သတင်းနှင့် လှုပ်ရှားမှုများ

              စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာန ၊ ရခိုင် ပြည်နယ်၊ စစ်တွေခရိုင်၊  ခရိုင်ဦးစီးမှူး  ဦးမောင်လှဝင်းနှင့် ဝန်ထမ်းများသည် (၁၅-၇-၂၀၂၂) ရက်နေ့ နံနက် (၁၁:၀၀)နာရိအချိန်တွင် စစ်တွေမြို့ မင်းဂံရပ်ကွက် ၊ အကွက် (၁၆)ရှိ ဦးနေမင်းအောင်ဇော် ပါ (၇)ဦး ပိုင်ဆိုင်သော “LUCKY 7” အမှတ်တံဆိပ်ဖြင့် တစ်ခါသုံးတစ်ရှူး (Tissue) Wipe Product  ထုတ်လုပ်ဖြန့်ချီရောင်းချသည့် စက်ရုံလုပ်ငန်းရှင်များနှင့် တွေ့ဆုံကာ စားသုံးသူကာကွယ်ရေး၊ ထုတ်ကုန်လုံခြုံစိတ်ချရမှုရှိစေရေး၊ မိမိတို့ထုတ်လုပ်သည့် တစ်ခါသုံးတစ်ရှူး (Tissue) များမှာ စားသုံးသူဘေးအန္တရာယ်ကင်းရှင်းစေရေးအတွက် သန့်ရှင်းမှုရှိစေရေး၊ တစ်ရှူးများတွင် အမှုန့်အမွှား၊ သံတိုသံစများ ပါဝင်မှုမရှိစေရေး အထူးဂရုပြုဆောင်ရွက်ကြရန်နှင့် စားသုံးသူကာကွယ်ရေးဥပဒေ (၂၀၁၉)၊ အခန်း(၁၁)၊ ပုဒ်မ(၂၃) ပြဌာန်းချက် ပါ ကုန်စည်များမှာ စားသုံးသူကလက်ခံသုံးစွဲနိုင်သော အရည်အသွေးရှိခြင်း၊ ကုန်စည်၏အရည်အသွေး၊  အချိန်အတွယ်ပမာဏနှင့် အလေးချိန်မှန်ကန်မှုရှိခြင်း၊ ဘေးအန္တရာယ်ကင်းရှင်းစေခြင်း၊ သုံးစွဲသူ၏လိုအပ်ချက်အတွက် သင့်လျော်မှုရှိခြင်းနှင့်  ပတ်သက်၍ ထုတ်လုပ်သူများအနေဖြင့်  ကုန်စည်နှင့်စပ်လျဉ်း၍ အာမခံချက်ပေးနိုင်မှုရှိစေရန် အလေးထားဆောင်ရွက်သင့်ကြောင်း ချပြဆွေးနွေးပြီး ကုန်အညွှန်းအမှတ်အသားဖော်ပြရာတွင် လည်း စားသုံးသူကာကွယ်ရေးဥပဒေ (၂၀၁၉) ၊ အခန်း(၁၈) ၊ ပုဒ်မ(၄၁) ပြဌာန်းဖော်ပြချက်ပါအချက်များ ပြည့်စုံစွာဖော်ပြစေရေး အသိပညာပေးဆောင်ရွက်ပြီး တစ်ရှူးအကြမ်းမှ တစ်ရှူးအချော အဆင့်ထိ ထုတ်လုပ်နိုင်အောင် ‌စုပေါင်းကြိုးစားဆောင်ရွက်သင့်ပါကြောင်း အားပေးချီးမြှင့် ဆွေးနွေးခဲ့ပါကြောင်း သတင်းရရှိပါသည်။

DOCA(ရခိုင်)

         ၁၉.၇.၂၀၂၂ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မိတ်ဖက်ဌာနများဖြစ်သော အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မီးသတ်ဦးစီးဌာန၊ လမ်းဦးစီးဌာန၊ ပြည်တွင်းအခွန်ဦးစီးဌာန၊ စီမံကိန်းဦးစီးဌာန၊ ရေနံနှင့်ရေနံထွက်ပစ္စည်းရောင်းဝယ်ရေးဦးစီးဌာနတို့ပါဝင်သော ပူးပေါင်းအဖွဲ့ဖြစ် မော်လမြိုင်မြို့နယ်အတွင်းရှိ ဆီဆိုင် (၈) ဆိုင်အား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်း သိရှိရပါသည်။

