သတင်းနှင့် လှုပ်ရှားမှုများ

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံဒေါ်ဇင်မာသန်းသည် (၂၃.၄.၂၀၂၅)ရက်နေ့၊ နံနက်(၁၀;၀၀) နာရီအချိန်တွင် မြို့နယ်တာဝန်ခံရုံး၌ Online  Saleရောင်းချနေသော ဆိုင်ပိုင်ရှင်များအား စားသုံးသူအသိပညာပေး ဟောပြောခဲ့ပါသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ အိမ်မဲမြို့နယ်တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ(၂၀၁၉) ပါပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ၊ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့်အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တန်းကုန်သည့်ရက်စွဲ၊ ထုတ်လုပ်မှုအမှတ်အစဉ်တို့အား အသေးစိတ်ရှင်းလင်း ဟောပြောခဲ့ပါသည်။ ဟောပြောပွဲသို့ Online  Sale ရောင်းချသူဆိုင်ပိုင်ရှင် စုစုပေါင်း(၁၁)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ် စည်ပင်သာယာဈေး အတွင်း/ အပြင်ရှိ ကုန်စိမ်းဆိုင်၊ ကုန်ခြောက်ဆိုင်များနှင့် ဆေးပစ္စည်းအရောင်းဆိုင်များသို့ အစားအသောက်နှင့် ဆေးဝါးကွပ်ကဲရေးဦးစီးဌာန၊ ရန်ကုန်တောင်ပိုင်းခရိုင်မှ ဦးဆောင်၍ ရှောင်တခင် ကွင်းဆင်းစစ်ဆေးခြင်းအား   ဧပြီလ (၂၅)ရက်နေ့၊ နံနက် (၁၀:၀၀)နာရီ အချိန်တွင် မြို့နယ် အစားအသောက်နှင့် ဆေးဝါးကြီးကြပ်ရေးကော်မတီအဖွဲ့ဖြင့် ပူးပေါင်းကွင်းဆင်း စစ်ဆေးခဲ့ကြောင်း သိရသည်။

    ထိုသို့ ကွင်းဆင်းစစ်ဆေးခဲ့ရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ(ဆေးဝါး) ဦးမင်းကိုလတ်နှင့် အဖွဲ့ဝင်များ၊ မြို့နယ်ပြည်သူ့ကျန်းမာရေးဦးစီးဌာနမှ မြို့နယ်ဆရာဝန်ကြီး ဒေါက်တာမျိုးဇော်လှနှင့်အဖွဲ့ဝင်များ၊ မြို့နယ်အထွေထွေ အုပ်ချုပ်ရေး ဦးစီးဌာန မှ ဒုတိယမြို့နယ်အုပ်ချုပ်ရေးမှူး ဦးဝေဖြိုးလင်းနှင့် အဖွဲ့ဝင်များ၊ မြို့နယ်ရဲတပ်ဖွဲ့မှ ရဲအုပ် မင်းမင်းစိုး နှင့် အဖွဲ့ဝင်များ၊ မြို့နယ်စည်ပင်သာယာရေးမှ ဒုတိယဦးစီးမှူး ဒေါ်စန်းစန်းထွေးနှင့် အဖွဲ့ဝင်များနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်နှင့် အဖွဲ့ဝင်များသည် ဈေးအတွင်း/အပြင် ရောင်းချလျက်ရှိသော မုန့်ဖတ်၊ ညှပ်ဖတ်၊ ငါးပိ၊ ငရုတ်သီးအစိမ်းမှုန့်၊ ငရုတ်သီးခွဲခြမ်းမှုန့်၊ ဦးကာကာ+ ဒေါ်စိန် ကောက်ညှင်းမွှေး လက်ဖက်ခြောက်၊ စပ်ပြဲလန်ငပိထောင်း စသည့်တို့ကို ခွင့်မပြု ဆိုးဆေးများ ပါဝင်မှုရှိ/မရှိ စစ်ဆေးရန် နမူနာယူဆောင်သွားခဲ့ပြီး ဆေးပစ္စည်းအရောင်းဆိုင်များတွင်မူ ဆေးဝါးများအား သက်တမ်းကျော်လွန်ခြင်းရှိ/မရှိ၊ FDA ထောက်ခံချက်ပါဝင်မှုရှိ/မရှိ၊ စပ်ဆေးများ ရောင်းချမှုရှိ/ မရှိနှင့် ဆေးဆိုင်လိုင်စင်များရှိ/မရှိတို့အား ပူးပေါင်းအဖွဲ့စုံဖြင့် ကွင်းဆင်းစစ်ဆေးခဲ့ကြောင်း သိရသည်။ 

