သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြန်အောင်ခရိုင်၊ ကြံခင်းမြို့နယ်တာဝန်ခံသည် ၂၀၂၃ခုနှစ်၊ ဇန်နဝါရီလ(၉)ရက်နေ့ နံနက်(၀၈:၃၀)နာရီအချိန်တွင်  မြို့မဈေးအတွင်းရှိ မုန့်မျိုးစုံအရောင်းဆိုင်သို့ သွားရောက်၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် မြို့နယ်တာဝန်ခံ ဦးကျော်နိုင်ဝင်းမှ စားသုံးသူများဘေး အန္တရာယ်ကင်းရှင်းစွာ အသုံးပြုနိုင်စေရန်၊ ထုတ်ကုန်များ လုံခြုံစိတ်ချရမှုရှိစေရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ ဈေးကွက်အတွင်းရောင်းချ နေသော ကုန်စည်များအပေါ် ကုန်အညွှန်းအမှတ်အသားပြည့်စုံစွာဖော်ပြရန်၊  စားသုံးသူအခွင့်အရေးနှင့် တာဝန်များအကြောင်း၊ စားသုံးသူနစ်နာဆုံးရှုံးမှုဖြစ်ပွားစေသည့် ကုန်စည် သို့မဟုတ် ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းတို့ကိုရှောင်ကြဉ်ရန်၊ စားသုံးသူများအနေဖြင့် ကုန်စည်များ ဝယ်ယူအသုံးပြုရာတွင်လည်း ကုန်စည်နှင့် ပတ်သက်သည့် သတင်းအချက် အလက်များ ပြည့်စုံစွာရရှိနိုင်ပြီး စိတ်ကြိုက်ရွေးချယ်ဝယ်ယူနိုင်ရေး၊ စီးပွားရေးလုပ်ငန်းရှင်များ အနေဖြင့်ညွှန်ကြားချက်များအား လိုက်နာဆောင်ရွက်ရန်စသည့်တို့ကို အသိပညာပေး ဆွေးနွေးခဲ့ပြီး မုန့်မျိုးစုံဆိုင်(၃)ဆိုင် အားစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာန ၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့်ပြည်သူများ စားသုံးသူကာကွယ်ရေးဆိုင်ရာ အသိပညာများ ကျယ်ကျယ်ပြန့်ပြန့် သိရှိနိုင်စေရေးရည်ရွယ်၍ စားသုံးသူအသိပညာပေး လုပ်ငန်းများကို အင်တိုက်အားတိုက် ဆောင်ရွက်လျှက်ရှိရာ ပြည်ခရိုင်၊ ရွှေတောင်မြို့နယ်တွင် (၁၀.၁.၂၀၂၃) နေ့၌ အ.မ.က (ကြက်ဖြူတောင်)၊ (၁၁.၁.၂၀၂၃)နေ့၌ အ.လ.က (ခလရ-၁၄)၊ ပန်းတောင်းမြို့နယ်တွင် (၁၀.၁.၂၀၂၃) နံနက်ပိုင်း၌ မူလွန်(နတ်မောက်)၊ နေ့လည်ပိုင်း၌ အ.မ.က(ရွှေညီနောင်) စသည့် အခြေခံပညာကျောင်းများတွင် သက်ဆိုင်ရာမြို့နယ်ဌာနများနှင့် ပူးပေါင်းပြီး စားသုံးသူအသိပညာပေးခြင်းများ ဆောင်ရွက်ခဲ့ရာ စုစုပေါင်းကျောင်း(၄) ကျောင်းရှိ ကျောင်းသူ/ကျောင်းသား စုစုပေါင်း(၃၉၂)ဦး တက်ရောက်ခဲ့ပါသည်။

        အသိပညာပေးဟောပြောပွဲတွင် သက်ဆိုင်ရာမြို့နယ်တာဝန်ခံများနှင့် ဝန်ထမ်းများမှ စားသုံးသူ အခွင့်အရေးများနေ့ဖြစ်ပေါ်လာပုံ၊ စားသုံးသူအခွင့်အရေးနှင့်တာဝန်များ၊ စီးပွားရေး လုပ်ငန်းရှင်များ၏ တာဝန်နှင့်တားမြစ်ချက်များ၊ ကုန်အညွှန်းအမှတ်အသားဖော်ပြခြင်းဆိုင်ရာ အချက်များ ၊ နစ်နာဆုံးရှုံးမှုရှိပါက တိုင်ကြားနိုင်သည့် ပုဂ္ဂိုလ်များနှင့် နည်းလမ်းများ၊ တိုင်ကြားနိုင်မည့် ဖုန်းနံပါတ်နှင့်လိပ်စာ၊ စားသုံးသူကာကွယ်ရေးဥပဒေပါပြစ်မှု၊ ပြစ်ဒဏ်များ အကြောင်းသက်ဆိုင်ရာဌာနများက စားသုံးရန်မသင့်ဟု တားမြစ်ထုတ်ပြန်ထားသော ကုန်စည်များအား ရွေးချယ် ဝယ်ယူခြင်းမပြုရန်၊ ကုန်အညွှန်းအမှတ်အသားပြည့်စုံသော ကုန်စည်များကိုသာ ရွေးချယ်ဝယ်ယူကြရန် အသိပညာပေးဟောပြောခြင်းများ ဆောင်ရွက်ခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သိရှိိရပါသည်။

