သတင်းနှင့် လှုပ်ရှားမှုများ

                စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ခရိုင်ဦးစီးမှူး၏ လမ်းညွှန်မှုဖြင့် စစ်ဆေးရေးအရာရှိဦးဆောင်သော ဈေးကွက်စောင့်ကြည့်စစ်ဆေးရေးအဖွဲ့သည် အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ် ပြည်သူ့ကျန်းမာရေး၊ မြို့နယ်စည်ပင်သာယာရေးအဖွဲ့တို့ပူးပေါင်း၍ ၂၀၂၆ ခုနှစ် ဧပြီလ (၂၁) ရက် နေ့တွင်မိတ္ထီလာမြို့နယ်၊ စွယ်တော် ကုန်စုံဆိုင်အတွင်းရောင်းချလျှက်ရှိသော အချိုရည်အမျိုးမျိုးအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ကြပါ သည်။ထိုသို့ ကွင်းဆင်းစစ်ဆေးရာတွင် ဈေးကွက်တွင်ရောင်းချနေသော အချိုရည်အမျိုးမျိုးတွင် ကုန်အညွှန်းအမှတ်အသား ပြည့်စုံစွာဖော်ပြ ခြင်းရှိ/မရှိ၊ သက်ဆိုင်ရာဌာနများမှ ကန့်သတ်တားမြစ်ထားသည့်ကုန်စည်များ ရောင်းချခြင်းရှိ/မရှိနှင့်  စားသုံးသူဘေးအန္တရာယ်ဖြစ်စေနိုင်သော အချိုရည်များရောင်းချခြင်း ရှိ/မရှိတို့ အား စစ်ဆေးခဲ့ပြီး၊ ကုန်စည်အမျိုးအစားအလိုက် သတ်မှတ်ထားသည့်ဥပဒေနှင့်အညီ လိုက်နာဆောင် ရွက်ကြရန် ပြောကြားခဲ့ပြီး စျေးကွက်အတွင်းရောင်းချနေသော ကုန်စည်များတွင် ကုန်အညွှန်အမှတ် အသား ပြည့်စုံစွာ ဖော်ပြဆောင်ရွက်မှုရှိ/မရှိအား ဌာနမှစျေးကွက်စောင့်ကြည့် စစ်ဆေးခြင်းများကို နေ့စဉ်ကွင်းဆင်းဆောင်ရွက်သွားမည်ဖြစ်ကြောင်းနှင့် ကုန်အညွှန်းအမှတ်အသား ပြည့်စုံစွာဖော်ပြ ထားခြင်းမရှိသော ကုန်ပစ္စည်းများအား‌ ရောင်းချခြင်းမပြုကြရန်ပြောကြားခဲ့ပြီး၊ သတ်မှတ်စံချိန်စံနှုန်း နှင့် ကိုက်ညီ၍ သက်ဆိုင်ရာဌာနများမှ ခွင့်ပြုထားသောသော ကုန်အညွှန်းအမှတ်အသားပြည့်စုံစွာ ဖော်ပြထားသော အချိုရည်များကိုသာ ဈေးကွက်အတွင်းရောင်းချလျက် ရှိကြောင်းသိရှိရပါသည်။

DOCA(မန္တလေး)      

              မန္တလေးတိုင်း‌ဒေသကြီး၊မိတ္ထီလာခရိုင်၊စားသုံးသူရေးရာဦးစီးဌာန၊ခရိုင်ဦးစီးမှူး၏လမ်းညွှန်မှုဖြင့်မိတ္ထီလာမြို့နယ်၊ ရေချိုကျေးရွာတွင်  စားသုံးသူများဘေးအန္တရာယ်ကင်းရှင်းစေရေးအတွက် ၂၀၂၆ခုနှစ် ၊ ဧပြီလ (၂၀) ရက်နေ့တွင် စားသုံးသူကာကွယ်ရေးဥပဒေအကြောင်းသိကောင်းစရာခေါင်းစဉ်ဖြင့် ဟောပြောဆွေးနွေးခဲ့ပါသည်။

