သတင်းနှင့် လှုပ်ရှားမှုများ

   မအူပင်ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန(ဆေးဝါးဌာနခွဲ)သည် မအူပင်ခရိုင်စားသုံးသူရေးရာ ဦးစီးဌာန နှင့်ပူးပေါင်း၍ (၉.၁၂.၂၀၂၀)ရက်နေ့ နံနက်(၁၀)နာရီအချိန် တွင် မအူပင်မြို့ပေါ်ရှိ ဆေးဆိုင် (၁၀)ဆိုင် အား ဈေးဝေးကွက်စောင့်ကြည့် ကွင်းဆင်းစစ်ဆေးခဲ့ကြသည်။

   ဆေးဆိုင်များတွင် ကွင်းဆင်းစစ်ဆေးဆောင်ရွက်ရာ တရားမ၀င်ဆေးဝါး၊ စံမညီဆေးဝါး၊ သက်တမ်းလွန်ဆေးဝါး၊ဆေးဝါးအတုများ နှင့် ကောင်းမွန်သောဆေးဝါးရောင်းချမှုကျင့်စဥ်(GPP)နှင့် အညီရောင်းချခြင်း ရှိ/မရှိ ကွင်းဆင်းစစ်ဆေးခြင်း၊ စံမညီဆေးဝါးများရောင်းချမှု ရှိမရှိစစ်ဆေးခြင်း၊ ကုန်အညွှန်းအမှတ်အသား ဖော်ချက်သတ်မှတ်ချက်နှင့် ကိုက်ညီမှု ရှိမရှိ စစ်ဆေးခြင်း၊ ဆေးဝါးဈေးနှုန်းများ၊ ဆေးဆိုင်များမှ ရောင်းချနေသော ဆီချိုဆေး၊ သွေးကျဆေး၊ သွေးကျဲဆေး၊ နှလုံးဆေး၊ ကျောက်ကပ်ဆေး စသည့် ဆေးများ၏ ဈေးနှုန်းများကို ဆေးဆိုင်တစ်ဆိုင်ခြင်းအား မေးမြန်းစာရင်းကောက်ယူခြင်း၊ အချို့ဆိုင်များမှာ ဈေးနှုန်းမတူညီမှုကို ဆွေ့ရှိရပြီး၊ ဆေးအမျိုးအစားဈေးနှုန်း မတူညီရခြင်းမှာ ကုမ္ပဏီတိုက်ရိုက်ဝယ်ယူရောင်းချသူနှင့်၊ တဆင့်ခံပြန်လည်ဝယ်ယူရောင်းချသူ ဆိုင်များမတူညီ၍ ကွဲပြားခြင်း ဖြစ်ကြောင်း စိစစ်တွေ့ရှိရပြီး၊ ဆေးဈေးနှုန်းများကို ကြီးမြင့်ရောင်းချခြင်းမပြုရန်၊ ဆေးဝါးများ ဈေးကွက်အတွင်း ပြတ်လပ်မှု မရှိကြောင်း စစ်ဆေးတွေ့ရှိရပြီး၊ ဆေးဆိုင်များမှ သက်တမ်းလွန်ဆေး များရောင်းချခြင်း၊ ဈေးမြှင့်ရောင်းချခြင်း၊ တရားမဝင်ဆေးများ ရောင်းချကြောင်း ၊ အစားအသောက်နှင့် ဆေးဝါးကွပ်ကဲရေးဦးစီးဌာန(FDA)မှ သုံးစွဲရန်မသင့်ကြော်ငြာထားသော အလှကုန်ပစ္စည်းများ၊ သက်တမ်းလွန် ဆေးဝါးများနှင့် စားသောက်ကုန်များကို တွေ့ရှိစစ်ဆေးတွေ့ရှိရပါက အရေးကြီးကုန်စည်နှင့် ဝန်ဆောင်မှုဥပဒေနှင့်  အမျိုးသားဆေးဝါးအစားအသောက်ဥပဒေအရ အရေးယူဆောင်ရွက်သွားမည် ဆိုင်ရှင်များကို မှာကြားဆွေးနွေးခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင် ၊ ပန်းတနော်မြို့နယ် စားသုံးသူရေးရာဦးစီးဌာနက စားသုံးသူကာကွယ်ရေး အသိပညာပေး ဟောပြောပွဲကို ၉-၁၂-၂၀၂၅ ရက်နေ့ နံနက် (၁၀၀၀)နာရီအချိန် က  ပန်းတနော်မြို့နယ် ချောင်းကလေး ဇီးကုန်း အထက်တန်းကျောင်းတွင် မြို့နယ် ကျန်းမာရေး ဦးစီး ဌာနနှင့် အတူ ကျင်းပပြုလုပ်သည်။

