သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၊ ခရိုင်ဦးစီးမှူးတို့၏ လမ်းညွှန်မှုဖြင့် ပြည်တွင်းဒေသဖွံ့ဖြိုးရေးဆိုင်ရာလုပ်ငန်းများဆောင်ရွက်ခြင်းနှင့်ပတ်သက်၍ (၈.၇. ၂၀၂၄)ရက်နေ့၊ နေ့လယ်(၁၃း၃၀)အချိန်တွင် သရက်မြို့၊ မြို့ပေါ်ရှိ စားအုန်းဆီ လက်လီ၊ လက်ကား အရောင်းဆိုင်များအား ကွင်းဆင်းစစ်ဆေးခဲ့ပါသည်။

    ထို့သို့ ကွင်းဆင်းစစ်ဆေးရာတွင် စားအုန်းဆီဖြန့်ဖြူး ရောင်းချမှုများနှင့်ပတ်သက်၍ စားအုန်းဆီ များရောက်ရှိမှု၊ ဖြန့်ခွဲမှုများအခြေအနေ၊ ဈေးနှုန်းမြှင့်တင်မှု မရှိစေရေး၊ သတ်မှတ်ရည်ညွှန်းဈေးနှုန်းဖြင့် ရောင်းချစေရေး၊ ထိုသို့ရောင်းချရာတွင် Venylများ ချိတ်ဆွဲ၍ ရောင်းချစေရန်နှင့် အချင်အတွယ် မှန်ကန်စေရေး၊ အခြားမြို့နယ်များအနေဖြင့် ဆီကိုယ်စားလှယ်များ လာရောက်ဝယ်ယူရာတွင်လည်း ဈေးနှုန်းမြှင့်တင်ရောင်းချမှုမရှိစေရေး စားအုန်းဆီ အရောင်းဆိုင်ရှင်များအား ဆွေးနွေးပြောကြားခဲ့ပြီး စားသုံးသူများသို့ ရောင်းချနေမှုအခြေအနေများအား ကွင်းဆင်းကြပ်မတ်ခဲ့ကြောင်း သိရသည်။

DOCA(မကွေး)

    စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူး၏လမ်းညွှန်မှုဖြင့် သရက်ခရိုင်ရုံးမှ ဒုတိယခရိုင်ဦးစီးမှူး ဦးအုန်းမြင့်(ဦးစီးမှူး)နှင့် ဝန်ထမ်းများသည် (၈.၇.၂၀၂၄)ရက်နေ့၊ (၀၉း၀၀)နာရီအချိန်တွင် သရက်မြို့နယ်စီမံအုပ်ချုပ်ရေး အဖွဲ့ဝင်-၂၊ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့်ဆေးဝါးကွပ်ကဲရေး ဦးစီးဌာန၊ ကျောင်းကျန်းမာရေးအဖွဲ့၊ မြို့နယ်ပညာရေးမှူးအဖွဲ့ဝင်များ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ သရက်မြို့နယ်ရှိ ကျောင်းများသို့ ဒုတိယအကြိမ်ဖြင့် စစ်ဆေးခြင်းများအား ဆောင်ရွက်လျက်ရှိရာ တောင်မင်းတည်းရပ်ကွက်ရှိ အခြေခံပညာမူလတန်းကျောင်းနှင့် လေးတိုင်စင်ကျေးရွာရှိ အခြေခံပညာမူလတန်း ကျောင်းများသို့ ကျောင်းကျန်းမာရေး ဆိုင်ရာ ကျောင်းနှင့်ကျောင်းဝန်းကျင်သန့်ရှင်းရေးနှင့် သက်ဆိုင်သည့် အချက်(၈)ချက်အား စစ်ဆေးခြင်းများ ဆောင်ရွက်ခဲ့ကြောင်း သိရသည်။

