သတင်းနှင့် လှုပ်ရှားမှုများ

               ပဲခူးခရိုင်စားသုံးသူရေးရာဦးစီးဌာန၊ ဒုတိယခရိုင်ဦးစီးမှူး ဦးရဲမင်းထွဋ် ၊   စားသုံးသူရေးရာဌာနခွဲ ဦးစီးမှူး ဦးကျော်ဆန်းဝင်း၊ ပဲခူးမြို့နယ်တာဝန်ခံ ဦးဗိုလ်မြတ်လင်းတို့သည် ၂၀.၇.၂၀၂၂ ရက်နေ့၊ နေ့လယ် (၁၂ : ၃၀)နာရီအချိန်တွင် ကဝမြို့နယ်သို့ သွားရောက်၍ ကဝမြို့နယ် စည်ပင် သာယာဈေးနှင့် မြို့ပေါ်ကုန်စုံဆိုင်များ၌ ရောင်းချလျှက်ရှိသော စားသုံးဆီများတွင် ကုန်အညွှန်းအမှတ်အသားများကို သတ်မှတ်ချက်များနှင့်အညီ ဖော်ပြထားရှိမှု ရှိ/မရှိ ဈေးကွက် စောင့်ကြည့်စစ်ဆေးခဲ့ပါသည်။

              ထိုသို့ဈေးကွက်စောင့်ကြည့်စစ်ဆေးရာတွင် ဈေးဆိုင်ပိုင်ရှင်များအား ၎င်းတို့ရောင်းချလျှက်ရှိသော စားသုံးဆီများတွင် သတ်မှတ်ထားသော ကုန်အညွှန်းအမှတ်အသားများ ပြည့်စုံစွာ ပါရှိရမည်ဖြစ်ကြောင်း အသိပညာပေးပြောကြားပြီး ကုန်အညွှန်းအမှတ်အသားဆိုင်ရာ လက်ကမ်းစာဆောင်ဖြန့်ဝေခြင်းများ ဆောင်ရွက်ခဲ့ပါကြောင်း သိရှိရပါသည်။

DOCA(ပဲခူး)

        ပဲခူးခရိုင်စားသုံးသူရေးရာဦးစီးဌာန၊ ဒုတိယခရိုင်ဦးစီးမှူး ဦးရဲမင်းထွဋ် ၊ သနပ္ပင်မြို့နယ် တာဝန်ခံ ဦးသိန်းဆွေ၊ စားသုံးသူရေးရာဌာနခွဲ ဦးစီးမှူး ဦးကျော်ဆန်းဝင်း၊ ပဲခူးမြို့နယ်တာဝန်ခံ ဦးဗိုလ်မြတ်လင်း တို့သည် ၂၁.၇.၂၀၂၂ ရက်နေ့၊ နေ့လည်(၁၄ :၀၀)နာရီအချိန်တွင် သနပ္ပင်မြို့နယ် စည်ပင်သာယာရေး ကော်မတီမှ တာဝန်ရှိသူများ၊ သနပ္ပင်မြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ တာဝန်ရှိသူ များနှင့်အတူ သနပ္ပင်မြို့နယ်အတွင်း‌ ရောင်းချလျှက်ရှိသော ဆေးဆိုင်များ၌ ဆေးနှင့်ဆေးပစ္စည်းများ ပြတ်လပ်မှု မရှိစေရန်၊ သတ်မှတ်အရည်အသွေးနှင့် ဈေးနှုန်းမှန်ကန်စေရန် ရည်ရွယ်၍  လက်ရှိရောင်းချလျှက်ရှိသော ပြည်သူလူထုအသုံးများသည့် ဆေးနှင့်ဆေးပစ္စည်းများ ဈေးနှုန်းအတက်အကျ ရှိ/မရှိနှင့် ပစ္စည်းပြတ်လပ်မှု ရှိ/မရှိ အခြေအနေများကို ကွင်းဆင်း လေ့လာစစ်ဆေးခဲ့ကြောင်း သိရှိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ ပြည်မြို့နယ်တာဝန်ခံနှင့် ဝန်ထမ်းများသည် (၁၅.၇.၂၀၂၂)ရက်နေ့၊ နေ့လည်(၁:၃၀) အချိန်တွင် ပြည်မြို့နယ် အတွင်းရှိ ဗြူးကုန်းကျေးရွာ ဘုန်းတော်ကြီးကျောင်းတွင် ဗြူးကုန်းနှင့် ကျောင်းရွာနေ ကျေးလက်နေပြည်သူ (၈၀)ဦးအား စားသုံးသူ အသိပညာပေးဟောပြော ပွဲကျင်းပပြုလုပ်ဆောင်ရွက်ခဲ့ပါသည်။

