သတင်းနှင့် လှုပ်ရှားမှုများ

            မအူပင်ခရိုင်၊ စားသုံးသူရေးရာဦးစီးဌာန၊ ညောင်တုန်းမြို့နယ်တာဝန်ခံရုံးမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည်  (၅.၈.၂၀၂၂) နေ့(၁၀:၃၀) အချိန်တွင် ညောင်တုန်းမြို့နယ် တူးချောင်းကျေးရွာတွင် တောင်သူများအား စားသုံးသူကာကွယ်ရေး အသိပညာပေးဟောပြောခဲ့ပါသည်။

          တောင်သူအသိပညာပေး ဟောပြောရာတွင် မြို့နယ်ဦးစီးမှူးမှ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း၊ စားသုံးသူအခွင့်အရေးနှင့် တာဝန်များအကြောင်း၊ စားသုံးသူကာကွယ်ရေးနှင့် စပ်လျဉ်း၍ အသိပညာပေး လုပ်ငန်းများကို ကျယ်ကျယ်ပြန့်ပြန့် သိရှိအောင် ဆောင် ရွက်လျှက်ရှိကြောင်း၊ ကုန်စည် ဝန်ဆောင်မှုနှင့် စပ်လျဉ်း၍ စားသုံးသူမှ စိတ်ကြိုက်ရွေးချယ် ဝယ်ယူခွင့် ရှိပြီး နစ်နာဆုံးရှုံးမှု ရှိလာပါက စားသုံးသူရေးရာဦးစီးဌာနသို့ အရေးဆိုတိုင်ကြားနိုင်ကြောင်း၊ စားသုံးသူအနေဖြင့် လည်းကောင်း၊ စီးပွားရေးလုပ်ငန်းရှင်အနေဖြင့်လည်းကောင်း စားသုံးသူကာကွယ် ရေးကိစ္စ ရပ်နှင့် သိရှိလိုခြင်း၊ တိုင်ကြားလိုခြင်းများအတွက် စားသုံးသူရေးရာဦးစီးဌာန၏ Call Center ၁၅၃၅ သို့ ဆက်သွယ်မေးမြန်းနိုင်ကြောင်း အသိပညာပေး ဟောပြောဆွေးနွေးခဲ့ပြီး တောင်သူများမှ သိရှိလိုသည် များကိုလည်း ပြန်လည်ဖြေကြားခဲ့ကြောင်း သတင်းရရှိပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးနှင့် ဝန်ထမ်းများသည် ဩဂုတ်လ ၅ ရက်နေ့ နံနက်ပိုင်းက ဖြူးမြို့စည်ပင်သာယာဈေးအတွင်း သွားတိုက်ဆေး အမျိုးမျိုးတွင် မြန်မာဘာသာဖြင့် ကုန်အညွှန်းအမှတ်အသားများ ဖော်ပြထားခြင်း ရှိ/မရှိ ဈေးကွက် စောင့်ကြည့် စစ်ဆေးခြင်းကို ဆောင်ရွက်ခဲ့ပါသည်။

             စားသုံးသူရေးရာဦးစီးဌာန ပဲခူးတိုင်းဒေသကြီးဦးစီးမှူးရုံးမှ ယခုနှစ်အတွင်း ဦးစားပေး စစ်ဆေးမည့်ကုန်စည် ၁၀ မျိုးကိုရွေးချယ်သတ်မှတ်ပေးခဲ့ရာတွင် တောင်ငူခရိုင်ဦးစီးမှူးရုံး၏ ညွှန်ကြားချက်ဖြင့် ယခုလအတွင်း သွားတိုက်ဆေးအမျိုးမျိုးတွင် မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ် ၂/၂၀၁၉ အရ မြန်မာဘာသာဖြင့် ဖော်ပြရမည့် ကုန်အညွန်း အမှတ်အသားများကို ဖော်ပြထားခြင်း ရှိ/မရှိကို စောင့်ကြည့်စစ်ဆေးခြင်းဖြစ်ပါသည်။

              ဖြူးမြို့ စည်ပင်သာယာဈေးအတွင်းရှိ ကုန်စုံဆိုင်များတွင် ရောင်းချသော သွားတိုက်ဆေး အမျိုးမျိုးတွင် မြန်မာသာဘာဖြင့် ဖော်ပြရမည့် ကုန်အညွှန်အမှတ်အသားများကို ပြည့်စုံစွာဖော်ပြ ထားသည်ကို တွေ့ရှိရကြောင်း သိရှိရပါသည်။

DOCA(ပဲခူး)   

