သတင်းနှင့် လှုပ်ရှားမှုများ

ကချင်ပြည်နယ်၊ စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုန်း(ရုံးအုပ်) သည် ၁၂.၁.၂၀၂၃ ရက်နေ့(၁၀:၃၀)နာရီမှ (၁၁:၃၀)နာရီအချိန်ထိ မြစ်ကြီးနားမြို့၊ သီတာရပ်ကွက်ရှိ အမှတ်(၁၁)အခြေခံပညာမူလတန်းစာသင်ကျောင်းတွင် ဆရာ၊ဆရာမများနှင့် ကျောင်းသား၊ကျောင်းသူ များအား စားသုံးသူကာကွယ်ရေးဆိုင်ရာ အသိပညာပေးဟောပြောပွဲဆောင်ရွက်ခဲ့ပါသည်။
အဆိုပါဟောပြောရာတွင် ဦးဘောမ်ဇုန်း(ရုံးအုပ်)မှ စားသုံးသူကာကွယ်ရေးပေါ်ပေါက်လာပုံ သမိုင်းကြောင်းနှင့်စားသုံးသူ၏အဓိပ္ပါယ်ဖွင့်ဆိုချက်၊စားသုံးသူအခွင့်အရေး(၈)ချက်ဖြစ်သည့်စိတ်ကြိက် ရွေးချယ်ခွင့်၊ ဘေးအန္တရာယ်ကင်းရှင်းစွာသုံးစွဲခွင့်၊ မှန်ကန်သော သတင်းအချက်အလက်များရရှိခွင့်၊ အခြေခံလိုအပ်ချက်များကို စိတ်ကျေနပ်မှုရရှိခွင့်၊ နစ်နာဆုံးရှုံးမှုများကိုတိုင်ကြားခွင့်၊ နစ်နာဆုံးရှုံးမှုများ နှင့်စပ်လျဉ်း၍ပါဝင်ကြားနာခွင့်၊ အသိပညာဗဟုသုတများ၊ အခွင့်အရေးများနှင့် လိုအပ်သော အချက် အလက်များသိရှိလေ့လာနိုင်ခွင့်၊ ကျန်းမာဝပြောသည့် ပတ်ဝန်းကျင်ကောင်းတွင် ရှင်သန်နိုင်ခွင့်တို့ကို ရှင်းလင်းဟောပြောခြင်း၊ ကျောင်းသား၊ကျောင်းသူများသည် အသင့်စားအစားအစာများကို ဝယ်ယူ အသုံးပြုရာတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားသည့် အစားအစာများကို ရွေးချယ်ဝယ်ယူအသုံးပြုရန် နမူနာပစ္စည်းများဖြင့်ရှင်းလင်းခြင်း၊ သက်တမ်းကုန်ဆုံးရက်စွဲများ သေချာ သိရှိနားလည်စေရန် ပုံစံနမူနာပြသ၍ အပြန်အလှန်မေးမြန်းခြင်းတို့ကို အသိပညာ‌ပေးဟောပြောခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များနှင့် ထုတ်ကုန်လုံခြုံစိတ်ချရမှုရှိသော အသင့်စားမုန့်ထုတ်များကို ဖြန့်ဝေခဲ့ပါသည်။ အသိပညာပေးဟောပြောပွဲသို့ ဆရာ၊ဆရာမ (၇)ဦး နှင့် ကျောင်းသား၊ကျောင်းသူ (၁၂၈)ဦး ၊ စုစုပေါင်း (၁၃၅)ဦး တက်ရောက်ခဲ့ပါသည်။
DOCA(ကချင်)

