သတင်းနှင့် လှုပ်ရှားမှုများ

     ရန်ကုန်တိုင်းဒေသကြီး၊တွံတေးခရိုင်၊ ကျိုက်သလဲကျေးရွာအုပ်စုသည် တွံတေး-ကော့မှူး ကားလမ်း၏ ဝဲ-ယာ တွင်တည်ရှိသည့် ကျေးရွာအုပ်စုတွင်ပါဝင်သော ကျိုက်သလဲကျေးရွာနှင့် လာကပုံကျေးရွာတို့တွင် ဝါးဖြင့်တောင်း၊ခြင်းမျိုးစုံယက်လုပ်ခြင်းလုပ်ငန်းကို လုပ်ကိုင်၍ အသက် မွေးဝမ်း ကျောင်းပြုလျက်ရှိပါသည်၊၊ ယခုအခါ ဝါး၊ ခြင်း တောင်းယက်လုပ်ခြင်းကို မိသားစု တစ်ပိုင် တစ်နိုင် လုပ်ငန်းအဖြစ်ဆောင်ရွက်နေပြီး တောင်း၊ ခြင်းအမျိုးအစား အလိုက်မှာယူမှု့ အပေါ် အခြေခံ၍ ကုန် ကြမ်းပေးကုန်ချောယူစနစ်ဖြင့် အငှားပေးကာလုပ်ငန်းလည်ပတ်လျက်ရှိသည်၊၊

      ယက်လုပ်ထားသော တောင်း၊ ခြင်းများကို ကိုယ်တိုင်ရောင်းချခြင်းရှိသကဲ့သို့ ပွဲစားများမှ တစ်ဆင့်ရောင်းချခြင်းများရှိကြောင်းသိရှိရသည်၊၊အိမ်အရောက်ဝယ်ယူမှုများရှိသကဲ့သို့ မှာယူသည့် နေရာအရောက်ပစ္စည်းပေးပို့ရသည်များလည်းရှိကြောင်းသိရှိရပါသည်၊၊သီတင်းကျွတ်ပြီးကာလများတွင် ငါးခြောက်ခြင်းသီးသန့်မှာယူမှုများရှိပြီး ဧရာဝတီတိုင်းဒေသကြီး ငါးထုတ်လုပ်ရာ ရေချို၊ရေငံ အရပ်များမှ မှာယူမှု့ပို့များပြီးဖျာပုံနယ်ဘက်မှအများဆုံးမှာယူမှုရှိသည်၊၊ ပဲဆွတ်ခူးရာသီတွင် ပဲတောင်းများကို ခရမ်း/သုံးခွဘက်မှ အများဆုံးဝယ်ယူကြောင်း သိရှိရသည်၊၊ဈေးကွက်မှာယူမှု့အပေါ်လိုက်၍ ဝါးခြင်း/တောင်းများကို ပစ္စည်းမျိုးစုံယက်လုပ်ကြပြီး ကြိုတင်ထုတ်လုပ် ယက်ထားခြင်းမရှိဘဲ မှာယူမှသာ လုပ်ကိုင်ကြသည်၊၊အဓိကကုန်ကြမ်းမှာဒေသထွက်ထီးရိုးဝါး(နှီးဖြာဝါး)ဒေသအခေါ် ဝါးမရောင်း ဖြစ်ပြီး ခြံခုတ်နှင့်အိမ်အရောက်ပို့ဈေးမှာအနည်းငယ်ကွာခြားပြီး ၁၈တောင်ဝါးတစ်လုံးကို  ၂၀၀၀  မှ  ၃၀၀၀ ထိပေးရသည်၊၊

