သတင်းနှင့် လှုပ်ရှားမှုများ

            ကျိုက်လတ်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဦးမိုးမင်းသန်းနှင့် ဝန်ထမ်း တို့သည် ၂၀၂၅ ခုနှစ်၊ ဧပြီလ (၂၈) ရက်နေ့၊ နံနက်(၁၃:၀၀) နာရီအချိန်တွင်  ဈေးသူဈေးသား များအား စားသုံးသူကာကွယ်ရေး အသိပညာပေးဟောပြောခဲ့ ပါသည်။

          အဆိုပါအသိပညာပေးခြင်းဆောင်ရွက်ရာတွင် မြို့နယ်တာဝန်ခံဦးမိုးမင်းသန်းမှ စားသုံးသူ ကာကွယ်ရေးဥပဒေပါ စားသုံးသူတို့၏အခွင့်အရေးနှင့်တာဝန်များ၊ တားမြစ်ကုန်စည်များနှင့် ကုန်အညွှန်းအမှတ်အသား ဖော်ပြချက်များအကြောင်း၊ စားသုံးသူများလုံခြုံစိတ်ချရမှုရှိစေရေးအတွက် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ စားသုံးသူများ ရွေးချယ်ဝယ်ယူခွင့်နှင့် စားသုံးသူများနစ်နာဆုံးရှုံးမှုများ ဖြစ်ပေါ်လာပါက  တိုင်ကြားနိုင်သည့် စင်တာများ ဖွင့်လှစ်ထားရှိကြောင်းနှင့် စားသုံးသူရေးရာဦးစီးဌာနရုံးများသို့ လူကိုယ်တိုင်လာရောက်၍ဖြစ်စေ၊ ဖုန်းဖြင့် Call Center 1535 သို့ ဆက်သွယ် တိုင်ကြားနိုင်ကြောင်း အသိပညာ ပေးဟောပြောခဲ့သည်ဟု သတင်းရရှိပါသည်။

DOCA(ဧရာဝတီ)

     ၂၅.၄.၂၀၂၅ ရက်နေ့၊နံနက်(၉:၀၀)နာရီမှစ၍လှိုင်သာယာ(အရှေ့ပိုင်း)မြို့နယ်၊ အထွေထွေ အုပ်ချုပ်ရေးဦးစီးဌာန၏ ဦးဆောင်မှုဖြင့် ဘိလပ်မြေအရောင်းဆိုင်များသို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

    ထိုသို့ ကွင်းဆင်းစစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယ ဦးစီးမှူး ဒေါ်မေဖူးငုံပါ(၂)ဦး၊ အရှေ့ပိုင်းမြို့မရဲစခန်းမှ တပ်ကြပ်လှမင်းနိုင်ပါ (၂)ဦး၊ ပြည်တွင်း အခွန်များဦးစီးဌာနမှ အကြီးတန်းစာရေး ဦးဇော်ဝင်းထွဋ်၊ အထူးစုံစမ်းစစ်ဆေးရေးဦးစီးဌာနမှ ဒုတိယစုံစမ်းရေးမှူး ဦးထက်လူဝင်းနောင်၊ စားသုံးသူရေးရာဦးစီးဌာနမှ ဒုတိယဦးစီးမှူး ဒေါ်လဲ့လဲ့စိုးနှင့် ရပ်ကွက်အုပ်ချုပ်ရေးမှူးများ ပူးပေါင်းပါဝင်လျက် ရပ်ကွက်အတွင်းရှိ ဘိလပ်မြေအရောင်းဆိုင်များဖြစ်သော ထင်ရှားမြန်မာ၊ ဇွဲလူ၊ ဇော်ဝင်း၊ သူရိန်ဆိုင်များတွင် အပါချီ၊ Crown တံဆိပ်များကို သင့်တင့်မျှသော ဈေးနှုန်းဖြင့် ပြန်လည်ရောင်းချပေးပါကြောင်း၊ သင်္ကြန်မတိုင်ခင်ပစ္စည်းအဝင်နည်းပါးကြောင်း၊ ပစ္စည်းရှိလျှင် ဝယ်ယူသူအားလုံးကို ရောင်းချပေးပါကြောင်း၊ ဈေးနှုန်းမြှင့်တင်ရောင်းချခြင်းမရှိပါကြောင်းနှင့် အခြားအိမ်ဆောက် ပစ္စည်းများလည်း ပြတ်လပ်မှုမရှိပါကြောင်း သိရှိရပါသည်။

