သတင်းနှင့် လှုပ်ရှားမှုများ

          မြန်မာဆန်စပါးအွန်လိုင်း(My RO)ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး (MyRO) တွင် မှတ်ပုံတင်သက်တမ်းတစ်နှစ်ပြည့်မြောက်ပြီးသော သိုလှောင်ရုံများ သက်တမ်းပြန်လည်တိုးနိုင်ရေးနှင့် www.myro.com.mm တွင် လစဉ်လဆန်း(၁)ရက်နေ့မှ (၁၀)ရက်နေ့အတွင်း သိုလှောင်ရုံ လုပ်ငန်းရှင်များအနေဖြင့် မိမိတို့သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေအနေများကို ထည့်သွင်းပေးနိုင်ရေး ပန်းတနော်မြို့နယ် ဆန်ဆိုင်များသို့ ကွင်းဆင်း၍ ဆန်အိတ်လက်ကျန် စာရင်းကောက်ယူခြင်းနှင့် အသိပညာပေးလှုံဆော်ဆောင်ရွက်ခြင်း ပြုလုပ်ခဲ့ပါသည်။

      စားသုံးသူရေးရာဦးစီးဌာန၊ မအူပင်ခရိုင်ရုံးဦးစီးမှူးရုံးအနေဖြင့် MyRo သိုလှောင်ရုံလုပ်ငန်းများအား မှတ်ပုံတင်နိုင်ရေး၊ သက်တမ်းတိုး ဆောင်ရွက်နိုင်ရေးကို ကြပ်မတ်ဆောင်ရွက်လျက်ရှိရာ၂၀၂၆ ခုနှစ် ဖေဖော်ဝါရီလ ၁၉ ရက်နေ့၊ နေ့လယ် (၁၃:၃၀) နာရီအချိန်တွင် ပန်းတနော်မြို့နယ်တာဝန်ခံနှင့် ဝန်ထမ်းများသည် အလယ်ပိုင်းရပ်ကွက်၊ အနောက်ပိုင်းရပ်ကွက်၊ အ‌ရှေ့ပိုင်းရပ်ကွက်ရှိ ဆန်ရောင်းဝယ်ရေးဆိုင်သို့ ကွင်းဆင်း၍ သက်တမ်းတိုးဆောင်ရွက်ခြင်းနှင့် လစဉ်လဆန်း(၁)ရက်နေ့မှ(၁၀)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေအနေများအား မပျက်မကွက်ထည့်သွင်းပေးရန်နှင့် လက်ရှိဆန်ဆိုင်များမှ ဆန်အိတ်လက်ကျန်စာရင်းများကို မြေပြင်အမှန်စာရင်များ သိရှိနိုင်ရေး လစဉ် ကွင်းဆင်းစစ်ဆေးကောက်ယူခြင်း၊ ဒေသတွင်း ဆန်စပါးဈေးနှုန်းများတည်ငြိမ်စေရေးအတွက် သတ်မှတ်ထားသော ရည်ညွှန်းဈေးများကိုအခြေခံ၍ သင့်တင့်မျှတသောနှုန်းထားများဖြင့် ရောင်းချကြရန် လိုအပ်ပါကြောင်း၊ ဆွေးနွေးအသိပညာပေးခဲ့ကြောင်း သိရှိရပါသည်။

DOCA(ဧရာဝတီ)

      မအူပင်ခရိုင်၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်အရံမီးသတ်တပ်ဖွဲ့၊ မြို့နယ်စားသုံးသူရေးရာဦးစီးဌာန တို့ပါဝင်သော ပူးပေါင်းအဖွဲ့သည် ၂၀၂၆ခုနှစ် ဖေဖော်ဝါရီလ ၁၉ ရက်နေ့တွင် မအူပင်မြို့၊ စက်သုံးဆီအရောင်းဆိုင် လုပ်ငန်းရှင်များနှင့် တွေ့ဆုံ၍ စားသုံးသူကာကွယ်ရေးဥပဒေပါ ပြဋ္ဌာန်းချက်များ၊ စီးပွားရေးလုပ်ငန်းရှင်များ လိုက်နာရမည့်ကျင့်ဝတ်များနှင့်ပတ်သက်၍ ရှင်းလင်းဆွေးနွေးခဲ့ကြောင်း သိရသည်။ 

