သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်  အိမ်မဲမြို့နယ်၊ တာဝန်ခံ ဦးလေးလွင်နှင့်ဝန်ထမ်းများသည် (၁၂.၁.၂၀၂၃)ရက်နေ့ နေ့လယ် (၁၂:၃၀)နာရီတွင်  ချောင်းဝရပ်ကွက် အုပ်ချုပ်ရေးမှူးရုံး၌ မုန့်မျိုးစုံလုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူရေးရာဦးစီးဌာန၏ လက်ရှိဆောင်ရွက်နေသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များ၊ ဦးစွာရှင်းလင်းပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့် အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊တားမြစ်ချက်များ၊ ပြစ်မှုပြစ်ဒါဏ်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့် စီးပွားရေးလုပ်ငန်းရှင်မဆို ပုဒ်မ(၄၁)ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာ တွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် စီးပွားရေး လုပ်ငန်းရှင်မည်သူမဆို ပုဒ်မ(၆၇)(၆၈)ကို ဖောက်ဖျက်ကျုးလွန်ပါက ပြစ်မှုထင်ရှားစီရင်ခံရလျှင် ထောင်ဒဏ်၊ ငွေဒဏ်ချမှတ်နိုင်ကြောင်း၊ အသေးစိတ်ရှင်းလင်းဟောပြောခဲ့ပြီး လက်ရှိရောင်းဝယ် နေသော ကုန်စည်များ၏ဈေးနှုန်းများအနေဖြင့် ဖြစ်သင့်ဖြစ်ထိုက်သော ဈေးနှုန်းများဖြင့် ရောင်းဝယ်ကြရန် အလေးတင်းတောင်း မှန်မှန်ကန်ကန်ချိန်တွယ်ဝယ်ယူနိုင်ရေး အလေးထားဆောင်ရွက်ရန်၊ လုပ်ငန်းရှင်များအနေဖြင့် ဌာနမှထုတ်ပြန်ထားသော ဥပဒေညွှန်ကြားချက်များအား သိရှိလိုက်နာ ဆောင်ရွက်ကြရန် ဟောပြောဆွေးနွေးခဲ့ပါသည်၊၊ ဟောပြောပွဲသို့ မုန့်မျိုးစုံလုပ်ငန်းရှင်(၁၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံးနှင့် မုံရွာခရိုင်ဦးစီးမှူးရုံးမှ  ဝန်ထမ်းများ သည် ၂၀၂၃ ခုနှစ် ၊ ဇန်နဝါရီလ (၁၂) ရက်နေ့၊ ညနေ (၁၄:၀၀)နာရီအချိန်တွင် တိုင်းဒေသကြီး ဦးစီးမှူးရုံး အစည်းအဝေးခန်းမ၌ ခရီးစရိတ်အကြောင်းသိကောင်းစရာများနှင့် စပ်လျဉ်း၍ ဝန်ထမ်းများအား “ခရီးစရိတ်အကြောင်းသိကောင်းစရာများ ခေါင်းစဉ်” ဖြင့် Thursday Talk အသိပညာပေး ဆွေးနွေးပွဲ ကျင်းပဆောင်ရွက်ခဲ့ရာ စုစုပေါင်း ဝန်ထမ်း ( ၃၃ ) ဦးတက်ရောက်ခဲ့ပါသည်။