DOCA(ရန်ကုန်)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ်တွင် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် (၂၄.၄.၂၀၂၅)ရက်နေ့ နေြလယ် (၀၁:၀၀)နာရီအချိန်တွင် တိုင်းဒေသကြီးဦးစီးမှူးဦးဆောင်သော Thursday Talk ကို Zoom Meeting ဖြင့်ပြုလုပ်ဆောင်ရွက်ခဲ့ပါသည်။

          ထိုသို့ပြုလုပ်ဆောင်ရွက်ရာတွင် ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဒေသကြီးဦးစီးမှူးမှ ဦးစွာအဖွင့်အမှာစကားပြောကြားပြီး အစည်းအဝေးပွဲကိုစတင်ခဲ့ပါသည်။ ထို့နောက် ဖျာပုံခရိုင် ဘိုကလေးမြို့နယ်မှ ဒု-ဦးစီးမှူး ဒေါ်ခင်စန်းအေးသည် Power Point ဖြင့် ဂွတ်ရှယ်သုံးထောင့်မုန့် လုပ်ငန်းနှင့်စပ်လျဉ်း၍ Thursday Talk ပြုလုပ်ဆောင်ရွက်ခဲ့ပြီး သုံးထောင့်မုန့် လုပ်ငန်း၏ မုန့်လုပ်နည်းအဆင့်ဆင့်ကို အသေးစိတ်ရှင်းလင်းပြောကြားခဲ့ပါသည်။ ထိုပြောကြားချက် များအပေါ်ဦးစွာ ဟင်္သာတ ခရိုင်မှ ခရိုင်ဦးစီးမှူးမှသုံးသပ်ပြီး ဆက်လက်၍ မြောင်းမြခရိုင်၊ မအူပင်ခရိုင်နှင့် ဖျာပုံခရိုင်မှ ခရိုင်ဦးစီးမှူး များကလည်း သုံးသပ်တင်ပြပြီး ဆက်လက်၍ ဒုတိုင်းဦးစီးမှူး ဦးထွန်းထွန်းမှလည်း  သုံးသပ်တင်ပြခဲ့ပါသည်။ နိဂုံးချုပ်အနေဖြင့် တိုင်းဒေသကြီးဦးစီးမှူးမှ သုံးသပ်တင်ပြသွားသော ဒုတိုင်းဦးစီးမှူးများ၊ ခရိုင်ဦးစီးမှူးများနှင့် ဝန်ထမ်းများအား ကျေးဇူးတင်စကားပြောကြားပြီး လိုအပ်သည်များကိုလည်း ဖြည့်စွက်ပြောကြားကာ အစည်းအဝေးပွဲကို နေ့လယ်(၀၁:၄၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ပုသိမ်ခရိုင် ငပုတောမြို့နယ် စားသုံးသူရေးရာဦးစီးဌာန မြို့နယ်ရုံးတွင် စားအုန်းဆီကိုယ်စားလှယ်များအား (၂၃.၄.၂၀၂၅)ရက်နေ့ နံနက်(၁၀:၃၀)နာရီ အချိန်တွင် မြို့နယ်တာဝန်ခံ ဒေါ်မြင့်မြင့်စန်းမှခေါ်ယူတွေ့ဆုံ၍ စားအုန်းဆီထုတ်ယူမှု ကိစ္စနှင့်ပတ်သက်၍ လည်းကောင်း  ခွဲတမ်းရရှိသော စားအုန်းဆီများအား သတ်မှတ်ရည်ညွှန်းဈေးဖြင့် ရောင်းချပေးနေခြင်းရှိ/မရှိ တွေ့ဆုံဆွေးနွေးခဲ့ပါသည်။

