ပြည်တွင်းကုန်သွယ်မှုသတင်း

       မတ်လပထမပတ် ဈေးကွက်အတွင်းရောင်းဝယ်လျက်ရှိသော ခရမ်းချဉ်သီးအများစုမှာ ပြည်နယ်အတွင်းဒေသထွက်ခရမ်းချဉ်သီးများဖြစ်ပြီး တစ်ပိဿာလျှင် ( ၆၀၀) ကျပ် ဈေးနှုန်းဖြင့် ရောင်းချလျက်ရှိပြီး  အင်းလေး ၊ ပင်လောင်းမှ ဝင်ရောက်သော ခရမ်းချဉ်သီးမှာ ဈေးကွက်အတွင်း အနည်းငယ်သာ တွေ့ရှိရပြီး ဈေးနှုန်းမှာ တစ်ပိဿာလျှင်  အလုံးကြီး (၁၂၀၀) အလတ်စ (၁၀၀၀)ကျပ်ဖြင့် အသီးသီးဈေးနှုန်းပေါက်လျက်ရှိပြီး ဒေသထွက် ခရမ်းချဉ်သီးများနှင့် နှိုင်းယှဉ်မည်ဆိုလျှင် သယ်ယူစရိတ်များသောကြောင့် တစ်ပိဿာလျှင် (၆၀၀)၊ (၄၀၀) ကျပ် ကွာဟလျက်ရှိသည်ဟု သိရပါသည်။

DOCA(ကယား)

            သီပေါမြို့တွင် ဖေဖော်ဝါရီလအတွင်း အစေ့ထုတ်ပြောင်းဈေးနှုန်းများ မြင့်တက်လျှက်ရှိပြီး အရောင်းအဝယ်ကောင်းလျက်ရှိသည်။ ယခင်လများတွင် အစေ့ထုတ်ပြောင်းတစ်ပိဿာလျှင် (၆၁၀) ကျပ်ပေါက်ဈေးရှိပြီး အစိုဓါတ်(၁၆%)သတ်မှတ်၍ (၁၆%)အထက်ကျော်လွန်ပါက (၁%)လျှင်(၁၀) ကျပ် ဖြတ်တောက်ဝယ်ယူကြောင်း သိရှိရသည်။ ယခုဖေဖော်ဝါရီလနောက်ဆုံးပတ်တွင် အစေ့ထုတ်ပြောင်းတစ်ပိဿာလျှင် အစိုဓါတ်အနေဖြင့် သတ်မှတ်ထားခြင်းမရှိဘဲ အစေ့ထုတ်ပြောင်း တစ်ပိဿာလျှင်(၇၉၀)ကျပ် ပေါက်ဈေးဖြင့် ဝယ်ယူလျက်ရှိသောကြောင့် အစေ့ထုတ်ပြောင်းစိုက်ပျိုး တောင်သူများ အဆင်ပြေလျက်ရှိကြောင်း သိရှိရသည်။ (၂၀၂၁-၂၀၂၂) ဘဏ္ဍာနှစ်အတွင်း အစေ့ထုတ်ပြောင်းစိုက်ဧက (၆၉၈၄၇)ဧကရှိပြီး အထွက်နှုန်းမှာ(၇၅.၂၀)ရှိ၍ (၄၈၅၉၉၅၀)တင်း ထွက်ရှိကြောင်းသိရှိရသည်။

             ထို့အပြင် ဓါတ်မြေဩဇာ(၅၀)ကီလိုဂရမ် တစ်အိတ်ဈေးနှုန်းမှာလည်း ဖေဖော်ဝါရီနောက်ဆုံးပတ်တွင် CP.ဆင်ဖြူတော်(၂၀-၁၂-၁၂)နှင့် ရွှေတောင်ပုလဲ(၄၆.၄%)များမှာ (၈၀၀၀၀)ကျပ်ရှိပြီး၊ ပန်းဖူးပုလဲ(၈၃၀၀၀)ကျပ်၊ မြှားကမ္ဘာ(၁၅း၉း၈)မှာ (၇၀၀၀၀)ကျပ်၊ စိုးမိုးမိုင်မူလလက်ဟောင်း၊ သံကွင်းစိမ်း၊ ပန်းနီဓါတ်မြေဩဇာများမှာ (၆၅၀၀၀)ကျပ်ရှိကြောင်း သိရှိရပါသည်။ သီးနှံဈေးနှုန်းများ မြှင့်တက်လာသောအခြေအနေတွင် ဓါတ်မြေဩဇာသွင်းအားစုများမှာလည်း မြှင့်တက်လာသော်လည်း စိုက်ပျိုးရာသီကျော်လွန်၍ တောင်သူများ၏ ဓါတ်မြေဩဇာဝယ်ယူမှု နည်းပါးလာသောကြောင့် အရောင်းအေးလျက်ရှိသည်ဟု သိရှိရပါသည်။