        အဆိုပါ Thursday Talk အသိပညာပေးဆွေးနွေးပွဲတွင် စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံး၊ ဒု-ခရိုင်ဦးစီးမှူး ဒေါ်တိုးတိုးချွန်က  မြန်မာနိုင်ငံ ခရီးစရိတ်နည်းဥပဒေသည် ၁၉၂၂ ခုနှစ် ဇန်နဝါရီ ၁ ရက်နေ့တွင် စတင်အာဏာတည်ပြဌာန်းခဲ့သည့် နည်းဥပဒေဖြစ်ပါကြောင်း၊ မြန်မာနိုင်ငံ ခရီးစရိတ်လက်စွဲဥပဒေ အပိုဒ် (၃) တွင် ခရီးသွားသည့် ဝန်ထမ်းကိုယ်တိုင် ပြုလုပ်ဆောင် ရွက်ရခြင်း၊ ပြည်သူအကျိုးအတွက် ခရီးသွားမှုအမှန်ဖြစ်ခြင်း၊ ခရီးသွားရမည့်အကြောင်းပြချက် ခိုင်လုံမှု ရှိရမှာဖြစ်ခြင်း၊ ခရီးစရိတ်တောင်းခံလွှာများကို ပြန်တမ်းဝင်အရာထမ်းများအတွက် TF-45 နှင့် အမှုထမ်း များအတွက် TF-46 စသည့် ပုံစံများဖြစ်ရေးဆွဲရမည်ဖြစ်ပါကြောင်း၊ ခရီးစရိတ်ရေးဆွဲရာတွင် အထောက် အထားများပူးတွဲဖော်ပြရန် လိုအပ်ကြောင်း၊ ခရီးစရိတ်အမျိုးအစားများမှာ ယာဉ်စရိတ်၊ ပုံသေခရီးစရိတ်၊ နေ့တွက်စရိတ်၊ မိုင်နှုန်းစရိတ်၊ ယာဉ်ခများနှင့် အမှန်ကုန်ကျစရိတ်များဖြစ်ပါကြောင်း၊ စားမေးပွဲ ဖြေဆိုရန်သွားသည့် ခရီးစရိတ်အတွက် ရပ်နားသောနေ့ရက်များတွင် နေ့တွက်စရိတ် ခွင့်မပြုပါကြောင်း၊ ပြောင်းရွေ့ခရီးစရိတ်တွင် မိမိဆန္ဒအလျှောက်လျှောက်ထားသဖြင့် ပြောင်းရွေ့ခံ ရခြင်း၊ အကျင့်စာရိတ္တ ပျက်ပြားမှုကြောင့် ပြောင်းရွေ့ခံရခြင်းမဟုတ်လျှင် ခံစားခွင့်ရှိပါကြောင်း၊ ဝန်ထမ်းများ အဆင့်အလိုက် သယ်ယူခွင့်ရှိသော အိမ်ထောင်ပစ္စည်းနှင့် အခြားသယ်ယူခွင့်ရှိသည့် ပစ္စည်းများ၏ ကုန်ကျစရိတ်များကို တွက်ချက်ခွင့်ပြုပေးကြောင်း စသည့်အချက်များကို ရှင်းလင်းပြောကြားခဲ့နောက် တက်ရောက် လာကြသည့် ဝန်ထမ်းများကလည်း သိရှိလိုသည်ကို အပြန်အလှန်မေးမြန်း ဆွေးနွေးခဲ့ကြပြီး ညနေ (၁၅:၀၀) နာရီအချိန်တွင် ThursdayTalk  ဆွေးနွေးခြင်းအား အောင်မြင်စွာပြီး မြှောက်ခဲ့ကြောင်း သတင်းရရှိပါသည်။

DOCA(စစ်ိကိုင်း)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ် ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၁၃.၁.၂၀၂၃) နေ့ (၀၉:၃၀) နာရီအချိန်တွင် ပန်းတနော်မြို့ အနောက်ပိုင်းရပ်ကွက် အခြေခံပညာမူလတန်းကျောင်းတွင် စားသုံးသူအခွင့်အရေး ဦးစားပေးသိရှိနိုင်ရေး မိတ်ဖက်ဌာန တိုင်းရင်းဆေးပညာဦးစီးဌာနနှင့်အတူ လူငယ်အသိပညာပေး ဟောပြောပွဲပြုလုပ်ခဲ့ကြပါသည်။

        အဆိုပါဟောပြောပွဲတွင် ပန်းတနော်မြို့နယ် စားသုံးသူရေးရာဦးစီးဌာန၊ မြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေး ဥပဒေအကြောင်း ရှင်းလင်းဟောပြောပြီး စားသုံးသူကာကွယ်ရေး၏ အဓိပ္ပာယ်များအကြောင်း၊ စားသုံးသူ၏အဓိပ္ပာယ်၊ စီးပွားရေးလုပ်ငန်းရှင် အဓိပ္ပာယ်၊ ကုန်စည် (သို့မဟုတ်) ဝန်ဆောင်မှု၏ အဓိပ္ပာယ်အကြောင်းများကို ရှင်းလင်းဟောပြောပြီး ဈေးကွက်အတွင်းရှိ ကုန်စည်များကို ဝယ်ယူသုံးစွဲရာတွင် ကုန်အညွှန်းအမှတ်အသားဖော်ပြခြင်း ဆိုင်ရာအချက်အလက်များ ပါဝင်သောကုန်စည်ကို ဦးစားပေးဝယ်ယူအသုံးပြုတတ်စေရန်၊ စားသုံးသူတို့သည် မိမိတို့အခွင့်အရေးကိုသိရှိ၍ ကုန်စည်ကိုဝယ်ယူအသုံးပြုရာတွင် နစ်နာဆုံးရှုံးမှု ရှိလာပါကလည်း စားသုံးသူရေးရာဦးစီးဌာနသို့ အရေးဆိုတိုင်ကြားနိုင်သည့် နည်းလမ်းများအကြောင်းနှင့် စားသုံးသူရေးရာဦးစီးဌာနသို့ တိုင်ကြားလာသော စားသုံးသူတို့၏ နစ်နာဆုံးရှုံးမှု များကို စားသုံးသူနှင့် စီးပွားရေးလုပ်ငန်းရှင်တို့အကြားနှင့် ညှိနှိုင်းဖြေရှင်းဆောင်ရွက်ခဲ့ရသည့် ဖြစ်စဉ်များကို ဥပမာပေးရှင်းလင်းဟောပြောခဲ့ပြီး ကျောင်းသူ၊ ကျောင်းသားများက သိရှိလိုသည်များ မေးမြန်းမှုများကို အပြန်အလှန်ဖြေကြားခဲ့ပြီး ကျောင်းသား/ ကျောင်းသူ (၁၃၂) ဦး၊ ဆရာ/ဆရာမ (၃) ဦးတက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ ဇလွန်မြို့နယ်တာဝန်ခံသည် (၁၀.၁.၂၀၂၃)ရက်နေ့ နေ့လယ် (၁၄:၀၀)နာရီအချိန်တွင်  ဖတ်သောင်ကျေးရွာအုပ်စု၊ အုပ်ချုပ်ရေးမှူးရုံး၌ စားသုံးသူပြည်သူ(၂၅)ဦးအား  စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

