သတင်းနှင့် လှုပ်ရှားမှုများ
Powered by Drupal
ညောင်တုန်းမြို့နယ် အခြေခံစားသောက်ကုန် ဈေးနှုန်း အနည်းငယ်ကျဆင်း လျက်ရှိ
(၂၆-၆-၂၀၂၅) ရက်နေ့၊ နံနက်(၀၈:၃၀) အချိန်က ညောင်တုန်းမြို့ပေါ်ရပ်ကွက် များရှိ အခြေခံစားသောက်ကုန် ရောင်းချသော ကုန်မျိုးစုံဆိုင် (၁၅) ဆိုင်ရှိ ကုန်စည်များ ဈေးနှုန်း နည်ငြိမ်လျက်ရှိကြောင်း သိရပြီး မြို့နယ် ကုန်ဈေးနှုန်း စာရင်းများကို အပါတ်စဉ် ခရိုင်ဦးစီးမှူးရုံးသို့ တင်ပြလျက်ရှိသည်။
ညောင်တုန်း မြို့နယ်တွင်း ရောင်းချလျက်ရှိသော အခြေခံစား သောက်ကုန် များဖြစ်သည့် ဆန်(မနောသုခ) ၁ပြည် ၃၃၀၀ကျပ်၊ စားအုန်းဆီ ၁ပိဿာ ၆၅၁၀ကျပ်၊ ဆား၊ ၁ပိဿာ ၁၆၀၀ကျပ်၊ ငါးငပိ ၁ပိဿာ ၁၅၀၀၀ကျပ်၊ ကုလားပဲ ၁ပိဿာ ၆၃၀၀ကျပ်၊ အားလူး အလတ်စား ၁ပိဿာ ၄၀၀၀ကျပ်၊ ငရုတ်ခြောက် ၁ပိဿာ ၉၀၀၀ကျပ်၊ ကြက်သွန်နီ အလတ်စား ၁ပိဿာ ၁၈၀၀ကျပ်၊ ကြက်သွန်ဖြူရှမ်းစ ၁ပိဿာ ၁၀၀၀၀ကျပ်၊ ဖြင့်ရောင်းချနေကြောင်း သိရသည်။
သားငါးဈေးအနေဖြင့် ဆိတ်သား အသား၁ပိဿာ ၂၉၅၀၀ကျပ်၊ အရိုးအသား ၂၆၀၀၀ကျပ်၊ ဝက်သား ၁ပိဿာ အရိုးအသား ၂၂၀၀၀ကျပ်၊ အသား ၂၃၄၀၀ကျပ်၊ အမဲသား ၁၈၀၀၀၊ ၁၉၈၀၀ကျပ်၊ ငါးမြစ်ချင်း ခုတ်သား ၁ပိဿာ ၁၀၀၀၀ကျပ်၊ ကြက်ဗမာ ၁ပိဿာ ၃၀၀၀၀ကျပ်၊ စီပီကြက် ၁ပိဿာ ၁၈၀၀၀ကျပ်၊ ဖြင့် အရောင်းအဝယ်ဖြစ်လျက်ရှိပြီး ယခင်လဈေးနှုန်း နှိုင်းယှဉ်ပါက ကြက်သွန်နီ ၄၀၀ကျပ်ကျဆင်း၊ ကြက်သွန်ဖြူ ၂၀၀၀ကျပ် ကဆင်း၊ အာလူး ၅၀၀ကျပ် ကျဆင်း၊ စီပီကြက် ၄၀၀၀ကျပ်၊ ဝက်သား ၁၄၀၀ကျပ် ငါးမြစ်ချင်း ၂၀၀၀ကျပ် ဈေးမြှင့်တက်ပြီး ကျန်ကုန်စည်များ ဈေးနှုန်းတည်ငြိမ်လျက်ရှိကြောင်း စိစစ်တွေ့ရှိရသည်။
DOCA(ဧရာဝတီ)
ပန်းတနော်မြို့နယ်တွင် ဒေသဖွံ့ဖြိုးရေးလုပ်ငန်းများ ဆောင်ရွက်ခြင်းနှင့် ကုန်အညွှန်းအမှတ်အသားဆိုင်ရာ အချက်အလက်များအကြောင်းကို ကျေးရွာနေပြည်သူများအား ဟောပြောဆွေးနွေးခြင်း
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြစိမ်းရောင်ချေးငွေထုတ်ချေးပေးနိုင်ရေးနှင့် ဒေသဖွံ့ဖြိုးရေးလုပ်ငန်းများဆောင်ရွက်ပြီးစီးမှုအခြေအနေအား ကွင်းဆင်းစစ်ဆေးခြင်းနှင့် စားသုံးသူရေးရာဦးစီးဌာနက ကုန်အညွှန်းအမှတ်အသားအကြောင်း အသိပညာပေးခြင်းကို (၂၄-၆-၂၀၂၅) နေ့ မွန်းလွဲပိုင်းက သက်ဆိုင်ရာကျေးရွာများတွင် ဆောင်ရွက်ခဲ့သည်။