DOCA(ရှမ်း)

       အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဖေဖေါ်ဝါရီလ (၂၅)ရက်နေ့မှ မတ်လ(၃)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၅၀၀ မှ ၇၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၈၀၀ မှ ၁၃၀၀ အတွင်း၊ ပန်းဂေါ်ဖီ(ထုပ်)ကျပ် ၅၀၀ မှ ၇၀၀ အတွင်း၊ အာလူး(ပိဿာ)ကျပ် ၉၀၀ မှ ၂၃၀၀ အတွင်း၊ မုန်လာဥနီ(ပိဿာ) ကျပ် ၇၀၀ မှ ၁၇၀၀ အတွင်း၊ ရွှေဖရုံသီး(လုံး)ကျပ် ၇၀၀ မှ ၁၅၀၀ အတွင်း၊ ဗူးသီး(လုံး) ကျပ် ၅၀၀ မှ ၉၀၀ အတွင်း၊ မုန်ညှင်း(ထုပ်)(ပိဿာ)ကျပ် ၅၀၀ မှ ၁၂၀၀ အတွင်း၊ ကြက်သွန်နီ(ဆိပ်ဖြူ)ကျပ် ၉၀၀ မှ ၁၄၀၀ အတွင်း၊ ကြက်သွန်ဖြူ(ရှမ်း)(ပိဿာ) ၂၃၀၀ မှ ၂၉၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၂၂၀၀ မှ ၃၅၀၀ အတွင်း၊ ချင်း(ပိဿာ)ကျပ် ၅၀၀ မှ ၁၂၀၀ အတွင်း၊ ဆလပ်ရွက်(စီး) ကျပ်၁၀၀ မှ ၁၅၀ အတွင်း၊ ချဉ်ပေါင်ရွက်(စီး) ကျပ် ၇၀ မှ ၁၅၀ အတွင်း၊ ခရမ်းသီး(ရှည်)(လုံး)ကျပ် ၁၀၀ မှ ၂၀၀ အတွင်း၊ သံပရာသီး(လုံး)ကျပ် ၁၀၀ မှ ၂၀၀ အတွင်း၊ ငရုတ်သီးစိမ်း(ကျောက်စိမ်း)(ပိဿာ) ၅၀၀ မှ ၈၀၀ အတွင်း၊ ဖရဲသီး(အကြီး၊ အလတ်၊ အသေး)ကျပ် ၁၄၀၀ မှ ၂၂၀၀ အတွင်းဖြစ်ကြောင်း သိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီး အလုံးပေါင်း (၄၁၃၀၀)ကျော်၊ ခရမ်းသီး(ရှည်)(လုံး) (၉၇၀၀)ကျော်၊ ဗူးသီးအလုံးပေါင်း (၂၅၈၀၀) ကျော်၊ ရွှေဖရုံသီးအလုံးပေါင်း (၇၃၀၀)ကျော်၊ ဂေါ်ဖီထုပ်ပေါင်း (၁၂၅၀၀)ကျော်၊ ပန်းဂေါ်ဖီထုပ်ပေါင်း (၁၅၀၀၀)ကျော်၊ မုန်ညှင်းထုပ်(ပိဿာ)ပေါင်း (၇၅၀၀)ကျော်၊ ဖရဲသီးလုံးပေါင်း (၁၁၄၀၀)ကျော် အသီးသီးကုန်အဝင်ရှိကြောင်း သိရပါသည်။

DOCA(ရန်ကုန်)

