝန်ဆောင်မှုနှင့်စပ်လျဉ်းသည့် အသိပညာဗဟုသုတများ၊ အခွင့်အရေးများနှင့် လိုအပ်သော အချက်အလက်များကို သိရှိလေ့လာနိုင်ခွင့်ရှိခြင်း၊(ဇ) ပစ္စုပ္ပန်တွင်သာမက အနာဂတ်မျိုးဆက်များအတွက်ပါ ကောင်းမွန်သာယာသော လူနေမှုအဆင့် အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေခြင်း တို့ဖြစ်ကြောင်း အကယ်၍ အရည်အသွေးမပြည့်မီသော ကုန်ပစ္စည်းများနှင့် အန္တရာယ်ဖြစ်စေနိုင်သော ကုန်စည်/ဝန်ဆောင်မှုများ ကြုံတွေ့ရပါက စားသုံးသူရေးရာဦးစီးဌာန (DOCA) ၏ တရားဝင်ဝက်ဘ်ဆိုက်ဖြစ်သော DOCA မြန်မာ တွင်ဖြစ်စေ၊ Consumer Call Center ဖုန်းနံပါတ် 1535 သို့ဖြစ်စေ ဆက်သွယ်တိုင်ကြားနိုင်ကြောင်း အသိပညာပေး ဆွေးနွေးခဲ့ကြောင်း သိရသည်။

DOCA(ဧရာဝတီ)

                  ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့ပေါ်ရှိ စားအုန်းဆီ လက်လီလက်ကား ရောင်းချသည့်ဆိုင်များမှ ဒေသခံပြည်သူများလက်ဝယ်အရောက်  သတ်မှတ်ရည်ညွှန်းဈေးအတိုင်း ရောင်းချစေရေး၊ ဆီစာအုပ်ဖြင့်သာ ရောင်းချစေရေး ၂၀၂၆ခုနှစ် စက်တင်ဘာလ ၂၅ ရက်နေ့ မွန်းလွဲ (၁) နာရီအချိန်က ရှောင်တခင်ကွင်းဆင်း စစ်ဆေးသည်။

                  အဆိုပါ ကွင်းဆင်းစစ်ဆေးမှုအား မြို့နယ်အထွေထွေအုပ်ချုပ်‌ရေး ဦးစီးဌာန ဒုတိယ ဦးစီးမှူးဦးဖြိုးကိုကို၊ စားသုံးသူရေးရာဦးစီးဌာန မြို့နယ်ဦးစီးမှူး ဦးအောင်ဇော်ဦး၊ အထူးစုံစမ်းစစ်ဆေးရေးဦးစီးဌာန ဒုတိယစုံစမ်းရေးမှူးဦးရဲဟန်၊ မြို့နယ်ရဲတပ်ဖွဲ့ဝင်များ၊ မြို့နယ်စည်ပင်သာယာရေးအဖွဲ့၊ မြို့နယ်ဆီလုပ်ငန်း ရှင်များအသင်းဥက္ကဋ္ဌဦးသက်ဦးနှင့် မြို့နယ်စားအုန်းဆီလုပ်ငန်း ကြီးကြပ်မှု အဖွဲ့ဝင်များပူးပေါင်း၍ မအူပင်မြို့နယ်အတွင်း စားအုန်းဆီဖြန့်ဖြူး ရောင်းချ နေသည့် လက်လီလက်ကားဆိုင် (၂၇) ဆိုင်အား မြေပြင်ကွင်းဆင်း၍ ဒေသခံ ပြည်သူများလက်ဝယ်အ‌ရောက် သတ်မှတ်ရည်ညွှန်းဈေးအတိုင်း ရောင်းချမှု ရှိစေရေး၊ ဆီစာအုပ်များဖြင့်သာ စနစ်တကျရောင်း‌ချစေရေး၊ သတ်မှတ်ခွဲ တမ်းများအား စာအုပ်ဖြင့်အပြည့်အဝ ရောင်းချမှုရှိစေရေး၊ အလေးချိန် မှန်ကန်မှုရှိစေရေး ဆွေးနွေးပြောကြားပြီး ရှောင်တခင်ကွင်းဆင်းစစ်ဆေးခဲ့ကြောင်း သိရသည်။

DOCA(ဧရာဝတီ)