သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြိုးတိုးတက်ရေး၊ ထုတ်ကုန်များလုံခြုံစိတ်ချရမှုရှိစေရေးနှင့် ဥပဒေများနှင့်အညီထုတ်လုပ်နိုင်စေရေးအတွက်  ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ (၂၅.၄. ၂၀၂၅) ရက်နေ့၊ နံနက်(၀၉:၀၀) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ စက်မှုဇုန်ရှိ ချိုသာအမှတ်တံဆိပ် ကြက်သွန်ကြော်လုပ်ငန်းခွင်သို့ ကွင်းဆင်းခြင်းလုပ်ငန်းဆောင်ရွက်ခဲ့ကြောင်း သိရသည်။

          ချိုသာအမှတ်တံဆိပ်ကြက်သွန်ကြော်လုပ်ငန်းသည် နေ့စဉ်ကုန်ကြမ်း(ကြက်သွန်နီ) အချိန် (၄၀၀)ပိဿာ အသုံးပြုရပြီး ကုန်ချော(ကြက်သွန်ကြော်) အချိန်(၁၀၀)ပိဿာရရှိပါကြောင်း၊  ကုန်ကြမ်းအချိန်(၁၀၀)ပိဿာလျှင် ဆီအချိန်(၃၅)ပိဿာကုန်ပါကြောင်း၊ကြက်သွန်နီအား ဂျွန်အမျိုးအစားကိုသာအသုံးပြုပါကြောင်း၊ ဈေးနှုန်းအနေဖြင့် (၁၃၀၀)ကျပ်ရှိပါကြောင်း၊ ကုန်ချောကို (၁၂)ပိဿာပုံးများဖြင့် နေပြည်တော်၊ပုဂံ-ညောင်ဦး၊ကျိုင်းတုံ၊သရက်၊တောင်ကြီး၊တာချီလိတ်မြို့များနှင့်ဒေသတွင်းဖြန့်ဖြူးပါကြောင်း သိရသည်။ လုပ်သားအသုံးပြုရာတွင် ကြက်သွန်နီနွှာခ (၁)ပိဿာလျှင် (၁၅၀)ကျပ်ဖြင့် တစ်ဦးလျှင်တစ်ရက်ကို အချိန်(၆၀)ပိဿာပြီး၍ နေ့တွက်အနေဖြင့် (၉၀၀၀)ကျပ်ရရှိပါကြောင်း၊ ကြော်ခအနေဖြင့် အမျိုးသားတစ်ဦးလျှင်(၁၀၀၀၀ကျပ်မှ၁၅၀၀၀ )ကျပ်ထိ ပေးရပါကြောင်းသိရသည်။ ခရိုင်ဦးစီးမှူးမှMSME လုပ်ငန်းများဖွံဖြိုးတိုးတက်ရေးကို အားပေး ဆောင်ရွက်လျက်ရှိပါကြောင်း၊ လုပ်ငန်းသုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲရမည်ဖြစ်ပါကြောင်း၊ လုပ်ငန်းရှင်များအနေဖြင့် ကုန်ကြမ်းပစ္စည်းများသည် အရည်အသွေးကောင်းမွန်မှုရှိရန်၊ မိမိတို့ထုတ်လုပ်သောကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်ရန် အထူးအလေးထားလုပ်ဆောင်ရမည်ဖြစ်ပါကြောင်း၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ပါကြောင်း၊  စားသုံးသူများဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက် များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(မန္တလေး)

          စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၏ လမ်းညွှန်မှုအရ ပန်းတနော်မြို့နယ်ဦးစီးမှူးရံးသည် မြို့နယ်ဈေးကွက်အတွင်း ဆောက်လုပ်ရေးသုံးပစ္စည်းအရောင်းဆိုင်များအား  ပြတ်လပ်မှု ရှိ/မရှိနှင့် ဈေးနှုန်းမြင့်တင်ရောင်းချမှု ရှိမရှိကို ၂၃-၄-၂၀၂၅ နေ့ နံနက် (၁၀း၃၀) နာရီအချိန်တွင် မြို့နယ်စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာနှင့်အတူ ကွင်းဆင်းစစ်ဆေးခဲ့ကြသည်။

