သတင်းနှင့် လှုပ်ရှားမှုများ

           ၂၀၂၂ ခုနှစ်၊ ဇူလိုင်လ (၁၇) ရက် ၊နေ့လည် (၁း၀၀) မှ ညနေ (၃း၀၀) အချိန်ထိ မော်လမြိုင်ကုန်စည်ဒိုင်ခန်းမ၌ မော်လမြိုင်ကုန်စည်ဒိုင်သည် ကွမ်းသီးနှင့်ဆက်စပ်လုပ်ငန်းရှင်များအကြား အချင်းချင်း ချိတ်ဆက်ဆောင်ရွက်မှုအားကောင်းလာစေရန်နှင့် ကွမ်းသီးနှင့်ဆက်စပ်စီးပွားရေးလုပ်ငန်းကဏ္ဍများ းဖွံ့ဖြိုးတိုးတက်ရေးအတွက် အထောက်အကူဖြစ်စေရန်ရည်ရွယ်၍ မိတ်ဆက်တွေ့ဆုံပွဲကို ကျင်းပခဲ့ရာ အဆိုပါတွေ့ဆုံပွဲသို့ စုစုပေါင်း (၄၅) ဦးတက်ရောက်ခဲ့ကြသည်။

          ဆွေးနွေးပွဲရလဒ်အနေဖြင့် မွန်ပြည်နယ်အတွင်းရှိ ကွမ်းသီးနှင့်ဆက်စပ်စီးပွားရေးလုပ်ငန်းရှင်များက ၎င်းတို့၏သက်ဆိုင်ရာကဏ္ဍအလိုက် အခက်အခဲများကို ရှင်းလင်းတင်ပြခဲ့ကြပြီး မော်လမြိုင်ကုန်စည်ဒိုင်မှ တာဝန်ရှိသူများနှင့်အတူပူးပေါင်းကာ အဖြေရှာဆွေးနွေးနိုင်ခဲ့သည်။ မော်လမြိုင်ကုန်စည်ဒိုင်အသင်းဝင်များနှင့် အခြားသောဆက်စပ်စီးပွားရေးလုပ်ငန်းရှင်များပါဝင်သော Social Media တစ်ခုဖြစ်သည့် Viber Group အား ဖွဲ့စည်းပေးနိုင်ခဲ့သည်။ ဆွေးနွေးပွဲသို့တက်ရောက်လာကြသော ကွမ်းသီးလုပ်ငန်းရှင်များနှင့် ကွမ်းသီးသယ်ဆောင်ပေးနေသော ပို့ဆောင်ဆက်သွယ်ရေးလုပ်ငန်းရှင်များအားလုံး၏ သဘောတူညီမှုဆန္ဒအရ အသင်းဝင်များကို စုစည်းနိုင်ခဲ့ပြီး အမြန်ဆုံး “ကွမ်းသီးစိုက်ပျိုးတင်ပို့ရောင်းချသူများအသင်း” ဖွဲ့စည်းသွားကြရန် ဆွေးနွေးခဲ့ကြပြီး သဘောတူညီမှုကို ရရှိခဲ့ကြကြောင်း သိရှိရသည်။

DOCA(မွန်)

               စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်၊ ကော့မှူးမြို့နယ်တာဝန်ခံ ဦးတင်မင်းသည် ဇူလိုင်လ (၁၃) ရက်နေ့၊ နံနက် (၁၀:၀၀) နာရီတွင် ကော့မှူးမြို့နယ်၊ မကျီးတန်းရပ်ကွက်အတွင်းရှိ ရပ်ကွက်သူ၊ ရပ်ကွက်သားများအား ရပ်ကွက်အုပ်ချုပ်ရေးမှူးရုံးတွင် စားသုံးသူကာကွယ်ရေးအသိပညာပေး းဟောပြောခဲ့ပါသည်။

        မြို့နယ်တာဝန်ခံက ဆွေးနွေးရာတွင် ဌာန၏လုပ်ငန်းဆောင်ရွက်ချက်များ၊ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေနှင့်စပ်လျဉ်း၍ စားသုံးသူအများပြည်သူတို့၏ စားသုံးသူအခွင့်အရေးများ ဆုံးရှုံးမှုမရှိစေရန်အတွက် စားသုံးသူအကာအကွယ်ပေးရေး ဥပဒေတစ်ရပ်ကို (၂၀၁၄) ခုနှစ်တွင် ပြဌာန်းခဲ့ပြီး ယင်းဥပဒေတွင် ခေတ်နှင့်မလျော်ညီသည့် ပြဌာန်းချက်များ းပါဝင်နေသည့်အတွက် (၂၀၁၉) ခုနှစ်တွင် ဥပဒေအဟောင်းကို ရုပ်သိမ်းပြီး စားသုံးသူကာကွယ်ရေးဥပဒေတစ်ရပ်ကို ပြည်ထောင်စုလွှတ်တော်ဥပဒေအမှတ် (၉)၊ (၂၀၁၉) ခုနှစ်၊ မတ်လ (၁၅) ရက်နေ့တွင် ထပ်မံပြဌာန်းလိုက်သည်။

