သတင်းနှင့် လှုပ်ရှားမှုများ

                    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ဦးစီးမှူး၏လမ်းညွှန်ချက်၊ ကန့်ဘလူခရိုင်ဦးစီးမှူး၏ကြီးကြပ်မှုတို့ဖြင့် ကျွန်းလှမြို့နယ်တာဝန်ခံသည် လစဉ် ဈေးကွက်စောင့်ကြည့်စစ်ဆေးခြင်းများ၊ ဈေးကွက်မရောက်မီစစ်ဆေးခြင်းများ၊ ဆေးဆိုင်များ၊ ဆန်ဆိုင်များ နှင့် စက်သုံးဆီဆိုင်များကို မိတ်ဖက်ဌာနများဖြစ်သည့် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ မြန်မာနိုင်ငံရဲတပ်ဖွဲ့၊ မြို့နယ်ကျန်းမာရေးဦးစီးဌာန၊ မြို့နယ် စည်ပင်သာယာရေးအဖွဲ့တို့ဖြင့်  ကွင်းဆင်းစစ်ဆေးခြင်းများ ဆောင်ရွက်လျက်ရှိသည့်အနက် ကျွန်းလှမြို့ပေါ်ရပ်ကွက်အတွင်းရှိ လက်လီ/လက္ကား ဆန်အရောင်းဆိုင်များသို့ (၂၂.၁.၂၀၂၆) ရက်နေ့ နံနက်(၀၈;၀၀)နာရီ အချိန်တွင် သွားရောက်ကွင်းဆင်းစစ်ဆေးခြင်းများ ပြုလုပ်ဆောင်ရွက်ခဲ့ ပါသည်။

                          ထိုသို့စစ်ဆေးရာတွင် ကျွန်းလှမြို့နယ်တာဝန်ခံမှ ဒေသတွင်းထွက်ရှိသည့်အခြေအနေ ၊ ရောင်းချနေ သော ဆန်ဈေးနှုန်းများအား သင့်တင့်မျှတသော ဈေးနှုန်းများဖြင့်ရောင်းချရန်၊ ပစ္စည်းအရည်အသွေးနှင့်အချိန်အတွယ်ပမာဏ နှင့် အလေးချိန်မှန်ကန်စွာရောင်းချရန်၊ ဆန်ဝယ်ယူရရှိမှုအခြေအနေ၊ ဆန်သိုလှောင် ထားရှိမှုအခြေအနေနှင့် လက်ကျန်အခြေအနေတို့အား စစ်ဆေးခဲ့ကြပြီး စားသုံးသူကာကွယ်ရေးဥပဒေပါစီးပွားရေးလုပ်ငန်းရှင်များ လိုက်နာဆောင်ရွက်ရမည့် တာဝန်များအကြောင်းအကျယ်တဝင့်ရှင်းလင်းပြောကြားခဲ့ပြီးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

                 ( ၂၂.၁.၂၀၂၆ ) ရက်နေ့တွင် ကလေးခရိုင် စားသုံးသူရေးရာဦးစီးဌာနမှ ဒေါ်သိမ့်သိမ့်ထွန်း ( ဒု−ဦ:စီးမှူး ) သည် အသေးစားစက်မှုလက်မှုလုပ်ငန်းဦးစီးဌာနနှင့် ပူးပေါင်း၍ " ဓနသစ် " အမှတ်တံဆိပ် ရှယ်ပဲစုံခြမ်းနှစ်ပြန်ကြော် အလုပ်ရုံသို့သွားရောက်၍ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

              ကွင်းဆင်းစစ်ဆေးရာတွင် အသေးစားစက်မှုလက်မှုလုပ်ငန်းဦးစီးဌာနမှ ခရိုင်ဦးစီးမှူး ဒေါက်တာထန်လမ်းဒိမ်မှ လုပ်ငန်းမှတ်ပုံတင်ဆောင်ရွက်ရာတွင် လိုအပ်သည့် အချက်များနှင့် ကွင်းဆင်းစစ်ဆေးရခြင်း၏ ရည်ရွယ်ချက်များကို ရှင်းလင်းဆွေးနွေးခဲ့ပြီး၊ စားသုံးသူရေးရာဦးစီးဌာနမှ ဒေါ်သိမ့်သိမ့်ထွန်း ( ဒု−ဦးစီးမှူး ) မှ လုပ်ငန်းရှင်အနေဖြင့်အသုံးပြုသည့် အမှတ်တံဆိပ်အနေဖြင့် မြန်မာစာဖြင့်ဖော်ပြရန် သတ်မှတ်ထားသည့် ကုန်အညွှန်းအမှတ်အသား ပြည့်စုံစွာ ဖော်ပြထားသည်ကို တွေ့ရှိရပြီး အမှတ်တံဆိပ်ပေါ်တွင်ဖော်ပြထားသည့် အသားတင်အလေးချိန်နှင့် ကိုက်ညီစွာ ထည့်သွင်းရောင်းချရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)