          ထိုသို့စောင့်ကြည့်စစ်ဆေးရာတွင် အချိန်အတွယ်မှန်ကန်ခြင်း ရှိ/မရှိ၊ သတ်မှတ်ထားသောဈေးနှုန်းအတိုင်း ရောင်းချခြင်း ရှိ/မရှိ၊ ဆီများရောင်းချခြင်းမရှိဘဲ ပိတ်ထားသောဆိုင်များ ရှိ/မရှိ ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့သည်။

DOCA(မွန်)

          မွန်ပြည်နယ်၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံ ဦးစိုးဝင်းသည် (၂၂.၇.၂၀၂၂)ရက်နေ့၊ နံနက်(၁၀:၃၀) နာရီက မုဒုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ စားသုံးသူကာကွယ်ရေးအသိပညာပေး (Talk Show) ကျင်းပပြုလုပ်ခဲ့ကြောင်း သိရပါသည်။

          အဆိုပါ Talk Showတွင် မုဒုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးသန္တာထွန်းက စားသုံးသူကာကွယ်ရေးအသိပညာပေး (Talk Show) ပြုလုပ်ရခြင်း၏ ရည်ရွယ်ချက်ကို ရှင်းလင်းဆွေးနွေးရာတွင် ယခုလို စားသုံးသူရေးရာဦးစီးဌာနနှင့်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ Online ဖြင့် စားသုံးသူကာကွယ်ရေးအသိပညာပေး (Talk Show) ဆောင်ရွက်ရခြင်းမှာ စားသုံးသူများအတွက် စားသုံးသူအသိပညာများ ကျယ်ကျယ်ပြန့်ပြန့် ဗဟုသုတများစွာ ရရှိစေရန် ရည်ရွယ်၍ ဆောင်ရွက်ရခြင်းဖြစ်ကြောင်း ပြောကြားခဲ့ပြီး မုဒုံမြို့နယ်တာဝန်ခံ ဦးစိုးဝင်းက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူတို့၏ အခွင့်အရေး (၈)ချက်နှင့် လိုက်နာရမည့် တာဝန်(၄)ချက်ကိုလည်းကောင်း၊ စားသုံးသူအခွင့်အရေးများ ချိုးဖောက်ခြင်းခံရပြီး စားသုံးသူနစ်နာဆုံးရှုံးမှုများရှိပါက တိုင်ကြားနိုင်သည့် နည်းလမ်းနှင့် တိုင်ကြားနိုင်သည့်နေရာများ၊ Call Center ဖုန်းနံပါတ်များအား ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(မွန်)

           မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ဘီးလင်းမြို့နယ်တာဝန်ခံရုံးမှ မြို့နယ်တာဝန်ခံဦးမျိုးလွင်နှင့် ဦးစီးမှူးဒေါ်ဇင်ဖြူဝင်းတို့မှ (၁၈.၇.၂၀၂၂)ရက်နေ့၊ နံနက်(၁၀:၃၀) နာရီက ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ စားသုံးသူကာကွယ်ရေးအသိပညာပေး(Talk Show)ကျင်းပပြုလုပ်ခဲ့ကြောင်း သိရပါသည်။

