ပြည်တွင်းကုန်သွယ်မှုသတင်း

      ရှေးယခင်ကာလများတွင်ပင် လ္ဘက်ဆိုလျှင်ရှမ်းပြည်နယ် နောက်ပိုင်းချင်းပြည်နယ်တို့မှ ထွက်ရှိသည်ဟု လူအများသိရှိခဲ့ကြပါသည်။ စစ်ကိုင်းတိုင်းဒေသကြီး ခန္တီးခရိုင် ဟုမ္မလင်းမြို့နယ်တွင် လ္ဘက်စိုက်ဧက ( ၈၆၀၀ ) ဧကစိုက်ပျိုးထားလျှက်ရှိကြောင်း၊ သက်ဆိုင်ရာစိုက်ပျိုးရေးဦးစီးဌာနမှ လေ့လာမှုများအရ သိရှိရပါသည်။ မူရင်းလ္ဘက်မျိုးရင်းမှာ ရှမ်းပြည်နယ်မျိုးများကို မဏိစည်သူမင်း လက်ထက်မှ စတင်စိုက်ပျိုးခဲ့ကြောင်း၊ စိုက်ပျိုးပြီး( ၇ ) နှစ်ခန့်ကြာမှ လ္ဘက်ရွက်နုများ စတင်စွက်ခူး ရပါကြောင်း၊ ဟုမ္မလင်းမြို့နယ်တွင် လ္ဘက်စိုက်ပျိုးသူ ဒေါ်မာဝင်းထံမှ စုံစမ်းသိရှိရပါသည်။

    ဟုမ္မလင်းမြို့နယ်မှထွက်ရှိသည့် လ္ဘက်များသည် ရှမ်းပြည်နယ်ဒေသထွက် လ္ဘက်များကဲ့သို့ နုညံ့မှုမရှိဘဲ လ္ဘက်သားအနည်းငယ်ကြမ်းတမ်းကြောင်း၊ လ္ဘက်အရည်အသွေးနိမ့်ကျရခြင်းမှာ ဒေသ ရာသီဥတုကွဲပြားခြားနားမှုများကြောင့် ၎င်းနည်းပညာများရယူရန်အတွက် ခရီးမိုင်ဝေးကွာခြင်း ကြောင့်ဟု ဒေသခံလ္ဘက်လုပ်ငန်း ဆောင်ရွက်သူ ဒေါ်မာဝင်းက ပြောကြားပါသည်။ ဟုမ္မလင်းဒေသတွင် လ္ဘက်စိမ်းခူးယူပြီး ပထမအဆင့်ပေါင်းခံ၍ ( ၈ )လခန့်ကြာနှပ်ထားရပြီး စားသုံးရန်အသင့် လ္ဘက်စိမ်းများရရှိပါကြောင်း၊ ဟုမ္မလင်းဒေသထွက်လ္ဘက်အစို၊ လ္ဘက်အခြောက်များကို သဘာဝ အရောင်ဖြင့်သာ ရောင်းချကြပြီး အခြားဓာတုဗေဒ ဆိုးဆေးများလုံးဝ သုံးစွဲခြင်းမပြုကြောင်း ယခုကဲ့သို့ ပွင်းလင်းရာသီတွင် ရောင်းအားကောင်းလာကြောင်း သိရှိရပါသည်။

     စျေးနှုန်းအနေဖြင့် လ္ဘက်အစိမ့် ( ၁ ) ပိဿာ ( ၄၀၀၀ ) ကျပ်၊ လ္ဘက်ခါး( ၁ ) ပိဿာ ( ၂၀၀၀ ) ကျပ်၊ လ္ဘက်ခြောက်( ၁ ) ပိဿာ ( ၇၀၀၀ကျပ်မှ ၁၀၀၀၀ကျပ် )အထိ ပေါက်စျေးရှိပြီး ဈေးကွက်အနေဖြင့်  မြို့နယ်တွင်း၊ မြို့မဈေးနှင့် ဟုမ္မလင်းနယ်တစ်ဝိုက်ရောင်းချလျှက်ရှိပြီး ရံဖန်ရံခါ မုံရွာမြို့သို့လည်းတင်ပို့လျှက်ရှိပါသည်။

DOCA(စစ်ကိုင်း)