   ထိုသို့စစ်ဆေးဆောင်ရွက်ရာတွင် အဖွဲ့ဝင်များမှ အချက်(၈)ချက်တွင်ပါဝင်သော ကျောင်းအဆောက်အအုံတစ်ခုလုံးကို သန့်ရှင်းရေးပြုလုပ်ထားခြင်း၊ စာသင်ခန်းအတွင်းရှိ ကျောင်းသုံး ပရိဘောဂများ စနစ်တကျထားရှိခြင်း၊ သန့်ရှင်းရေးပြုလုပ်ခြင်း၊ အလင်းရောင်နှင့် လေလုံလောက်စွာ ရရှိခြင်း၊ သန့်ရှင်းလုံလောက်သော သောက်သုံးရေရရှိအောင် စီစဉ်ထားခြင်း၊ ကျောင်းစားသောက်ဆိုင်တွင်  ကျန်းမာရေးနှင့်ညီညွတ်သောအစားအသောက်များသာ ရောင်းချစေခြင်း၊ အမှိုက်သရိုက်များကို စုစည်း၍ အဖုံးပါသောအမှိုက်ပုံးတွင် စွန့်ပစ်ခြင်း၊ အမှိုက်သိမ်းဆည်းခြင်းများ၊ ခြုံ၊ ရေအိုင်၊ အမှိုက်၊ ပေါင်းမြက်များကင်းရှင်းစေခြင်း၊ ရေလောင်းအိမ်သာ(သို့မဟုတ်) ကျန်းမာရေးနှင့်ညီညွတ်သော ယင်လုံအိမ်သာကိုသုံးစွဲခြင်း၊ ခြင်၊ ယင်ပေါက်ဖွားနိုင်မှုမရှိစေရေးတို့ စစ်ဆေးခြင်းလုပ်ငန်းများ ပူးပေါင်းဆောင်ရွက်ပြီး၊ စားသုံးသူရေးရာဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနများမှ ထုတ်ပြန်ထားသည့် လက်ကမ်းစာစောင်များအား ကျောင်းအုပ်ဆရာမကြီးထံသို့ပေးအပ်ခြင်း၊ ဦးစီးမှူး ဦးအုန်းမြင့်မှ ကျောင်းရှိမုန့်ဈေးဆိုင်ပိုင်ရှင်များအား ကုန်အညွှန်းအမှတ်အသား ပြည့်စုံသည့် မုန့်များနှင့် ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများ ပါဝင်သော မုန့်များကိုသာ ကြည့်ရှုဝယ်ယူရောင်းချစေရေး အသိပညာပေးဆွေးနွေး ပြောကြားခဲ့ကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်အတွင်းရှိ ပြည်သူများအား သက်သာသောဈေးနှုန်းဖြင့် အခြေခံစားသောက်ကုန်များအား စျေးနှုန်းတည်ငြိမ်စွာ ဝယ်ယူစားသုံးနိုင်ရေး၊ သင့်တင့်မျှတသော စျေးနှုန်းဖြင့် ဝယ်ယူနိုင်ရေးအတွက် မြို့ပေါ်ရပ်ကွက်များအတွင်း စားအုန်းဆီရောင်းချပေးနေမှုကို ခရိုင်စီမံအုပ်ချုပ်ရေးအဖွဲ့ ဥက္ကဌ ဦးမိုးဇော်နိုင်နှင့် တာဝန်ရှိသူများက (၅.၇.၂၀၂၄)ရက်နေ့၊ နံနက်(၀၉:၀၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

     ထိုသို့ရောင်းချရာတွင် MPower Energy Company Limited ၏ စားသုံးဆီကိုယ်စားလှယ် ဒေါ်အေမီအောင်မှ အမှတ်(၇)ရပ်ကွက်၊ အုတ်ဖိုရပ်တွင် အိမ်ထောင်စုတစ်စုလျှင် တစ်ပိဿာနှုန်းဖြင့် ဆီပိဿာချိန် (၇၇၀)ပိဿာကို လည်းကောင်း၊ အမှတ်(၃)ရပ်ကွက်တွင် အိမ်ထောင်စုတစ်စုလျှင် တစ်ပိဿာနှုန်းဖြင့် ဆီပိဿာချိန် (၃၀၀)ပိဿာကိုလည်းကောင်း ရောင်းချ‌ပေးခဲ့ကြောင်း သိရသည်။

DOCA(မကွေး)