ထိုသို့ ကွင်းဆင်းဆောင်ရွက်ရာတွင် ပန်းတနော်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ရှိသူများက မင်းဂရုကျေးရွာအုပ်စု စောပန်ကျေးရွာတွင် solar home system 60 watt 21nos ၊ 100 watt 35 nos တပ်ဆင်ဆောင်ရွက်ပြီးစီးမှုအခြေအနေအား ကွင်းဆင်းစစ်ဆေးဆောင်ရွက်ခဲ့ပြီး ရေလဲနှဲကောကျေးရွာတွင် မြစိမ်းရောင်ချေးငွေထုတ်ချေးပေးနိုင်ရေးအသင်းသူ/ သားများနှင့် တွေ့ဆုံညှိနှိုင်းဆွေးနွေးခြင်းများပြုလုပ်ပြီးနောင်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ကျေးရွာနေပြည်သူများအား ကုန်အညွှန်းအမှတ်အသားဖော်ပြခြင်း နှင့် စပ်လျဉ်း၍ အသိပညာပေး ရှင်းလင်း ဆွေးနွေးခဲ့ရာ မိမိတို့ အသုံးပြုသော ကုန်စည်များကို ရေါးချယ်ဝယ်ယူအသုံးပြုရာတွင် ကုန်အညွှန်းအမှတ်အသား ပါဝင်သော , ကုန်စည်ကိုသာရွေးချယ်ဝယ်ယူ၍ အသုံးပြူဆောင်ရွက်ရန်ကိုလည်း ကောင်း၊ မြန်မာစာဖြင့် သုံးစွဲပုံနည်းလမ်းပါဝင်သောကုန်စည်၊ ကြိုတင်သတိပေးချက်ပါဝင်သောကုန်စည်၊ သတင်းအချက် အလက်များကို သေခြာစွာလေ့လာကြည့်ရှု ပြီး အသုံးပြုနိုင်ရန်၊ ကုန်စည်တွင်ပါဝင်သော သတင်းအချက်အလက်များအတိုင်း လိုက်နာသုံးစွဲပါက ဘေးအန္တရာယ်ကင်းရှင်ပြီး လုံခြုံစိတ်ချစွာအသုံးပြုနိုင်ကြောင်းနှင့် စားသုံးသူကာကွယ်ရေး အခန်’(၁၈) ပါ ကုန်အညွှန်းအမှတ်အသားအကြောင်းကို ရှင်းလင်းခြင်း၊ စားသုံးသူအခွင့်အရေး ထိခိုက်နစ်နာပါက တိုင်ကြားနိုင်သော နည်းလမ်း ၇မျိုးနှင့် ပြစ်မှု ပြစ်ဒဏ်များအကြောင်း တို့ကို ရှင်းလင်းဟောပြောခဲ့ပြီးကျေးရွာနေပြည်သူ (၁၄၀)ဦးတက်ရောက် ခဲ့ကြောင်း သိရသည်။
DOCA(ဧရာဝတီ)
အ.ထ.က ခွဲ ကျောင်းတွင် ကျောင်းသား၊ ကျောင်းသူ များအား စားသုံးသူကာကွယ်ရေး အသိပညာပေးခြင်း
စားသုံးသူရေးရာဦးစီးဌာန၊ မအူပင်ခရိုင် ဦးစီးမှူးရုံး၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင် ဒု-ဦးစီးမှူးနှင့် ဒေါ်အေးစန္ဒာထွန်း တို့သည် ၂၆.၆.၂၀၂၅ ရက်နေ့ နံနက် (၁၀:၀၀)နာရီအချိန်က အခြေခံပညာအထက်တန်း ကျောင်း(ခွဲ)ကျောင်းသို့ သွားရောက်၍ ကျောင်းသား/ သူများ အား စားသုံးသူကာကွယ်ရေး အသိပညာပေး ဟောပြောခဲ့ပါသည်။
