သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့၌ သောက်ရေသန့်ထုတ်လုပ်ဖြန့်ဖြူးသည့် ရေသန့်စက်ရုံများအား တာဝန်ရှိသူများမှကွင်းဆင်းစစ်ဆေးခြင်းကို ၈-၈-၂၀၂၅ ရက်နေ့ နံနက်ပိုင်းက AKT သောက်ရေသန့်စက်ရုံအား စစ်ဆေး ဆောင်ရွက်ခဲ့ကြကြောင်း သိရသည်။

     အဆိုပါ သောက်ရေသန့်ထုတ်လုပ်ဖြန့်ဖြူးသည့် ရေသန့်စက်ရုံများကို တာဝန်ရှိသူများမှ ကွင်းဆင်းစစ်ဆေး ဈေးကွက်မရောက်မှီ ထုတ်လုပ်သော ရေသန့်တွင် ကုန်အညွှန်းအမှတ်အသား ဖော်ပြပါဝင်မှုကို စစ်ဆေးခြင်း၊ ရေသန့်ဖြန့်ဖြူးမှု အခြေအနေများကို စစ်ဆေးခြင်း၊ ရေသန့်ဗူးများထားရှိသည့်နေရာများ သန့်ရှင်းသပ်ရပ်မှု ရှိ/မရှိ၊ ထုတ်လုပ်ရောင်းချနေသော သောက်ရေသန့်များမှာ သတ်မှတ်ထားသော အရည်အသွေးပြည့်ခြင်း ရှိ/ ရေသန့်စက်ထားရှိသောအခန်းများ၊ ရေသန့်ဗူးများ ဆေးကြောသည့်နေရာနှင့် ရေစစ်သည့်နေရာများ၊ ရေထုတ်ယူ သုံးစွဲသည့် ရေအရင်းအမြစ်နေရာများ၊ ရေသန့်ထည့်၍ ထုပ်ပိုးပြီးသော မရှိနှင့် သောက်သုံးရေသန့် ထုတ်လုပ်ရောင်းချခွင့် လိုင်စင်လက်မှတ် ရှိ/မရှိတို့ကို သွားရောက်စစ်ဆေးခဲ့ကြပြီး၊ သတ်မှတ်ချက်များနှင့် ကိုက်ညီမှု မရှိပဲ ရောင်းချခြင်း တွေ့ရှိရပါက စားသုံးသူကာကွယ်ရေး ဥပဒေအရ အရေးယူဆောင်ရွက်မည်ဖြစ်ကြောင်း၊ ပြဌာန်းထားသော ဥပဒေအရ ကိုက်ညီပါက အရေးယူခံမည် ဖြစ်ကြောင်း ကို စက်ရုံတာဝန်ရှိသူအား ပြေကြားခဲ့ကြောင်း  သိရသည်။

      အဆိုပါစစ်ဆေးရာသို့ ခရိုင်စီမံအုပ်ချုပ်ရေးအဖွဲ့မှ တာဝန်ရှိသူများ၊ မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများ၊ စားသုံးသူရေးရာဦးစီးဌာန၊  ပတ်ဝန်းကျင်ထိမ်းသိမ်းရေးဦးစီးဌာနနှင့် မိတ်ဖက်ဌာနများမှ ပူးပေါင်းဆောင်ရွက်ခဲ့ကြသည်။

DOCA(ဧရာဝတီ)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာန ၊ မန္တလေးတိုင်း ဒေသကြီး ဦးစီးမှူးရုံး၌  ၁၁-၈-၂၀၂၅ ရက် တနင်္လာနေ့ နံနက် ၉:၃၀ နာရီ အချိန်တွင် ပြည်ထောင်စု သမ္မတမြန်မာနိုင်ငံတော်အလံအား အလေးပြုခြင်းအခမ်းအနားကျင်းပခဲ့ပါသည်။ အဆိုပါ အခမ်းအနား ကို ဒုတိယတိုင်းဒေသကြီးဦးစီးမှူး ဒေါက်တာဇော်လွင်ဦးဆောင်၍ အရာထမ်း/အမှုထမ်းများအား လုံးတက်ရောက်ခဲ့ကြပါသည်။ပထမဦးစွာ ပြည်ထောင်စုသမ္မတမြန်မာနိုင်ငံတော် အလံအား အလေးပြုပြီး နိုင်ငံဝန်ထမ်း သစ္စာဓိဌာန် (၆) ချက်ကို ညီညီညာညာရွတ်ဆို၍ သစ္စာဓိဌာန် ပြုခဲ့ ကြပါသည်။ ထိုနောက် ဒုတိယတိုင်းဒေကြီးဦးစီးမှူးက ဝန်ထမ်းများအား လိုအပ်သည်များမှာ ကြားခဲ့ကြောင်း၊ ပြည်ထောင်စုသမ္မတမြန်မာနိုင်ငံတော်အလံအား အလေးပြုခြင်းအခမ်းအနားကို အပတ်စဉ် တနင်္လာနေ့နံနက် ၉:၃၀ နာရီ အချိန်နှင့် သောကြာနေ့ ညနေ ၄:၃၀ နာရီ အချိန်တွင် ပြုလုပ်သွားမည်ဖြစ်ကြောင်း သတင်းရရှိပါသည်။

DOCA (မန္တလေး)

   စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ဌာန၏ မျှော်မှန်းချက်၊ ရည်မှန်းချက်များအား အကောင်အထည်ဖော်ဆောင်ရွက်ရာတွင် အဓိက လုပ်ဆောင်ရသည့် ဝန်ထမ်းများ လက်ရုံးရည်၊ နှလုံးရည် စသည့်အရည်အသွေးများ ပြည့်ဝစေရန်နှင့် လုပ်ငန်းကျွမ်းကျင်မှုရှိစေရန်အတွက် ဝန်ထမ်းစွမ်းဆောင်ရည်မြှင့်တင်ရေးသင်တန်း(၁/၂၀၂၅)ကို ၁၆.၇.၂၀၂၅ ရက်နေ့မှစ၍ ၇.၈.၂၀၂၅ ရက်နေ့အထိ စာတွေ့နှင့်လက်တွေ့သင်ကြားပို့ချခဲ့ပြီးဖြစ်၍  ဝန်ထမ်းစွမ်းဆောင်ရည်မြှင့်တင်ရေးသင်တန်း(၁/၂၀၂၅)ဆင်းပွဲအခမ်းအနားကို စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး အစည်း အဝေးခန်းမတွင် ၈.၈.၂၀၂၅ ရက်(သောကြာနေ့) နံနက်(၁၀:၀၀) နာရီအချိန်တွင် ကျင်းပပြုလုပ် ခဲ့ပါသည်။ အဆိုပါအခမ်းအနားသို့ တိုင်းဒေသကြီးဦးစီးမှူး ဦးဇေယျာဆွေ၊ လက်ထောက် ညွှန်ကြားရေးမှူး၊ ဌာနခွဲတာဝန်ခံများ၊ ဦးစီးအရာရှိများနှင့် သင်တန်းသား/သူ(၂၂)ဦး တက်ရောက် ခဲ့ပါသည်။ ၎င်းသင်တန်းဆင်းပွဲအခမ်းအနားတွင် တိုင်းဒေသကြီးဦးစီးမှူး ဦးဇေယျာဆွေက အဖွင့် အမှာစကားပြောကြားရာတွင် ဝန်ထမ်းစွမ်းဆောင်ရည်မြှင့်တင်ရေးသင်တန်းကို ၂၀၂၅ ခုနှစ်တွင် ပထမဆုံးအကြိမ် ကျင်းပပြုလုပ်ခြင်းဖြစ်ကြောင်း၊ ဦးစီးဌာနသို့ ဝန်ထမ်းအသစ်များမှ ဝင်ပေါက်နှစ်ခု ဖြစ်သည့် ဦးစီးအရာရှိအဆင့်နှင့် အငယ်တန်းစာရေးအဆင့် (၂)မျိုးဖြင့် ဝင်ရောက်လာကြပါကြောင်း၊ ဦးစီးအရာရှိများအနေဖြင့် လုပ်ငန်းခွင်မဝင်ရောက်မီ  နိုင်ငံ့ဝန်ထမ်းတက္ကသိုလ်မှ ဖွင့်လှစ်သည့် သင်တန်းများနှင့် ရုံးချုပ်၊ နေပြည်တော်မှ ဖွင့်လှစ်သည့် သင်တန်းများသို့ တက်ရောက်ရသည့် အတွက် လုပ်ငန်းခွင်ဝင်ရောက်ရာတွင် အခက်အခဲမရှိပါကြောင်း၊ အငယ်တန်းစာရေးဝန်ထမ်းများ အနေဖြင့် လုပ်ငန်းခွင်အတွင်း ရောက်ရှိပြီးမှသာ မိမိတာဝန်ထမ်းဆောင်ရသည့်ဌာန၏ လုပ်ငန်း များကို သင်ယူရခြင်းဖြစ်သည့်အတွက် ဌာနခွဲအားလုံး၏ လုပ်ငန်းဆောင်ရွက်မှုများကို သိရှိစေရန် အတွက် ယခုသင်တန်းအား ဖွင့်လှစ်ရခြင်းဖြစ်ပါကြောင်း၊ ဝန်ထမ်းများအနေဖြင့် လုပ်ငန်းခွင်တွင် မိမိတို့တတ်မြောက်ထားသည့် အတန်းပညာရပ်အနေဖြင့် (၂၅)% ခန့်သာအသုံးပြုနိုင်ပြီး ကျန်(၇၅)% ခန့်မှာ ပေါင်းသင်းဆက်ဆံရေး ပညာရပ်နှင့်သက်ဆိုင်ပါကြောင်း၊ ပေါင်းသင်းဆက်ဆံရေး ကောင်းမွန်မှသာ လုပ်ငန်းများပိုမိုအောင်မြင်မည်ဖြစ်ပါကြောင်း၊ မိမိတို့အနေဖြင့် နောင်တချိန်တွင် လုပ်ငန်းတာဝန်များကို မျိုးဆက်သစ်ဝန်ထမ်းများအား  လွှဲပြောင်းပေးအပ်ရမည်ဖြစ်သည့်အတွက် မျိုးဆက်သစ် ဝန်ထမ်းများအနေဖြင့် လက်ရုံးရည်၊ နှလုံးရည်များ ပြည့်ဝစေချင်ပါကြောင်းနှင့် ဝန်ထမ်းများအားလုံး ဝန်ထမ်းကောင်းများဖြစ်ပါစေကြောင်း ပြောကြားခဲ့ပါသည်၊၊ ထို့နောက် သင်တန်းသား/သူများကိုယ်စား ဦးချမ်းသာ၊ အငယ်တန်းစာရေးမှ သင်တန်းတက်ရောက်ခဲ့ရခြင်းနှင့် ပတ်သက်၍ ဗဟုသုတများနှင့် အတွေ့အကြုံများ  ရရှိခဲ့ပါကြောင်း ကျေးဇူးတင်စကား ပြောကြားခဲ့ပြီး အခမ်းအနားကို နံနက်(၁၁:၀၀) နာရီအချိန်တွင် ရုပ်သိမ်း ခဲ့ပါသည်။

DOCA (မန္တလေး)