     ကုန်ပစ္စည်းများကို တင်ပို့ရောင်းချရာတွင် ၎င်းပွဲစားများမှတဆင့်ရောင်းချရာတွင် ငွေ လက်ငင်းရခြင်းရှိသလို ခေါက်ပြန်ကြေးပေးထားရသည်များလည်းရှိသည်၊၊အငှားရက်သူသို့ ဝါးဖိုး၊ အလုပ်ခများ ကြိုတင်ပေးထားရသည့် မိသားစုလုပ်ငန်း(ကိုယ်တိုင်)ထုတ်လုပ်သူအတွက် အရင်းအနှီး တစ်လ ကျပ် ၁၀သိန်းမှ ၂၀သိန်းကျပ်ခန့်ရှိကြောင်းသိရှိရသည်၊၊ ဝါးဖြင့်ပြုလုပ်သော တောင်း၊ ခြင်း အမျိုးအစားအလိုက် ပုံသဏ္ဍာန်ကွဲပြားခြားနားသော်လည်း ကုန်ပစ္စည်းထည့်သွင်း သယ်ဆောင်ရာ တွင်လိုသလို အသုံးပြုနိုင်သော ကုန်ပစ္စည်းဖြစ်ကြောင်း သိရှိလေ့လာရပါသည်၊၊ ယက်လုပ်ထားသော တောင်း၊ ခြင်းများမှ အမျိုးအစားအလိုက် ပုံသဏ္ဍာန်ကွဲပြားခြားနားသဖြင့် ရောင်းချသော ဈေးနှုန်းများမှာလည်း ကွဲပြားခြားနားကြောင်း သိရှိရပါသည်၊၊ ကျိုက်သလဲကျေးရွာ အုပ်စုတွင်  ဝါးဖြင့် ပြုလုပ်သော တောင်း/ခြင်း လုပ်ငန်းနှင့် မိသားစုတစ်ပိုင်တစ်နိုင် စီးပွားဖြစ် အသက်မွေးဝမ်းကျောင်းလုပ်ကိုင်သူ (၂၀)ဦး ခန့်ရှိကြောင်းသိရှိရသည်၊၊၎င်းလုပ်ငန်းမှ ကျေးရွာရှိ လူဦးရေ ၂၀၀ ကျော်ခန့်အား အလုပ်အကိုင် အခွင့်အလမ်းပေးနိုင်ကြောင်း လုပ်ငန်းရှင်တစ်ဦးမှ ပြောကြားသည်ကို သိရှိရပါသည်၊၊

DOCA(ရန်ကုန်)

     ရခိုင်ပြည်နယ် စားသုံးသူရေးရာဦးစီးဌာန ဂွမြို့နယ်တာဝန်ခံ ဒေါ်မာမာလေး(ဒု-ဦးစီးမှူး)နှင့်  ဝန်ထမ်းများသည် (၄-၁၀-၂၀၂၂)ရက်နေ့ နေ့လယ် (၁၁:၀၀)နာရီအချိန်တွင် ဂွမြို့ကင်းရုံ(၂) အခြေခံ ပညာမူလတန်းကျောင်းသို့ ဂွမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ အများပြည်သူ ဘေးအန္တရာယ်မဖြစ်ပေါ်စေရေး၊ စားသုံးသူကာကွယ်ရေး အသိပညာပေးဟောပြော ခဲ့ပါသည်။

   အဆိုပါဟောပြောပွဲတွင် ဂွမြို့ ကင်းရုံ(၂) အခြေခံပညာမူလတန်းကျောင်းမှ ကေျာင်းအုပ် ဆရာကြီးမှ အဖွင့်အမှာစကားပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ‌‌‌ဒေါ်ရွှေရည်ဝင်းကျော်မှ လူကုန်ကူးမှုအန္တရာယ်တားဆီးကာကွယ်ရေးအကြောင်းနှင့် ပတ်သက်၍ ကျောင်းသား/သူများအား နားလည်သဘောပေါက်အောင် ရှင်းလင်းပြောကြားခြင်း၊ ဆက်လက်၍ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်မာမာလေး(ဒု-ဦးစီးမှူး)မှ စားသုံးသူကာကွယ်ရေးဆိုင်ရာ အကြောင်းအရာများ စားသုံးသူကာကွယ်ရေးလုပ်ငန်းများအကြောင်း၊ အစားအသောက်နှင့်ကုန်စည်များကို ဘေးအန္တရာယ်ကင်းရှင်းစွာ ရွေးချယ်ဝယ်ယူသုံးစွဲတက်စေရေးနှင့် ကုန်ပစ္စည်းများပေါ်တွင် ကုန်အညွှန်းအမှတ်အသားဖော်ပြပါရှိမှုအား ပြည့်စုံစွာပါဝင်မှု ရှိ/မရှိ သေချာစွာလေ့လာဖတ်ရူပြီးမှ ဝယ်ယူသုံးစွဲသင့်ကြောင်း အသိပညာပေးရှင်းလင်းပြောကြားခဲ့ပြီး ကျောင်းသား/သူများအား ကုန်အညွှန်းအမှတ်အသားပြည့်စုံစွာဖော်ပြပါရှိသော မုန့်ပဲသရေစာများကို ဝေငှဖြန့်‌ဝေပေးခဲ့ကြောင်း သတင်းရရှိပါသည်။

