သတင်းနှင့် လှုပ်ရှားမှုများ

       ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်၊ အလယ်ချောင်းကျေးရွာ အခြေခံပညာအထက်တန်းကျောင်း၌ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာနှင့် အခြေခံပညာဦးစီးဌာနတို့ ပူးပေါင်းကျင်းပသည့် စာဖတ်ရှိန်မြှင့်တင်ရေး လှုပ်ရှားမှုဟောပြောပွဲနှင့် စားသုံးသူကာကွယ်ရေး အသိပညာပေးဟောပြောပွဲကို နိုဝင်ဘာလ(၁၇)ရက်နေ့၊ နံနက်(၁၀:၀၀)နာရီအချိန်တွင် ကျင်းပပြုလုပ်ခဲ့ကြောင်း သိရှိရသည်။

        အဆိုပါ ဟောပြောပွဲတွင် အလယ်ချောင်းကျေးရွာ အခြေခံပညာအထက်တန်းကျောင်းအုပ် ဆရာမကြီး ဒေါ်ခင်ခင်ရီက အဖွင့်အမှာစကားပြောကြားခဲ့ပြီး မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဒေါ်ဖြူဖြူဝင်းက ကျောင်းသား/ ကျောင်းသူများ အားလပ်ချိန်တွင် အချိန်ကိုအကျိုးရှိစွာ အသုံးပြုရေး၊ ကျောင်းစာကို ကြိုးစားသကဲ့သို့ ဗဟုသုတတိုးပွားရေးအတွက် ပြင်ပသုတ၊ ရသ၊ စာပေများကိုပါ လေ့လာဖတ်ရှု့ကြရေးနှင့် မူးယစ်ဆေးဝါးအန္တရာယ် အသိပညာပေးမှုများ စာဖတ်ရှိန်မြှင့်တင်ရေးလှုပ်ရှားမှုဆောင်ရွက်ရခြင်း ရည်ရွယ်ချက်ကို ရှင်းလင်းပြောကြားခဲ့ပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်က ကျောင်းသား/ ကျောင်းသူ၊ ဆရာ/ ဆရာမများနှင့် စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စားသုံးသူကာကွယ်ရေးဥပဒေကို ထုတ်ပြန်ပြဌာန်းရ ခြင်းဖြစ်ကြောင်း ၎င်းဥပဒေပါ စားသုံးသူ၏ အခွင့်အရေးနှင့်တာဝန်များ စီးပွားရေးလုပ်ငန်းရှင်များ၏ တာဝန်များနှင့် စားသုံးသူကာကွယ်ရေးအကြောင်းအရာများကို အသိပညာပေး ဟောပြောပေးခဲ့ကြောင်း သိရှိရပါသည်။

DOCA(ရန်ကုန်)

         ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာမြို့မဈေးနှင့် ပြင်ပဆိုင်များတွင် ရောင်းချလျက်ရှိသော လူသုံးကုန်၊ လူသုံးကုန်ပစ္စည်းများနှင့် စားသောက်ကုန်ပစ္စည်းများ ဈေးနှုန်းများကို စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံသည် စည်ပင်သာယာရေးအဖွဲ့ ဈေးတာဝန်ခံတို့နှင့် ပူးပေါင်း၍ နိုဝင်ဘာလ(၁၂)ရက်နေ့၊ နေ့လယ်(၁၃:၃၀)နာရီအချိန်တွင် ကွင်းဆင်းကောက်ခံခဲ့ကြောင်း သိရှိရပါသည်။

