သတင်းနှင့် လှုပ်ရှားမှုများ

      မြင်းပျံအမှတ်တံဆိပ်ဓာတ်မြေဩဇာများထဲတွင် အခြားဓာတ်မြေဩဇာများ ထည့်သွင်း၍  ဈေးကွက်အတွင်း ဖြန့်ဖြုးရောင်းချနေခြင်း ရှိ/မရှိ ကွင်းဆင်းစစ်ဆေး၍ ပြန်လည်တင်ပြရန် ညွှန်ကြားချက်အရ စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့် စစ်ဆေးရေးအရာရှိများ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့်အတူ ပူးပေါင်း၍  ဒီဇင်ဘာလ(၅)ရက် နေ့လယ် (၁၃း၃၀)နာရီအချိန်တွင် စစ်ကိုင်းမြို့၊ မိုးဇာရပ်ကွက်ရှိ ဓာတ်မြေဩဇာနှင့် စိုက်ပျိုးရေးအမျိုးမျိုးအရောင်းဆိုင် တက်နေရောင်နှင့် ရွှေပြည့်ကျော် ဆိုင်(၂) ဆိုင်အား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

     အဆိုပါအရောင်းဆိုင်များအား ကွင်းဆင်းစစ်ဆေးရာတွင် မြင်းပျံတံဆိပ်ဓာတ်မြေဩဇာမှာ မြန်မာပြည်မှ ထုတ်လုပ်ခြင်းမဟုတ်ဘဲ ထိုင်းနိုင်ငံမှ ဝင်ရောက်ခြင်းဖြစ်ပြီး ကုန်အမှတ်တံဆိပ်ကို ထိုင်းဘာသာစာများဖြင့် ဖော်ပြထားကြောင်း မြန်မာဘာသာဖြင့် ဖော်ပြထားခြင်းမရှိ၍ ရောင်းချခြင်းမပြုကြောင်း တက်နေရောင်ဆိုင်ပိုင်ရှင်ထံမှ သိရှိရပြီး စစ်ကိုင်းမြို့ပေါ်တွင် မြင်းပျံတံဆိပ် ဓာတ်မြေဩဇာရောင်းချမှုမရှိကြောင်း   စစ်ဆေးသိရှိခဲ့ပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ပြည်တွင်းကုန်သွယ်ရေးဖွံ့ဖြိုးမှုနှင့် သုတေသနလုပ်ငန်းများအပြင် စားသုံးသူကာကွယ်ရေး လုပ်ငန်းများကိုဆောင်ရွက်လျက်ရှိရာ ဒီဇင်ဘာလ(၁၃)ရက်နေ့၊ နံနက်(၁၀:၃၀)နာရီအချိန်တွင် ရွှေဘိုခရိုင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် တာဝန်ရှိသူများသည် ရွှေဘိုမြို့၊ အမှတ်(၈)၊ ဝန်တော်အိမ်ရပ်၊ ပဲ၊ နှမ်းကုန်စည်ဒိုင်ရှိ ကုန်သည်လုပ်ငန်းရှင် (၂)ဦးနှင့် တွေ့ဆုံဆွေးနွေးခဲ့ပါသည်။