DOCA(ရခိုင်)

     မွန်ပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးသည် ၃.၁၀.၂၀၂၂ ရက်နေ့တွင် ပြည်နယ်ဦးစီးမှူးရုံးခန်း၌ အအေးခန်းစက်ရုံလုပ်ငန်းရှင်များ၊ ဆီစက်လုပ်ငန်းရှင်များနှင့် တွေ့ဆုံ၍ ကိုဗစ်-၁၉ ရောဂါကြောင့် ထိခိုက်ကျဆင်းခဲ့သော ပြည်သူလူထု၏ လူမှုစီးပွားဘဝနှင့် နိုင်ငံတော်၏စီးပွားရေးအခြေအနေကို ပြန်လည်မြှင့်တင်နိုင်ရန် နိုင်ငံ့စီးပွားမြှင့်တင်ရေး ရန်ပုံငွေမှ မတည်ထောက်ပံ့ငွေဖြင့် မွန်ပြည်နယ်အစိုးရအဖွဲ့၏ စီမံခန့်ခွဲမှုဖြင့် စိုက်ပျိုးရေး၊ မွေးမြူရေးနှင့် ကုထုတ်လုပ်ငန်းများ ထိရောက်အောင်မြင်မှုရှိစေရေး ဆောင်ရွက်မည့် အစီအစဉ်အား ချပြရှင်းလင်း ဆွေးနွေးခဲ့ပါသည်။

    ထိုသို့ဆွေးနွေးရာတွင် မတည်ထောက်ပံ့ငွေဖြင့် ဆောင်ရွက်နိုင်သည့် လုပ်ငန်းများ၊ စိုက်ပျိုး၊ မွေးမြူရေးစီမံကိန်းကို သီးနှံအမျိုးအစားအလိုက် ဆောင်ရွက်မည့် အစီအစဉ်များ၊ အတိုးနှုန်း သတ်မှတ်ချက်များ၊ ချေးငွေဆပ်ရမည့် ကာလသတ်မှတ်ချက်များအား ရှင်းလင်းဆွေးနွေးခဲ့ပါသည်။

DOCA(မွန်)

      မွန်ပြည်နယ်ဆီကုန်သည်နှင့် ဆီလုပ်ငန်းရှင်အသင်းမှ စားအုန်းဆီခွဲဝေမှုအရ သတ္တမအကြိမ် ခွဲတမ်းရရှိသော စားအုန်းဆီပိဿာချိန် စုစုပေါင်း (၁၁၈၈၀) အား မွန်ပြည်နယ်အတွင်းရှိ ပြည်သူလူထုထံသို့ ဖြန့်ဖြူးရောင်းချခဲ့ကြောင်း သိရှိရသည်။

      ထိုသို့ရောင်းချရာတွင် ၃၀.၉.၂၀၂၂ ရက်နေ့တွင် ကျိုက်မရောမြို့နယ်၊ ၁.၁၀.၂၀၂၂ ရက်နေ့တွင် မော်လမြိုင်မြို့နယ်၊ ၂.၁၀.၂၀၂၂ ရက်နေ့တွင် ပေါင်မြို့နယ်၊ ၃.၁၀.၂၀၂၂ ရက်နေ့တွင် မုဒုံမြို့နယ်၊ ၄.၁၀.၂၀၂၂ ရက်နေ့တွင် ကျိုက်မရောမြို့နယ်၊ ၅.၁၀.၂၀၂၂ ရက်နေ့တွင် မော်လမြိုင်မြို့နယ်တို့၌ တစ်ပိဿာလျှင် (၅၀၀၀) ကျပ်နှုန်းဖြင့် ပိဿာချိန်စုစုပေါင်း (၁၁၈၈၀) ပိဿာရောင်းချခဲ့ကြောင်း သိရှိရပါသည်။

DOCA(မွန်)

     သမဝါယမနှင့်ကျေးလက်ဖွံ့ဖြိုးရေးဦးစီးဌာန ရခိုင်ပြည်နယ် သံတွဲခရိုင် အသေးစားစက်မှု လက်မှုဦးစီးဌာနမှ  ဦးဆောင်ကာ သံတွဲမြို့၊ နန်းချောင်းကျေးရွာ၊ မူလမင်းကွန်းဘုန်တော်ကြီး ကျောင်းတွင် တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်း အမှတ်စဉ်(၃/၂၀၂၂)အား (၃-၁၀-၂၀၂၂) ရက်နေ့ နံနက်(၁၀:၀၀)နာရီအချိန်တွင် ကျင်းပပြုလုပ်ခဲ့ပါသည်။