            အဆိုပါ Talk Showတွင် ဘီးလင်းမြို့နယ် တာဝန်ခံဦးမျိုးလွင်မှ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူတို့၏ အခွင့်အရေး(၈)ချက်နှင့် လိုက်နာရမည့် တာဝန်(၄)ချက်ကိုလည်းကောင်း၊ စားသုံးသူနစ်နာဆုံးရှုံးမှုရှိပါက တိုင်ကြားနိုင်သည့် နည်းလမ်းနှင့် တိုင်ကြားနိုင်သည့်နေရာများ call Center ဖြင့် တိုင်ကြားမှုတို့ ရှင်းလင်းဆွေးနွေးပါသည်။ ဦးစီးမှူး ဒေါ်ဇင်ဖြူဝင်းမှ စားသုံးသူကာကွယ်ရေး ဥပဒေ၂၀၁၉မှ စီးပွားရေးလုပ်ငန်းရှင်၏တာဝန်နှင့် စီးပွားရေးလုပ်ငန်းရှင်သည် စားသုံးသူကာကွယ်ရေးဥပဒေအခန်း(၁၈)ပါကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ဖော်ပြရမည့် အချက်အလက်များကိုလည်းကောင်း ရှင်းလင်းဆွေးနွေးခဲ့ပါသည်။ ယခုလို စားသုံးသူရေးရာဦးစီးဌာနနှင့်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်းဆောင်ရွက်ခဲ့ကြောင်း၊ Online ဖြင့် စားသုံးသူကာကွယ်ရေးအသိပညာပေး ဆောင်ရွက်ခြင်းဖြစ်ပါကြောင်း၊ (Talk Show) ဆွေးနွေးပွဲသည် စားသုံးသူများအတွက် စားသုံးသူအသိပညာများ ကျယ်ကျယ်ပြန့်ပြန့် ဗဟုသုတများစွာ ရရှိစေရန် ရည်ရွယ်၍ ဆွေးနွေးပွဲ ဆောင်ရွက်ခဲ့ကြောင်း သတင်းရရှိပါသည်။

DOCA(မွန်)

            စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၂ခုနှစ်၊ ဇူလိုင်(၂၀)ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၆)ဦးသည် လွိုင်ကော် မြို့နယ်၊ နောင်ယား(က)ရပ်ကွက်ရှိ အမှတ်(၂) အခြေခံပညာအထက်တန်းကျောင်း၌ ကျောင်းသား/ ကျောင်းသူ စုစုပေါင်း(၁၅၄)ဦးကို စားသုံးသူကာကွယ်ရေးအကြောင်း အသိပညာပေးဟောပြော ဆွေးနွေးခဲ့ပါသည်။ 

          အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးမိုးညွန်ဦး (ဦးစီးအရာရှိ) က စားသုံးသူကာကွယ်ရေးဥပဒေအကြောင်းကို ရှင်းလင်းပြောကြားခဲ့ပြီး ဒေါ်နော်ကြူကြူ (ဒု-ဦးစီးမှူး)မှ ကျောင်းသား/ကျောင်းသူများအနေဖြင့် မိမိတို့၏ အခွင့်အရေးကို အပြည့်အဝနားလည်ပြီး တောင်းဆိုရယူတက်စေရန် ၊နစ်နာဆုံးရှုံးမှုများနှင့်စပ်လျဉ်း၍ တိုင်ကြားနိုင်ရန် အတွက် စားသုံးသူအခွင့်အရေးများနှင့်တာဝန်များ၊ ကုန်အညွန်းအမှတ်အသားနှင့်စပ်လျဉ်း၍ ကုန်ပစ္စည်းများ ဝယ်ယူသုံးစွဲခြင်းမပြုမီ သတိပြုရမည့်အချက်များကိုလည်းကောင်း၊ TV များတွင် ကလေးများ အတုယူမမှားသင့်သော အလွန်အကြူးချဲ့ကားကြော်ငြာနေသော ကြော်ငြာများနှင့်ပတ်သက်၍လည်းကောင်း၊  စားသုံးသူအခွင့်အရေးနှင့်စပ်လျဉ်း၍ နစ်နာဆုံးရှုံး မှုများရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Website မှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ပါကြောင်း၊ MPT၊ Ooredoo၊ Telenor၊ Mytel ဆင်းကဒ်များဖြင့်လည်း ၁၅၃၅ နံပါတ်များသို့ ခေါ်ဆို၍ ကုန်စည် (သို့)ဝန်ဆောင်မှုနှင့် စပ်လျဉ်း၍ သိရှိလိုသည်များ မေးမြန်းနိုင်ပါကြောင်း အကျယ်တဝင့် ရှင်းလင်းပြောကြားခဲ့ပြီး အသိပညာပေး လက်ကမ်းစာစောင်များ၊ ဗွီနိုင်းများကို သက်ဆိုင်ရာ ကျောင်းအုပ်ဆရာကြီးထံသို့ ပေးအပ်ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)