            ထိုသို့ဆွေးနွေးရာတွင် ဒေါ်ခိုင်ခိုင်လင်း ဒုဦးစီးမှူးက စားသုံးသူကာကွယ်ရေးဥပဒေအရ စီးပွားရေးလုပ်ငန်းရှင်၏ လိုက်နာရန်တာဝန်များ၊ ကျင့်ဝတ်များအကြောင်း၊ မိမိ၏ကုန်စည် သို့မဟုတ် ဝန်ဆောင်မှု အပေါ်တာဝန်ရှိမှုအကြောင်း၊ ကုန်စည်/ဝန်ဆောင်မှုနှင့် စပ်လျဉ်း၍ အာမခံချက်ပေးခြင်းအကြောင်း၊ မိမိလုပ်ကိုင်ဆောင်ရွက်နေသည့် စီးပွားရေးသည် ဝန်ဆောင်မှုလုပ်ငန်းများပါရှိသည့်အတွက် စားသုံးသူက တောင်းဆိုနိုင်သည့် အခွင့်အရေးများအကြောင်း၊ မိမိရောင်း စက်သုံးဆီများ ရောနှောရောင်းချခြင်းမရှိစေရန်၊ စက်သုံးဆီဈေးနှုန်းတည်ငြိမ်စေရေး၊ နေ့စဉ်သတ်မှတ်ဈေးနှုန်းများ ဖော်ပြရောင်းချရန်၊ အလေးချိန်ပြည့်ဝစွာရောင်းချရန်၊ ခွပ်ခြင်များ၊ ရေသန့်ဗူးများဖြင့် ရောင်းချခြင်းမပြုရန်  ပေးချေရသည့် ဈေးနှုန်းနှင့် စားသုံးသူများ စိတ်ကျေနပ်မှုရှိရန်လိုအပ်ကြောင်း၊ စားသုံးသူပြည်သူများ ဘေးဥပဒ်အန္တရာယ် မဖြစ်ရန်လိုအပ်ကြောင်း၊ ဈေးနှုန်းများအဆမတန်မြင့်တင်ရောင်းချခြင်း မပြုရန်လိုအပ်ကြောင်းတို့ကို အသိပညာပေး ဆွေးနွေးခဲ့ပြီး သက်ဆိုင်ရာအဖွဲ့မှ ဆီဆိုင်များအား ပူးပြင်သောနွေရာသီရောက်ရှိပြီဖြစ်၍ ဆီဆိုင်များ လုပ်ငန်းဆောင်ရွက်ထားရှိမှုများ မီးဘေးအန္တရာယ်ကင်းရှင်စေရေး စစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်ဦးစီးမှူးရုံးမှ စစ်ဆေးရေးအရာရှိ ဒေါ်ခိုင်ခိုင်လင်းသည် မြို့နယ်ကျန်မာရေးဦးစီးဌာန၏ ဖိတ်ကြားချက်အရ ၂၀၂၆ခုနှစ် ဖေဖော်ဝါရီလ ၁၉ရက်နေ့က ဈေးကွက်အတွင်း ရောင်းချနေသော Dumex နှင့် Nestle အမှတ်တံဆိပ် ကလေးဖြည့်စွပ်စာတို့အား ဈေးကွက်စောင့်ကြည့် စစ်ဆေးခဲ့ကြသည်။