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင်  ဆေးနှင့်ဆေးပစ္စည်းများ ဖြန့်ဖြူးရောင်းချနေမှုအခြေအနေအား ကော့မှူးမြို့နယ်စည်ပင်သာယာမြို့မဈေးနှင့် ရပ်ကွက်များတွင် လက်လီ/ လက်ကားဖြန့်ဖြူးရောင်းချလျက်ရှိသော  ဆေးနှင့်ဆေးပစ္စည်းအရောင်းဆိုင်များအား ၂၀၂၄ခုနှစ်၊ ဇူလိုင်လ(၄)ရက်နေ့၊ နေ့လယ်(၁၁၀၀)နာရီအချိန်တွင် သက်ဆိုင်ရာဌာနမှတာဝန်ရှိသူများ ပူးပေါင်းအဖွဲ့ ဖြင့် သွားရောက်ကွင်းဆင်းစစ်ဆေးခဲ့ကြောင်းသိရသည်။

      ထိုသို့ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံ၊ မြို့နယ်ကျန်းမာရေးဦးစီးဌာနမှ တာဝန်ရှိသူနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းပူးပေါင်းအဖွဲ့သည် စည်ပင်သာယာမြို့မဈေးရှိ အေးမင်းစိုးဆေးဆိုင်၊ မေခလာဆေးဆိုင်၊ မြို့မရပ်ကွက် ဗိုလ်ချုပ်လမ်းရှိ ကောင်းပြည့်ဆေးဆိုင်၊ မကျီးကန်ရပ်ကွက် ဗိုလ်ချုပ်လမ်းရှိ ဇာနည်ဆေးဆိုင်များသို့သွားရောက်၍ ဆေးဆိုင်ပိုင်ရှင်လုပ်ငန်းရှင်များနှင့်သွားရောက်တွေ့ဆုံကာ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ညွှန်ကြားချက်အရ ဈေးကွက်အတွင်း ဆေးနှင့်ဆေးပစ္စည်းများပြတ်လပ်မှုရှိ/မရှိနှင့် ဖြစ်သင့်ဖြစ်ထိုက်သည့်ဈေးနှုန်းထက် ဈေးနှုန်းမြှင့်တင်ရောင်းချမှုရှိ/မရှိကို ဆက်စပ်ဌာနများပါဝင်သော အဖွဲ့စုံဖြင့် ရန်ကုန်တိုင်းဒေသကြီးအတွင်းရှိ ဆေးဂိုဒေါင်များနှင့် ဆေးဆိုင်ကြီးများအား အဖွဲ့စုံဖြင့် ကွင်းဆင်းစစ်ဆေးဆောင်ရွက်ရခြင်းဖြစ်ကြောင်း အသိပညာပေးပြောကြားဆွေးနွေးခဲ့ပြီး ဆေးဆိုင်များရှိ ဆေးနှင့်ဆေးပစ္စည်းဈေးနှုန်းများ ဖြန့်ဖြူးရောင်းချနေသည့်အခြေအနေများ၊ ဝယ်ယူရရှိမှုအခြေအနေများ၊ ဆေးနှင့်ဆေးပစ္စည်းလက်ကျန်အခြေအနေများအား စာရင်းပြုစုကာ ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ အထွေထွေအုပ်ချုပ်ရေးဦးစီးဌာနဦးစီးမှူးရုံး၏ အစည်းအဝေးခန်းမ၌ မြို့နယ်အဆင့်ဌာနဆိုင်ရာ တာဝန်ရှိသူများ၊ ရပ်ကွက်ကျေးရွာများမှ အုပ်ချုပ်ရေးမှူးများ၊ စားရေးများနှင့် လုပ်ငန်းညှိနှိုင်းအစည်းအဝေးကို ၂၀၂၄ခုနှစ်၊ ဇူလိုင်လ(၅)ရက်နေ့၊ နံနက်(၁၀း၀၀)နာရီအချိန်တွင် ကျင်းပခဲ့ကြောင်းသိရသည်။