        ဟောပြောပွဲတွင်စားသုံးသူရေးရာဦးစီးဌာနမန္တလေးတိုင်းဒေသကြီး၊မိတ္ထီလာခရိုင်၊စားသုံးသူရေးရာဌာနခွဲ တာဝန်ခံဒေါ်သိမ့်သူဇာမောင်(ဒု-ဦးစီးမှူး)မှ စားသုံးသူကာကွယ်ရေး အသိပညာပေးဟောပြောပွဲ လုပ်ငန်းများနှင့် စားသုံးသူများဘေး အန္တရာယ်ကင်းရှင်းရေး၊ ထုတ်ကုန်များ လုံခြုံစိတ်ချရမှုရှိစေရေး အတွက် ဈေးကွက်စောင့်ကြည့်စစ်ဆေးခြင်း လုပ်ငန်းများနှင့် နစ်နာဆုံးရှုံးမှုများအတွက် ညှိနှိုင်း ဖြေရှင်းမှုများလုပ် ဆောင်ရွက်လျှက်ရှိကြောင်း ၂၀၁၉ စားသုံးသူကာကွယ်ရေးဥပဒေပါ စားသုံးသူ အခွင့်အရေးများနှင့် လိုက်နာရမည့််တာဝန်များအကြောင်း၊ ကုန်အညွှန်းအမှတ်အသားဖော်ပြခြင်းများအားလည်းကောင်းစားသုံးသူအခွင့််အရေးနစ်နာဆုံးရှုံးမှုများအတွက် ဖြေရှင်းပေးမှုမျာအား အကျယ်တဝင့် ဆွေးနွေးခဲ့ပါသည်။ လုပ်ငန်းရှင်များအနေဖြင့်လည်း အခြားကုန်စည်ကို ဝယ်ယူသုံးစွဲ ရာတွင်  မိမိတို့ကိုယ်တိုင် စားသုံးသူများဖြစ်သည့်အတွက် စာသုံးသူအခွင့်အရေးနစ်နာ ဆုံးရှုံးမှုများ ရှိခဲ့လာပါက တိုင်းဒေသကြီး/ပြည်နယ်နှင့် ခရိုင်ရုံးများတွင် ဖွင့်လှစ်ထားသော စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ရုံးများတွင် တိုင်ကြားနိုင် ပါကြောင်း၊  DOCA Myanmar Application နှင့်စားသုံးသူရေးရာဦးစီးဌာန၏ Website www.doca.gov. mm တွင် ဝင်ရောက်လေ့လာ တိုင်ကြားနိုင်ကြောင်း ၊ Consumer Cell Center နံပါတ် (၁၅၃၅) သို့လည်း ရုံးချိန်အတွင်း ဆက်သွယ်မေးမြန်းဆောင်ရွက်နိုင်ပါကြောင်းကို ဆွေးနွေးပြောကြားခဲ့ပြီး ဟောပြော ပွဲတွင် (၅၃)ဦးခန့်တက်ရောက်ခဲ့ပါသည်။ လက်ကမ်းစာစောင်များ လည်းဖြန့်ဝေခဲ့ကြောင်း သိရှိရပါသည်။

DOCA(မန္တလေး)                                                                                    

စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဦးစီးအရာရှိနှင့် ဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုဖြင့် ထုတ်ကုန် များလုံခြုံစိတ်ချရမှုရှိစေရေးအတွက် (၂၇.၄.၂၀၂၅)ရက်နေ့၊ နံနက်(၁၀:၀၀)တွင် ပခုက္ကူမြို့ပေါ်ရှိ စားသောက်ဆိုင်များသို့ သွားရောက်၍ ဝန်ဆောင်မှုကဏ္ဍနှင့် စပ်လျဉ်း၍ ကွင်းဆင်းစစ်ဆေး ဆောင်ရွက်ခဲ့ပါသည်။ အစားအသောက်ပြုပြင် ရောင်းချသည့်နေရာများ သန့်ရှင်းစေခြင်း၊ အစား အသောက်ကိုင်တွယ် ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရေသန့်ရှင်းမှု အား နည်းမှုမရှိစေခြင်း၊ အစားအသောက်များလတ်ဆတ်သန့်ရှင်းမှုရှိစေခြင်းနှင့် ကျန်းမာရေး ပြဿနာ များမှ စားသုံးသူများအား ကာကွယ်ရန်ရည်ရွယ်၍ မိတ်ဖက်ဌာနများ ဖြစ်သော အစား အသောက်နှင့် ဆေးဝါးကွပ်ကဲရေး ဦးစီးဌာန(FDA)၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ကွင်းဆင်း စစ်ဆေးဆောင်ရွက်ရခြင်းဖြစ်ပါသည်။

ထိုသို့ကွင်းဆင်းစစ်ဆေးရာတွင် ပခုက္ကူခရိုင်ဦးစီးမှူးရုံးမှ ဦးစီးအရာရှိနှင့် ပူးပေါင်းအဖွဲ့များ သည် အစားအသောက်ရောင်းချသည့် လုပ်ငန်းရှင်များအား မိမိတို့ရောင်းချသော စားသောက်ဆိုင် များတွင် အစားအသောက်ပြုပြင် ရောင်းချသည့်နေရာများ သန့်ရှင်းမှုရှိစေရန်၊ အစားအသောက် ကိုင်တွယ်ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရေသန့်ရှင်းမှုများရှိစေရန်၊ မိမိတို့ ဆိုင်များမှ ပေးအပ်သည့် ဝန်ဆောင်မှုနှင့်စပ်လျဉ်း၍ စားသုံးသူများအား လုံလောက်သည့် သတင်းအချက် အလက်များကို အသိပေးဖော်ပြစေရန်၊  စားသောက်ဖွယ်ရာများ၏ အမျိုးအစား၊ အရွယ်အစား ပမာဏအလိုက် ဈေးနှုန်းများအား ပွင့်လင်းမြင်သာစွာ ကြိုတင်အသိပေးဖော်ပြ ထားရန် လိုအပ်ကြောင်း သို့မှသာ စားသုံးသူ၏ အခွင့်အရေးများ ရရှိလာမည်ဖြစ်ပြီး  စားသောက် ဆိုင်၏ ဂုဏ်သတင်းများမှာလည်း ကျော်ကြားလာမည်ဖြစ်ကြောင်း အစားအသောက်ဝန်ဆောင်မှု ကဏ္ဍအနေဖြင့် အသိပညာပေး ဆွေးနွေးခဲ့ကြောင်း သိရှိရပါသည်။

DOCA(မကွေး)

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူ မြို့နယ် တာဝန်ခံနှင့် ဝန်ထမ်းသည် တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးနှင့် ဝန်ထမ်းများသည် ပခုက္ကူမြို့ပေါ်ရှိ အွန်လိုင်းမှတ်ပုံတင်ထားသည့် လုပ်ငန်းရှင်များသည် မြို့နယ် အတွင်း ရောင်းချနေသော လုပ်ငန်း၊ နေရပ်လိပ်စာနှင့် ကုန်စည်များသည် မြေပြင်တွင် အမှန်တကယ် ကိုက်ညီမှု ရှိ/မရှိ မြေပြင်ကွင်းဆင်းစစ်ဆေးခြင်းကို (၂၂.၄.၂၀၂၆)ရက်နေ့၊ နံနက်(၁၁:၀၀)နာရီ အချိန်တွင် မှတ်ပုံတင်ထားသည့် လုပ်ငန်းရှင်များထံသို့ သွား ရောက်ကွင်းဆင်းစစ်ဆေးဆောင်ရွက် ခဲ့ပါသည်။