          ကွင်းဆင်းစစ်ဆေးဆောင်ရွက်ရာတွင် မြို့နယ် အစားအသောက်နှင့် ဆေးဝါးကြီးကြပ်ကွပ်ကဲရေး ကော်မတီအဖွဲ့မှ ဦးဆောင်စစ်ဆေးခဲ့ရာ စင်္ကာပူအစားအသောက် အေဂျင်စီက ပလပ်စတစ်အပျော့နှင့် စက္ကူအပိုင်းအစများ ပါဝင်နိုင်ခြေရှိသော Nestle Singapore Pte က တင်သွင်းသည့် ကလေးများအတါက် ထုတ်လုပ်သော Gerber Arrowroot Biscuits နှင့် Cereulide အဆပ်အတောက်ပါဝင်မှုကြောင့် ကြိုတင်ကာကွယ်မှုတစ်ခုအနေဖြင့် စုံစမ်းစစ်ဆေးဆောင်ရွက်မှုများ ပြုလုပ်စဉ်ကာလအတွင်း  Dumex နှင့် Nestle အမှတ်တံဆိပ် ကလေးဖြည့်စွပ်စာတို့အား ဈေးကွက်အတွင်းရောင်းချနေမှု ရှိ/မရှိ စစ်ဆေးခဲ့ရာ မအူပင်မြို့နယ် ဈေးကွက်အတွင်း စစ်ဆေးသော ကုန်စည်ရောင်းချမှုမရှိကြောင်း တွေ့ရှိရပြီး အဟာရမှုန့် ရောင်းချနေသော ဆိုင်ရှင်များကို လိုအပ်သည်များမှာကြား ဆွေးနွေးလမ်းညွှန်မှုများပေးခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး မအူပင်ခရိုင်၊ ညောင်တုန်းမြို့နယ် ဈေးကွက်အတွင်း ရောင်းချနေသော စတိုးဆိုင်၊ ကုန်မျိုးစုံရောင်းချနေသော ဆိုင်လုပ်ငန်းရှင်များနှင့် တွေ့ဆုံပြီး မိမိတို့ ရောင်းချနေသော ကုန်စည်များမှ အသင့်ဖော်သောက်သုံရန် ကော်ဖီမစ်နှင့် လက်ဖက်ရည်အမျိုးမျိုးတို့တွင် အမိန့်ညွှန်ကြားချက်(၂/၂၀၂၉)ဖြင့် ကိုက်ညီမှု ရှိ/ မရှိအား လစဉ် ဈေးကွက်စောင့်ကြည့်စစ်ဆေး လျက်ရှိပါသည်။ ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာနမှ ဝန်ထမ်းများသည်   သက်ဆိုင်ရာ မြို့နယ်အထွေထွေ အုပ်ချုပ်ရေးဦးစီးဌာန၊  စည်ပင်သာယာရေးအဖွဲ့နှင့် ပူးပေါင်းပြီး  ညောင်တုန်းမြို့ပေါ် ဆိုင်များအား ၂၀၂၆ခုနှစ် ဖေဖော်ဝါရီလ ၁၉ရက်နေ့ နံနက်(၀၈း၀၀)နာရီအချိန်က ဈေးကွက်စောင့်ကြည့် ကွင်းဆင်းစစ်ဆေးမှု ဆောင်ရွက်ခဲ့ပါသည်။