ကျောက်ဆည်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးဦးဆောင်သော စစ်ဆေးရေး အရာရှိများသည် မြို့နယ်စိုက်ပျိုးရေးဦးစီးဌာနနှင့် ပူးပေါင်း၍ ကျောက်ဆည်ခရိုင် ဦးစီးမှူးရုံး လက်အောက်မြို့နယ်များရှိ စိုက်ပျိုးရေးသုံးပစ္စည်းအရောင်းဆိုင်များအား စျေးကွက်စောင့်ကြည့် စစ်ဆေးခဲ့ပါသည်။ထိုသို့ စစ်ဆေးရာတွင် ကျောက်ဆည်ခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးက စျေးနှုန်းသက်သာသော အရည်အသွေးနိမ့်မြေသြဇာများကို ထိုင်းနိုင်ငံပြည်တွင်းသုံး မြင်းပျံအိတ်ခွံ များဖြင့် ပြန်လည်ထုပ်ပိုးပြီး အိုင်စီပီမြင်းပျံ မြေသြဇာအတုများ ပြုလုပ်လျက် စျေးကွက်ထဲတွင် လိမ်လည်ဖြန့်ဖြူးရောင်းချနေကြောင်း ICP Shwe Me Fertilizer Co.,Ltd မှ တိုင်ကြားလာမှုအရ လာရောက်ရခြင်းဖြစ်ကြောင်း ၊ မြေသြဇာအိတ်များအား ရောင်းချရာတွင် မြန်မာဘာသာဖြင့်ဖော်ပြထားသော ကုန်အညွှန်းအမှတ်အသားပါရှိသည့် မြေသြဇာများသာ ရောင်းချရန်လိုအပ်ကြောင်း ၊မြင်းပျံအမှတ်တံဆိပ်မြေသြဇာနှင့် ပတ်သက်၍ ICP Shwe Me Fertilizer Co.,Ltd မှ မြင်းပျံ အမှတ်တံဆိပ်မြေသြဇာများအား ရောင်းချရာတွင် ဆင်တူရိုးမှား အတုအပသတိထားနိုင်ရန်အတွက် မြင်းပျံမြေသြဇာ(အစစ်)အိတ်တွင် ပါဝင်သည့်အချက်များနှင့် မြင်းပျံမြေသြဇာ(အတု)အိတ်များတွင်ပါဝင်သည့်အချက်များအား ရှင်းလင်းပြောကြားခဲ့ပါသည်။ ကျောက်ဆည်ခရိုင်အတွင်းရှိ စိုက်ပျိုးရေးသုံး ပစ္စည်းအရောင်းဆိုင်များအား စျေးကွက်စောင့်ကြည့်စစ်ဆေးရာတွင် ( ၃-၁-၂၀၂၃ )ရက်နေ့၌ ကျောက်ဆည်မြို့ပေါ်ရှိ မြေသြဇာအရောင်းဆိုင်(၈)ဆိုင်နှင့် မတ္တရာမြို့နယ်ရှိ မြေသြဇာ အရောင်းဆိုင် (၆)ဆိုင်အားလည်းကောင်း ၊ (၆-၁-၂၀၂၃)ရက်နေ့တွင် မြစ်သားမြို့နယ်ရှိ မြေသြဇာအရောင်းဆိုင် (၆)ဆိုင်အား လည်းကောင်း ၊ (၉-၁-၂၀၂၃)ရက်နေ့တွင် စဉ့်ကိုင်မြို့နယ်ရှိ မြေသြဇာအရောင်းဆိုင် (၄)ဆိုင်နှင့်တံတားဦးမြို့နယ်ရှိ မြေသြဇာအရောင်းဆိုင်(၂)ဆိုင်အား စျေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။
DOCA(မန္တလေး)

မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းမြသာစည်မြို့နယ်၊ လူမှုဝန်ထမ်းဦးစီး ဌာန၊ နားမကြားသောကလေးများကျောင်း၊ ထိခိုက်လွယ်သည့် စားသုံးသူအုပ်စုတွင် ပါဝင်သော စားသုံးသူများသို့ (၁၁.၁.၂၀၂၃) ရက်နေ့ နံနက်(၁၀:၀၀) နာရီအချိန်တွင် စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ကြောင်း သိရှိရပါသည်။
