သတင်းနှင့် လှုပ်ရှားမှုများ

      ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ သာယာဝတီခရိုင်၊ လက်ပံတန်းမြို့နယ် ကွမ်းခြံကုန်းကျေးရွာ၊ DENKO စက်သုံးဆီဆိုင်၌ (၁၂.၉.၂၀၂၂) ရက်နေ့၊ နေ့လယ် (၁၃:၀၀) နာရီအချိန်တွင် DENKO စက်သုံးဆီဆိုင် အရောင်းဝန်ထမ်း (၁၅) ဦးတို့အား စားသုံးသူကာကွယ်ရေးအသိပညာပေး ဟောပြော ခဲ့ပါသည်။

     ခရိုင်ဦးစီးမှူး ဦးအောင်သိန်းမှ စားသုံးသူရေးရာဦးစီးဌာန စတင်ဖွဲ့စည်းဆောင်ရွက်မှု၊ မြို့နယ်တာဝန် ခံ ဦးချစ်ကိုကိုမှ စားသုံးသူကာကွယ်ရေးဉပဒေပါ အကြောင်းအရာများ ဆွေးနွေးခြင်း၊ စားသုံး/ထုတ်လုံ တာဝန်ခံ ဒေါ်ခိုင်ခိုင်ရီမှ ဌာန၏မျှော်မှန်းချက်၊ ရည်မှန်းချက်များ၊ စီးပွားကူးသန်းရှေ့သို့လှမ်း ကြိုးပမ်းဆောင် ရွက် ပြည်သူ့အတွက် ဆောင်ပုဒ်နှင့်အညီ ဆောင်ရွက်နေမှုများ၊ ကုန်စည်နှင့် ဝန်ဆောင်မှုများကြောင့် နစ်နာ ဆုံးရှုံးမှုများ ဖြစ်ပေါ်လာပါက လွယ်ကူလျှင်မြန်စွာတိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး စင်တာ( Consumer Information and Complaint Center -CICC) ကို ခရိုင်ဦးစီးမှူးရုံးတွင် ဖွင့်လှစ်ထားရှိကြောင်း၊ ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ်-၁၉ ကာကွယ်ရေးနည်းလမ်းများနှင့်အညီ ပါးစပ်နှင့် နှာခေါင်းစည်းများ စနစ်တကျဝတ်ဆင်ရန် အသိပညာပေး ဟောပြော ဆောင်ရွက်ခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ပဲခူး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံ ဆီကုန်သည်နှင့်ဆီလုပ်ငန်းရှင်များ အသင်းတို့၏ အစီအစဉ်ဖြင့် အခြေခံလူတန်းစားများသို့ စားသုံးဆီများအား သက်သာ သောနှုန်းထားဖြင့် ရောင်းချပေးနိုင်ရေး ဆောင်ရွက်လျှက်ရှိရာ ဖြူးမြို့ရှိ စားအုန်းဆီလက်လီ လက်ကား ဝယ်ယူခွင့်ရရှိသည့် ဆီကုန်သည်များက စက်တင်ဘာလ ပထမပတ်အတွင်း စားသုံးဆီများ ရောင်းချ ပေးလျှက်ရှိပါသည်။

    စားအုန်းဆီတင်သွင်းသည့် ကုမ္ပဏီများမှ စားအုန်းဆီများကို ဖြန့်ဖြူးရောင်းချခဲ့ရာ ဝယ်ယူရရှိသည့် လက်ကားကုန်သည်များအနေဖြင့် စားအုန်းဆီများကို ရန်ကုန်အထိုင်ဈေး ရည်ညွှန်း လက်ကားဈေးနှုန်းအပေါ် သယ်ယူပို့ဆောင်ခ ကုန်ကျစရိတ်များထပ်ပေါင်း၍ ၂ ရာခိုင်နှုန်း အမြတ် ထက်မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချလျှက်ရှိရာ စက်တင်ဘာလအတွင်း ဖြူးမြို့မှ စားအုန်းဆီလက်လီလက်ကား ဝယ်ယူခွင့်ရရှိသည့် ဆီလုပ်ငန်းရှင် (၃)ဦးမှ ဖြူး မြို့ရှိ အခြေခံလူတန်းစားများအား စားအုန်းဆီများ ရောင်းချပေးလျှက်ရှိပါသည်။