             ပဲခူးတိုင်းဒေသကြီး တောင်ငူမြို့နယ်ရှိ ကျေးရွာတချို့တွင် အာဆီယံသပြေ စိုက်ပျိုးထား သည်ကို တွေ့ရှိရပါသည်။ မြန်မာလူမျိုးတို့၏ ဓလေ့ထုံးစံအရ သပြေပန်းများ ဝယ်ယူပြီး ဘုရားလှူ၊ အောင်အိုးထိုးပူဇော်ကြပါသည်။ မနက်မိုးလင်းသည်နှင့် စံပယ်ပန်း၊ ရွှေပန်း၊ ငွေပန်း၊ နှင်းဆီပန်း၊ အာဆီယံသပြေပန်းအစုံ ခေါင်းရွက်ရောင်းသည့် ဈေးသည်များ၊ စက်ဘီးဆိုင်ကယ်များနှင့် ရောင်းသည့် ပန်းသည်များကို ရပ်ကွက်များ၊ ဈေးများတွင် တွေ့ရှိရပါသည်။ အာဆီယံသပြေပန်း တစ်စည်းကို ၂၀၀ ကျပ်ဖြင့် ရောင်းချရကြောင်း ဈေးရောင်းသူ၏ ပြောပြချက်အရ သိရပါသည်။

              တောင်ငူမြို့နယ် ဇီးဒိုင်းကျေးရွာအုပ်စု ပဲပုပ်ကျေးရွာဘေး အိမ်ခြံမြေနှင့်တွဲလျှက် မြေ ကွက်လပ် ၁.၅၀ ဧက အတွင်း စိုက်ပျိုးထေားသည့် အာဆီယံသပြေခြံအား သွားရောက်လေ့လာ ရာတွင် အာဆီယံသပြေ ပျိုးပင်ပေါက် တစ်ပင်ကို ၂၅၀၀ ကျပ်နှုန်းဖြင့် မန္တလေးမြို့ စိုက်ပျိုးရေးခြံ များမှ မှာယူ၍ စိုက်ပျိုးခြင်းဖြစ်ကြောင်း၊ ပင်ကြား ၃ ပေ၊ တန်းကြား ၄ ပေဖြင့် အပင် ၁၀၀၀ စိုက်ပျိုးထားကြောင်း၊ စိုက်ပျိုးပြီး ၆ လရှိလျှင် စတင်ခူး၍ရကြောင်း၊ အပင်ငယ်သေးချိန်တွင် အညွန့် အထွက်နည်းကြောင်း၊ သုံးနှစ်ကျော် လျှင် အညွန့်များနေ့တိုင်းခူး၍ရကြောင်း၊ အပင်များကြားတွင် ကြားပေါင်းနုတ်ခြင်း၊ မြေဩဇာ  ၁၅:၁၅ ကျွေးခြင်း၊ နွေရာသီတွင်ရေလောင်းပေးခြင်းများ လုပ်ပေးရ ကြောင်း၊ ၆ လတစ်ကြိမ် သွင်းအားစု ထည့်ပေးရကြောင်း၊ မြေဩဇာ ၂ ပြည်၊ ၁၅:၁၅ ပတ်လည် ၄ ပြည်ကို ၃၀၀၀၀ ကျပ် ကုန်ကျစရိတ်ရှိကြောင်း သိရှိရပါသည်။

              ပန်းတစ်စည်းကို ၁၃ ခက်မှ ၁၅ ခက်အထိ စည်းပါကြောင်း၊ ၁၀ စည်းလျှင် ၇၀၀ ကျပ်ဖြင့် ပန်းခြံသို့ လာဝယ်သူရှိပါကြောင်း၊ တစ်ရက်လျှင် ၃၀၀၀ ကျပ်ဖိုး နေ့တိုင်းရောင်းရပါကြောင်း၊ တစ်လ လျှင် ၁၀၀၀၀၀ ကျပ်နီးပါး ဝင်ငွေရရှိပါကြောင်း၊ ပန်းပင်မျိုးထုပ်ဖိုး ကျေအေးသွားပြီဖြစ်သောကြောင့် အမြတ်ရရှိနေပါကြောင်း ပဲပုပ်ကျေးရွာမှ အာဆီယံသပြေခြံပိုင်ရှင် ဦးတင်ထွန်း၏ ပြောပြချက်အရ သိရှိရပါသည်။

DOCA(ပဲခူး)   

              အုတ်တွင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်သူ့ကျန်းမာရေး ဦးစီးဌာနနှင့် စားသုံးသူရေးရာဦးစီးစီးဌာနတို့ပူးပေါင်း၍ ကျောင်းသားကျောင်းသူများ သိသင့်သိထိုက် သည့် အသိပညာ ဗဟုသုတများ ရရှိစေရန် ရည်ရွယ်၍ အသိပညာပေးဟောပြောပွဲကို ဩဂုတ်လ ၈ ရက်နေ့ နံနက်ပိုင်းက ကျင်းပပြုလုပ်ရာ စားသုံးသူရေးရာဦးစီးဌာန အုတ်တွင်းမြို့နယ်တာဝန်ခံ ဒေါ်အေးအေးခိုင်က စားသုံးသူကာကွယ်ရေးဆိုင်ရာများကို အသိပညာပေး ဟောပြောခဲ့ပါသည်။