  အသိပညာပေး ဟောပြောမှု အစီအစဉ်တွင် ပန်းတနော်မြို့နယ် ဇီးကုန်းကျောင်းသားကျောင်းသူများကို ဟောပြောရာ  စားသုံးသူရေးရာဦးစီးဌာနမှ ပန်းတနော်မြို့နယ်တာဝန်ခံ ဦးအောင်ကျော်သက်က  စားသုံးသူ ရေးရာဦးစီးဌာန ပေါ်ပေါက်လာပုံ၊ ဌာန၏မျှော်မှန်းချက်၊ ရည်မှန်းချက်များ၊ စားသုံးသူ ကာကွယ်ရေးရာ ဥပဒေဆိုင်ရာသိကောင်းစရာများ၊ စားသုံးသူအခွင့်အရေးနှင့် တာဝန်များ၊ စားသုံးသူနစ်နာ ဆုံးရှုံးမှု ဖြစ်ပေါ်လာပါက ပြန်လည်ကုစားခွင့်နှင့် တိုင်ကြားနိုင်သည့် နည်းလမ်းများစသည့် ဗဟုသုတဖြစ်ဖွယ် များကိုလည်းကောင်း၊ စားသုံးသူပြည်သူများ  ဘေးအန္တရာယ်ကင်းရှင်းစေရေး၊ စားသုံးသူ အခွင့်အရေး အပြည့်အဝရရှိစေရေးနှင့် ကုန်စည်ဝန်ဆောင်မှုများအပေါ်တွင် နစ်နာဆုံးရှုံးမှုများ မဖြစ်ပေါ်စေရေးနှင့် ဖြစ်ပေါ်လာပါက အရေးဆိုတိုင်ကြားနိုင်​ကြောင်း၊ စီးပွားရေးလုပ်ငန်းရှင်နှင့် စားသုံးသူ၏ တာဝန်များ အကြောင်းကို အသိပညာပေးဟောပြောခဲ့ကြောင်း သိရသည်။

     စားသုံးသူထိခိုက်နစ်နာမှုများအတွက် အလွယ်တကူတိုင်ကြားနိုင်ရန်အလို့ငှာ တိုင်းဒေသကြီးနှင့် ပြည်နယ်တိုင်းတွင် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) များကို ဖွင့်လှစ်ဆောင်ရွက်ထားသကဲ့သို့ DOCA Website၊ DOCA Myanmar Mobile Application နှင့် Consumer Call Center များမှတစ်ဆင့် အဆင်ပြေသည့်နည်းလမ်းများကို ရွေးချယ်တိုင်ကြားနိုင်ပြီဖြစ်ကြောင်းကို အကျယ်တဝင့်ရှင်းလင်းဟောပြောဆွေးနွေးခဲ့ကြောင်း သိရသည်။

DOCA(ဧရာဝတီ)

    ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် နန်းတော်ကုန်းကျေးရွာ ရွှေလှေ အ.ထ.ကကျောင်း၌ ၉-၁၂-၂၀၂၅ ရက်နေ့ နံနက်ပိုင်း (၀၉း၄၅)အချိန်တွင် စားသုံးသူရေးရာ အသိပညာပေး ဟောပြောပွဲကျင်းပသည်။
          ဟောပြောပွဲတွင် မအူပင်ခရိုင် ၊ ဓနုဖြူမြို့နယ် စားသုံးသူရေးရာဦးစီးဌာနမှ ဦးခိုင်လွမ်းမိုး နှင့် မြို့နယ် ကျန်းမာရေးဦးစီးဌာနတို့ပူးပေါင်းဟောပြောပြီး စားသုံးသူရေးရာဦးစီးဌာနမှ ဟောပြောရာ စားသုံးသူ ပြည်သူများ၏ အခွင့်အရေးနှင့်တာဝန်များ၊ ကုန်ပစ္စည်းအမျိုးအစားပေါ်မူတည်၍ ကုန်အညွှန်း အမှတ်အသား ဖော်ပြချက်များ၊အွန်လိုင်းမှတ်ပုံတင်ခြင်းနှင့် အွန်လိုင်းရောင်းဝယ်ခြင်းဆိုင်ရာများ၊ စားသုံးသူအကာအကွယ် ပေးရေးဥပဒေအရ ကုန်စည်နှင့်ဝန်ဆောင်မှုကို တိုက်ရိုက်သုံးစွဲ သူပြည်သူအများရရှိခံစား ရမည့် အကျိုးကျေးဇူးများ၊ Consumer Call Center (1535)သို့ ဆက်သွယ်၍ စားသုံးသူရေးရာနှင့်ပတ်သက်ပြီး ဆွေးနွေးမေးမြန်းခြင်း၊ တိုင်ကြားနိုင်ခြင်း စသည့်အကြောင်းအရာတို့ကို ရှင်းလင်းဟောပြောကြသည်။

