ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီးအတွင်း စက်တင်ဘာလတွင် ဓါတ်မြေသြဇာ စျေးကွက်မှာ အရောင်းအဝယ်ပုံမှန်ရှိပြီး စျေးကွက်တွင် လူသုံးများသည့် တံဆိပ်များနှင့် စျေးနှုန်း များမှာ သံကွင်း (Yuntianhua)မှာ ၅၀ကီလိုဂရမ် တစ်အိတ်လျှင် ကျပ် ၁၁၈၅ဝဝိ၊ သရဖူ(ထိုင်းနိုင်ငံ) တစ်အိတ်လျှင်  ကျပ် ၁၂၅၀ဝဝ/-၊ Vedagro (ဗီယက်နမ်) တစ်အိတ်လျှင် ကျပ် ၈၆၅ဝဝ/-၊ ၁၈:၄:၅ (သရဖူ)တစ်အိတ်လျှင် ကျပ် ၁၀ဝဝဝဝ/-၊ ၁၅ပတ်လည်(အာမို)တစ်အိတ်လျှင် ကျပ် ၁၅၀၀၀၀/-၊  တနင်္သာရီတိုင်းဒေသကြီးတွင် ပိုးသတ်ဆေးစျေးနှုန်းများမှာ ဒါနာဒင် ၁၀၀စီစီ တစ်ဘူးလျှင် ကျပ် ၆၂၀၀၊ မာလာမြိုင်ဖန့်ဆို ၁၀၀စီစီ တစ်ဘူးလျှင် ကျပ် ၄၀၀၀၊ သန်ဒါး(မြန်မာသြဘာ) ၁၀စီစီ တစ်ဘူးလျှင် ကျပ် ၁၉၀၀၊ ဒိုဇာ(မြန်မာသြဘာ) ၁၀စီစီ တစ်ဘူးလျှင် ကျပ် ၁၅၀၀/-ဖြင့် အရောင်း အဝယ်ဖြစ် နေကြောင်းစုံစမ်းသိရှိရပါသည်။

       စက်တင်ဘာလ ဒုတိယအပတ်တွင် ဘိလပ်မြေစျေးနှုန်းမှာ တည်ငြိမ်လျက်ရှိပြီး ဆင်နီ(ထိုင်း) တစ်အိတ်လျှင် ကျပ် ၁၅၈၀၀၊ ကြံ့(၂)ကောင်တံဆိပ် ကျပ် ၁၀၇၀၀၊ apache တံဆိပ် ကျပ် ၁၁၅၀၀ ဖြင့် အရောင်းအဝယ်ဖြစ်နေကြောင်း အိမ်ဆောက်ပစ္စည်းအရောင်းဆိုင်များမှ စုံစမ်းသိရှိ ရပါသည်။

       ဓါတ်မြေသြဇာ၊ ပိုးသတ်ဆေးနှင့်  ဘိလပ်မြေစျေးနှုန်းများမှာ ယခင်အပတ်နှင့် နှိုင်းယှဉ်လျှင် စျေးနှုန်းများတည်ငြိမ်နေပြီး အရောင်းအဝယ်မှာပုံမှန်ရှိနေကြောင်းသိရှိရပါသည်။

DOCA(တနင်္သာရီ)