     အဆိုပါလုပ်ငန်းညှိနှိုင်းအစည်းအဝေးတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဒေဝက ၂၀၂၄ခုနှစ် မိုးစပါးစိုက်ဧကစုစုပေါင်း တစ်မြို့နယ်လုံးအတိုင်းအတာအနေဖြင့် (၈၈၀၉၉)ဧကလျာထားပြီး ထွန်ယက်စိုက်ပျိုးလျက်ရှိရာ ဧက(၃၀၀၀၀)ကျော်အား တိုက်ရိုက်မျိုးစေ့ချကိရိယာ(Seeder)ဖြင့် စိုက်ပျိုးနိုင်ရန်အတွက် ကားလမ်းမဘေးဝဲယာနှင့် ရေတော် မိုးတော်စိုက်ဧကရှိသော ရပ်ကွက်ကျေးရွာများသို့ တိုက်ရိုက်မျိုးစေ့ချကိရိယာ(Seeder)များအပြည့်အဝခွဲဝေးချထားပေးပြီးဖြစ်သဖြင့် တောင်သူများ အချိန်မီသိရှိစိုက်ပျိုးနိုင်ရန် အုပ်ချုပ်ရေးမှူးများအနေဖြင့် နှိုးဆော်တိုက်တွန်းသွားကြရန် (Seeder) ဖြင့် စိုက်ပျိုးပြီး ဧက၊ မြေပြုပြင်မှုအခြေအနေနှင့် မိုးစပါးစိုက်ပျိုးပြီးစီးမှုအခြေအနေအား ဓာတ်ပုံမှတ်တမ်းဖြင့် စာရင်းပြုစုတင်ပြသွားရန်၊ တိုက်ရိုက်မျိုးစေ့ချကိရိယာ(Seeder)များအသုံးပြစိုက်ပျိုးခြင်းကြောင့် ရရှိလာမည့်အကျိုးကျေးဇူးများအား တောင်သူများသိရှိနိုင်အောင် အသိပညာပေးခြင်း၊ ဓာတ်မြေဩဇာစနစ်တကျအသုံးပြခြင်းကြောင့် အသိပညာပေးဆိုင်းဘုတ်နှင့် လက်ကမ်းစာစောင်များဖြန့်ဝေခြင်းလုပ်ငန်းအား ကျေးရွာများအရောက် သက်ဆိုင်ရာဌာနများနှင့် ရပ်ကျေးစိုက်ကြပ်အဖွဲ့များ ပူးပေါင်းဆောင်ရွက်သွားကြရန်၊ လယ်ယာမြေအခြားနည်းအသုံးပြုမှုခွင့်ပြုချက်မရှိဘဲ အခြားနည်းအသုံးပြုနေခြင်းများကိုသိရှိပါက မြို့နယ်စီမံအုပ်ချုပ်ရေးအဖွဲ့သို့ သတင်းပို့တင်ပြကြရန် မိုးရာသီတွင် ရာသီတုပ်ကွေး၊ ဝမ်းပျက်ဝမ်းလျော၊ သွေးလွန်တုပ်ကွေးကာကွယ်ရေးတို့အတွက် ရပ်ကွက်/ကျေးရွာအုပ်ချုပ်ရေးမှူးများအနေဖြင့် မိမိတို့‌ကျေးရွာ/ ရပ်ကွက်ရှိ စာသင်ကျောင်းများအား စုပေါင်းသန့်ရှင်းရေးလုပ်ငန်းများ အပတ်စဉ်ဆောင်ရွက်သွားကြရန် ပြောကြားခဲ့ကြောင်းသိရသည်။

       ဆက်လက်၍ အစည်းအဝေးသို့ တက်ရောက်လာသော ဌာနဆိုင်ရာတာဝန်ရှိသူများနှင့် ရပ်ကွက်၊ ကျေးရွာအုပ်ချုပ်ရေးမှူး၊ စာရေးများက သက်ဆိုင်ရာဌာနများ၊ အုပ်ချုပ်ရေးမှူးများက မိုးစပါးစိုက်ပျိုးမှုနှင့်အခြားပူးပေါင်းဆောင်ရွက်နေသည့် လုပ်ငန်းများအားဆွေးနွေးခဲ့ကြောင်းသိရှိရပါသည်။

DOCA(ရန်ကုန်)