              စားသုံးသူရေးရာဦးစီးဌာန အုတ်တွင်းမြို့နယ်တာဝန်ခံ ဒေါ်အေးအေးခိုင်က စားသုံးသူ၏ အခွင့်အရေးနှင့်တာဝန်များ၊ စားသုံးသူရေးရာဦးစီးဌာနပေါ်ပေါက်လာပုံနှင့် စားသုံးသူကာကွယ်ရေး ဆောင်ရွက်ချက်များ၊ စားသုံးသူနစ်နာဆုံးရှုံးမှုများ ဖြစ်ပေါ်လာပါက စားသုံးသူရေးရာဦးစီးဌာနက ဖွင့်လှစ်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)၊ စားသုံးသူရေးရာဦးစီးဌာန၏ website ဖြစ်သော www.doca.gov.mm တို့တွင် တိုင်ကြားနိုင်ခြင်းများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့် အကြောင်းများကို အသိပညာပေး ဟောပြောခဲ့ပါသည်။

              ပြည်သူ့ကျန်းမာရေးဦးစီးဌာနမှ သားဖွားဆရာမ ဒေါ်စုစုခိုင်က မိုးတွင်းကာလတွင် ဖြစ် ပွားလေ့ရှိသော သွေးလွန်တုပ်ကွေးရောဂါအကြောင်း သိကောင်းစရာများကိုလည်းကောင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယမြို့နယ်ဦးစီးမှူး ဒေါ်ခင်ခင်မာက ခလေး သူငယ်များ စာဖတ်ခြင်းဖြင့် ရရှိလာမည့် အကျိုးကျေးဇူးများနှင့် လူကုန်ကူးမှုအန္တရာယ်တားဆီး ကာကွယ်ရေးအကြောင်းများကို လည်းကောင်း ဟောပြောခဲ့ပါသည်။

              ဟောပြောပွဲသို့ ကျောင်းသား၊ကျောင်းသူ စုစုပေါင်း ၁၁၁ ဦး တက်ရောက်ကြောင်း သိရှိရပါသည်။

DOCA(ပဲခူး)