       ရွှေဘိုခရိုင်အတွင်းရှိ မြို့နယ်များ၌ အောက်တိုဘာလ ‌ပထမပတ်တွင် စပါး /ဆန် ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ စက်တင်ဘာလ နောက်ဆုံးပတ်တွင် ရန်ကုန်သို့ အိတ်ရေ ၄၂၀၀၀ ၊ မန္တလေးသို့ အိတ်ရေ၅၂၄၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း(တောင်)သို့ အိတ်ရေ ၁၁၀၀၀၊ ရှမ်း(မြောက်)သို့ အိတ်ရေ ၁၀၀၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၂၈၄၀၀၊ တန်အားဖြင့် ၆၄၂၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြား တိုင်းဒေသ ကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၅၀၀၀၊ မန္တလေးသို့ အိတ်ရေ ၅၇၀၀၀၊ နေပြည်တော်သို့ အိတ်ရေ၁၂၀၀၀ ၊ ရှမ်း(တောင်)သို့ အိတ်ရေ၈၀၀၀ ၊ ရှမ်း(မြောက်)သို့ အိတ်ရေ ၈၀၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၃၁၀၀၀ ၊ တန်အားဖြင့် ၆၅၅၀တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၂၆၀၀၊ တန်အားဖြင့် ၁၃၀တန် ပို၍ စီးထွက်ခဲ့ပါသည်။

        ရွှေဘိုမြို့၏ အောက်တိုဘာလ ပထမပတ်တွင် ဖြစ်ပေါ်နေသော စပါး/ဆန်  ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၃၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၅၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၆၅၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း၁၀၀လျှင် ကျပ် ၁၁၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ် ၄၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

          စက်သုံးဆီ တင်သွင်း/ သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ စက်သုံးဆီ လက်ကားရည်ညွှန်းစျေးနှုန်းများအား နေ့စဉ် ထုတ်ပြန်ပေးလျက်ရှိရာ မကွေးတိုင်း‌‌ဒေသကြီးအတွင်းရှိ စက်သုံးဆီအရောင်းဆိုင်များ၏ နေ့စဉ်ဆီရောင်းချမှု၊ ဆီဘောင်ကား ရောက်ရှိမှုအခြေအနေများကို သက်ဆိုင်ရာဌာနများမှ ကြပ်မတ်စိစစ်ဆောင်ရွက်လျက် ရှိပါသည်။

          မကွေးမြို့နယ်တွင် စက်သုံးဆီဆိုင်(၂၁)ဆိုင်ရှိပြီး ပုံမှန်ဖွင့်လှစ်ရောင်းချလျက်ရှိရာ ၂၀၂၂ခုနှစ်၊ စက်တင်ဘာလ စတုတ္ထပတ်အတွင်း စက်သုံးဆီစျေးနှုန်းများမှာ 92 တစ်လီတာ(၂၁၃၅)ကျပ်၊ 95 တစ်လီတာ(၂၂၁၀)ကျပ်၊ ဒီဇယ်ရိုးရိုး တစ်လီတာ(၂၅၇၀)နှင့် ပရီမီယမ် ဒီဇယ်တစ်လီတာ(၂၆၅၅)ကျပ်နှုန်း ဖြင့် ရောင်းချခဲ့ပြီး ၂၀၂၂ ခုနှစ် အောက်တိုဘာလ ၊ ပထမပတ်အတွင်း 92 တစ်လီတာ(၁၉၇၅) ကျပ်ဖြစ်၍(၁၆၀)ကျပ် စျေးကျလာ၊ 95 တစ်လီတာ (၂၀၄၀)ဖြစ်၍ (၁၇၀)ကျပ် စျေးကျလာ၊ ဒီဇယ်ရိုးရိုး တစ်လီတာ(၂၄၈၅)ကျပ်ဖြစ်၍ (၈၅)ကျပ် ကျဆင်းလာပြီး  ၊ ပရီမီယမ်တစ်လီတာ (၂၅၅၅)ကျပ် ဖြစ်၍ (၁၀၀)ကျပ် အသီးသီးစျေးကျလာကြောင်း သိရှိရပြီး စက်သုံးဆီ များ ဆီပြတ်လပ်မှုမရှိစေရေးနှင့် သတ်မှတ်ရည်ညွှန်းစျေးအတိုင်းရောင်းချမှု ရှိ/မရှိကို စားသုံးသူရေးရာဦးစီးဌာန ဝန်ထမ်းများမှ ကြီးကြပ်လျက်ရှိပါသည်။

DOCA(မကွေး)

      အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၂၉.၉.၂၀၂၂)နှင့် ယခုအပတ် (၅.၁၀.၂၀၂၂)ရက်နေ့အတွင်း နှမ်းဖြူ (၄၅)ပိဿာတစ်အိတ်လျှင် ယခင်အပတ် (၂၇၀၀၀ဝိ/-) ယခုအပတ်(၂၅၅၀၀ဝိ/-)ဖြစ်၍ (၁၅၀၀ဝိ/-)ဈေးလျော့၊ နှမ်းနီ ယခင်အပတ် (၂၅၀၀၀ဝိ/-)ယခုအပတ် (၂၄၀၀၀ဝိ/-)ဖြစ်၍ (၁၀၀၀ဝိ/-)ဈေးလျော့၊နှမ်းနက်(စမုံ) ယခင်အပတ် (၃၀၅၀၀ဝိ/-)ယခုအပတ် (၂၈၅၀၀ဝိ/-)ဖြစ်၍ (၂၀၀၀ဝိ/-)ဈေးလျော့၊ နှမ်းပြာယခင်အပတ်(၂၅၅၀၀ဝိ/-)ယခုအပတ်(၂၃၅၀၀ဝိ/) ဖြစ်၍ (၂၀၀၀ဝိ/-)အသီးသီးဈေးလျော့ခဲ့ကြောင်း သိရှိရပါသည်။

       ပဲမျိုးစုံစျေးကွက်တွင်  ကုလားပဲ(H L)နှင့် ကုလားပဲမြကြေး (၂၀)ပိဿာ တစ်တင်းလျှင် ယခင်အပတ် (၆၁၀၀ဝိ/-) ယခုအပတ် (၆၁၀၀ဝိ/-) ဖြစ်၍ ဈေးနှုန်းပြောင်းလဲမှုမရှိပဲ ပဲတီစိမ်း ယခင်အပတ်(၅၀၀၀ဝိ/-)ယခုအပတ်(၄၈၀၀ဝိ/-)ဖြစ်၍(၂၀၀ဝိ/-)ဈေးလျော့၊ ပဲစဉ်းငုံ(နီ)ယခင်အပတ် (၆၆၅၀ဝိ/-) ယခုအပတ် (၆၂၀၀ဝိ/-) ဖြစ်၍ (၄၅၀ဝိ/-)ဈေးလျော့ ၊ ပဲကြီး ယခင်အပတ်(၈၀၀၀ဝိ/-) ယခုအပတ်(၇၈၀၀ဝိ/-) ဖြစ်၍(၂၀၀ဝိ/-) ဈေးလျော့၊ မတ်ပဲ ယခင်အပတ်(၆၄၀၀ဝိ/-) ယခုအပတ် (၅၉၀၀ဝိ/-) ဖြစ်၍ (၅၀၀ဝိ/-) ဈေးလျော့၊ မြေပဲလုံးဆံ(ဖြူ)တစ်ပိဿာလျှင် ယခင်အပတ်(၅၅၀ဝိ/-) ယခုအပတ် (၅၃၀ဝိ/-) ဖြစ်၍ (၂၀ဝိ/-) ဈေးလျော့၊ မြေပဲလုံးဆံ(နီ) ယခင်အပတ်(၅၆၀ဝိ/-) ယခု  အပတ် (၅၄၀ဝိ/-) ဖြစ်၍ (၂၀ဝိ/-) ဈေးလျော့၊ မြေပဲတောင့်(စို) တစ်တင်း ယခင်အပတ်(၂၀၀၀ဝိ/-) ယခုအပတ် (၁၈၀၀ဝိ/-) ဖြစ်၍ (၂၀၀ဝိ/-) အသီးသီးဈေးနှုန်းများလျော့ပြီး အရောင်းအဝယ်ပမာဏ အနေဖြင့် နှမ်းဖြူ(၈၀)အိတ်၊ နှမ်းနီ(၁၁၅)အိတ်၊ နှမ်းပြာ(၄၈၀)အိတ်၊ နှမ်းနက်(စမုံ)(၂၅၀၀)အိတ်၊ ပဲတီစိမ်း(၁၀၀)အိတ်၊  ပဲစဉ်းငုံနီ (၅၅၀)အိတ်၊ မတ်ပဲ(၂၂၀)အိတ်၊ ကုလားပဲ(H L) (၃၂၀)အိတ်၊ ကုလားပဲ(မြကြေး) (၂၈၀)အိတ်၊ ပဲကြီး(၄၅၀)အိတ်၊ မြေပဲလုံးဆံ(ဖြူ)(၁၃၀၀)အိတ်၊ မြေပဲလုံးဆံ(နီ) (၆၀၀)အိတ်နှင့် မြေပဲတောင့်(အစို)(၅၅၀၀)တင်းတို့ အရောင်း၏အဝယ် ဖြစ်ခဲ့ကြောင်း သိရှိရပါသည်။