     အဆိုပါ သင်တန်းအခမ်းအနားတွင် သံတွဲခရိုင်အထွေထွေအုပ်ချုပ်ရေးဦးစီးဌာနမှ ဌာနမှူး ဦးမျိုးချစ်က သင်တန်းဖွင့်လှစ်ရသည့်အကြောင်းအရာများနှင့်ပတ်သက်၍ အဖွင့်အမှာစကားပြောကြား ခြင်း၊ အစားအသောက်နှင့်ဆေးဝါးကွပ်ကဲရေးဦးစီးဌာန သံတွဲခရိုင်ဦးစီးမှူးရုံးမှ တာဝန်ခံ ဒေါက်တာရဲမင်းသိန်းက စားသောက်ကုန်များ ဘေးန္တရာယ်ကင်းရှင်းစေရေးအတွက် သန့်ရှင်း သပ်ရပ်သော စားသောက်ကုန်ထုတ်လုပ်ရေးနှင့် ဓါတုဆိုးဆေး၊ ကြာရှည်အထားခံဆေးများ၏ အန္တရာယ်များအကြောင်းအားလည်းကောင်း  ရှင်းလင်းပြောကြားခြင်း၊ သံတွဲခရိုင်အသေးစားစက်မှု လက်မှုလုပ်ငန်းဦးစီးဌာနမှ ဌာနမှူး ဒေါ်စုမြတ်မွန်က ယခုဖွင့်လှစ်သင်ကြားပေးမည့်သင်တန်းသည် သီးနှံ အခြေခံ ယို၊ ဖေျာ်ရည်အမျိုးမျိုးနှင့် သီးနှံခြောက် တန်းဖိုးမြှင့် နည်းပညာများအား ပို့ချသင်ကြား ပေးမည်ဖြစ်ပါကြောင်း ရှင်းလင်းပြောကြားခဲ့ပြီး၊ ဆက်လက်၍ ရခိုင်ပြည်နယ် ၊စားသုံးသူရေးရာ ဦးစီးဌာန၊သံတွဲ ခရိုင်ဦးစီးမှူး ဦးဝင်းနိုင်(ဦးစီးအရာရှိ)မှ ယခုဖွင့်လှစ်သင်ကြားပေးမည့် တန်းဖိုးမြှင့် စားသောက်ကုန်ထုတ်လုပ်မှုနည်းပညာသင်တန်းမှ မိမိတတ်ကျွမ်းသည့် ပညာရပ်ဖြင့် ကုန်ပစ္စည်းများ ထုတ်လုပ်ဖြန့်ဖြူးရောင်းချမည်ဆိုပါက ၂၀၁၉ စားသုံးသူကာကွယ်ရေးဉပဒေပါ ကုန်ပစ္စည်းများ ထုတ်လုပ်ရာတွင် မိမိထုတ်လုပ်သည့် ကုန်စည်နှင့်စပ်လျဉ်း၍ အာမခံချက်ပေးရမည့်အချက်များ၊ ကုန်စည်နှင့်ဝန်ဆောင်မှုများ လုံခြုံစိတ်ချရမှုရှိစေရေး၊ သက်ဆိုင်ရာအစိုးရဌာနများ၏ ဉပဒေ စံသတ်မှတ်ချက်များနှင့်အညီ လိုက်နာဆောင်ရွက်နိုင်ရေးအချက်များ ကုန်အညွှန်းအမှတ်အသား ဖော်ပြခြင်းဆိုင်ရာအချက်များ၊ စားသုံးသူများအနေဖြင့် ကုန်စည်/ဝန်ဆောင်မှုများကို အသုံးပြုခြင်းကြောင့် နစ်နာဆုံးရှုံးမှုဖြစ်ပေါ်ပါက တိုင်ကြားနိုင်သည့်အချက်များအား ရှင်းလင်းပြောကြား အသိပညာပေးဆောင်ရွက်ခဲ့ပြီး သင်တန်းကာလမှာ        (၃-၁၀-၂၀၂၂)မှ (၈-၁၀-၂၀၂၂)ရက်နေ့ထိ ပို့ချမည်ဖြစ်ပြီး သင်တန်းသား/သူ(၂၀)ဦး တက်‌ရောက်ခဲ့ပါကြောင်း သတင်းရရှိပါသည်။

DOCA(ရခိုင်)