          ထိုသို့ကွင်းဆင်းစစ်ဆေးရာတွင် ပခုက္ကူခရိုင်ဦးစီးမှူးက အွန်လိုင်းစနစ်ဖြင့် ရောင်းချသည့် လုပ်ငန်းမှ မှတ်ပုံတင်ထားသည့်လုပ်ငန်းများဖြစ်သည့် အလှကုန်ပစ္စည်းများ၊ အစားအသောက်များနှင့် အခြားဝန် ဆောင်မှုအား အွန်လိုင်းဖြင့် ပြုလုပ်ဆောင်ရွက်နေသည့် လုပ်ငန်းများသို့ သွားရောက်၍ အွန်လိုင်းရောင်းချ ခွင့် လုပ်ငန်းမှတ်ပုံတင် လျှောက်ထားစဉ်က ဖြည့်သွင်းထားသည့် နေရပ်လိပ်စာ၊ ရောင်းချရန် ကုန်စည် (သို့)ဝန်ဆောင်မှုအမျိုးအစားစာရင်းများ ကိုက်ညီမှု ရှိ/မရှိ စသည်တို့ကို မေးမြန်းစစ်ဆေးခြင်းများ၊ အွန်လိုင်းရောင်းချမှုလုပ်ငန်းနှင့်စပ်လျဉ်း၍ မြေပြင်ကွင်းဆင်းဆောင်ရွက် လျက်ရှိပြီး မှတ်ပုံတင်လက်မှတ်ရရှိပြီးနောက် တာဝန်ဖောက်ဖျက်မှုရှိ/မရှိ မြေပြင်ကွင်းဆင်း ဆောင်ရွက်ခြင်းများ လုပ်ငန်းစဉ်အတိုင်း စစ်ဆေးဆောင်ရွက်မည်ဖြစ်ပြီး တွေ့ရှိပါက အရေးကြီး ကုန်စည်နှင့် ဝန်ဆောင်မှု ဥပဒေအရအရေးယူ ဆောင်ရွက်နိုင်ကြောင်း၊ စားသုံးသူကာကွယ်ရေးဥပဒေ ၂၀၁၉ အရလည်း ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိရန်လိုအပ်ကြောင်း၊ စားသုံးသူကာကွယ်ရေးဥပဒေပါ စားသုံးသူအခွင့်အ‌ရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ ကုန်အညွှန်းအမှတ်အသားဖော်ပြခြင်းဆိုင်ရာအကြောင်းများကို အွန်လိုင်းစနစ်ဖြင့် ရောင်းချ သည့် လုပ်ငန်းရှင်အား သိရှိနိုင်စေရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