    အဆိုပါဟောပြောပွဲတွင် ဆရာ၊ဆရာမများ၊ ကျောင်းသား၊ကျောင်းသူများ တက်ရောက်ကြပြီး ဟောပြောမှုအပေါ် နားလည်မှတ်သားနိုင်မှုစွမ်းရည် အခြေအနေများ မေးမြန်းကာ အဖြေမှန်ရရှိသူများအား လက်ဆောင်ပစ္စည်းများ ပေးအပ်ချီးမြှင့်ခြင်း၊ စားသုံးသူရေးရာအသိပညာပေး လက်ကမ်းစာစောင်ဖြန့် ဝေခြင်းများ တက်ရောက်ကျောင်းသား/ကျောင်းသူ-၁၇၀ ဦး ဆရာ/ဆရာမ- ၆ဦး ဆောင်ရွက်ခဲ့ကြကြောင်း သိရသည်။

DOCA(ဧရာဝတီ)

    (၉.၁၂.၂၀၂၅)ရက်နေ့ နံနက် (၁၀:၀၀)နာရီအချိန်တွင် ညောင်တုန်းမြိုနယ် ကြက်တူရွှေးတောင်ကျေးရွာ အခြေခံပညာ အထက်တန်းကျောင်း၌ ကျင်းပပြုလုပ်သော လူငယ်စကားဝိုင်းတွင် စားသုံးသူရေးရာဦးစီဌာန၊ ညောင်တုန်း မြို့နယ်ဦးစီးမှူးရုံး မှ ဒေါ်ချိုမီဇင်(ဒုဦးစီးမှုး)က စားသုံးသူကာကွယ်ရေး ဥပဒေအကြောင်း အသိပညာပေးဟောပြောခဲ့သည်ဟု သိရသည်။

          ဟောပြောဆွေးနွေးရာတွင် ကျောင်းသား၊ ကျောင်းသူများကို စားသုံးသူရေးရာဦးစီးဌာန ဖြစ်ပေါ်လာပုံသမိုင်းကြောင်း ကို စတင်ရှင်းလင်းဆွေးနွေးပြီး ၊ လူငယ်များ စားသုံးသူကာကွယ်ရေးလုပ်ငန်းစဉ်များကို သိရှိနားလည်သမျှ တစ်ဦးချင်း ဆွေးနွေးစေခဲ့ပြီး၊ ကျောင်းသား၊ ကျောင်းသူများမှ သိရှိနားလည်သမျှ တင်ပြဆွေးနွေးပြီး မရှင်းလင်းသည်များကို ဒေါ်ချိုမီဇင်မှ ပြန်လည်ဖြေကြား ပေးခဲ့ရာ  စားသုံးသူကာကွယ်‌ေရးလုပ်ငန်းများသည် လူနေမှုဘတ အကျိုးစီးပွားနှင့် လူ့အခွင့်အ‌ရေး ကာကွယ်မြင့်တင်ဖို့ လုပ်ဆောင်ခြင်း ဖြစ်ကြောင်း၊ စီးပွားရေးလုပ်ငန်းရှင်နှင့် စားသုံးသူကြား က စားသုံးသူနစ်နာမှုကို ကာကွယ်ရန်၊ အခြေခံလိုအပ်ချက် ၈ချက်ကို ကာကွယ်ပေးရန်၊ သတ်မှတ်ထားသော ဥပဒေ၊ နည်းဥပဒေများကို လိုက်နာဆောင်ရွက်စေရန်ဖြစ်ကြောင်း၊ စားသုံးသူအခွင့်အရေး (၈)ချက်ကို ပိုမို နားလည်စေ ဖို့အရေးကြီးကြောင်း စားသုံးသူများ စားသုံးသူကာကွယ်ရေးလုပ်ငန်းစဉ်များကို ကျယ်ကျယ်ပြန့်ပြန့်သိရှိနိုင်ရန် အသိပညာပေးခြင်းများ စဉ်ဆက်မပျက် ပြုလုပ်ဆောင်ရွက်ဖို့ ယခုလို လာရောက်ဟောပြောခြင်းဖြစ်ကြောင်းကို ရှင်းလင်း ဆွေးနွေးခဲ့သည်။