DOCA(ပဲခူး)

       ပဲခူးတိုင်းဒေသကြီး၊ ပြည်မြို့နယ်တွင် စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှုမြင့်မားတိုးတက်ရေး အလုပ်ရုံဆွေးနွေးပွဲများကို တစ်လလျှင် ကျေးရွာ(၁၀)ရွာရွေးချယ်ပြီး ထွေ/အုပ်၊ စိုက်ပျိုးရေး၊ တိမွေးကု၊ ဆည်မြောင်း၊ မြေစာရင်း၊ ကျေးလက်ဖွံ့ဖြိုးရေးဦးစီးဌာန၊ ကျေးလက်လမ်း ဦးစီးဌာန၊ ပညာရေး၊ ဥပဒေနှင့် စားသုံးသူရေးရာဦးစီးဌာနတို့ ပူးပေါင်း၍ လစဉ်ဆွေးနွေးပွဲများ ဆောင်ရွက်လျှက်ရှိရာ ၉.၁.၂၀၂၃ ရက်နေ့ နေ့လည် (၁၂:၀၀)နာရီအချိန် ၊ ပြည်မြို့နယ် သဲကုန်း အုပ်စု၊ ကုန်းသာကျေးရွာ ဘုန်းကြီးကျောင်း ဓမ္မရုံတွင် စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှု မြင့်မားတိုးတက်ရေး အလုပ်ရုံဆွေးနွေးပွဲ ကျင်းပခဲ့ကြောင်း သိရှိရပါသည်။

      ဆွေးနွေးပွဲတွင် တက်ရောက်လာသော ဌာနဆိုင်ရာများမှ တာဝန်ရှိသူများက သက်ဆိုင်ရာ ကဏ္ဍအလိုက် ဟောပြောခဲ့ကြသလို စားသုံးသူရေးရာဦးစီးဌာနမှ ပြည်မြို့နယ်ဦးစီးမှူး ဦးထွန်းနိုင် လင်းမှဌာန၏ စားသုံးသူကာကွယ်ရေးဥပဒေပါ ပြဌာန်းချက်များ စားသုံးသူအခွင့်အရေး နှင့် တာဝန်များ၊ ကုန်စည်/ဝန်ဆောင်မှုပေါ်တွင် စားသုံးသူကတောင်းဆိုနိုင်သည့် အခွင့်အရေးများ စားသုံးသူနစ်နာဆုံးရှုံးမှုအပေါ် အရေးဆိုတိုင်တန်းနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ရုံးခန်းဖွင့်လှစ်ဆောင်ရွက်နေမှု အခြေအနေများအား အသိပညာပေးဆွေးနွေးခဲ့ကြောင်း သိရှိရပါသည်။

DOCA(ပဲခူး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရခိုင်ပြည်နယ် ၊ စားသုံးသူရေးရာဦးစီးဌာန၊ သံတွဲခရိုင်ဦးစီးမှူး၊ ဦးဝင်းနိုင်(ဦးစီးအရာရှိ)နှင့် ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)နှင့် ပူးပေါင်း၍ သံတွဲမြို့၊ ငပလီ အ.ထ.က စာသင်ကျောင်း၌  (၁၁-၁-၂၀၂၃) ရက်နေ့၊ နံနက်(၁၀:၀၀) နာရီအချိန်တွင်  စားသုံးသူကာကွယ်ရေး အစားအသောက် ဘေးအန္တရာယ် ကင်းရှင်းရေးနှင့်ပတ်သက်၍ အသိပညာပေးဟောပြောပွဲ ကျင်းပပြုလုပ်ခဲ့ပါသည်။