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ စားသုံးသူပြည်သူများအနေဖြင့် စားသုံးသူကာကွယ်ရေးဆိုင်ရာ ကုန်စည်(သိုမဟုတ်) ဝန်ဆောင်မှုနှင့် စပ်လျဉ်း၍ စားသုံးသူ၏ အခွင့်အရေးနှင့် အကျိုးစီးပွားကို ကာကွယ်ပေးခြင်းဆိုင်ရာ အချက်များအား သိရှိစေရန် ရည်ရွယ်၍ ဧပြီလ (၂၅)ရက်နေ့၊ နံနက် (၁၀:၀၀)နာရီအချိန်တွင် ကော့မှူးမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံး အစည်းအဝေးခန်းမတွင် စားသုံးသူကာကွယ်ရေး အသိပညာပေး ဟောပြောပွဲ ကျင်းပခဲ့ကြောင်း သိရသည်။

          အဆိုပါ ဆွေးနွေးဟောပြောပွဲ အခမ်းအနားတွင် စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်းက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာန အနေဖြင့် စားသုံးသူပြည်သူတို့၏ စားသုံးသူအခွင့်အရေးများ ဆုံးရှုံးမှုမရှိစေရန် ရည်ရွယ်ပြီး စားသုံးသူကာကွယ်ရေး ဥပဒေတစ်ရပ်ကို ပြည်ထောင်စု လွှတ်တော်သည် ဥပဒေအမှတ် (၉/၂၀၁၉) ခုနှစ် မတ်လ (၁၅)ရက်နေ့တွင် အတည်ပြု ပြဌာန်းလိုက်ကြောင်း၊ ၎င်းဥပဒေတွင် ဦးစီးဌာနအနေဖြင့် ထုပ်ပိုင်ခွင့်နှင့် လုပ်ငန်းတာဝန်များ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ စီးပွားရေးလုပ်ငန်းရှင်များအနေဖြင့် ကုန်စည် (သို့မဟုတ်) ဝန်ဆောင်မှုနှင့် စပ်လျဉ်း၍ အာမခံချက်ပေးခြင်းဆိုင်ရာအချက်များ၊ စားသုံးသူက ကုန်စည်(သိုမဟုတ်)ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် တောင်းဆိုနိုင်သည့် အခွင့်အရေးများအား အကျယ်တဝင့် ဆွေးနွေးပြော ကြားခဲ့ပြီး တက်ရောက်လာကြသည့် ကော့မှူးမြို့နယ်ရပ်ကွက်၊ ကျေးရွာ (၆၂)အုပ်စုမှ ရပ်/ကျေး အုပ်ချုပ်ရေးမှူးများ၊ စာရေးများ၏ သိလိုသည့် မေးမြန်းချက်များကို ပြန်လည်ဖြေကြားပေးခဲ့ကြောင်း သိရသည့် ဆွေးနွေးဟောပြောပွဲသို့ ရပ်ကွက်၊ ကျေးရွာအုပ်ချုပ်ရေးမှူး၊ စာရေးများနှင့် ဌာနဆိုင်ရာ တာဝန်ရှိသူများ စုစုပေါင်း (၁၅၀)ဦး တက်ရောက်ခဲ့ကြောင်း သိရသည်။

DOCA(ရန်ကုန်)