          ကွင်းဆင်းစစ်ဆေးရာတွင် ပန်းတနော်မြို့နယ်တာဝန်ခံ ဦးအောင်ကျော်သက်မှ အိမ်ဆောက်ပစ္စည်း အရောင်းဆိုင်များမှ ရောင်းချနေမှုနှင့် ဈေးကွက်ဈေးနှုန်းအခြေအနေများကိုမေးမြန်းခဲ့ရာ အရောင်းဆိုင်၄ဆိုင်မှ ၂ဆိုင်တွင် ဘိလပ်မြေများ အနည်းငယ်ကျန်ရှိပြီး၊ကျန် ၂ဆိုင်မှာ လက်ကျန်မရှိကြောင်း ယခင်အပတ်ဈေးနှုန်း ယခုအပတ်ဈေးနှုန်းယှဉ်ပါက ဈေးတည်ငြိမ်နေကြောင်း၊ ဈေးကွက်အတွင်း ဘိလပ်မြေဝင်ရောက်မှုနည်းပါးကြောင်း ဆိုင်ရှင်များကို ဈေးနှုန်းမြင့်တင်ရောင်းချခြင်းမပြုရန်နှင့် ရန်ကုန်မှဝယ်ယူပါက ပင်ရင်းလိပ်စာနှင့် ပြေစာဖြတ်ပိုင်းများ ကိုသေချာစွာသိမ်းဆည်းထားရန် အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပန်းတနော်မြို့နယ်ဦးစီးမှူးသည် မြို့နယ်စည်ပင်သာယာရေးအဖွဲ့၊ ကျန်းမာရေးဦးစီးဌာန ပူးပေါင်းအဖွဲ့သည်(၂၃.၄.၂၀၂၄)ရက်နေ့ နံနက် (၀၉:၃၀) နာရီအချိန်တွင် မြို့မဈေးကြီးအတွင်းနှင့် ပန်းတနော် ဘုရင်နောင်လမ်းမပေါ်ရှိ စားသောက်အရောင်းဆိုင်နှင့် ဆေးဝါးအမျိုးမျိုးအရောင်းဆိူင်များအား ဈေးကွက် စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးအောင်ကျော်သက်နှင့် ပူးပေါင်းအဖွဲ့သည် စားသုံးသူ ပြည်သူများ ဘေးအန္တရာယ် ကင်းရှင်းစေရေး မှန်ကန်သောဈေးနှုန်းဖြင့် ဝယ်ယူအသုံးပြုနိုင်ရေး အတွက် ဈေးကွက်အတွင်းရောင်းချနေသော စားသောက်ကုန်စည်များအား သက်တမ်းလွန်ကုန်စည်များ ရောင်းချခြင်းရှိ/မရှိ နှင့် အခြေခံစားသောက်ကုန်ဈေးနှုန်းများကိုမေးမြန်းခဲ့ကြပြီး ကုန်ဈေးနှုန်းတည်ငြိမ်စွာ ပုံမှန်အရောင်းအဝယ်ဖြစ်ပေါ်နေပြီး ဈေးနှုန်းမြင့်တင်ရောင်းချခြင်းမပြုရန် စစ်ဆေးခြင်း၊ ကျန်းမာရေးသုံး ဆေးဝါးများ သက်တမ်းလွန်ကုန်စည်များစစ်ဆေးခြင်း၊ ထောက်ခံချက်မပါရှိသောဆေးဝါးများကို စစ်ဆေးခြင်း၊ ဈေးကွက်အတွင်းဆေးအမျိုးမျိုး ဝယ်ယူရောင်းချမှု ပစ္စည်းပြန်လပ်မှု ရှိမရှိနှင့် ကုန်စည်ဈေးနှုန်းမြှင့်တင်ရောင်းချမှု ရှိမရှိကို စစ်ဆေးခဲ့ကြသည်။  ဆေးဝါးများ ပစ္စည်းပြတ်လပ်မှု မရှိပဲ ရန်ကုန်ကုမ္ပဏီများမှ ပစ္စည်းမှာယူရကြန့်ကြာ၍ ရက်အနည်းငယ်စောင့်ရပြီး ဈေးအနည်းငယ်သာမြင့်ကြောင်း သိရသည်။ စစ်ဆေးရေးအဖွဲ့မှ မှာယူရသော ကုန်စည်ပြေစာများ လိပ်စာနှင့်ဖုန်းနံပါတ်များကို စနစ်တကျသိမ်းဆည်း ထားရန်လိုအပ်ကြောင်း လုပ်ငန်းများအဆင်ပြေချောမွေရန် ဆောင်ရွက်မည်ဖြစ်ကြောင်းနှင့် သတ်မှတ်အရည်အသွေး ပြည့်မီသော ကုန်စည်များကိုသာ ရောင်းချရန်စသည်တို့ကို အသိပညာပေးဆွေးနွေးခဲ့ပြီး၊ စားသောက်ကုန်စည် အရောင်းဆိုင်(၅)ဆိုင်၊ ဆေးဆိုင်(၅)ဆိုင်တို့ကို ဈေးကွက်စောင့် ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