     စားသုံးသူရေးရာဦးစီးဌာန၊ ဖြူးမြို့နယ်တာဝန်ခံ ဒေါ်သန္တာစိုး ဦးဆောင်သော ဝန်ထမ်းများက ဖြစ်သင့်ဖြစ်ထိုက်သော ဈေးနှုန်းဖြင့် ရောင်းချရေး၊ ဈေးနှုန်းအဆမတန် မြှင့်တင်ရောင်းချခြင်း မပြုလုပ်စေရေးတို့အတွက် ကွင်းဆင်းကြပ်မတ်ဆောင်ရွက်လျှက်ရှိကြောင်း သိရှိရပါသည်။

DOCA(ပဲခူး)

        ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင်နှင့် ဌာနခွဲစာရေး ဦးအောင်ဝင်းတို့သည် အုတ်တွင်းမြို့နယ် ဒုတိယမြို့နယ်အုပ်ချုပ်ရေး ဦးအောင်ကိုကို ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ် မီးသတ်တပ်ဖွဲ့၊ ပြည်သူ့ကျန်းမာရေးဦးစီးဌာန၊ အခြေခံပညာဦးစီးဌာနနှင့် စားသုံးသူရေးရာဦးစီးဌာနတို့ ပါဝင်သော ဈေးကွက်စောင့်ကြည့် စစ်ဆေးရေးအဖွဲ့ဝင်များနှင့်အတူ စက်တင်ဘာလ ၁၃ ရက်နေ့ မွန်းလွဲပိုင်းက အုတ်တွင်းမြို့နယ်အတွင်း ဈေးကွက်များအတွင်းသို့ ကွင်းဆင်းစစ်ဆေးခဲ့ပါသည်။

     ဒုတိယမြို့နယ်အုပ်ချုပ်ရေးမှူး ဦးဆောင်သော အဖွဲ့သည် မွန်းလွဲ (၁)နာရီတွင် အုတ်တွင်း မြို့ အခြေခံပညာအထက်တန်းကျောင်း ကျောင်းမုန့်ဈေးတန်းနှင့် ရပ်ကွက်ကုန်စုံဆိုင်များ၌ လည်းကောင်း၊ မွန်းလွဲ (၂:၃၀)နာရီ တွင် အုတ်တွင်းမြို့နယ် ကျောင်းရှစ်ဆယ်ဈေး၌လည်းကောင်း ဈေးကွက် အတွင်း စားသုံးရန်မသင့်သည့် အစားအသောက်များ ရောင်းချခြင်းရှိ/မရှိကို ကွင်းဆင်း စစ်ဆေးခဲ့ရာ အုတ်တွင်းမြို့ ရပ်ကွက်ကုန်စုံဆိုင်တစ်ခု၌ အစားအသောက်နှင့်ဆေးဝါးကွပ်ကဲရေး ဦးစီးဌာနက စားသုံးရန်မသင့်ဟု ကြေညာထားသည့် မုန့်တစ်မျိုးကို တွေ့ရှိရသဖြင့် မြို့နယ်ပြည်သူ့ ကျန်းမာရေး ဦးစီးဌာနက သိမ်းဆည်းသွားခဲ့ပါသည်။

      အုတ်တွင်းမြို့နယ် စီမံအုပ်ချုပ်ရေးအဖွဲ့၏ လမ်းညွှန်ချက်အရ အုတ်တွင်းမြို့နယ်အတွင်း စားသုံးရန်မသင့်သည့် ကုန်စည်များ ရောင်းချမှုမရှိစေရေးအတွက် ဒုတိယမြို့နယ်အုပ်ချုပ်ရေးမှူး ဦးဆောင်သောအဖွဲ့ဖြင့် ဈေးကွက်အတွင်း ကွင်းဆင်းစစ်ဆေးခြင်းဖြစ်ကြောင်း သိရှိရပါသည်။