             စားသုံးသူရေးရာဦးစီးဌာန၊ သာယာဝတီခရိုင် သာယာဝတီမြို့၌ ခရိုင်ဦးစီးမှူး၏ လမ်းညွှန်မှု ဖြင့် ၂၈.၄.၂၀၂၅ ရက်နေ့နံနက်(၁၀:၀၀)နာရီအချိန်တွင်မြို့မဈေးအတွင်းရှိကုန်စုံဆိုင်များအား ကုန် အညွှန်း အမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသောသတင်းအချက်များ သိရှိစေရန်၊ စားသုံးသူများဘေးအန္တရာယ်ကင်းရှင်းစေရန်၊စိတ်ကျေနပ်မှုရှိစေရန်အတွက်အာမခံချက် ပေးနိုင်သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေးနိုင် စေရေးနှင့် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက် များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ပဲခူး)

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် စားသုံးသူရေးရာ ဦးစီးဌာန ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ  “သဘာဝ” ပဲမုန့်အရောင်းဆိုင်အား ကွင်းဆင်းဧပြီလ (၂၆)ရက်နေ့၊နေ့လယ်(၁၂:၄၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစိစစ်ခဲ့ ကြောင်း သိရသည်။

   ထိုသို့ ကွင်းဆင်းစစ်ဆေးရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့မှ ဒုတိယဦးစီးမှူး ဒေါ်ယဉ်ယဉ်အေး၊ ကျန်းမာရေးမှူး-၃ ဦးထွန်းထွန်း၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ ကွမ်းခြံကုန်း မြို့နယ် အင်္ဂလုံကျေးရွာ အုပ်စု၊ ရန်ကြီးအောင်ကျေးရွာရှိ “သဘာဝ” ပဲမုန့်ဆိုင်သို့ အသင့်စားမုန့် အမျိုးမျိုးတွင် ပါရှိရမည့် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိ စစ်ဆေး ခဲ့ကြောင်း သိရသည်။

     အဆိုပါ ကွင်းဆင်းစစ်ဆေးမှုတွင် စားသုံးသူရေးရာဦးစီးမှ မြို့နယ်တာဝန်ခံ ဒေါ်နွယ်နွယ်အေး က မြန်မာ့ရိုးရာမုန့်များအား စားသုံးသူများ ဘေးအန္တရာယ်ကင်းရှင်းပြီး လုံခြုံစိတ်ချမှုရှိစေရန် Packing ဖြင့် ထုတ်ပိုးရောင်းချခြင်းများ ကောင်းသောအလေ့အထ ဖြစ်သော်လည်း ပါဝင်ရမည့် ကုန်အညွှန်းအမှတ်အသား ပြည့်စုံမှသာ စားသုံးသူကာကွယ်ရေး ဥပဒေ ပုဒ်မ(၄)နှင့် ကိုက်ညီမည်ဖြစ်ကြောင်း ရှင်းလင်းပြခဲ့ပြီး ပိုင်ရှင် ဦးသီဟ နှင့် ဒေါ်အေစီဝင်းတို့မှလည်း သဘာဝ ပဲမုန့်ကို အခြားမြို့ များသို့ တင်ပို့ရောင်းချခြင်း မရှိဘဲ မိမိဆိုင်တွင် ခရီးသွားသူများ လက်ဆောင်အဖြစ် ဝယ်ယူရာတွင် အဆင်ပြေစေရန် Packing ဖြင့် ထုတ်ပိုးပြီး တစ်နိုင်တစ်ပိုင် ရောင်းချခြင်းဖြစ်သော်လည်း စားသုံးသူရေးရာဦးစီးဌာနမှ ထုတ်ပြန်သည် ဥပဒေနှင့်အညီ စားသုံးသူများသို့ စေတနာထား၍ ရောင်းချခြင်း ဖြစ်ပါကြောင်း ပြန်လည်ရှင်းလင်း ပြောပြခြင်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးကလည်း အလေးပါကြောင်း တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရသည်။

DOCA(ရန်ကုန်)