         ထိုစားသုံးသူအသိပညာပေးဟောပြောပွဲတွင် မြို့နယ်တာဝန်ခံ ဦးထွန်းနိုင်လင်းမှ အသိပညာပေး ဟောပြောရာတွင် စားသုံးသူများရရှိမည့် အခွင့်အရေးနှင့်တာဝန်များ၊ ကုန်စည် သို့မဟုတ် ဝန်ဆောင်မှုများအကြောင်း၊ ဈေးကွက်အတွင်းစားသုံးသူများစိတ်ကြိုက်ဝယ်ယူနိုင်ရေး၊ စားသုံးသူ များနစ်နာဆုံးရှုံးလျှင် တိုင်ကြားနိုင်မည့် အခွင့်အရေးရရှိစေရေး၊ ကုန်ပစ္စည်းများ ဝယ်ယူ အသုံးပြုရာတွင် နစ်နာဆုံးရှံးမှုဖြစ်ပေါ်လာပါက စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးတွင် သတင်းပြန်ကြား ရေးနှင့် တိုင်ကြားမှုလက်ခံဆောင်ရွက်ရေးဌာန (CICC) မှ လက်ခံဆောင်ရွက် ပေးနေမှု့ အခြေအနေများ အား ရှင်းလင်းဟောပြောဆွေးနွေးခဲ့ပြီး၊ စားသုံးသူကကာကွယ်ရေးဆိုင်ရာ အသိပညာပေး လက်ကမ်းစာစောင်များအားဖြန့်ဝေပေးခဲ့ကြောင်းသိရှိရပါသည်။

DOCA(ပဲခူး)

              စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးသည် ဇူလိုင်လ ၁၆ ရက် နံနက်ပိုင်းက မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ၊ တိုင်းရင်းဆေး ပညာ ဦးစီးဌာနတို့နှင့် ပူးပေါင်း၍ ဖြူးမြို့၊ အမှတ်(၂) အခြေခံပညာအထက်တန်းကျောင်းတွင် ကျောင်းသား ကျောင်းသူများ သိသင့်သိထိုက်သည့် အသိပညာဗဟုသုတများရရှိစေရေးအတွက် ပြုလုပ်သည့် အသိပညာပေးဟောပြောပွဲတွင် စားသုံးသူကာကွယ်ရေးဆိုင်ရာ အသိပညာပေး ဟောပြောခဲ့ပါသည်။

              ဟောပြောပွဲတွင် စားသုံးသူအခွင့်အရေးများ၊ စားသုံးသူနစ်နာဆုံးရှုံးမှုများ ဖြစ်ပေါ်ပါက စားသုံးသူ ရေးရာဦးစီးဌာနက ဖွင့်လှစ်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ CICC တွင် တိုင်ကြားနိုင်ခြင်းများ၊ ကုန်စည်ဝယ်ယူရာတွင် ကုန်အညွှန်း အမှတ် အသားများ ဦးစားပေးဖတ်ရှုသင့်သည့် အကြောင်းများကိုလည်းကောင်း၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်အိမာဟိန်းက အာဇာနည်နေ့ ဖြစ်ပေါ်လာပုံနှင့် အာဇာနည် ခေါင်းဆောင်ကြီးများ၏ အတ္ထုပတ္တိ များကိုလည်းကောင်း၊ တိုင်းရင်းဆေးပညာဦးစီးဌာန မြို့နယ် တိုင်းရင်းဆေးမှူး ဒေါ်ဝင်းဝင်းအေးက ကျောင်းသားကျောင်းသူ လူငယ်များ၏ တစ်ကိုယ်ရည် သန့်ရှင်းရေးနှင့်ပတ်သက်သည့် နေထိုင်စားသောက်ရမည့် အချက်များကို လည်းကောင်း ဆွေးနွေး ဟောပြောခဲ့ပါသည်။ ဟောပြောပွဲသို့ ကျောင်းသားကျောင်းသူ ၃၅၀ ဦးတက်ရောက်ကြောင်း သိရှိရပါသည်။