     စားသုံးသူရေးရာဦးစီးဌာန၊ မအူပင်ခရိုင်၊ညောင်တုန်းမြို့နယ်ဦးစီးမှူးရုံးမှ ဦး‌အောင်လွင် (ဦးစီးအရာရှိ) သည် ၂၃.၁.၂၀၂၆  ရက်နေ့ တွင် ညောင်တုန်းမြို့ရှိ စအွန်လိုင်းမှတ်ပုံတင် လျှောက်ထားပြီး လုပ်ငန်းရှင် များအား ဦးတို့အား မြို့နယ်ဦးစီးမှူးရုံး၌ တွေ့ဆုံ၍  အသိပညာပေးဟောပြောပွဲ ပြုလုပ် ဆောင်ရွက်ခဲ့ပါ သည်။

          ထိုသို့ ဟောပြောရာတွင် ညောင်တုန်းမြို့နယ်ဦးစီးမှူး ဦးအောင်လွင်က အွန်လိုင်း စနစ် ဖြင့် ရောင်းချခြင်း လုပ်ငန်း၏ အမည်နှင့် အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များ၊ စီးပွားရေး လုပ်ငန်းရှင်၏ တာဝန်များ၊ အွန်လိုင်းမှ ဈေးဝယ်ယူခြင်း၏ အားသာချက်၊ အားနည်းချက်၊ အွန်လိုင်းမှ လိမ်လည်မှုပုံစံ (၂) မျိုး၊ အွန်လိုင်းရောင်းချမှု လုပ်ငန်းများနှင့် စပ်လျဉ်း၍ စိစစ်သင့်သည့် အချက်များ အကြောင်း ကိုလည်းကောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ၏ အမိန့်ကြော်ငြာ စာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချ ခြင်းလုပ်ငန်းကို အရေးကြီးဝန်ဆောင်မှု လုပ်ငန်း အဖြစ် သတ်မှတ်ထားရှိမှု အခြေအနေ၊ အွန်လိုင်းစနစ် ဖြင့် ရောင်းချခြင်း လုပ်ငန်းမှတ်ပုံတင်ခြင်း ဆိုင် ရာ အမိန့်ကြော်ငြာစာအမှတ် ၅၁/၂၀၂၃ အား လိုက်နာ ဆောင်ရွက်ရန်၊ ကုန်သွယ်ရေးဦးစီးဌာန၏ eComReg System ၏ Report နှင့် ပတ်သက်သည့် အသုံးပြုရန်နည်းလမ်း များ၊ တရားမဝင်တင်သွင်း လာ သည့် ကုန်ပစ္စည်းများအား အွန်လိုင်းစနစ်ဖြင့် ရောင်းချခြင်းလုပ်ငန်းများ ဆောင်ရွက်ခြင်းမပြုရန်၊ အွန်လိုင်းအသုံးပြု၍ ရောင်းချနေသည့် လုပ်ငန်းရှင်အနေဖြင့် ဝန်ဆောင်မှုနှင့်စပ်လျဉ်း၍ အာမခံချက်ပေးရမည့် အချက်များ၊ ဝန်ဆောင်မှုလုပ်ငန်းများနှင့်စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေးများ၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု အခြေအနေများ၊အရေးကြီး ကုန်စည်နှင့် ဝန်ဆောင်မှု ဥပဒေပါ ပြစ်မှု ပြစ်ဒဏ်များ အကြောင်း တက် ရောက်လာသော စားသုံးသူများအား 1535 Consumer Call Center လိုင်းခွဲ (1) သို့ လက်တွေ့ခေါ်ဆို၍ တိုင်ကြားရမည့်နည်းလမ်းအား အသိပညာပေးဆွေးနွေးခဲ့ပါသည်။ 

DOCA (ဧရာဝတီ)

     ၂၃-၁ ၂၀၂၆နေ့ နံနက် (၁၀)နာရီအချိန် က မအူပင်ခရိုင် မအူပင်မြို့နယ်အတွင်းရှိ ငါးမွေးမြူရေးကန်များအား ခရိုင်အုပ်ချုပ်ရေးမူးနှင့် အဖွဲ့၊ ခရိုင်စိုက်တိုးမြင့်အဖွဲ့နှင့် သက်ဆိုင်ရာဌာနဆိုင်ရာများလိုက်ပါ၍ ကွင်းဆင်းစစ်ဆေးဆောင် ရွက်ခဲ့ကြောင်း သိရသည်။