                    ကျောက်ဆည်ခရိုင်၊ စားသုံးသူ‌ရေးရာဦးစီးဌာနမှ ဒု-ခရိုင်ဦးစီးမှူး ဦးဇော်မင်းလတ် ‌ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့ ၊ပြည်သူ့ကျန်းမာရေးဦးစီး ဌာနစသည့်ပါဝင်သောအဖွဲ့သည် ဧပြီလ(၂၃)ရက်နေ့တွင်  မြစ်သားမြို့နယ်၊ကူမဲမြို့၊ရွာသာကျေးရွာရှိ New A1 Family ငရုတ်သီးအခြောက်ခံ နှင့် အအေးခန်းစက်ရုံအား  ကွင်းဆင်းစစ်ဆေးခဲ့ပါသည် ။ ထိုသို့ ကွင်းဆင်းစစ်‌ဆေးရာတွင် ကျောက်ဆည်ခရိုင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးဇော်မင်းလတ်က ပြောကြားရာတွင် မန္တလေးတိုင်းဒေသကြီး၊စားသုံးသူရေးရာကော်မတီဥက္ကဌ၏ လမ်းညွှန်မှုအရ ငရုတ်သီး နှမ်းကပ်ကြော်များ၌ အာဖလာတော့ဆင်အဆိပ် ရှိ/မရှိ အား သက်ဆိုင်ရာ ဌာနများဖြင့် ပူးပေါင်းပြီး ကွင်းဆင်းစစ်ဆေးရန် ညွှန်ကြားမှုအရ လာရောက်ရခြင်းဖြစ်ကြောင်း၊ ကုန်ပစ္စည်းများ၌လည်း မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်အမှတ်(၂/၂၀၁၉)နှင့် ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ပုဒ်မ (၄၁)ပါ အချက်အလက်များကို စီးပွာရေးလုပ်ငန်းရှင်၏တာဝန်များအားရှင်းလင်းပြောကြာခဲ့ပါသည် ။ စက်ရုံ၏ ဒါရိုက်တာဖြစ်သူ ဒေါ်အေးခိုင်စိုးမှ ပြောကြားရာတွင် ငရုတ်သီးလုပ်ငန်းအား ၁၉၈၂ ခုနှစ်ကစပြီး လုပ်ကိုင်လျက်ရှိကြောင်း ၊ ၂၀၁၃ ခုနှစ်တွင် ကုမ္ပဏီတည်ထောင်ပြီး ၂၀၁၈ခုနှစ် တွင်စက်ရုံအား တည်ဆောက်ခဲ့ပါကြောင်း၊ငရုတ်သီးနှင့်ပတ်သက်၍ ပြည်ပနိုင်ငံများဖြစ်သည့် တရုတ်၊ ဗီယက်နမ်၊ ထိုင်းနှင့်မလေးရှားနိုင်ငံများသို့ ယခင်က Boder Trade ဖြင့်တင်ပို့ခဲ့ပြီး ယခုအခါ ပင်လယ် ရေကြောင်းမှတဆင့် တင်ပို့လျက်ရှိကြောင်း ၊ နိုင်ငံတကာအသိအမှတ်ပြု လက်မှတ်များ ဖြစ်သည့် ISO 22000:2018 ၊ HACCP ၊ GMP များအားရရှိထားပြီး ၂၀၁၉ ခုနှစ်တွင် အစားအသောက်နှင့် ဆေးဝါးကွပ်ကဲရေးဦးစီးဌာန(FDA)အား ရရှိခဲ့ပါကြောင်း ၊ ငရုတ်သီးအား အေးခဲအောင်ပြုလုပ်ပြီး ပြည်ပနိုင်ငံများသို့ တင်ပို့လျက်ရှိရာ ၂၀၂၆ခုနှစ်၊ ဖေဖော်ဝါရီလတွင် ကိုရီးယားနိုင်ငံသို့ (၂၄)တန် တင်ပို့ခဲ့ပြီး မေလတွင် (၄၈)တန် တင်ပို့ရန် အမှာစာရရှိထားပါကြောင်း၊ ဂျပန်နိုင်ငံသို့ ငရုတ်သီးအား အမှုန့်ပြုလုပ်ပြီး တင်ပို့လျက်ရှိရာ (၂၆)တန် တင်ပို့ခဲ့ပြီးဖြစ်ကြောင်း ၊ ၄င်းငရုတ်သီးများအား