အဆိုပါဟောပြောပွဲတွင် မြို့နယ်ဦးစီးမှူးရုံးမှ ဒေါ်ချိုမီဇင် ဒု-ဦးစီးမှူး က စားသုံးသူရေးရာဦးစီးဌာန၏ ရည်မှန်းချက်၊ စားသုံးသူကာကွယ်ရေးဥပဒေပါ စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူ၏အခွင့်အရေးနှင့် တာဝန်များ အကြောင်း၊ စားသုံးသူကာကွယ်ရေးဥပဒေပခန်း(၁၈)မှ ကုန်အညွှန်းအမှတ်အသား ဖော်ပြချက်များ အကြောင်း၊ စားသုံးသူများနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်ကြောင်းနှင့် တိုင်ကြားမှုပုံစံများ အကြောင်းကို အကျယ်တဝင့် ရှင်းလင်းပြီး ဆက်လက်၍ ဒေါ်အေးစန္ဒာထွန်း အကြီးတန်းစာရေးက စားသုံးသူကာကွယ်ရေး လုပ်ငန်းစဉ်နှင့်ပတ်သက်၍ အသိပညာများကို သိရှိနိုင်ရန် ဥပမာပေး Vedio Shopများဖြင့် အသိပညာပေးဟောပြောခဲ့ပြီး ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြ တိုင်ကြားခွင့်နှင့် ပြန်လည်ကုစားနိုင်ခွင့်များ အကြောင်း၊ ပြစ်မှုနှင့်ပြစ်ဒဏ်များ အကြောင်းနှင့် စားသုံးသူသတင်းပြန်ကြား ရေးနှင့် တိုင်ကြားမှုလက်ခံ ဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေကိုလည်းကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း အသိပညာပေးဟောပြောခဲ့ကြောင်း သိရှိရပါသည်။ အဆိုပါ ဟောပြောပွဲသို့ ကျောင်းသား/ သူ(၁၈၀)ဦး ဆရာ/မ(၇) ဦးစုစုပေါင်း (၁၈၇)ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ လက်ကမ်း စာစောင်များ ဖြန့်ဝေခဲ့ပါသည်။
DOCA(ဧရာဝတီ)
ညောင်တုန်းမြို့ အ.ထ.က. ခွဲ ကျောင်းမုန့်ဈေးတန်းတွင် ရောင်းချသော မုန့်များအား ကွင်းဆင်းစစ်ဆေး
၂၄.၆.၂၀၂၅ ရက်နေ့ နံနက်(၁၁:၀၀)အချိန်တွင် စားသုံးသူရေးရာဦး စီးဌာန၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်၊ ဒု-ဦး စီးမှူးနှင့်တန်ထမ်း(၁)ဦး တို့သည် ညောင်တုန်းမြို့နယ်၊ အ.ထ.က ခွဲ ကျောင်း တွင် ရောင်းချနေသော အစားအသောက်များအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ရာတွင် အ.ထ.