ထိုသို့တွေ့ဆုံဆွေးနွေးရာတွင် ဒု-ခရိုင်ဦစီးမှူးမှ စားသုံးသူရေးရာဦးစီးဌာနအနေဖြင့် စားသုံးသူ ကာကွယ်ရေးလုပ်ငန်းများကို ဥပဒေ၊ အမိန့်၊ ညွှန်ကြားချက်များအညီဆောင်ရွက်လျက်ရှိကြောင်း၊ စားသုံးသူ ကာကွယ်ရေးဥပဒေပါ စားသုံးသူနှင့် စီးပွားရေးလုပ်ငန်းရှင်၏ အဓိပ္ပါယ်ဖွင့်ဆိုချက်များ၊ စားသုံးသူ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်နှင့်စပ်လျဉ်း၍ အာမခံချက် ပေးခြင်း၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေး များ၊ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ တားမြစ်ချက်များ၊ ပြစ်မှုနှင့်ပြစ်ဒဏ်များအကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဌာနမှဆောင်ရွက်ပေးနေသည့် လုပ်ငန်းများ အကြောင်း၊ တိုင်ကြားခြင်းနှင့် စိစစ်ညှိနှိုင်းဖြေရှင်းဆောင်ရွက်ခြင်းအကြောင်းများကို အသိပညာပေး ဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် စားသုံးသူပြည်သူများ ဘေးအန္တရာယ်ကင်းရှင်းရေးနှင့် ထုတ်ကုန်များလုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိရာ ဒီဇင်ဘာလ(၉)ရက်နေ့၊ နံနက်(၁၁:၀၀)နာရီ အချိန်တွင် ရွှေဘိုမြို့၊ အမှတ်(၁)ရပ်ကွက်၊ ပြင်ဈေးမြောက်ရပ်ရှိ ကုန်စုံဆိုင်အား ရွှေဘိုခရိုင်ဦးစီးမှူးရုံးမှ ဒု-ခရိုင်ဦးစီးမှူး၊ ရွှေဘိုမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲ တာဝန်ခံနှင့် မူဝါဒလေ့လာရေးနှင့် စီမံကိန်းစာရင်းအင်းဌာနခွဲတာဝန်ခံတို့မှ ဈေးကွက်စောင့်ကြည့် စစ်ဆေးခဲ့ပါသည်။

         အဆိုပါစစ်ဆေးရာတွင် ကုန်မျိုးစုံရောင်းဝယ်ရေးဆိုင်များ၌  ရောင်းချလျက်ရှိသည့် မုန့်မျိုးစုံများအား ကုန်အညွှန်းအမှတ် အသားများ ပြည့်စုံစွာဖော်ပြထားခြင်းရှိ/မရှိနှင့် သက်တမ်းလွန်ခြင်းရှိ/ မရှိ ဈေးကွက်စောင့်ကြည့်စစ်ဆေး ခဲ့ရာ ကုန်အညွှန်းအမှတ်အသားဖော်ပြခြင်းနှင့် ကိုက်ညီမှုရှိပြီး သက်တမ်းလွန်စားသောက်ကုန်များ ရောင်းချမှုမရှိသော်လည်း ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် ဌာနမှ ဆောင်ရွက်လျက်ရှိသည့် လုပ်ငန်းများကိုသိရှိနိုင်စေရန်နှင့် ကုန်စည်နှင့်ဝန်ဆောင်မှုအပါ် တာဝန်ရှိမှုကို သိရှိနိုင်စေရန် ရည်ရွယ်၍  စားသုံးသူကာကွယ်ရေးဥပဒေ၊ အခန်း(၁၈)ပါ ကုန်အညွန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးရောင်းချကြရန်၊ ကုန်စည်ကိုထုတ်လုပ်သည့် စီးပွားရေး လုပ်ငန်းရှင်များအနေဖြင့် ကုန်အညွှန်းအမှတ်အသားနှင့်ပတ်သက်၍ ဌာန၏အတည်ပြုချက်ရယူနိုင်ရေး ဆောင်ရွက်ကြရန်၊ ဥပဒေပါ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်၊ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းနှင့် အာမခံပေးထားမှုအပါ် စားသုံးသူက တောင်းဆိုနိုင်သည့်အခွင့်အရေးများ၊ ကုန်စည်နှင့် ဝန်ဆောင်မှုအပေါ်တာဝန်ရှိမှု၊ တားမြစ်ချက်များ၊ ပြစ်မှုနှင့်ပြစ်ဒဏ်များ၊ ကုန်စည်နှင့်ဝန်ဆောင်မှုကြောင့် စားသုံးသူအခွင့်အရေးနှင့် အကျိုးစီးပွားနစ်နာ ဆုံးရှုံးမှုရှိပါက တိုင်ကြားနိုင်သည့်အကြောင်းနှင့် တိုင်ကြားနိုင်သည့်နေရာတို့ကို အသိပညာပေးဆွေးနွေး ခဲ့ပြီးစားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