အဆိုပါ ဟောပြောပွဲတွင် စားသုံးသူကာကွယ်ရေးအသိပညာပေးဟောပြောရာ၌ ဦးစီးအရာရှိ ဒေါ်မေသက်ထွန်းမှ အဖွင့်အမှာစကားပြောကြားခဲ့ပြီး ဦးစီးမှူး ဦးတင်ချစ်ကောင်းမှ ဟောပြောရာ ၌ စားသုံးသူများတွင် စားသုံးသူအခွင့်အရေး(၈)ချက်ရှိပါကြောင်း၊ စားသုံးသူအခွင့်အရေး(၈)ချက် အား Power Point ဖြင့် အကျယ်တဝင့် ရှင်းလင်းပြောကြားရာတွင် ကျောင်းသား/ကျောင်းသူများ နားလည်လွယ်စေမည့် ဥပမာများဖြင့် ဟောပြောခဲ့ပြီး ကျောင်းသား/ကျောင်းသူများအနေဖြင့် မုန့်များ၊ အချိုရည်များ ဝယ်ယူစားသောက်ရာတွင် ကုန်အညွှန်းအမှတ်အသား ပြည့်စုံစွာ ပါရှိမှသာ ဝယ်ယူစားသောက်သင့်ပါကြောင်း၊ အထူးသဖြင့် သက်တမ်းကုန်ဆုံးရက်စွဲများ ကြည့်ရှု၍ ဝယ်ယူ စားသောက်သင့်ပါကြောင်း၊ စားသုံးသူများတွင် အခွင့်အရေးများရှိသလို တာဝန်များလည်း ရှိပါကြောင်း၊ စားသုံးသူ၏ တာဝန်များကိုလည်း လိုက်နာရမည်ဖြစ်ပါကြောင်း၊ စားသောက်မှုကြောင့် ဖြစ်စေ၊ သုံးစွဲမှုကြောင့်ဖြစ်စေ နစ်နာဆုံးရှုံးမှုများ ရှိပါက စားသုံးသူရေးရာ ဦးစီးဌာနသို့ တိုင်ကြားနိုင်ပါကြောင်း၊ ဟောပြောမှုများအား လူမှုဝန်ထမ်းဦးစီးဌာန၊ နားမကြား သောကလေးများကျောင်း ကျောင်းအုပ်ဆရာမကြီး ဒေါ်သီတာဆွေမှ လက်သင်္ကေတဖြင့် ကျောင်းသား/ကျောင်းသူများအား ပြန်လည်ရှင်းလင်းရာတွင် ကျောင်းသား/ကျောင်းသူများမှ သိရှိလိုသည်များ မေးမြန်းခဲ့ရာ ဌာန တာဝန်ရှိသူများမှ ဖြေကြားခဲ့ပါသည်။ လူမှုဝန်ထမ်းဦးစီးဌာန၊ နားမကြားသောကလေးများကျောင်း ဆရာ/ဆရာမများက ကျေးဇူးတင်ရှိပါကြောင်း ပြောကြား ခဲ့ပြီး ကျောင်းသား/ကျောင်းသူများမှ လာရောက်ဟောပြောပေးပါသဖြင့် ကျေးဇူးတင်ရှိပါကြောင်း လက်သင်္ကေတဖြင့် ပြသခဲ့ပါသည်။ စားသုံးသူရေးရာဦးစီးဌာနမှ လက်ကမ်းစာစောင်များ ဖြန့်ဝေခဲ့ကြပြီး (၁၁:၃၀) နာရီအချိန်တွင် ဟောပြောပွဲပြီးမြောက်ခဲ့ပါသည်။
DOCA(မန္တလေး)

မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၁၀.၁.၂၀၂၃ ရက်နေ့တွင် မော်လမြိုင်မြို့နယ် ဒေါင်းဇရပ်၊ ဖက်ခင်းရပ်ကွက်၊ ရွှေပြည်အေးရပ်ကွက်တို့တွင်လည်းကောင်း၊ ၁၁.၁.၂၀၂၃ ရက်နေ့တွင် မော်လမြိုင်မြို့၊ မင်းရွာ၊ လမုတန်းရပ်ကွက်၊ စမ်းကြီးရပ်ကွက်တို့တွင် လည်းကောင်း၊ ၁၂.၁.၂၀၂၃ ရက်နေ့တွင် မော်လမြိုင်မြို့၊ ကွင်းရပ်ကွက်၊ မြေနီကုန်းရပ်ကွက်၊ ငန်းတေးရပ်ကွက်တို့တွင်လည်းကောင်း ကုမ္ပဏီမှ ဖြန့်ဖြူးရောင်းချသည့် စားအုန်းဆီများအား ဈေးကွက်အတွင်း လက်လီ/ လက်ကား ဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ပါသည်။