က ခွဲ ကျောင်းမုန့်ဈေးတာဝန်ခံများ၊ ကျောင်းစာရေးများ၊ ကျောင်းမှ ဆရာမများက ပူးပေါင်းပါဝင်လျက် ရောင်းချ နေသော လေဖောင်းမုန့်များ၊ အချိုရည်ဗူးများ၊ ပေါင်မုန့်မျိုးစုံနှင့် ဝေဖာချောင်းများတွင် စားသုံးသူ ကာကွယ်ရေးဥပဒေတွင်ပြဌာန်းထားသည့် ကုန်အညွှန်းအမှတ်အသား ဖော်ပြခြင်း ဆိုင်ရာအချက်များနှင့် ကိုက်ညီပြည့်စုံမှုရှိပြီး မြန်မာမုန့်များလည်း ရောင်းချကြောင်း စစ်ဆေးတွေ့ရှိရပြီး ယဉ်မနားစေရန် ဂရုပြုရောင်းချရန် ဆိုင်ရှင်များအား မှာကြားပြီး၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ ဥပဒေများ အကြောင်း၊ စီးပွားရေးလုပ်ငန်းရှင်၏ တာဝန်များ အကြောင်း၊ စားသုံးသူ၏အခွင့်အရေးနှင့်တာဝန်များအကြောင်းနှင့် မိမိဌာနမှဆောင်ရွက် နေသည့်လုပ်ငန်းများအကြောင်းတို့ကို အသိပညာပေးဆွေးနွေး ခဲ့ပြီး လက်ကမ်းစာစောင်များ လည်းဖြန့်ဝေပေးခဲ့ကြောင်း သိရှိရပါသည်။
DOCA(ဧရာဝတီ)
ညောင်တုန်းမြို့နယ် စားဆီအရောင်းဆိုင်များ သတ်မှတ်ချက်များနှင့်အညီ ရောင်းချမှု ရှိ/မရှိ ကွင်းဆင်းစစ်ဆေး
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၂၅-၆-၂၀၂၄)ရက်နေ့၊ နံနက်(၀၇၃၀)နာရီအချိန်တွင် စားအုန်းဆီများကို ရည်ညွှန်းဈေးဖြင့် ရောင်းချမှုရှိ/မရှိ ကွင်းဆင်းစစ်ဆေးခဲ့ပါသည်။
ကွင်းဆင်းစစ်ဆေးရာတွင် စားသုံးသူရေးရာဦးစီးဌာန ညောင်တုန်းမြို့နယ်ဦးစီးမှူး ဦးအောင်လွင် ဦးစီးအရာရှိက ဈေးအတွင်း ရောင်းချနေသော စားဆီအရောင်းဆိုင်များတွင် ၂၅ ၇◌က်နေ့ ဇွန်လက သတ်မှတ်ရည်ညွှန်းဈေးဖြင့် ဖော်ပြခြင်း၊ ရောင်းချသည့် ဆီပိဿာများကို ဖော်ပြခြင်း၇ှိ/မရှိနှင့် စားဆီရောင်းချနေသော ဆီအရောင်းဆိုင်များမှ ပြည်သူများက သတ်မှတ်ရက်အတွင်း ဆီစာအုတ်ဖြင့် ဝယ်ယူမှု စာရင်းများကို တိုက်ဆိုင်စစ်ဆေးခြင်းများ ပြုလုပ်ခဲ့ပြီး၊ ဆိုင်ရှင်များကို ပြည်သူများနှင့် လုပ်ငန်းဆောင်ရွက်မှု အခက်အခဲမရှိစေရန် ဆောင်ရွက်ပေးရန်ကိုလည်းကောင်း၊ ဆီစာအုတ်များပျောက်ခြင်း ဖြစ်ပေါ်ပါက ဆီဆိုင်ပိုင်ရှင်၏ ပျောက်ဆုံးစာအုတ်ဟောင့် ပယ်ဖျက်ကြောင်း ထောက်ခံစာပေးရန်နှင့် ကုန်ဈေးနှုန်း တည်ငြိမ်ကျဆင်းရေးအဖွဲ့သို့ တင်ပြပြီး ဆီစာအုပ်ထပ်မံထုတ်ယူရရှိနိုင်ရေးကို ဆောင်ရွက်ပေးနိုင်ရန် ပူးပေါင်းဆောင် ရွက်ရန်ကိုလည်းကောင်း မှာကြားခဲ့ပြီး သတ်မှတ်ချက်များနှင့်အညီ ရောင်းချပေးနိုင်ရန် အပါတ်စဉ် စိစစ်ကြပ်မတ် ဆောင်ရွက်လျက်ရျိကြောင်း သိရသည်။