          ကျန်းမာရေးဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ PMS Activity အရ ဈေးကွက်အတွင်းရှိ ဆေးဝါးများ၏ အရည်အသွေးကို စိစစ်ရာ အိန္ဒိယနိုင်ငံ Centurion Remedies Pvt.Ltd မှ ထုတ်လုပ်သည့် Batch No. TA-810007 , Amlodipine Besilate  10mg Tablets AMLOTERE 10 ဆေးဝါးသည် စံမညီဆေးဝါးဖြစ်ကြောင်း စစ်ဆေးတွေ့ရှိ၍ ဈေးကွက်မှ ပြန်လည် သိမ်းဆည်းရန် သက်ဆိုင်ရာကုမ္ပဏီသို့လည်း အကြောင်းကြားထားပြီးဖြစ်၍ မိမိတို့နယ်မြေအတွင်းရှိ ဆေးဆိုင်များတွင်  ၎င်း Batch No ဖြင့်စံမညီဆေးဝါးများရောင်းချခြင်းရှိ/မရှိ စစ်ဆေးရန် နှင့် စစ်ဆေးတွေ့ရှိပါက သိမ်းဆည်းရန် ညွှန်ကြားချက်အရ  စားသုံးသူရေးရာဦးစီးဌာန၊ စစ်ကိုင်းခရိုင်  ဦးစီးမှူးရုံးမှ ခရိုင်ဦးစီးမှူးသည် စစ်ကိုင်းခရိုင်ကျန်းမာရေးဦးစီးဌာနနှင့် စစ်ကိုင်းခရိုင်စီမံအုပ်ချုပ်ရေးအဖွဲ့မှ တာဝန်ရှိသူများနှင့်အတူ ဒီဇင်ဘာလ(၁၂)ရက်နေ့က စစ်ကိုင်းမြို့ပေါ်ရှိ ဆေးဆိုင်များသို့ သွားရောက်ကွင်းဆင်း၍ စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          စစ်ကိုင်းမြို့ပေါ်ရှိ နန္ဒဝန်ဆေးဆိုင်၊ အောင်ဇမ္ဗူဆေးဆိုင်၊ ထွန်းသောင်ဆေးဆိုင်၊ မင်းမင်း ဆေးဆိုင်နှင့် ဗိုလ်ဗိုလ် ဆေးဆိုင်များသို့ ကွင်းဆင်းစစ်ဆေးခဲ့ရာစံမညီဆေးဝါးများကိုသောက်သုံးသည့် လူနာများသည် ဖြစ်ပွားနေသည့်ရောဂါများကို ပျောက်ကင်းမှုမရှိကြောင်းနှင့် အခြားဘေးထွက် ဆိုးကျိုးများ ဖြစ်ပေါ်စေနိုင်ကြောင်း၊ အိန္ဒိယနိုင်ငံမှ ထုတ်လုပ်သည့် အထက်ဖော်ပြပါ စံမညီဆေးဝါးကို မရောင်းချရန် ဌာနဆိုင်ရာပူးပေါင်းစစ်ဆေးသည့်အဖွဲ့မှ အသိပညာပေး ဆွေးနွေးခဲ့ကြပါသည်။

DOCA(စစ်ကိုင်း)

       စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူး၊ချောင်းဦးမြို့နယ်တာဝန်ခံနှင့် ဘုတလင်မြို့နယ်တာဝန်ခံတို့သည် ကလေးသူငယ်များအား အခြေခံမှစ၍ စားသုံးသူရေးရာနှင့် ပတ်သက်သည့် အသိပညာဗဟုသုတများ ရရှိစေရန်ရည်ရွယ်၍ စားသုံးသူကာကွယ်ရေး အသိပညာပေး ဟောပြောပွဲအခမ်းအနားကို (၁၃.၁၂.၂၀၂၂) ရက် နံနက် (၁၀:၀၀)နာရီအချိန်တွင် မုံရွာမြို့၊ မြို့သစ်ရပ်ကွက်ရှိ အမှတ် (၄၁၁)၊ အခြေခံပညာ အလယ်တန်းကျောင်း(ခွဲ)၌ ကျင်းပပြုလုပ်ခဲ့ပါသည်။