DOCA(ပဲခူး)

             စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်၊ ခရိုင်ဦးစီးမှူးရုံးမှ ခရိုင်ဦးစီးမှူး၏ကြီးကြပ်မှုဖြင့် (၂၂.၇.၂၀၂၂) ရက်နေ့ (၁၀:၀၀) အချိန်တွင် မိတ္ထီလာခရိုင်ဦးစီးမှူးရုံးမှ မြို့နယ်တာဝန်ခံနှင့်အဖွဲ့၊ ခရိုင်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ခရိုင်ရဲတပ်ဖွဲ့၊ မြို့နယ်စည်ပင်နှင့်ပူးပေါင်းအဖွဲ့တို့သည်  မိတ္ထီလာမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များသို့ စားသုံးသူပြည်သူများ ဘေးအန္တရာယ်ကင်းရှင်းစေ‌ရေးနှင့် ထုတ်ကုန်များလုံခြုံစိတ်ချရမှုရှိစေ‌‌ရေးအတွက် ရှောင်တခင်စစ်ဆေးခြင်းကို ရွက်ခဲ့ပါသည်။

          ဆေးဆိုင်များတွင် ဆေးဝါးလိုင်စင်များရှိ/မရှိနှင့် တရားမဝင်ဆေးဝါးများ၊ သက်တမ်းလွန်ဆေးဝါးများ ရောင်းချမှု ရှိ/မရှိ၊ ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ၊ Bell Plus ပလာစတာမှာ ထုတ်လုပ်သည့်နိုင်ငံ၊ ထုတ်လုပ်တင်သွင်းသည့် ကုမ္ပဏီ၊ ဆေးဝါးမှတ်ပုံတင်အမှတ်နှင့် Import Registeration No (IR) များ ဖော်ပြထားခြင်းမရှိပဲ စျေးကွက်အတွင်း ရောင်းချလျက်ရှိနေခြင်း၊ မြန်မာနိုင်ငံတွင် မှတ်ပုံထားခြင်းမရှိပဲ Online ပေါ်တွင် ရောင်းချနေသည့် ထိုင်းနိုင်ငံမှ သုံးစွဲရန်မသင်းထုတ်ပြန်ထားသော ရသေ့ဆေး (သို့) ထိုင်း တိုင်းရင်းဆေးသည် စားသုံးသူများသုံးစွဲမိပါက ဘေးအန္တရာယ်ဖြစ်စေနိုင်သည့်အတွက် ရောင်းချခြင်းမရှိစေရေး ယခုလို စစ်ဆေးရခြင်းဖြစ်ကြောင်း အသိပေးရှင်းလင်းပြောကြားခဲ့ပြီး ဆေးအရောင်းဆိုင်ပိုင်ရှင်များအနေဖြင့် Up Date ဖြစ်သောဆေးများ ၊ ကုန်အညွှန်းအမှတ်အသားနှင့်ပြည့်စုံသောကုန်ပစ္စည်းများနှင့် တရားဝင်မှတ်ပုံတင်ထားသော ဆေးဝါးများကိုသာ ဆိုင်တင်ရောင်းချရန် အသိပညာပေးခဲ့ပါသည်။

DOCA(မန္တလေး)