DOCA(ဧရာဝတီ)
ဓနုဖြူမြို့နယ်၌ အငြိမ်းစာဝန်ထမ်းများအား ကျန်းမာရေးစောင့်ရှောက်မှုနှင့် အခြေခံစားသောက်ကုန်များအား သက်သာသောဈေးဖြင့် ရောင်းချပေးလျက်ရှိ
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့ မြို့နယ်စီမံအုပ်ချုပ်ရေးအဖွဲ့မှ မြို့နယ်အတွင်းရှိ အငြိမ်းစား ဝန်ထမ်းများအား ကျန်းမာရေး စောင့်ရှောက်ခြင်းနှင့် အာဟာရဒါန ထောက်ပံ့လှူဒါန်း ခြင်း၊ အခြေခံစားသောကုန်များကို သက်သာသောဈေးဖြင့် ဝယ်ယူလိုသူများအား (၂၅-၆-၂၀၂၅) ရက်နေ့ နံနက် (၁၀) နာရီအချိန်က မြို့နယ် မြန်မာ့စီးပွားရေးဘဏ်၌ ပြုလုပ်ဆောင်ရွက်ခဲ့သည်။
ဓနုဖြူမြို့နယ်ကုသရေးဦးစီးဌာနမှ မြို့နယ်အတွင်းရှိ ပင်စင်စားနိုင်ငံ့ဝန်ထမ်း ဦးရေ(၂၁၅)ဦးတို့အား ကျန်းမာရေး စောင့်ရှောက်မှုအခမဲ့ ဆောင်ရွက်ပေးရာတွင် ပင်စင်စားနိုင်ငံ့ ဝန်ထမ်းများအား သွေးပေါင်ချိန် တိုင်းတာခြင်း၊ ဆီးချို၊ သွေးချိုစစ်ပေးခြင်း၊ သွေးတွင်းအောက်ဆီဂျင်တိုင်းတာခြင်းများ စစ်ဆေးပေးခဲ့ပြီး အထွေထွေရောဂါလူနာများအား လိုအပ်သည့် ဆေးဝါးကုသမှုများ ဆောင်ရွက်ပေးခဲ့သည်။ ဆေးကုသမှုခံယူသော ပင်စင်စားနိုင်ငံ့ဝန်ထမ်းများနှင့် ပြည်သူများအား ဓနုဖြူမြို့နယ်၊ ကုန်စျေးနှုန်းတည်ငြိမ်ကျဆင်းရေးကော်မတီမှ အခြေခံစားသောက်ကုန်များဖြစ်သော ဆန်၊ ဆီ၊ ကြက်ဥ၊ ဘဲဥများအား သက်သာသော စျေးနှုန်းဖြင့် ရောင်းချပေးခဲ့သည်။
အဆိုပါပင်စင်စားနိုင်ငံဝန်ထမ်းများအား ကျန်းမာရေးစောင့်ရှောက်မှုပေးခြင်းနှင့် အခြေခံစားသောက်ကုန်များ စျေးနှုန်းသက်သာစွာ ရောင်းချပေးရာတွင် မြို့နယ်အထွေထွေ အုပ်ချုပ်ရေးဦးစီးဌာန၊ ဓနုဖြူမြို့နယ်ကုသရေးဦးစီးဌာန၊ မြို့နယ်အမျိုးသမီးရေးရာအဖွဲ့၊ မြို့နယ်မိခင်နှင့်ကလေးစောင့်ရှောက်ရေးအသင်း၊ မြို့နယ်စားသုံးသူရေးရာဦးစီးဌာန၊ ကုန်စျေးနှုန်းတည်ငြိမ်ကျဆင်းရေး ကော်မတီအဖွဲ့ဝင်များ၊ ရပ်ကွက်အုပ်ချုပ်ရေးမှူးများနှင့် စေတနာရှင်များမှ လိုအပ်သည်များအား ဝိုင်းဝန်း ကူညီဆောင်ရွက်ပေးခဲ့ကြောင်း သိရသည်။