     စားသုံးသူကာကွယ်ရေးဥပဒေတွင် ဦးစီးဌာန၏လုပ်ပိုင်ခွင့်နှင့်လုပ်ငန်းတာဝန်များ၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည် (သို့မဟုတ်) ဝန်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ၎င်းကုန်စည် (သို့မဟုတ်) ဝန်ဆောင်မှုလုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများ၊ ကုန်ညွှန်းအမှတ်အသားဖော်ပြခြင်းဆိုင်ရာအချက်များထဲမှ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်းသုံးစွဲပုံနည်းလမ်းနှင့် ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓါတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့အား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည် ဖြစ်သည်။

       စားသုံးသူအများပြည်သူတို့အား ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ဘေးအန္တရာယ်ကင်းရှင်းစေရေး၊ ထုတ်ကုန်လုံခြုံစိတ်ချရမှုရှိစေရေးတို့အတွက် စားသုံးသူပြည်သူများအနေဖြင့် အမှန်တကယ်နစ်နာဆုံးရှုံးမှုများအပေါ် စားသုံးသူသတင်းအချက်အလက်နှင့် တိုင်ကြားမှုလက်ခံဆောင်ရွက်ရေးစင်တာ (CICC) ဖွင့်လှစ်ထားပါကြောင်း အသေးစိတ် ရှင်းလင်းဟောပြောဆွေးနွေးခဲ့ပါသည်။

DOCA(ရန်ကုန်)        

              စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ခရိုင်ဦးစီးမှူးရုံးမှ ခရိုင်ဦးစီးမှူး၊ ဦးခင်မောင်ဆွေ ဦးဆောင်၍ ၂၀၂၂ခုနှစ်၊ ဇူလိုင်လ တတိယပတ်တွင် စားသုံးသူကာကွယ်ရေး အသိပညာပေးဟောပြောပွဲကို (၂၁-၇-၂၀၂၂) ရက်နေ့တွင် တပ်ကုန်းမြို့နယ်၊ အခြေခံပညာအလယ်တန်း ကျောင်း(နောင်သင်္ခါ)၊ အနော်ရထာရပ်ကွက်၌ နေ့လယ် (၁၃း၀၀)နာရီအချိန်တွင် ပြုလုပ်ခဲ့ရာ အခမ်း အနားအစီအစဥ်(၄)ရပ်ဖြင့် ကျင်းပခဲ့ပါသည်။ ပထမဦးစွာ ကျောင်းအုပ်ဆရာမကြီးမှ အဖွင့်အမှာစကားပြောကြားပြီး စားသုံးသူရေးရာဦးစီးဌာန၊ နေပြည်တော်ခရိုင်ဦးစီးမှူးရုံးမှ  ခရိုင်ဦးစီးမှူး၊ ဦးခင်မောင်ဆွေက စားသုံးသူများနစ်နာဆုံးရှုံးမှုများနှင့်ပတ်သက်၍ စားသုံးသူရေးရာဦးစီးဌာနတွင် တိုင်ကြားနိုင်သောဖုန်းနံပါတ်များ၊ Call Center ဖုန်းနံပါတ်နှင့် Website လိပ်စာတို့ကို အသိပေး ပြောကြားခဲ့ပြီး ဒေါ်မြင့်မြင့်အေး၊ ဦးစီးမှူးက စားသုံးသူကာကွယ်‌ရေး ဥပဒေပေါ်ပေါက်လာပုံနှင့် ဥပဒေတွင်ပါဝင်သော စားသုံးသူအဓိပ္ပာယ်နှင့် စားသုံးသူအခွင့်အရေး နှင့် တာဝန်များအကြောင်း၊ ဖြေရှင်းဆောင်ရွက်ပြီးစီးခဲ့သော တိုင်ကြားမှုများအကြောင်းတို့ကို ရှင်းလင်း ပြောကြားခဲ့ပါသည်။ ဟောပြောပွဲသို့ ကျောင်းသား/သူနှင့် ဆရာ/ဆရာမအပါအဝင် (၂၈၀)ဦးတက်ရောက်ခဲ့ပြီး၊ တက်ရောက်လာကြသော ကျောင်းသား/သူ၊ ဆရာ/ဆရာမများအနေဖြင့် သိလိုသည်များကို ဆွေးနွေးမေးမြန်းနိုင်ပါကြောင်း ဖိတ်ခေါ်ခဲ့ရာ ဆွေးနွေးမေးမြန်းခြင်းမရှိပါသဖြင့် ဟောပြောပွဲအား (၁၄း၀၀) နာရီအချိန်တွင် ပြီးဆုံးခဲ့ကြောင်း သတင်းရရှိပါသည်။

DOCA(ပြည်ထောင်စုနယ်မြေ)