     အဆိုပါ အသိပညာပေးဟောပြောပွဲတွင် သံတွဲမြို့၊ ငပလီ အ.ထ.က ကျောင်းအုပ် ဆရာမကြီး ဒေါ်စိုးစိုးထွန်းမှ ကျောင်းသား/သူများအား အစားအသောက်နှင့်ပတ်သက်၍ ဆောင်ရန်၊ ရှောင်ရန် စားသုံးသူကာကွယ်ရေးဆိုင်ရာကိစ္စများကို ဌာနမှ ပြောကြားချက်များအား ကြားနာ မှတ်သားစေရေး အဖွင့်အမှာစကားပြောကြားပြီး၊ အစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ ဒေါ်ရတီဦး (ဒု-ကြီးကြပ်ရေးမှူး)က အစားအသောက်၊ ဆေးဝါးနှင့် အလှကုန်ပစ္စည်းများအား စားသုံးသူ ဘေးအန္တရာယ်ကင်းရှင်းစေရေးအတွက် ဓာတ်ခွဲစစ်ဆေးဆောင်ရွက်နေမှုများ၊ စားသုံးသူအန္တရာယ် ဖြစ်စေနိုင်သော ကြာရှည်အထားခံ ဆေးဝါးအသုံးပြုမှုအန္တရာယ်၊ ဓာတုဆိုးဆေးအန္တရာယ်၊ ဆေးသကြား အသုံးပြုမှုအန္တရာယ်၊ FDA ဌာန အကြောင်းသိကောင်းစရာများအား ရှင်းလင်းပြောကြားပြီး ဆက်လက်၍ စားသုံးသူရေးရာဦးစီးဌာန၊ သံတွဲခရိုင်ဦးစီးမှူး၊ ဦးဝင်းနိုင် (ဦးစီးအရာရှိ) မှ စားသုံးသူ ရေးရာဦးစီးဌာန၏ ရည်မှန်းချက်(Vision)၊ မျှော်မှန်းချက် (Mission) အနက်အဓိပ္ပာယ် ဖွင့်ဆိုချက်နှင့် ကျောင်းသား/သူများအနေဖြင့် စားသုံးသူများဝယ်ယူသုံးစွဲရာတွင် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ (၄၁) ဖော်ပြချက်နှင့် ကုန်စည် သို့မဟုတ် ဝန်ဆောင်မှုနှင့်ပတ်သက်၍ စားသုံးသူ အခွင့်အရေး(၈) ချက်၊ စားသုံးသူတာဝန် (၄) ချက်တို့အား အကျယ်တဝင့် ချပြရှင်းလင်း ပြောကြားခြင်း၊ စားသုံးသူများ နစ်နာဆုံးရှုံးမှုများဖြစ်ပေါ်လာပါက ဌာနတွင် ဖွင့်လှစ်ထားသည့် Consumer Information Complaint Center(CICC) ရုံးခန်းသို့ လာရောက်တိုင်ကြားနိုင်ကြောင်း၊ စားသုံးသူ ရေးရာဦးစီးဌာနအနေဖြင့် လုပ်ငန်းဆောင်ရွက်ချက်များအား လေ့လာရန်နှင့် တိုင်ကြားလိုပါက ဌာန၏ website ဖြစ်သည့် www.doca.gov.mm နှင့် DOCA  Myanmar Mobile Application တွင် ဝင်ရောက်လေ့လာ ကြည့်ရှုနိုင်ပြီး Consumer Call Center 1535 ကိုခေါ်ဆို၍လည်း မေးမြန်းတိုင်ကြားနိုင်ကြောင်း ဟောပြောဆွေးနွေးမှုပြုလုပ်ခဲ့ပြီး တက်ရောက်လာသည့် ကျောင်းသား/ သူများ၏ မေးမြန်းချက်များအား ပြန်လည်ရှင်းလင်းဖြေကြားကာ ကျောင်းစာကြည့်တိုက်သို့ စားသုံးသူကာကွယ်ရေးဥပဒေ စာအုပ်အား ပေးအပ်လှူဒါန်းခဲ့ပါကြောင်း သတင်းရရှိပါသည်။

DOCA(ရခိုင်)

စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ ဒုတိယပြည်နယ်ဦးစီးမှူးရုံးမှ စစ်ဆေး ရေးမှူးများနှင့် တာဝန်ရှိသူများသည် ၂၀၂၃ ခုနှစ် ဇန်နဝါရီလ (၁၂)ရက်နေ့ ၊ နံနက်(၁၀:၀၀)အချိန် တွင် ကျိုင်းတုံမြို့၊ ရပ်ကွက်(၃)အတွင်းရှိ အမဲခေါက်၊ ဝက်ခေါက်လုပ်ငန်းတို့ကို ထုတ်ကုန်များလုံခြုံ စိတ်ချရမှုရှိစေရန်အတွက် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့စစ်ဆေးရာတွင် အင်းပန်အမှတ်တံဆိပ်(အမဲခေါက်၊ ဝက်ခေါက်)လုပ်ငန်းသည် စားသုံးသူကာကွယ်ရေး ဥပဒေအခန်း(၁၈)ပါ “ကုန်အညွှန်းအမှတ်အသားဖော်ပြခြင်း”နှင့် ပတ်သက်၍ ပြည့်စုံစွာဖော်ပြထားပြီး ထုတ်ကုန်များကိုလည်းသန့်ရှင်းသပ်ရပ်စွာ ထုတ်လုပ်ဖြန့်ချီသည်ကို စစ်ဆေး တွေ့ရှိရပါသည်။ ထို့နောက် စစ်ဆေးရေးမှူးနှင့် တာဝန်ရှိသူများသည် အင်းပန်အမှတ်တံဆိပ် လုပ်ငန်းရှင်ကို စားသုံးသူဘေးအန္တရာယ်ကင်းရှင်းစေရေး အလေးထားဆောင်ရွက်ရန်၊ ကုန်ကြမ်းများ စနစ်တကျ သိုလှောင်ရန်နှင့် စားသုံးသူကာကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ”ကို လိုက်နာဆောင်ရွက်ရန် ဆွေးနွေးခဲ့ကြပါသည်။
DOCA(ရှမ်း)