အခြေခံစားသောက်ကုန်များဖြစ်သော ဆန် ၁၀အိတ် တပြည် ၂၀၀၀ကျပ်၊ ကြက်ဥ အလုံး(၅၀၀၀) ဆလုံးလျှင် ၃၅၀ကျပ်ဖြင့် ဝယ်ယူလိုသော ဘိုးဘွားမိဘများနှင့် ပြည်သူအချိုအားရောင်းချပေးခဲ့ပြီး မြို့နယ်စားသုံးသူရေးရာဦးစီးဌာက ကြီးကြပ်ဆောင်ရွက်ပေးခဲ့ကြောင်း သိရသည်။
DOCA(ဧရာဝတီ)
ဓနုဖြူမြို့နယ် ဈေးကွက်အတွင်း Signal သွားတိုက်ဆေးအတု" များရောင်းချခြင်းရှိ/မရှိ ကွင်းဆင်းစစ်ဆေး
ဓနုဖြူမြို့နယ်၌ စျေးကွက်အတွင်း " Signal သွားတိုက်ဆေးအတု" များရောင်းချခြင်းရှိ/မရှိ စျေးကွက် စောင့်ကြည့်စစ်ဆေးခြင်းများကို (၂၄-၆-၂၀၂၅)ရက်နေ့ နံနက်(၁၀)နာရီက ဓနုဖြူမြို့နယ် စားသုံးသူရေးရာဦးစီးဌာနနှင့် သက်ဆိုင်ရာတာဝန်ရှိသူ အသီးသီးတို့က မြို့ပေါ်ရပ်ကွက်(၄)ခု၌ ဆောင်ရွက်ခဲ့သည်။
အဆိုပါ စျေးကွက်စောင့်ကြည့်စစ်ဆေးခြင်းကို ဓနုဖြူမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဦးဝင်းမင်းစိုးနှင့် တာဝန်ရှိသူအသီးသီးတို့က စျေးကွက်အတွင်းတွင် "Signal သွားတိုက် ဆေးအတု"များရောင်းချခြင်းရှိ/မရှိ ကွင်းဆင်းစစ်ဆေးကြရာ အဆိုပါစျေးကွက်အတွင်း "Signal သွားတိုက်ဆေးအတု"များ ရောင်းချခြင်း မတွေ့ရှိရဘဲ Unilever EAC Myanmar ကုမ္ပဏီကိုယ်စားလှယ်ထံမှ မှာယူရရှိသော ကုန်ညွှန်းအမှတ်အသား ပြည့်စုံစွာဖော်ပြထားပြီး သက်ဆိုင်ရာဌာနများ၏ ထောက်ခံချက်ပါရှိသော " Signal သွားတိုက်ဆေး"အစစ်များသာ ရောင်းချနေကြောင်းကွင်းဆင်းစစ်ဆေးချက်အရ သိရသည် ။
DOCA(ဧရာဝတီ)
ညောင်တုန်းမြို့နယ်အတွင်း ရှိ ဓါတ်မြေဩဇာဆိုင်များအား ကွင်းဆင်းစစ်ဆေး
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ ဓါတ်မြေဩဇာ အရောင်းဆိုင်များ၌ ကွင်းဆင်း စစ်ဆေးခြင်းကို (၂၄.၆.