        ဟောပြောပွဲတွင် စားသုံးသူ‌‌‌ရေးရာဦးစီးဌာနမြို့နယ်တာဝန်ခံက  စားသုံးကာကွယ်ရေးဥပဒေများအကြောင်း၊  စားသုံးသူအခွင့်အရေးနှင့် တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ အချက်အလက်ပြည့်စုံစွာပါရှိရမည်အကြောင်း၊ စီးပွားရေးလုပ်ငန်းရှင်၏တာဝန်များအကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm တွင် ဝင်ရောက်လေ့လာနိုင်ကြောင်း စသည့်တို့ကို အသိပညာပေးဟောပြောခဲ့ပြီး တက်ရောက်လာသူများမှလည်း သိလိုသည်များကို မေးမြန်း၍ စားသုံးသူကာကွယ်ရေး ဥပဒေစာအုပ်နှင့် လက်ကမ်းစာစောင်များကို ဖြန့်ဝေပေးခဲ့ကြကြောင်း သိရှိရပါသည်။

DOCA(ဧရာဝတီ)

      ပေါက်ပန်းဖြူပင်သည် မြန်မာနိုင်ငံရှိ ဒေသအများအပြား၌ သဘာဝအလျောက် ပေါက်ရောက်သည့် အပင်တစ်မျိုးဖြစ်ပါသည်။ ပေါက်ပန်းဖြူနှင့် ပေါက်ပန်းနီဟူ၍ (၂)မျိုးရှိပြီး ဆေးဖက်ဝင်သောပေါက်ပန်းဖြူမှာ လူသိများ၍ ထင်ရှားပါသည်။ ပေါက်ပန်းဖြူရွက်ကို ကျေးလက်ဒေသနှင့် မြို့နေလူတန်းစားများသည် တို့စရာအဖြစ် စားသုံးမှုများပါသည်။ အပင်လတ်အမျိုးအစားဖြစ်၍ အကိုင်းအခက်များ များပြားပါသည်။ အရွက်မှ ာရွက်ပေါင်းဖြစ်ပြီး အရွက်ရင်းနှင့် အရွက်ထိပ်ပိုင်းမှာ ဝိုင်းပါသည်။ ပန်းတစ်ခိုင်လျှင် အပွင့်(၂)ပွင့်မှ (၄)ပွင့်အထိပါရှိပါသည်။ အပွင့်မှာ အဖြူနှင့်အနီဟူ၍ (၂)မျိုးရှိပြီး အသီးမှာ အတောင့်ရှည်၍ အစေ့များစွာရှိပါသည်။ မြန်မာ့စားစရာတို့စရာများထဲတွင်ာ ပေါက်ပန်းဖြူပွင့်ကို ကြော်စား၊ ချက်စား၊ ပြုတ်စား၊ သုတ်စား၊ ဟင်းချိုချက်ခြင်းတို့ဖြင့် မျိုးစုံပြုလုပ်၍ စားသုံးကြပါသည်။

      ပေါက်ပန်းဖြူပင်ကို ရန်ကုန်မြို့တွင် တွေ့ဖူးသူနည်းပါးပြီး နယ်ဘက်များတွင် နေရာအတော်များများ၌ ာပေါက်ရောက်ကြပါသည်။ ပွင့်ဖက်မှာအသားထူပြီး အပွင့်မှာတွဲလွဲပွင့်ပါသည်။ အနံ့မရှိဘဲ ပေါက်ပန်းနီကိုတော့ ပေါက်ပန်းဖြူကဲ့သို့ များများစားစားတွေ့ရခြင်းမရှိပါ။ ပေါက်ပန်းဖြူပင်မှာ အရွက်သာမက အပွင့်၊ အစေ့၊ အခေါက်၊ အစေး၊ ဥနှင့်အမြစ် စသည့် အစိတ်အပိုင်းများလည်း ဆေးဖော်စပ်ရာတွင် အသုံးဝင်ကြောင်း လေ့လာသိရှိရပါသည်။

DOCA(ပဲခူး)