DOCA(မကွေး)

      ကယားပြည်နယ်တွင် ဆန်/စပါးသည် အဓိကစိုက်ပျိုးသောသီးနှံ တစ်မျိုးဖြစ်ပြီး ပြည်နယ်တွင်း ထွက်ရှိသောဆန်များကို အခြားဒေသများသို့ တင်ပို့ခြင်း အခြားဒေသများမှ ဆန်များကို တင်သွင်း၍ အရောင်းအဝယ်ဖြစ်လျက်ရှိရာ ယခုအောက်တိုဘာလ ပထမပတ်အတွင်း ဈေးကွက်တွင် ဖြစ်ပေါ်နေသော ဆန်ဈေးနှုန်းများမှာ ဒေသဆန် တရုတ်မွှေး တစ်အိတ်လျှင် (၆၅၀၀၀) ကျပ်၊ ရွှေရင်အေး (၁) တစ်အိတ်လျှင် (၇၂၀၀၀) ကျပ်ရှိပြီး အခြားဒေသမှ ဆန် ရွှေဘိုပေါ်ဆန်း တစ်အိတ်လျှင် (၉၇၀၀၀)ကျပ်၊ ပေါ်ဆန်းကျော် တစ်အိတ်လျှင် (၆၉၀၀၀) ကျပ်၊ ဧရာမင်း တစ်အိတ်လျှင် (၈၀၀၀၀) ကျပ်၊ ဇီယာတစ်အိတ်လျှင် (၅၂၅၀၀) ကျပ်ဖြင့် အရောင်းအဝယ်ဖြစ်လျက်ရှိပြီး ၊ ယခင်စက်တင်ဘာလ ပထမပတ်တွင် ဒေသဆန် တရုတ်မွှေး တစ်အိတ်လျှင် (၄၂၀၀၀) ကျပ်၊ ရွှေရင်အေး (၁) တစ်အိတ်လျှင် (၅၀၀၀၀) ကျပ်၊ ရွှေဘိုပေါ်ဆန်း တစ်အိတ်လျှင် (၉၀၀၀၀)ကျပ်၊ ပေါ်ဆန်းကျော် တစ်အိတ်လျှင် (၆၅၀၀၀) ကျပ်၊ ဧရာမင်း တစ်အိတ်လျှင် (၇၂၀၀၀) ကျပ်၊ ဇီယာတစ်အိတ်လျှင် (၃၈၀၀၀) ကျပ်ခန့် ရှိခဲ့ပြီး ယခင်စက်တင်ဘာလ ပထမပတ်နှင့် ယခု အောက်တိုဘာလ ပထမပတ် နှိုင်းယှဉ်လျှင် တရုတ်မွှေး တစ်အိတ်လျှင် (၂၃၀၀၀) ကျပ်၊ ရွှေရင်အေး (၁) တစ်အိတ်လျှင် (၂၂၀၀၀) ကျပ်၊ ရွှေဘိုပေါ်ဆန်း တစ်အိတ်လျှင် (၇၀၀၀)ကျပ်၊ ပေါ်ဆန်းကျော် တစ်အိတ်လျှင် (၄၀၀၀) ကျပ်၊ ဧရာမင်း တစ်အိတ်လျှင် (၈၀၀၀) ကျပ်၊ ဇီယာတစ်အိတ်လျှင် (၁၄၅၀၀) ကျပ်ခန့်ဈေးနှုန်းမြှင့် တက်လျက်ရှိ ကြောင်း၊ ဈေးနှုန်းမြှင့် တက်လာရခြင်းမှာ စိုက်ပျိုးထွက်ရှိရာ ဒေသများတွင် စိုက်ပျိုးထွက်ရှိမှု ကျဆင်းလာခြင်း၊ လမ်းပန်းဆက်သွယ်ရေးခက်ခဲမှုရှိခြင်းကြောင့်ဖြစ်သည်ဟု သိရှိရပါသည်။

DOCA(ကယား)