            ထိုသို့တွေ့ဆုံဆွေးနွေးရာတွင် စားအုန်းဆီသယ်ယူမှုနှင့်ပတ်သက်၍ သိသင့်သိထိုက်သော အချက်အလက်များကို ဆီကိုယ်စားလှယ်များအား ဆွေးနွေးပြောကြားခဲ့ပြီး လက်လီ/လက္ကားရောင်းချ နေသော စိန်ဇော်ဂျီဆိုင်တွင် ခွဲတမ်းရရှိသောစားအုန်းဆီများအား သတ်မှတ်ရည်ညွှန်း ဈေးဖြင့်သာရောင်းချကြရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ အလေးချိန်ပြည့်ဝမှန်ကန်စွာရောင်းချကြရန်၊ ထုတ်ပြန်ထား သည့်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချကြရန် ရှင်းလင်းပြောကြားပြီး စားအုန်းဆီ လက်လီ/လက္ကားရောင်းချနေမှုအခြေအနေနှင့် လက်ရှိဖြစ်ပေါ်နေသော စားအုန်းဆီဈေးနှုန်းကြီးမြင့်နေမှုကို မိမိတို့အနေဖြင့် စားသုံးသူပြည်သူများအား သက်သာသော ဈေးနှုန်းဖြင့်ရောင်းချပေးရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထား ရှိခြင်းများတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရအရေးယူ ဆောင်ရွက်သွားမည် ဖြစ်ကြောင်း စားအုန်းဆီဆိုင်ပိုင်ရှင်အား ရှင်းလင်း ဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြိုးတိုးတက်ရေး၊ ကုန်စည်များဈေးကွက်သို့မရောက်မီ ထုတ်ကုန်များလုံခြုံစိတ်ချရမှုရှိစေရန် ၊ ဥပ ဒေများနှင့်အညီ ထုတ်လုပ်နိုင်စေရေးအတွက်  ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ ( ၂၅.၄. ၂၀၂၅ ) ရက်နေ့၊ နံနက် ( ၀၉:၀၀ ) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ စက်မှုဇုန်ရှိ ကသစ်ဦး စားသောက်ကုန်လုပ်ငန်းခွင်သို့ ကွင်းဆင်းဆောင်ရွက်ခဲ့ကြောင်း သိရသည်။

     ကသစ်ဦး စားသောက်ကုန်လုပ်ငန်းသည် နေ့စဉ် အာလူး(ကုန်ကြမ်း)ပိဿာအချိန် (၁၀၀၀၀) နှင့် အာလူးကိုလည်း အောင်ပန်းမှမှာယူပြီး အာလူး(အဝါ)မျိုးကိုသာ အသုံးပြုပါ ကြောင်း၊ယခုအခါ အာလူးဈေးနှုန်းမှာ ၃၅၀၀/၅၀၀၀ကျပ်ဈေးနှုန်းရှိကြောင်း၊ ပဲချောင်းကြော်ပြုလုပ်ရာတွင် ပဲမှုန့် (၁၈)ပိဿာကြော်လျှင် ကုန်ချော(၁၅)ပိဿာရရှိကြောင်း၊ လုပ်သား ကျား/မ (၁၀၀)ဦးခန့် လုပ်ကိုင် ပါကြောင်းသိရသည်။ ဖြန့်ဖြူးမှုအနေဖြင့် ဒေသတွင်း၊ မြန်မာနိုင်ငံအလယ်ပိုင်းနှင့် အထက်ပိုင်းဒေသများသို့  ဖြန့်ဖြူးရောင်းချပါကြောင်း သိရသည်။ ခရိုင်ဦးစီးမှူးမှ MSME လုပ်ငန်းများဖွံဖြိုးတိုးတက်ရေးကို အားပေးဆောင်ရွက်လျက်ရှိပါကြောင်း၊ လုပ်ငန်းရှင်များအနေဖြင့် မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့်ထုတ်လုပ်၍ ကျန်းမာရေးနှင့်ညီညွတ်ရန် အထူးအလေးထားလုပ်ဆောင်ရမည်ဖြစ်ပါကြောင်း၊ စက်မှုလုပ်ငန်းသုံးဆီများကိုလည်း လုပ်ငန်းခွင်များတွင် အမှန်တကယ်အသုံးပြုမှုရှိစေရေး၊ ဥပဒေပါစီးပွားရေးလုပ်ငန်းရှင်၏တာဝန်များ၊ စားသုံးသူများ ဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(မန္တလေး)