          ဆက်လက်၍ ကျောင်းသား၊ ကျောင်းသူများမှ စားသုံးသူအခွင့်အရေးနစ်နာမှု ရှိပါက တိုင်ကြားလို့ရသည့် ဖြစ်စဉ်ကို မေးမြန်းရာ တာဝန်ရှိသူမှ တိုင်ကြားနိုင်သည့် ပုံစံ ၇မျိုးထဲမှ ၁ခုကို အသေးစိတ်ရှင်းလင်းခဲ့ရာ  ကုန်စည်နှင့် ဝန်ဆောင်မှုစပ်လျဉ်း၍ နစ်နာမှုရှိကြောင်း တိုင်ကြားလိုသူသည် သက်ဆိုင်ရာဦးစီးမှူးရုံး သို့မဟုတ်  ဦးစီးဌာနက သတ်မှတ်ထားသည့် နေရာများတွင် တိုင်ကြားစာ ပုံစံ (From- 2.docx) ပြည့်စုံစွာ ဖြည့်စွပ်၍ သက်သေအထောက်အထားများ သို့မဟုတ် စာရွက်စာတမ်းများနှင့်အတူ တိုင်ကြားရသည့် အချက်များကို လက်တွေ့ချပြရှင်းလင်းပေးခဲ့ပြီး ကျောင်းသား၊ ကျောင်းသူ၊ ဆရာ၊ ဆရာမ (၂၅၀)ဦး တက်ရောက်ခဲ့ကြောင်း သတင်းရရှိပါသည်။ဆက်လက်၍ ကျောင်းမုန့်ဆိုင်များတွင် ရက်လွန်မုန့်များရောင်းချခြင်းမပြုရန်၊ သတ်မှတ်ကုန်အညွှန်း အမှတ်အသားပါသည့် မုန့်များကိုသာရောင်းချရန်၊ ယင်နားစာများမဖြစ်စေရန်အတွက် သန့်ရှင်းသပ်ရပ်စွာ ဖုံးအုပ်ထားရန်၊ လက်အိတ်စသည်များဖြင့် သန့်ရှင်းစွာရောင်းချရန် အသိပညာပေး ဆွေးနွေးခဲ့ကြောင်းနှင့် မိမိတို့ရောင်းချနေသော ကုန်စည်များ ပေါ်တွင် ကုန်စည်အမျိုးအစား အလိုက် ကုန်အညွှန်းအမှတ် အသားများ ပြည့်စုံမှန်ကန်စွာဖော်ပြပါရှိသည့် ကုန်စည်များကိုသာရောင်းချရန်၊ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မြန်မာဘာသာနှင့်ဖြစ်စေ၊ မြန်မာဘာသာနှင့်အခြား ဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ရေးသားဖော်ပြထားသည့် ကုန်စည်နှင့် သန့်ရှင်း လတ်ဆတ်သည့် ကုန်စည်များကိုသာ ရောင်းချရန်  ကျန်ရှိနေသော အခြေခံပညာကျောင်းများမှ ကျောင်းမုန့်ဈေးဆိုင်များ အား ဆက်လက်စစ်ဆေးဆောင်ရွက်ခြင်းများ ပြုလုပ်ဆောင်ရွက်သွားမည်ဖြစ်ကြောင်း မုန့်ဈေးတန်း ဆိုင်ရှင်များကို မှာကြားခဲ့ကြောင်း သိရှိရပါသည်။

DOCA(ဧရာဝတီ)

                   စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ ဒေါ်နီလာ ဝင်း၊ နှင့်ဝန်ထမ်းများသည် အမှတ်(စီ-၁၇၀)၊ မြို့ပတ်လမ်း၊ ရွာမအနောက်ရပ်ကွက်၊ အင်းစိန် မြို့နယ်ရှိ Wise Chinese Online လုပ်ငန်းသို့ (၁၅.၁၂.၂၀၂၅)ရက်နေ့ နံနက် (၁၁:၃၀) အချိန်တွင် မြေပြင်စစ်ဆေး ဆောင်ရွက်ခဲ့ပါသည်။

           ထိုသို့ဆောင်ရွက်ရာတွင် စစ်ဆေးရေးအရာရှိက အွန်လိုင်းစနစ်နဲ့ရောင်းချခြင်းလုပ်ငန်းနှင့် ပတ်သက်၍ မြေပြင်စစ်ဆေးရမည့်အချက်(၁၈)ချက်နှင့်ကိုက်ညီမှုရှိ/မရှိ စစ်ဆေးခြင်းနှင့်အွန်လိုင်းစနစ်ဖြင့်ရောင်းချခြင်းလုပ်ငန်းကိုအရေးကြီးကုန်စည်ဝန်ဆောင်မှုအဖြစ် သတ်မှတ်ထားသည့် အတွက် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအတိုင်း လိုက်နာဆောင်ရွက်စေလိုကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)