DOCA(ပဲခူး)

      ပဲခူးတိုင်းဒေသကြီး ၊စားသုံးသူရေးရာဦးစီးဌာန၊တောင်ငူခရိုင်၊ အုတ်တွင်းမြို့နယ် တာဝန်ခံသည် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ပူးပေါင်း၍ ကျောင်းသားကျောင်းသူများ သိသင့်သိထိုက်သည့် အသိ ပညာဗဟုတများရရှိစေရန်အတွက် စက်တင်ဘာလ ၁၂ ရက် နံနက်ပိုင်းက အုတ်တွင်းမြို့နယ်၊ ပဲကြီးခုံ ကျေးရွာ အခြေခံပညာမူလတန်းလွန်ကျောင်းတွင် ကျင်းပခဲ့ပါသည်။

    ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံဒေါ်အေးအေးခိုင်က စားသုံးသူကာကွယ်ရေးပေါ်ပေါက်လာပုံ၊ စားသုံးသူတို့၏ အခွင့်အရေးနှင့်တာဝန်များ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်ပုံများ၊ စားသုံးသူနစ်နာဆုံးရှုံးမှုများ ပေါ်ပေါက်ပါက တိုင်ကြားနိုင်ခြင်းများကို ဟောပြောခဲ့ပါသည်။

       ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒုတိယမြို့နယ်ဦးစီးမှူး ဒေါ်ခင်ခင်မာက စာဖတ်ခြင်း အကျိုးကျေးဇူးနှင့် လူကုန်ကူးမှုအန္တရာယ် တားဆီးကာကွယ်ရေးများကို ဟောပြောခဲ့ကြောင်းနှင့် ဟောပြောပွဲသို့ ကျောင်းသားကျောင်းသူ ၁၁၀ ဦး တက်ရောက်ကြောင်း သိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဌာနခွဲတာဝန်ခံ ဦးစောသန်းထိုက်ကျော်နှင့် မြို့နယ်တာဝန်ခံ ဦးမြင့်သူတို့သည် စက်တင်ဘာလ ၁၂ ရက်နေ့ နံနက်ပိုင်းက တောင်ငူမြို့ ပေါင်းလောင်းတိန် အခြေခံပညာမူလတန်းလွန်ကျောင်းတွင် ကျောင်းသားကျောင်းသူများနှင့် ကျောင်းသား မိဘများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

        ဟောပြောပွဲတွင် ကျောင်းအုပ်ဆရာမကြီး ဒေါ်နှင်းသီတာခိုင်က အဖွင့်အမှာစကားပြောကြားပြီး ခရိုင်ဦးစီးမှူးရုံးမှ ဌာနခွဲတာဝန်ခံ ဦးစီးမှူး ဦးစောသန်းထိုက်ကျော်က စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးနှင့် တာဝန်များ၊ စားသုံးသူရေးရာဦးစီးဌာန၏ ဆောင်ရွက်ချက်များကို ရှင်းလင်းပြောကြားပါသည်။

      ဆက်လက်၍ မြို့နယ်တာဝန်ခံ ဦးစီးမှူး ဦးမြင့်သူက ကုန်စည်များဝယ်ယူရာတွင် ကုန်အညွှန်းအမှတ်အသားများ ဦးစားပေးဖတ်ရှုသင့်သည့် အကြောင်းအရာများ၊ ဈေးကွက်အတွင်း ကွင်းဆင်းစစ်ဆေးခြင်းများ၊ စားသုံးသူများ နစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကို ရှင်းလင်းပြောကြားခဲ့ပါသည်။

      ဟောပြောပွဲသို့ ကျောင်းသားကျောင်းသူ ၇၀ ဦးနှင့် ကျောင်းသားမိဘ ၃၀ ဦး တက်ရောက်ကြောင်း သိရှိရပါသည်။

DOCA(ပဲခူး)