ထိုသို့ ဆောင်ရွက်ရာတွင် စားအုန်းဆီတင်သွင်းသည့် ကုမ္ပဏီများမှ လက်ကားကုန်သည်များသို့ ဖြန့်ဖြူးထုတ်ပေးခဲ့သည့် စားအုန်းဆီများကို ရန်ကုန်အထိုင်ဈေး ရည်ညွှန်းလက်ကား ဈေးနှုန်းအပေါ် သယ်ယူပို့ဆောင်ခ ကုန်ကျစရိတ်များထပ်ပေါင်း၍ ၂ ရာခိုင်နှုန်း အမြတ်ထက် မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချရမည်ဖြစ်ရာ လက်လီဈေးကွက်အတွင်း ဖြစ်သင့်ဖြစ်ထိုက်သော ဈေးနှုန်းများဖြင့် ရောင်းချစေရေး ၊ ဈေးနှုန်း အဆမတန်မြှင့်တင်ရောင်းချခြင်း မရှိစေရေးတို့အတွက် ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။
DOCA(မွန်)

ရာဘာခြံလုပ်ငန်းကို မွန်ပြည်နယ်၊ ကရင်ပြည်နယ်၊ တနင်္ဿာရီတိုင်းဒေသကြီးများ၌ ပိုမိုကျယ်ပြန့်စွာလုပ်ကိုင်ကြသည်။ ရာဘာပင်သည် နှစ်ရှည်အပင်ဖြစ်သည်။ ရာဘာပင်စိုက်ပျိုး လျက်ရှိသည့်လုပ်ငန်းရှင်များအနက် ၂၀၂၃ခုနှစ် ဇန်နဝါရီလ ၉ရက်နေ့တွင် မွန်ပြည်နယ်၊ သထုံမြို့ နယ်ရှိ ဦးအောင်မြင့် ရာဘာခြံသို့ စားသုံးသူရေးရာဦးစီးဌာန၊ သထုံခရိုင်ဦးစီးမှူးနှင့် ဝန်ထမ်းများမှ သွားရောက်လေ့လာမှတ်တမ်းယူ ဆောင်ရွက်ခဲ့ကြောင်း သိရသည်။
ထိုသို့ လေ့လာရာတွင် ဦးအောင်မြင့်က ရာဘာစိုက်ပျိုးသိုလှောင်ထားသည့် ခြံနေရာများသို့ ကွင်းဆင်းပြသခြင်း၊ ရာဘာထွက်ရှိမှုနှင့်အကျိုးအမြတ်ရရှိမှု၊ လက်ရှိရာဘာဈေးကွက် ဈေးနှုန်း အတက်အကျဖြစ်ပေါ်နေမှု၊ လက်ရှိစိုက်ပျိုးထားသည့်မျိုးနှင့်အထွက်နှုန်းတို့အား ဆွေးနွေးပြီး နောက် စားသုံးသူရေးရာဦးစီးဌာနသထုံခရိုင်မှူး ဦးထွန်းအောင်ဖြူမှ ဒေသတွင်း စီးပွားရေးများ ထောက်ပံ့အားပေးနေမှု၊ ပြည်တွင်းကုန်သွယ်မှုဖွံဖြိုးရေးနှင့်အကျိုးရှိသည့် အကြောင်းအရာများ၊ စားသုံးသူကာကွယ်ရေးလုပ်ငန်းများဖြင့်လည်း နိုင်ငံ့စီးပွားရေးတိုးမြှင့်ရေး ဖော်ဆောင်ပေးကူညီ ဆောင်ရွက်နေမှုအခြေအနေတို့အား ဆွေးနွေးခဲ့ကြောင်း သိရှိရသည်။
DOCA(မွန်)