          (၂၀-၇-၂၀၂၂)နေ့ နံနက် (၉:၃၀)ခန့်အချိန်တွင် စစ်တွေမြို့နယ် တာဝန်ခံဦးဆောင်၍ ဝန်ထမ်းများပါဝင်သော အဖွဲ့သည် စစ်တွေမြို့ မြို့မဈေးကြီးအတွင်းသို့ သွားရောက်၍ ဈေးကွက် အတွင်းရှိ Mistine အလှကုန်ပစ္စည်းများတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြ ထားခြင်းရှိ/မရှိနှင့် FDA ၏ထောက်ခံချက်ဖြင့် ဖြန့်ဖြူးရောင်းချနေခြင်းဟုတ်/မဟုတ် ဈေးကွက်စိစစ် ဆောင်ရွက်ခဲ့ပါသည်။

          ဤကဲ့သို့ ဈေးကွက်စိစစ်ဆောင်ရွက်ရခြင်းမှာ Mistine အလှကုန်ပစ္စည်းများကို FDA ၏ ထောက်ခံချက်၊ Hologram (ရောင်ပြန်) စတစ်ကာ နှင့် မြန်မာစာ Labelling ကပ်နှိပ်ထားခြင်းမရှိဘဲ ဈေးကွက်အတွင်း တရားမဝင်ဖြန့်ဖြူးရောင်းချနေကြောင်း သိရှိရသည့်အတွက်  Mistine အလှကုန် ပစ္စည်းများတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားခြင်း ရှိ/မရှိနှင့် FDA ၏ ထောက်ခံချက်များဖြင့် ဖြန့်ဖြူးရောင်းချနေခြင်း ဟုတ်/မဟုတ် စိစစ်ဆောင်ရွက်ရန် ညွှန်ကြားချက် အရ ဈေးကွက်စိစစ်ဆောင်ရွက်ရခြင်းဖြစ်ပြီး စစ်တွေမြို့နယ် ဈေးကွက်အတွင်း Mistine အလှကုန် ပစ္စည်းဖြစ်သည့် Bulgarian Yogurt  Whitening Lotion, Mistine Lotion(AHA UV) များအား မတွေ့ရှိရဘဲ White Spa Whitening Lotion တွင် FDA ထောက်ခံချက်၊ Hologram (ရောင်ပြန်)စတစ်ကာနှင့် မြန်မာစာ Labelling ကပ်နှိပ်၍ ရောင်းချနေကြောင်း စစ်ဆေးတွေ့ရှိ ရပါကြောင်းသတင်းရရှိပါသည်။

DOCA(ရခိုင်)

            ဧရာဝတီတိုင်းဒေသကြီး၊ ဟင်္သာတခရိုင်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ဟင်္သာတမြို့၊ ဇလွန်မြို့၊ လေးမျက်နှာမြို့နယ်များနှင့်  မြန်အောင်ခရိုင်ရှိ မြန်အောင်မြို့၊ အင်္ဂပူမြို့နယ်တို့တွင် စားသုံးသူကာကွယ်ရေးအသိပညာပေး Talk Show အစီအစဉ်များကို ပြုလုပ်ဆောင်ရွက်ခဲ့ပါသည်။

         ဇူလိုင်လ ၂၀ ရက်နေ့ဟင်္သာတမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်အေးအေးမာနှင့် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမိုးကျော်မှလည်းကောင်း၊ (၈.၇.၂၀၂၂)ရက်နေ့ ဇလွန်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်အေးမြင့်သိန်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန့်ဇင်ဦးမှလည်းကောင်း၊ (၁၈.၇.၂၀၂၂)ရက်နေ့ လေးမျက်နှာမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်နွယ်နွယ်ထွန်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်သန်းဌေးမှ လည်းကောင်း၊ (၂.၇.၂၀၂၂)ရက်နေ့ မြန်အောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဦးဇော်မင်းထွန်းနှင့် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမြင့်အောင်မှ လည်းကောင်း၊ (၁၅.၇.၂၀၂၂)ရက်နေ့ အင်္ဂပူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်သီသီရှိန်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးဘိုဘိုမှလည်းကောင်း စားသုံးသူကာကွယ်ရေးအသိပညာပေး အမေးအဖြေများ မေးမြန်းခြင်း၊ ဖြေကြားခြင်းတို့ကို ပြုလုပ်ခဲ့ပါသည်။

          Talk Show တွင် ၂၀၁၉ ခုနှစ် မတ်လ (၁၅) ရက်နေ့တွင် ပြဌာန်းထားသော စားသုံးသူကာကွယ်ရေးဥပဒေအကြောင်း ရှင်းလင်းပြောကြားပြီး  အခန် း(၁၅) တွင် ပါဝင်သော ပုဒ်မ (၂၈) ၊(၂၉) ပါ စားသုံးသူတို့အတွက် ကုန်စည် သို့မဟုတ် ဝန်ဆောင်မှု လုံခြုံစိတ်ချရမှုရှိစေရေး၊ အခန်း(၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဖော်ပြရမည့် ညွှန်ကြားချက်များအကြောင်း၊ အခန်း (၁၀) ပါ စီးပွားရေးလုပ်ငန်းရှင်၏တာဝန်များအကြောင်းနှင့် Online Shopping နှင့်ပတ်သက်၍ စားသုံးသူနစ်နာဆုံးရှုံးမှုမရှိစေရေးဆောင်ရန်၊ ရှောင်ရန်များအကြောင်းတို့အား မေးမြန်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)