         မကွေးတိုင်းဒေသကြီး၊ ဆင်ဖြူကျွန်းမြို့ပတ်ဝန်းကျင်ရှိ နွယ်တမယ်ကျေးရွာ၊ ချောင်းကောက် ကျေးရွာများမှ တောင်သူများသည် မိရိုးဖလာ တောင်သူလယ်ယာလုပ်ငန်းအပြင် အခြားသီးနှံစားပင် မျိုးစုံကိုလည်း စိုက်ပျိုးလျက်ရှိရာ စားဖိုဆောင်သုံးသီးနှံဖြစ်သည့် ငရုတ်ပင်စိုက်ပျိုးခြင်းဖြင့် ဝင်ငွေ ပိုမိုရရှိနေကြောင်း သိရသည်။ ငရုတ်ပင်မှာ နှစ်တိုစားဖိုဆောင်သုံး သီးနှံဖြစ်သည့််အပြင် ဈေးကွက် ပုံမှန်ရှိခြင်းကြောင့် တစ်ပိုင်တစ်နိုင် စိုက်ပျိုးလုပ်ကိုင်လျက်ရှိကြောင်း၊ ငရုတ်ပင်မျိုးများစွာရှိသည့် အနက် ငရုတ်အစိုမိုးထောင်မျိုးဖြစ်သော ဒီမိုငရုတ်မျိုးကို ပိုမိုတိုးချဲ့စိုက်ပျိုးကြကြောင်း သိရသည်။ ငရုတ်ပင်များကို ဝါခေါင်လတွင် ပျိုးထောင်၍ တော်သလင်းလတွင် စိုက်ပျိုးကြကြောင်း၊ ငရုတ်ပင် သက်တမ်း(၃)လခန့်ရှိလျှင် စတင် ခူးဆွတ်နိုင်ကြောင်း သိရသည်။ ငရုတ်ပင်၏သက်တမ်းမှာ (၈)လ ခန့်ရှိပြီး အပင်(၁၀၀၀၀)ခန့်စိုက်ပျိုးလျှင် စတင်ခူးဆွတ်ချိန်တွင် ပိဿာချိန်(၅၀)ခန့်ထွက်ရှိကြောင်း၊ နောက်ပိုင်း ငရုတ်သီးလှိုင်လှိုင်ပေါ်ချိန်တွင် ပိဿာချိန်(၂၀၀)မှ (၃၀၀)ခန့်အထိ ထွက်ရှိကြောင်း၊ (၁)လ လျှင်(၄)ကြိမ်ခန့် ခူးဆွတ်နိုင်ကြောင်းသိရှိရပါသည်။

            ဆင်ဖြူကျွန်းဒေသထွက်  ဒီမိုငရုတ်သီးများကို ချောက်၊ စလင်း၊ ပွင့်ဖြူ၊ မင်းဘူး၊ မကွေး စသော မြို့များသို့ တင်ပို့ရောင်းချလျက်ရှိပြီး လက်ရှိကာလတွင်  ငရုတ်သီးတစ်ပိဿာလျှင် ငွေကျပ်(၆၀၀၀)မှ (၈၀၀၀)ခန့်အထိ ရရှိသောကြောင့် ဒီမိုငရုတ်စိုက်ပျိုးသူတောင်သူများအနေဖြင့်  အကျိုးအမြတ်ငွေ များစွာရရှိနေကြောင်း သိရှိရပါသည်။

DOCA(မကွေး)

    စိုက်ပျိုးထုတ်လုပ် ရောင်းချသူများ အတွက် ဟင်းချက်စရာတစ် မျိုးဖြစ်သည့်ခရမ်းချဉ်သီးမှာ ဈေးကောင်းရနေကြောင်း မြို့မဈေးသည်များထံမှသိရှိရပါသည်။ ပခုက္ကူမြို့မဈေး၊ အမှတ်(၂) ဈေးနှင့်အနောက်ပန်းခြံ ဈေးတို့တွင် ရှမ်းပြည်နယ် အင်းလေးဒေသမှ လာသောထိုင်ဝမ် ခရမ်းချဉ်သီး၊ မန္တလေးတိုင်းဒေသကြီး ကျောက်ပန်းတောင်းနှင့် ပုပ္ပါးနယ်မှလာသော ခရမ်းချဉ် သီးများမှာ လက်ကားတစ်ပိဿာလျှင်  (၁၈၀၀)ကျပ်မှ (၂၈၀၀ )ကျပ်ထိဈေးတက်နေကြောင်း သိရှိရပါသည်။

      ယခင်ဩဂုတ်လတွင် ခရမ်းချဉ်သီး လက္ကားတစ်ပိဿာ (၁၀၀၀) ကျပ်ရှိခဲ့ပြီး၊ယခု စက်တင်ဘာလ(၁) ရက်နေ့မှစ၍  လက္ကားတစ်ပိဿာ (၁၈၀၀ - ၂၆၀၀ - ၂၈၀၀)ကျပ်ထိ ဈေးတက်ခဲ့ပြီး ယခင်လနှင့် နှိုင်ယှဉ်ပါက တစ်ပိဿာလျှင် (၁၈၀၀)ကျပ်ထိ ဈေးတက်နေကြောင်း မြို့မဈေးသည်များထံမှ သိရှိရပါသည်။ ထိုသို့ဈေးတက်ရခြင်းမှာ သွင်းအားစုဈေးနှုန်းများ ကြီးမားခြင်း၊ စက်သုံးဆီဈေးနှုန်းများကြီးမားခြင်းနှင့် သယ်ယူစရိတ်ကြီးမားခြင်းတို့ကြောင့် ဖြစ်ကြောင်းသိရှိရပါသည်။