         ထိုသို့ ကွင်းဆင်း၍ ဈေးနှုန်းကောက်ခံရာတွင် စည်ပင်သာယာဈေးအတွင်းရှိ ထိုင်းနိုင်ငံထုတ်စားသောက်ကုန်နှင့် လူသုံးကုန်ပစ္စည်းရောင်းချသောဈေးဆိုင်များနှင့် ဈေးပြင်ပရှိ ဈေးဆိုင်များတွင် ရောင်းချသောကုန်ပစ္စည်းများနှင့် ယခင်ပတ်၊ ယခုပတ်ဈေးနှုန်းများအား ကောက်ခံခဲ့ရာတွင်ဈေးနှုန်းပြောင်းလဲမှုမရှိကြောင်း စစ်ဆေးတွေ့ရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှစစ်ဆေးရေးအရာရှိ ဒေါ်မိုးမိုးကြည်နှင့် ဝန်ထမ်းများသည် (၁၂.၁၁.၂၀၂၅) ရက်နေ့၊ နေ့လယ် (၁၄:၀၀)နာရီအချိန်တွင် “ချစ်စန်းသူ ကလေးဝတ်လက်ကားသီးသန့်” Online Sale အား နှင်းဆီလမ်း၊ သာယာကုန်းရပ်ကွက်၊  မင်္ဂလာတောင်ညွန့်မြို့နယ်သို့သွားရောက်၍ Online Sale မှတ်ပုံတင်မြေပြင်စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/ မရှိကို စစ်ဆေးခဲ့ကြောင်း သိရှိရပါသည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက အွန်လိုင်းစနစ်နဲ့ ရောင်းချခြင်းလုပ်ငန်းနှင့် ပတ်သက်၍ မြေပြင်စစ်ဆေးရမည့် အချက်(၁၈) ချက်နှင့် ကိုက်ညီမှုရှိ/ မရှိ စစ်ဆေးခြင်းနှင့် အွန်လိုင်းစနစ်နှင့်ရောင်းချခြင်းလုပ်ငန်းလုပ်ကိုင်ခြင်းကို အရေးကြီးကုန်စည်ဝန်ဆောင်မှုဥပဒေအဖြစ် သတ်မှတ်ထားခြင်းဖြစ်ကြောင်းနှင့် စီးပွားရေးလုပ်ငန်းရှင်အား စားသုံးသူကာကွယ်ရေးဥပ‌ ဒေပါ စီးပွားရေးလုပ်ငန်းရှင်၏တာဝန်များအတိုင်း လိုက်နာဆောင်ရွက်စေလိုကြောင်း အသိပေးပြောကြားခဲ့သည်ဟု သိရှိရပါသည်။

DOCA(ရန်ကုန်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးချစ်ဆွေသည် ၂၀၂၅ ခုနှစ် နိုဝင်ဘာလ ၈ ရက်နေ့ နံနက်(၀၈:၀၀)အချိန်တွင် ဟင်္သာတမြို့နယ် အထွေထွေအုပ်ချုပ်ရေးဦးစီး ဌာန၊ အစည်းအဝေးခန်းမတွင် ဟင်္သာတခရိုင်အတွင်းရှိ ဌာနဆိုင်ရာများ၊အသင်းအဖွဲ့များ၊ စီးပွားရေးလုပ် ငန်းရှင်များနှင့် တွေ့ဆုံပွဲသို့ တက်ရောက်၍ အမှာစကားပြောကြားခဲ့ပါသည်။

          အဆိုပါ တွေ့ဆုံပွဲတွင် ပြည်ထောင်စုဝန်ကြီး ဦးချစ်ဆွေက စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနသည် အဓိကလယ်ယာထွက်ကုန်သီးနှံများဖြစ်သည့် ဆန်၊ ပဲ၊ ပြောင်းနှင့် ရေထွက်ကုန်များကို ပြည်ပသို့တင်ပို့၍ နိုင်ငံ့ဝင်ငွေရရှိအောင်ဆောင်ရွက်လျက်ရှိပါကြောင်း၊ လယ်ယာထွက်ကုန်သီးနှံများကို ဒေသတွင်းမှာ တန်ဖိုးမြှင့်ထုတ်လုပ်ပြီး ပြည်ပသို့ တိုးမြှင့်တင်ပို့နိုင်ရေးနှင့် မြန်မာ့ပေါ်ဆန်းကို ကမ္ဘာ့ဈေး ကွက်သို့အဆင့်မှီတင်ပို့နိုင်ရန်လိုအပ်ပါကြောင်း၊ ဝန်ကြီးဌာနအနေဖြင့်လည်း အဆင့်အတန်းမှီ ဈေးကွက် ဝင် ပို့ကုန်များ ထုတ်လုပ်နိုင်ရေး၊ ဈေးကွက်ရရှိရေးတို့အတွက် လိုအပ်သည်များကို ပံ့ပိုးကူညီဆောင်ရွက် လျက်ရှိပါကြောင်း ပြောကြားပါသည်။