၂၀၂၅)ရက်နေ့ နေ့လည်(၁:၀၀) နာရီ အချိန်က အထွေထွေအုပ်ချုပ်ရေးဉီးစီးဌာန၊၊ စိုက်ပျိုးရေး ဉီးစီးဌာန၊ ကျေးလက် ဖွံ့ဖြိုးရေးဌာနနှင့် စားသုံးသူရေးရာဉီးစီးဌာနတို့ ပူးပေါင်းပါဝင်သော အဖွဲ့များသည် ဓါတ်မြေဩဇာဆိုင် (၆)ဆိုင် သို့ ကွင်းဆင်းဆောင်ရွက်ခဲ့သည်။ ကွင်းဆင်းစစ်ဆေးရာတွင် ညောင်တုန်းမြို့နယ်၊ စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်က ဓါတ်မြေဩဇာ အရောင်းဆိုင်များအား ပူးပေါင်းအဖွဲ့ဖြင့် စစ်ဆေးရာ ဓါတ်မြေဩဇာဆိုင်များတွင် ပစ္စည်းများပြတ် လပ်မှုမရှိကြောင်း၊ ဆိုင်ပိုင်ရှင်များအား သက်ဆိုင်ရာဌာနက တားမြစ်ပိတ်ပင်ထားသော ဓါတ်မြေဩဇာနှင့် ပိုးသတ်ဆေးများ ရောင်းချ ခြင်း မပြုရန်၊ တရားဝင်မှတ်ပုံတင်ထားသော ဓါတ်မြေဩဇာနှင့်ပိုးသတ်ဆေးများ တင်သွင်း ရောင်းချရန်၊ စိုက်ပျိုးသူတောင်သူများ ဘေးကင်းလုံခြုံမှုရှိစေရန် သုံးစွဲပုံအညွှန်းကို မြန်မာစာဖြင့် တိတိကျကျ ဖော်ပြထားသော ဓါတ်မြေဩဇာနှင့် ပိုးသတ်ဆေးများကိုသာရောင်းချကြရန်၊ သတ်မှတ်ချက်နှင့်မကိုက်ညီသော ဓါတ်မြေဩဇာနှင့် ပိုးသတ်ဆေးများ ဈေးကွက် အတွင်းတွေ့ရှိပါက စိုက်ပျိုးရေးဦးစီးဌာန၏ ဥပဒေအရ သော်လည်းကောင်း စားသုံးသူကာကွယ်ရေး ဥပဒေအရသော်လည်းကောင်း အရေးယူခံရနိုင်ကြောင်း အသိပညာပေးဆောင်ရွက်ခဲ့ကြောင်း သိရှိရ ပါသည်။ DOCA(ဧရာဝတီ)
ညောင်တုန်းမြို့နယ်ရှိ စက်သုံးဆီဆိုင် ကွင်းဆင်းစစ်ဆေးခြင်း
ညောင်တုန်းမြိုနယ်အတွင်းရှိ စက်သုံးဆီအရောင်းဆိုင်(၁၀)ဆိုင် အား မြိုနယ်ကုန်ဈေးနှုန်တည်ငြိမ်ရေး လုပ်ငန်းအဖွဲ့မှ (၂၄.၆.၂၀၂၅) ရက်နေ့ နံနက် (၁၀၃၀)အချိန်က ကွင်းဆင်းစစ်ဆေးပါသည်။
ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်က ညောင်တုန်းမြို့နယ်အတွင်း စက်သုံးဆီဆိုင်များ၌ နေ့စဉ်ရောင်းချနေသော စက်သုံးဆီဈေးနှုန်းများသည် PPRD မှ ထုတ်ပြန်ထားသော ရည်ညွှန်းဈေးအတိုင်းရောင်းချခြင်းရှိ/မရှိနှင့် စက်သုံးဆီပြတ်လပ်မှု ရှိ/မရှိစသည့် အခြေအနေများကို မေးမြန်းစစ်ဆေးခဲ့ပြီး ဆီဆိုင်များ၌ LED Board မှာ တင်ထားသည့်ရည်ညွှန်းဈေးအတိုင်း ရောင်းချလျက်ရှိကြောင်း သိရှိရပြီး စစ်ဆေးစဉ် ရက်အတွင်း သတ်မှတ်ရည်ညွှန်းဈေးများအတိုင်းရောင်းချနေကြောင်း တွေ့ရှိရပြီး ဆိုင်တာဝန်ခံများအား ဆီပြတ်လပ်မှု ရှိပါက အချိန်နှင့် တပြေးညီ သတင်းပို့ ဆောင်ရွက်သွားရန် မှာကြားခဲ့ကြောင်း သိရသည်။
DOCA(ဧရာဝတီ)
Pages