    ရန်ကုန်တိုင်းဒေသကြီးအတွင်း ဒေသဆိုင်ရာ MSME  အေဂျင်စီများအနေဖြင့် နိုင်ငံတော်မှ မတည်ရင်းနှီးထားသည့် ငွေကြေးအရင်းအနှီးကို Quality Loan အဖြစ်အမှန်တကယ်လိုအပ်သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့် အကျိုးထိရောက်စွာ အသုံးပြုနိုင်ရေးစီမံ ကြပ်မတ်ဆောင်ရွက်လျက်ရှိရာ သင်္ဃန်းကျွန်းခရိုင်၊ တောင်ဥက္ကလာပမြို့နယ်အထွေထွေစီမံအုပ်ချုပ် ရေးမှူးရုံး၌   ၂၅ - ၄ - ၂၀၂၅) ရက်နေ့ နေ့လည် ၁၄:00 အချိန်တွင် မြန်မာ့စီးပွားရေးဘဏ်၊ ဧရာဝတီဘဏ်၊ ပြည်တွင်းအခွန်များဦးစီးဌာန၊ ခရိုင် MSME ဌာန၊ ခရိုင်အထွေထွေအုပ်ချုပ် ရေးဦးစီးဌာန၊ ခရိုင်ရဲတပ်ဖွဲ့၊ သမဝါယမဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အရှေ့ပိုင်းခရိုင် စားသုံးသူရေးရာဦးစီးဌာန တို့ပါဝင်သည့် ဌာနများများမှ လုပ်ငန်းညှိနှိုင်းအစည်းအဝေး ပြုလုပ်ခဲ့ကြောင်းသိရှိရပါသည်။

DOCA(ရန်ကုန်)

           စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် ၂၀၂၅ ခုနှစ်၊ ဧပြီလ (၉)ရက်နေ့ နေ့လယ်(၁၄:၀၀) နာရီအချိန်တွင် ဇလွန်မြို့နယ်၊ အဒါးလမ်း၊ လမ်းမတော်မြောက်ရပ်ကွက်ရှိ စားသုံးသူရေးရာဦးစီးဌာန၊ ဇလွန်မြို့နယ်ဦးစီးမှူးရုံးတွင် အထူးစုံးစမ်းစစ်ဆေးရေးဦးစီးဌာနနှင့်ပူးပေါင်း၍ ဘိလပ်မြေအရောင်းဆိုင်လုပ်ငန်းရှင်(၉)ဦးနှင့် တွေ့ဆုံ၍  အသိပညာပေးဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက မိတ်ဆက်စကားပြောကြားခဲ့ပြီး၊  ဈေးကွက်အတွင်း ရောင်းချလျက်ရှိသော ဘိလပ်မြေအိတ်များ သင့်တင့်မျှတသောဈေးနှုန်းဖြင့် ‌ရောင်းချနိုင်ရေး၊ ဈေးကစားရန်ရည်ရွယ်ချက်ဖြင့် သိုလှောင်ထားမှုမရှိစေရေး စသည်တို့ကို အကျယ်တဝင့် ရှင်းလင်းဆွေးနွေးခဲ့ပါသည်။ ဆက်လက်၍ အထူးစုံစမ်းစစ်ဆေးရေးဦးစီးဌာန မြို့နယ်တာဝန်ခံမှ လက်ရှိစစ်ဆေးဆောင်ရွက်ခဲ့သည့် အခြေအနေများအား ရှင်းလင်းခဲ့ပြီး၊ လုပ်ငန်းရှင်များမှ ဝန်ခံကတိလက်မှတ် ရေးထိုးကာ နေ့လယ် (၁၅:၃၀) နာရီအချိန်တွင် ဆွေးနွေးပွဲကို ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)