         အဆိုပါဈေးကွက်စောင့်ကြည့်စစ်ဆေးမှုတွင်  ဈေးကွက်အတွင်း  အသင့်ဖျော်ကော်ဖီမစ်နှင့် လက်ဖက်ရည်အမျိုးမျိုး ရောင်းချသော ကုန်မျိုးစုံဆိုင်များအား စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြဌာန်းချက်များနှင့် ကိုက်ညီမှုရှိစေရေး၊ ကုန်စည်အုပ်စု(၈)မျိုးကို ဈေးကွက်စောင့် ကြည့်စစ်ဆေးရန် ထုတ်ပြန်ချက် (၂/၂၀၁၉) ကုန်အညွှန်းအမှတ်အသား ဖော်ပြချက်နှင့် ကိုက်ညီမှု ရှိ/မရှိကို စစ်ဆေးခဲ့ပြီး ညောင်တုန်းမြို့နယ်အတွင်းရောင်းချသော ကော်ဖီမစ်နှင့် လက်ဖက်ရည်ထုတ်အမျိုးမျိုး ကုန်စည်များတွင် မြန်မာဘာသာဖြင့်ဖြစ်စေ၊ မြန်မာနှင့် အခြားဘာသာတွဲလျက်ဖြစ်စေ ဖော်ပြရာ၌ "စီးပွားရေးလုပ်ငန်းရှင်များ" လိုက်နာဆောင်ရွက်ရန် ညွှန်ကြားချက်နှင့်အညီ ထုတ်လုပ်ရောင်းချနေကြောင်း တွေ့ရှိရပြီး ရောင်းချသူလုပ်ငန်းရှင်များကို စားသုံးသူများ ဘေးအန္တရာယ်ကင်းရှင်းပြီး ကုန်စည်အချက်အလက်များကို တိကျစွာသိရှိနိုင်ရန်စစ်ဆေးခြင်း၊ စားသုံးသူကာကွယ်ရေးဥပဒေနှင့်အညီ ကုန်စည်များ၏ ကုန်အညွှန်းအမှတ်အသားများကို မြန်မာဘာသာဖြင့် ပြည်စုံစွာဖော်ပြပါရှိသော ကုန်စည်ကိုရောင်းချစေခြင်း၊ စီးပွားရေးလုပ်ငန်းရှင် လိုက်နာရမည့် တာဝန်များအကြောင်းကို သိရှိစေရန် မှာကြားဆွေးနွေးစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

             ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ် စားသုံးသူရေးရာဦးစီးဌာနမှ ဒု-ဦးစီးမှူး ဒေါ်မြတ်မြတ်စိုးသည်(၁၈.၂.၂၀၂၆) ရက်နေ့၊ နေ့လယ် (၁၄:၀၀) နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ဈေးကွက်စောင့်ကြည့်စစ်ဆေးခြင်းဆိုင်ရာ အသိပညာပေး Talk Show ဆောင်ရွက်ခဲ့ပါသည်။ Talk Show တွင်ဈေးကွက်စောင့်ကြည့်စစ်ဆေးခြင်း၏ ရည်ရွယ်ချက် (၃) ရပ်ဖြစ်သည့် စားသုံးသူများကိုကာကွယ်ပေးခြင်း၊ စီးပွားရေးလုပ်ငန်းများအတွက် မျှတသောယှဉ်ပြိုင်မှု့ ဖြစ်ပေါ်စေခြင်း၊ ယုံကြည်စိတ်ချရသော စီးပွားရေးအကျင့်ကောင်းကို ဖန်တီးပေးခြင်းများ၊ ဈေးကွက်စောင့်ကြည့်စစ်ဆေးခြင်း (၃) မျိုးဖြစ်သည့် စားသုံးသူများ အသုံးပြုလျက်ရှိသည့် ကုန်စည်နှင့်ဝန်ဆောင်မှု့များ ဘေးအန္တရာယ်ကင်းရှင်းစေရေး စောင့်ကြည့်စစ်ဆေးခြင်း၊ တိုင်းကြားလာမှု့များအား စောင့်ကြည့်စစ်ဆေးခြင်းနှင့် ကုန်စည်များအား ကုန်အညွှန်းအမှတ်အသား ဖော်ပြချက်များနှင့် ကိုက်ညီမှု့ ရှိ/ မရှိ စောင့်ကြည့်းစစ်ဆေးခြင်းတို့အား အသိပညာပေးခဲ့ပြီး၊ ကုန်စည်စစ်ဆေးခြင်းအမျိုးအစား (၂) မျိုးဖြစ်သည့် မျက်မြင်စစ်ဆေးခြင်းနှင့် ဓါတ်ခွဲစမ်းသပ်စစ်ဆေးခြင်းတို့ကိုလည်း အသိပညာပေး ဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)