ဧရာဝတီတိုင်းဒေသကြီး၊ ကျောက်ဆည်၊ မြစ်သား၊ ပျော်ဘွယ်၊ မိတ္ထီလာ၊ မြင်းခြံ၊စလင်းမြို့များတွင် ကိုယ်ပိုင်ပွဲရုံများတည်ထောင်ပြီးဝယ်ယူခဲ့ကြောင်း၊ငရုတ်သီးနှမ်းကပ်ကြော် အား ပြုလုပ်ရာတွင် ငရုတ်သီး၊အကြော်မှုန့်၊ဆား၊နှမ်းနှင့်ဟင်းချိုမှုန့်တို့အား အသုံးပြုပါကြောင်း ၊ ၄င်းတွင်အသုံးပြုသည့် ငရုတ်သီးအား ရှမ်းပြည်နယ်မှထွက်ရှိသည့် ပန်းရဲမျိုး နှင့် ဧရာဝတီက ထွက်ရှိသည့် ငရုတ်သီးကိုသာ အသုံးပြုပါကြောင်း ၊ ၄င်းငရုတ်သီးများအား ရေစင်အောင်ဆေးပြီး စက်ရုံရှိ Solar Drome ဖြင့် အခြောက်ခံခြင်း၊ စက်များဖြင့်အခြောက်ခံခြင်းများပြုလုပ်ရပါကြောင်း၊ အခြောက်ခံပြီးငရုတ်သီးများအားအညှာခြွေခြင်း၊ အရည်အသွေးညံ့သည့် ငရုတ်သီးများအား ဖယ်ရှားခြင်း နှင့် ငရုတ်သီးအစေ့များအား ဖယ်ထုတ်ပြီး ရေဖြင့်ဆေးရပါကြောင်း ၊ ထို့နောက် တစ်ကြိမ်လျှင် ၁၅မိနစ်ခန့် အပူဖြင့် ၇ကြိမ်ခန့် ပြုတ်ပေးရပြီး အကြော်မှုန့် ၊ ဆား ၊ နှမ်း နှင့် ဟင်းချိုမှုန့်အား အသုံးပြုပြီး ဆီဖြင့်ကြော်၍ ငရုတ်နှမ်းကပ်ကြော် အဖြစ်ရရှိပါကြောင်း၊စက်ရုံ၏ ကိုယ်ပိုင်ဓါတ်ခွဲခန်း၌ ELISA method ဖြင့် Aflatoxin contamination အာဖလာတော့ဆင်မှိုဆိပ်ကို Raw Chili Batch အလိုက် တိုင်းတာစစ်ဆေးလျက်ရှိကြောင်း ၊ Moistuer အစိုဓါတ်ကို Infrared စက်ဖြင့် နေ့စဉ်တိုင်းတာစစ်ဆေးလျက်ရှိကြောင်း ၊ ISO 22000:2018 စံနှုန်းအရ Raw Dried Chili ရဲ့ Total Aflatoxin ကိုပြင်ပ ဓါတ်ခွဲခန်း၌ နှစ်စဉ်စစ်ဆေး လျက်ရှိကြောင်း၊ငရုတ်သီးနှမ်းကပ်ကြော်အား တစ်နှစ်ပတ်လုပ်ထုတ်လုပ်နိုင်ရန်အတွက် ကုန်ကြမ်းပစ္စည်းများအား အအေးခန်းထဲ၌သိုလှောင် ထားရှိကြောင်း ၊ (၁)လထုတ်လုပ်မှုအနေဖြင့် ငရုတ်သီးကုန်ကြမ်း (272)Kg ကုန်ကျပြီး ကုန်ချော ငရုတ်သီးနှမ်း ကပ်ကြော်အနေဖြင့် (476)Kg (70)gm အထုတ်ရေ (၆၈၀၀)ထွက်ရှိကြောင်း ၊ စျေးကွက်အနေဖြင့် City Mark နှင့် Oceam များ၌ တစ်ထုတ်လျှင်(၃၀၀၀/-)ကျပ် စျေးနှုန်းဖြင့် အများဆုံးဖြန့်ဖြူးလျက်ရှိကြောင်းစသည့် စက်ရုံနှင့်ပတ်သက်သည့် အကြောင်းအရာများအား  ရှင်းလင်းပြောကြားခဲ့ပါသည်။ထို့နောက်ပူးပေါင်းအဖွဲ့သည်  စက်ရုံအတွင်းရှိ ကုန်ကြမ်းထားရှိသည့် နေရာ၊ကုန်ချောထုတ်လုပ်ပုံအဆင့်ဆင့်နှင့်ထုတ်ပိုးမှု နေရာများအား စစ်ဆေးခဲ့ကြောင်းသတင်းရရှိ ပါသည်။ DOCA(မန္တလေး)