     ကွင်းဆင်းစစ်ဆေးဆောင်ရွက်ရာတွင် မအူပင်မြို့နယ်အတွင်း ငါးမွေးမြူရေးလုပ်ငန်း ငါးကန်းပိုင်ရှင်များနှင့်တွေ့ဆုံ၍ ငါးကန်လုပ်ငန်း အခက်အခဲများကို  မေးမြန်းဆောင်ရွက်ခဲ့ကြပြီး  ပြည်တွင်းစားသုံးရန်ရောင်းချခြင်းနှင့် ပြည်ပတင်ပို့ရောင်းချ လျှက်ရှိပါသည်။ ငါးကန်များမှ ငါးကန်ဖော်ချိန်တွင် ရန်ကုန်ဈေးကွက်သို့ ကုန်ချိန်ပျမ်းမျှပိဿာ နှစ်စဉ် ခုနှစ်သောင်းခွဲခန့် ပေးပို့ လျှက်ရှိကြောင်း လေ့လာသိရှိရပြီး မအူပင်ခရိုင်အနေဖြင့် ရေထွက်ပစ္စည်းများပေါများသဖြင့် ပြည်ပဝင်ငွေများစွာရရှိသည့် လုပ်ငန်းများ လုပ်ကိုင်နိုင်ပြီး စီးပွားဖြစ်ထွန်းရေးအတွက် ခရိုင်စိုက်တိုးမြှင့်အဖွဲက လုပ်ငန်းရှင်များဖြင့် ဆွေးနွေးခဲ့ကြောင်း သတင်း ရရှိပါသည်။

          မအူပင်ခရိုင်တွင် ငါးမွေးမြူရေးကန်းများ ရှိပြီး ငါးပုဇွန်မွေးမြူသူဦးရေမှာ ငါး ကန်ပိုင်ရှင်ဦးရေ (၂၄၁၅)ရှိပြီး  ငါးမွေးမြူရေးလုပ်ငန်းကို နှစ်စဉ် တိုးတက်မွေးမြူ လျှက်ရှိကြောင်း သိရှိရပါသည်။ မအူပင်ခရိုင်အတွင်းရှိ ငါးလုပ်ငန်းစခန်း (၄)ခုသို့ သွားရောက်၍ စခန်းတာဝန်ခံများနှင့် တွေ့ဆုံကာ ငါးမွေးမြူရေလုပ်ငန်း ဖွဲ့ဖြိုးတိုးတက်စေရေးနှင့် ငါးထွက်ရှိ တင်ပို့မှု ကိစ္စရပ်များကို ဆွေးနွေးခဲ့ကြောင်း သိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်ဝန်ထမ်းများသည် ခရိုင် FDA ဦး ဆောင်သောအဖွဲ့နှင့်အတူ (၂၀.၁.၂၀၂၆)ရက်နေ့၊ နံနက်(၀၈:၀၀)အချိန်တွင် မြန်အောင်မြို့နယ်၊ အင်ပင်မြို့မဈေးအတွင်းရှိ ဆိုင်များတွင် ရောင်းချသော အစားအသောက်များတွင် ဓါတုဆိုးဆေး/ ဖော်မလင် ပါဝင်မူ ရှိ/မရှိ၊ Dateလွန် အစားအသောက်များရောင်းချမူရှိ/မရှိ ရှောင်တခင်  ကွင်းဆင်း စစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းရာတွင် ပူးပေါင်းအဖွဲ့သည် အင်ပင်မြို့မဈေးအတွင်းရှိ ဆိုင်များတွင် ရောင်းချ သော အစားအသောက်များ၊ ငရုတ်သီးမှုန့်၊ ပဲပြား၊ မုန့်ဖတ်များနှင့် ပြန်လည်ပြုပြင်ထုတ်ပိုးထားသော ကုန်စည်များတွင်  ဓါတုဆိုးဆေးသုံးစွဲထားမှု ရှိ/မရှိ၊  Date လွန်ကုန်စည်များ ရောင်းချမှု ရှိ/မရှိ စစ် ဆေးခဲ့ပြီး၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ ဓါတ်ခွဲစစ်ဆေးတွေ့ရှိချက်အရ အင်ပင်မြို့မဈေးအတွင်း တချို့သော ကုန်စုံဆိုင်များတွင် အများပြည်သူများ စာသုံးရန် မသင့်သော ဒေါ်သိန်းခင် ငံပြာရည်ပုလင်းများတွေ့ရှိခဲ့ပြီး မြို့နယ်အစားအသောက်နှင့် ဆေးဝါး ကြီးကြပ်ကွပ်ကဲ ရေးကော်မတီမှ ပြန်လည်သိမ်းဆည်းဖျက်ဆီးဆောင်ရွက်မှုတွင် ပါဝင်ပူးပေါင်း ဆောင်ရွက်ခဲ့ပြီး၊ အသင့်စားသောက်ကုန်စည်များတွင်လည်း မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြ ထားသော ကုန်စည်များကိုသာ ရောင်းချရန် အသိပညာပေး မှာကြားခဲ့ကြောင်း သတင်းရရှိပါသည်။

 (DOCA ဧရာဝတီ)