          ထို့အပြင်ဒေသတွင်း MSMEs လုပ်ငန်းများဖွံ့ဖြိုးတိုးတက်စေရေးအတွက် လိုအပ်သည့် သွင်းအား စု၊ စက်ပစ္စည်းများကို ပြည်ပမှ တင်သွင်းခွင့်ပြုပေးလျက်ရှိကြောင်း၊ အခြေခံစားကုန်များ ဈေးနှုန်းတည် ငြိမ်ပြီး ပြည်သူများ သက်သာသော ဈေးနှုန်းဖြင့်ဝယ်ယူအသုံးပြုနိုင်ရေးအတွက် ပြည်ပမှ တင်သွင်းလာ သည့်  စားအုန်းဆီများကို တင်သွင်း သိုလှောင်ဖြန့်ဖြူး‌ရောင်းချသည့် လုပ်ငန်းရှင်များအနေဖြင့် ပြည်သူ လက်ဝယ်အရောက် စနစ်တကျဖြန့်ဖြူးနိုင်ရေးဆောင်ရွက်ရန်လိုအပ်ပါကြောင်း၊ ပြည်တွင်းကုန်သွယ်မှု ဖွံ့ဖြိုးတိုးတက်စေရေးအတွက် ကဏ္ဍအလိုက် ဖွဲ့စည်းထားသည့် အသင်းအဖွဲ့များ၊ လုပ်ငန်းရှင်အနေဖြင့် နိုင်ငံတော်နှင့် ပူးပေါင်းဆောင်ရွက်ရန်လိုအပ်ပါကြောင်း အမှာစကား ပြောကြားခဲ့ပြီး၊ ထို့နောက် ဧရာဝတီတိုင်းဒေသကြီး ပဲနှမ်းအသင်း ဥက္ကဌ၊ ဟင်္သာတခရိုင် ဆန်စက်ပိုင်ရှင်များအသင်းနှင့် ဆီစက် လုပ်ငန်းရှင်များ အသင်းမှ တာဝန်ရှိသူများက တင်ပြချက်များ ဆွေးနွေးဆောင်ရွက်ခဲ့ကြပါသည်။ ဌာနဆိုင်ရာများ၊ အသင်းအဖွဲ့များနှင့် လုပ်ငန်းရှင်များ (၁၅၀)ဦး တက်ရောက်ခဲ့ပြီး တွေ့ဆုံပွဲ အခမ်း အနားကို နံနက်(၁၁:၀၀)အချိန်တွင် ရုတ်သိမ်းခဲ့ကြောင်း သတင်းရရှိပါသည်။

DOCA (ဧရာဝတီ)

  စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် မိတ်ဘက်ဌာနဆိုင်များနှင့်ပူးပေါင်း၍ (၆.၁၁.၂၀၂၅)ရက်နေ့ နံနက်(၀၈:၃၀)နာရီအချိန်တွင် ဇလွန်မြို့နယ်၊ ညောင်ပင်ဈေးရပ်ကွက်ရှိ  အခြေခံ ပညာအထက်တန်းကျောင်း(ဇလွန်)ရှိ ကျောင်းမုန့်ဈေးတန်းအား ကျန်းမာရေးအဖွဲ့၊ကျောင်းမုန့် ဈေး တန်း ကော်မတီဝင်များနှင့်အတူ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးရာတွင်  ကျောင်းမုန့်ဈေးတန်းများရှိ ရောင်းချနေသောမုန့်များတွင် ကုန် အညွှန်းအမှတ်အသား ပြည်စုံမှုရှိမရှိ ကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသားပြည့်စုံသော မုန့်များ ကိုသာရောင်းချရန်၊သက်ဆိုင်ရာဌာနများမှထုတ်ပြန်ထားသော တားမြစ်မုန့်များ၊ အစားအသောက်များ၊ သက် တမ်းလွန်အစားအစာများရောင်းချမှုမရှိစေရေး၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသောညွှန်ကြားချက်အမှတ် (၂/၂၀၁၉)နှင့်အညီ မြန်မာဘာသာဖြင့် ပြည်စုံ စွာဖော်ပြထားသော ကုန်စည်များကိုသာရောင်းချရန်စသည်တို့ကို မုန့်ဈေးတန်းရောင်းချသူများအား အသိပညာပေးမှာကြားခဲ့ ကြောင်းသိရှိရပါသည်။

DOCA (ဧရာဝတီ)