DOCA(မကွေး)

     ဆိပ်ဖြူမြို့ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ စက်တင်ဘာလ (ပထမ)ပတ်အတွင်း ကြက်သွန်နီပင်စိုက်အသစ်များ ဆိပ်ဖြူမြို့နယ်ဒေသတွင်း နေရာအနှံ့အပြားမှ နေ့စဉ်ဝင်ရောက်လျက်ရှိပါသည်။ တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ(၂)သောင်းခွဲခန့် (၁)ပတ် အတွင်း စုစုပေါင်းပိဿာ(၁)သိန်းခွဲခန့် ကုန်စည်ဒိုင်သို့ ဝင်ရောက်လျက်ရှိပြီး  မြို့ပေါ်ရှိ ကြက်သွန် ကုန်သည် သိုလှောင်ရုံများတွင် ကြက်သွန်နီပိဿာ ပျမ်းမျှ(၁)ပတ်အတွင်း ကုန်ချိန်(၄)သိန်းခွဲခန့် ဝင်ရောက် အရောင်းအဝယ်ဖြစ်ကြောင်း၊ စက်တင်ဘာလ(၁)ရက် မှ (၇)ရက်ထိ ကုန်စည်ဒိုင်နှင့် သိုလှောင်ရုံများ အရောင်းအဝယ်ဖြစ်မှု စုစုပေါင်းမှာ ကြက်သွန်နီ ပိဿာ(၆)သိန်းခန့်ရှိကြောင်း မြို့ပေါ်ရှိ ကုန်စည်ဒိုင်အသင်းဝင် ကုန်သည်ပွဲစား(၁)ဦးထံမှ သိရှိရသည်။

    ဈေးနှုန်းဈေးကွက်အနေဖြင့် စက်တင်ဘာလ(ပထမ)ပတ်အတွင်း ကြက်သွန်နီ(၁)ပိဿာ ထိပ်စ အမြင့်ဆုံးဈေးနှုန်းမှာ (၃၂၅၀)ကျပ် မှ (၃၁၀၀)ကျပ်ထိ ဈေးနှုန်းဖြစ်ခဲ့ပြီး အနိမ့်စ အမြင့်ဆုံး ဈေးနှုန်းမှာ (၂၉၅၀)ကျပ် မှ (၂၅၅၀)ကျပ်ထိ ဈေးနှုန်းများဖြင့် အရောင်းအဝယ်ဖြစ်ခဲ့ကြောင်း၊ သီးနှံ အရည်အသွေးများ မတူညီခြင်းကြောင့် ဈေးနှုန်းများကွာခြားကြောင်း၊ ယခင်(၁)ပတ် ကြက်သွန်နီ အမြင့်ဆုံး ဈေးနှုန်းမှာ (၃၁၀၀)ကျပ် ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ် အမြင့်ဆုံး ဈေးမှာ (၃၂၅၀)ကျပ် ဈေးနှုန်းဖြင့် အရောင်းအဝယ်ဖြစ်၍ ယခင်(၁)ပတ်ထက် (၁၅၀)ကျပ်ခန့် ဈေးနှုန်းမြင့်သွားကြောင်း၊ အနိမ့်စ အမြင့်ဆုံးဈေးနှုန်းမှာ ယခင်(၁)ပတ်က (၂၅၀၀)ကျပ်၊ ယခု(၁) ပတ် (၂၉၅၀)ကျပ် ဈေးနှုန်းဖြစ်၍ ယခင်(၁)ပတ်ထက် (၄၅၀)ကျပ်ခန့် ဈေးနှုန်း မြင့်သွားကြောင်း၊ ရန်ကုန်ဘုရင့်နောင်ပွဲရုံသို့ တင်ပို့မှုနည်းပြီး ပြည်ပဝယ်လက်မြဝတီမြို့သို့ ကုန်ချိန်အများဆုံးတင်ပို့ လျက်ရှိကြောင်း ကုန်စည်ဒိုင်အသင်းဝင် ကုန်သည်ပွဲစားတစ်ဦးထံမှ သိရှိရသည်။

      ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စ(ရှယ်) ကျပ်(၃၆၀၀/၃၅၀၀)၊ လတ်(ကြီး) ကျပ်(၃၄၀၀/၃၃၀၀)၊ လတ်(သေး) ကျပ်(၃၁၀၀/၃၀၀၀)၊ အသေးစ (၂၇၀၀)ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် စက်တင် ဘာလ(ပထမ)ပတ်အတွင်း ဆိပ်ဖြူမြို့မှ ရန်ကုန်ဘုရင့်နောင်ပွဲရုံသို့(၁၈)စီး၊ ပြည်မြို့(၈)စီး၊ ဧရာဝတီ တိုင်းဒေသကြီး ပုသိမ်မြို့(၉)စီး၊ မော်လမြိုင်မြို့(၅)စီး၊ မြဝတီမြို့(၂၁)စီးတွဲကားများ စုစုပေါင်း(၆၁)စီး ခန့် (၆/၁၂/၂၄)ဘီး မော်တော်ယာဉ်များဖြင့် ကြက်သွန်နီ ပျမ်းမျှ(၆)သိန်း၊ တန်ချိန်(၃)သောင်းခွဲခန့်  ကုန်စည်စီးဆင်းခဲ့ကြောင်း သိရှိရပါသည်။ ဆိပ်ဖြူမြို့မှ ပြည်ပဝယ်လက် မြဝတီမြို့သို့ ကုန်ချိန် အများဆုံး တင်ပို့ဖြန့်ဖြူးလျက်ရှိကြောင်း ကုန်စည်ဒိုင်ဈေးကွက်မှ သိရှိရပါသည်။

DOCA (မကွေး)

    စက်တင်ဘာလ ပထမအပတ်တွင် မကွေးမြို့၊ မြို့မစျေး၌ စားဖိုဆောင်သီးနှံများဖြစ်သည့် ကြက်သွန်နီအမျိုးအစားနှင့် အရည်အသွေးပေါ်မူတည်ပြီး (၁)ပိဿာလျှင် (၃၅၀ဝိ/ - ၃၆၀ဝိ/ - ၃၈၀ဝိ/-)၊ ကြက်သွန်ဖြူ(ဗမာ) (၁) ပိဿာလျှင် (၅၅၀ဝိ/-)၊ ငရုပ်သီးအခြောက်အရှည်(၁)ပိဿာလျှင်(၁၈၀၀ဝိ/-)၊ နနွင်းတက် (၁)ပိဿာလျှင် (၆၀၀ဝိ/-)၊ ချင်းတက်(၁)ပိဿာလျှင် (၁၅၀ဝိ/-)ကျပ်၊ မကျီးသီးမှည့် (၁)ပိဿာလျှင် (၄၅၀ဝိ/-)၊ အာလူး(၁)ပိဿာလျှင် (၂၅၀ဝိ/-)ကျပ်၊ သကြား(၁)ပိဿာလျှင်(၂၈၀ဝိ/-)၊ မြေပဲဆံ(၁)ပြည်လျှင် (၇၅၀ဝိ/-)၊ ကုလားပဲခြမ်း(၁)ပြည် လျှင် (၅၃၀ဝိ/-)တို့ဖြင့် အရောင်းအဝယ်ဖြစ်လျှက် ရှိကြောင်း ဆိုင်ခန်းစျေးသည်များနှင့် ပျံကျစျေးသည်များ ထံမှသိရှိရသည်။

        ထို့အပြင် စားသုံးဆီများအနေဖြင့်လည်း ပဲဆီ(၁)ပိဿာလျှင် (၁၃၀၀ဝိ/-)၊ နှမ်းဆီ(၁)ပိဿာလျှင် (၁၁၅၀ဝိ/-)၊ စားအုန်းဆီ (၁)ပိဿာလျှင် (၉၈၀ဝိ/-)တို့ဖြင့် အရောင်းအဝယ်ဖြစ်လျှက်ရှိကြောင်း စားသုံးဆီ လက်လီစျေးသည် တစ်ဦးထံမှ မေးမြန်းသိရှိရပါသည်။

DOCA( မကွေး)