           မိုးတွင်းကာလတွင်အလေ့ကျပေါက်လေ့ရှိသည့် သဘာဝမှိုများကိုသာ ယခင်ကစားသုံးနေကြရပြီး အခန့်မသင့်ပါက မှိုဆိပ်တောက်၍ အကြောတက်ခြင်း၊ မူးဝေခြင်း၊ အော့အန်ခြင်းတို့အပြင် သေဆုံးသည်အထိ အန္တရာယ်ရှိခဲ့ကြပါသည်။ အဆိပ်ရှိသည့်မှိုနှင့် စားသုံးသင့်သည့်မှိုများကို ခွဲခြား သိရှိနိုင်ရန် မလွယ်ကူသဖြင့် အဆိပ်ရှိမှိုများကိုစားသုံးမိခြင်းများ ကြုံတွေ့ခဲ့ရပါသည်။ ယခုအခါ စားသုံးသူများအတွက် ဘေးဥပါဒ်ကင်းလွတ်စေရန် စားသုံးသင့်သည့်မှိုများကို လေ့လာရွေးချယ်၍ စိုက်ပျိုးထုတ်လုပ်လာသောကြောင့် တစ်နှစ်ပတ်လုံး မွေးမြူစိုက်ပျိုးထုတ်လုပ်နိုင်ခဲ့ပြီး စားသုံးသူများ အတွက် အာဟာရပြည့်ဝကာ ဘေးအန္တရာယ်ကင်းရှင်းသည့်မှိုများကို အချိန်မရွေးစားသုံးလာနိုင်မည် ဖြစ်ပါသည်။ စိုက်ပျိုးမှိုသည် ဓာတုဆေးနှင့် ဓာတ်မြေဩဇာကင်းလွတ်သောကြောင့် ကျန်းမာရေး အတွက် လုံခြုံစိတ်ချရပါသည်။ မှိုများတွင် ချက်ပြုတ်စားသောက်ခြင်းအတွက်သာမက ကြွက် နားရွက်မှို၊ အပ်မှို၊ လင်ဇီးမှို၊ ရှီးပဒီးမှို စသည့်မှိုများကို ဆေးဘက်ဝင်သော မှိုများအဖြစ်သုံးစွဲနိုင် ပါသည်။ မှိုစိုက်ပျိုးထုတ်လုပ်ခြင်းသည် လယ်ယာကိုင်းကျွန်းနှင့် ဥယျာဉ်ခြံဘေးထွက်ပစ္စည်းများ၊ စက်မှုစွန့်ပစ်ပစ္စည်းများ စသည့်အမှိုက်များကို မှိုမွေးမြူစိုက်ပျိုးရေးတွင်ပြန်လည်အသုံးပြုနိုင်ခြင်းဖြင့် သဘာဝ ပတ်ဝန်းကျင်ထိန်းသိမ်းနိုင်ခြင်းကိုလည်း အထောက်အကူပြုနိုင်ပါသည်။ စီးပွားဖြစ်စိုက်ပျိုး ထုတ်လုပ်မှု နည်းပညာ၊ မြေနေရာ ကျဉ်းကျဉ်းတွင် မှိုအမြောက်အမြား စိုက်ပျိုး ထုတ်လုပ်နိုင်သည့် နည်းပညာများကို တောင်သူများအကြား ပြန့်ပွားလာခြင်းကြောင့် တောင်သူများအတွက် တပိုင် တနိုင်စိုက်ပျိုးခြင်းမှ မိသားစုအပိုဝင်ငွေရရှိနိုင်စေခြင်း၊ ထိုမှတစ်ဆင့် စီးပွားဖြစ်လုပ်ငန်း တစ်ရပ်အဖြစ် တိုးတက်ဆောင်ရွက်နိုင်မည်ဖြစ်ပါသည်။ စစ်ကိုင်းတိုင်းဒေသကြီး စားသုံးသူရေးရာ ဦးစီးဌာနအနေဖြင့် ကော်မတီဝင်အဖြစ်ပါဝင်သည့် အလုပ်အကိုင်အခွင့်အလမ်းများဖန်တီးပေးရေး ကော်မတီက မှိုစိုက်ပျိုးထုတ်လုပ်ရေးသင်တန်းကိုဖွင့်လှစ်ပေးရန်စီစဉ်ဆောင်ရွက်ခဲ့ပါသည်။ ပြည်တွင်း ဈေးကွက်အတွင်း တွင်တွင်ကျယ်ကျယ်သုံးစွဲနေကြသည့် မှိုဈေးကွက်အတွက် မှိုစိုက်ပျိုးနည်းပညာ များကို ကျယ်ကျယ်ပြန့်ပြန့် သိရှိစေရန် ရည်ရွယ်ချက်ဖြင့် စစ်ကိုင်းတိုင်းဒေသကြီး စိုက်ပျိုးရေး ဦးစီးဌာနတွင် တိုင်းဒေသကြီးအစိုးရအဖွဲ့၏အစီအစဉ်ဖြင့် မှိုစိုက်ပျိုးထုတ်လုပ်ရေးသင်တန်းကို ၂ရက်ကြာသင်တန်းဖွင့်လှစ်ခဲ့ရာ ၂၀၂၂ ခုနှစ် ဩဂုတ်လ ၂ ရက်နေ့တွင် သင်တန်းဖွင့်ပွဲ၌ တိုင်းဒေသကြီးဝန်ကြီးချုပ်က အဖွင့်အမှာစကားပြောကြားခဲ့ပြီး သင်တန်းသား (၆၀)ဦး တက်ရောက် ခဲ့ပါသည်။ သင်တန်းတွင် မှိုစိုက်ပျိုးထုတ်လုပ်နည်းအပြင် မှိုမျိုးသန့် မွေးမြူနည်း၊ မှိုတွင် ကျရောက်တတ်သည့် ရောဂါကာကွယ်နှိမ်နင်း နည်းများကို သင်တန်းပို့ချခဲ့ကြောင်း သိရပါသည်။ မှိုမျိုးထုပ်များကို တစ်ထုပ်လျှင် (၃၅၀)ကျပ်ဖြင့် မြို့နယ်စိုက်ပျိုးရေးရုံးများတွင် ဝယ်ယူရရှိနိုင် ကြောင်းသိရပါသည်။ တိုင်းဒေသကြီးအတွင်း မှိုမျိုးထုပ်များရောင်းချမှု ထွန်းကားလာပြီး ဒေသ၏ လူမှုစီးပွားကို တစ်ဖက်တစ်လမ်းက အထောက်အကူပြုနိုင်မှာဖြစ်ပါသည်။ တပိုင်တနိုင် မှိုစိုက်ပျိုး ထုတ်လုပ်ခြင်းမှ စီးပွားဖြစ်စိုက်ပျိုးထုတ်လုပ်သူများဖြစ်အောင် အချိန်တိုအတွင်း အလုပ်အကိုင် အခွင့်အလမ်းများ ရရှိစေရေးအတွက် တိုင်းဒေသကြီးအစိုးရအဖွဲ့ကလည်း လိုအပ်သည်များကို ကူညီဖြည့်ဆည်းပေးသွားမည်ဖြစ်ကြောင်း သိရှိရပါသည်။

DOCA(စစ်ကိုင်း)