        အခမ်းအနားတွင် စားသုံးသူရေးရာဦးစီးဌာန၊ ဒု-ခရိုင်ဦးစီးမှူးက စားသုံးသူများ လုံခြုံစိတ်ချရမှုရှိစေရေးအတွက် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများအကြောင်း၊ မိမိတို့ကုန်စည်များကို ဝယ်ယူအသုံးပြုမည်ဆိုပါက ကုန်အညွှန်းအမှတ်အသားကို အလေးထားပြီး ကြည့်ရှု့စေလိုကြောင်းနှင့် ကုန်အညွှန်းအမှတ်အသားပါ ညွှန်ကြားချက်များကို လိုက်နာရမည်ဖြစ်ကြောင်း၊  ချောင်းဦးမြို့နယ်တာဝန်ခံမှ စားသုံးသူ၏ အဓိပ္ပာယ်နှင့် စားသုံးသူ ကာကွယ်ရေးလုပ်ငန်း၏ ရည်ရွယ်ချက်များ၊ ကုန်စည်နှင့်ဝန်ဆောင်မှုများ၏ အဓိပ္ပာယ်များ၊ ပြည်သူတိုင်းသည် စားသုံးသူများဖြစ်၍ စားသုံးသူများရသင့်ရထိုက်သော အခွင့်အရေးများ၊ လိုက်နာရမည့် တာဝန်များ၊ ကုန်စည် (သို့မဟုတ်) ဝန်ဆောင်မှုနှင့် ပတ်သက်၍ နစ်နာဆုံးရှုံးမှုများရှိပါက တောင်းဆိုနိုင်သည့် အခွင့်အရေးများအကြောင်း ဆွေးနွေးဟောပြောခဲ့ပါသည်။

    ဆက်လက်၍ ဘုတလင်မြို့နယ်တာဝန်ခံက စားသုံးသူများ မိမိတို့ဌာနအား တိုင်ကြားလာမှုအပေါ် ဌာနမှ ဖြေရှင်းဆောင်ရွက်ခဲ့သည့် ကိစ္စရပ်များ၊ နစ်နာဆုံးရှုံးမှုများရှိပါက ဌာနသို့ ဆက်သွယ်တိုင်ကြားနိုင်သည့် နည်းလမ်းများ၊ ‌ကျောင်းသား/ သူများသည် ယနေ့လူငယ် နောင်ဝယ်လူကြီးဆိုသလို ကလေးအရွယ်မှစ၍ စားသုံးသူရေးရာနှင့်ပတ်သက်သည့် အသိပညာ ဗဟုသုတများ ကြွယ်ဝပြီး မိမိတို့၏ ရထိုက်သောအခွင့်အရေးများ၊ လိုက်နာရမည့်တာဝန်များကို  ရှင်းလင်းဟောပြော ဆွေးနွေးခဲ့ပါသည်။ထို့နောက် တက်ရောက်လာသည့် ဆရာ/ဆရာမများနှင့် ကျောင်းသား၊ ကျောင်းသူများက စားသုံးသူကာကွယ်ပေးရေးအကြောင်းအရာများနှင့် ပတ်သက်၍လည်းကောင်း၊ ကုန်အညွှန်းအမှတ်အသားများနှင့် ပတ်သက်၍လည်းကောင်း၊  သိလိုသည့် မေးမြန်းချက်များအပေါ် အပြန်အလှန်ရှင်းလင်းဆွေးနွေးပေးခဲ့ပြီး လက်ကမ်းစာစောင်များ ဖြန့်ဝေခဲ့ပါသည်။ ကျောင်းအုပ်ဆရာကြီး၊ ဆရာ/ ဆရာမများနှင့် ကျောင်းသား၊ ကျောင်းသူ စုစုပေါင်းအင်အား (၁၂၀)ဦး တက်ရောက်ခဲ့ပြီး အခမ်းအနားကို နေ့လယ် (၁၂:၀၀) အချိန်တွင် ရုတ်သိမ်းခဲ့ကြောင်း သတင်းရရှိပါသည်။

DOCA(စစ်ကိုင်း)