            အောင်လံကုန်စည်ဒိုင်တွင် နှမ်း(စမုံနက်)ဈေးနှုန်းမှာ ယခင်အပတ်(၄၅ပိဿာ) (၁၅၀၀၀ဝိ/-၊ ၁၆၀၀၀ဝိ/-၊၁၇၀၀၀ဝိ/-) ဈေးရှိခဲ့ပြီး အပြောင်းအလဲမရှိဘဲ နှမ်း(စမုံနက်)အိတ်(၁၁၅၀)အိတ် အရောင်းအဝယ်ဖြစ်ကြောင်းသိရှိရပါသည်။အရောင်းအဝယ်များမှာ နှမ်း(ပြာ)(၄၅)ပိဿာ ယခင်အပတ် (၁၃၀၀၀ဝိ/-)၊ ယခုအပတ်တွင် (၁၄၀၀၀ဝိ/-)ဖြစ်၍ (၃)တင်းတစ်အိတ်လျှင်(၁၀၀၀ဝိ/-)ကျပ် ဈေးမြင့်တက်ခဲ့ပါသည်။ နှမ်းဖြူမှာ ယခင်အပတ် (၄၅ပိဿာ)(၁၃၅၀၀ဝိ/-)ဖြစ်ပြီး ယခုအပတ်(၁၄၀၀၀ဝိ/-)ဖြစ်၍ (၃)တင်း တစ်အိတ်လျှင်(၅၀၀ဝိ/-)ကျပ်ဈေးမြင့်ခဲ့ပြီး အရောင်းအဝယ်ဖြစ်မှုအနေဖြင့် နှမ်းပြာ(၆၃၀)အိတ်၊ နှမ်းနီ(၂၁၀) အိတ်၊ နှမ်းဖြူ(၁၃၀)အိတ်ဖြစ်ကြောင်းသိရှိရပါသည်။

            ပဲမျိုးစုံအနေဖြင့် ဈေးကွက်မှာ ပဲစဉ်းငုံ(နီ) ယခင်အပတ်(၄၂၂၀ဝိ/)ရှိခဲ့ပြီး ယခုအပတ် (၄၃၈၀ဝိ/-) ဖြစ်၍ (၁၆၀ဝိ/-)ဈေးနှုန်းမြင့်တက်ခဲ့ပြီး အိတ်(၁၅၀၀)အရောင်းအဝယ်ဖြစ်ခဲ့ပါသည်။ မတ်ပဲမှာ ယခင်အပတ်(၄၀၅၀ဝိ/-)ရှိခဲ့ပြီး ယခုအပတ်(၄၄၀၀ဝိ/-)ဖြစ်၍ (၃၅၀ဝိ/-)ကျပ်ဈေးမြင့်၊ ကုလားပဲ (H.L) ယခင်အပတ်(၄၀၀၀ဝိ/-) ယခုအပတ်(၄၁၅၀ဝိ/-)ဖြစ်၍ (၁၅၀ဝိ/-)ကျပ်ဈေးမြင့်၊ ပဲကြီးယခင်အပတ် (၄၈၀၀ဝိ-၅၃၀၀ဝိ)ကြားရှိခဲ့ပြီး ယခုအပတ် (၅၆၀၀ဝိ-၆၀၀၀ဝိ)ဖြစ်၍ (၇၀၀ဝိ-၈၀၀ဝိ)ကျပ်ဈေးမြင့်၊ မြေပဲ(လုံးဆံနီ)တစ်ပိဿာ ယခင်အပတ်(၃၀၅ဝိ/-)ယခုအပတ်(၃၅၀ဝိ/-)ဖြစ်၍ (၄၅ဝိ/-)ကျပ်ဈေးမြင့်၊ မြေပဲ(လုံးဆံဖြူ)တစ်ပိဿာ ယခင်အပတ်(၃၁၀ဝိ/-)ယခုအပတ်(၃၅ဝဝိ/-)ဖြစ်၍ (၄၀ဝိ/-)ကျပ်ဈေးမြင့်၊ ဘိုကိတ်(ဖြူ)နှင့်(ပြာ)မှာ ဈေးနှုန်းပြောင်းလဲမှုမရှိကြောင်း သိရပါသည်။ အရောင်းအဝယ်ဖြစ်မှုအနေဖြင့် ပဲကြီး(၉၀ဝ)အိတ်၊ ကုလားပဲ(၃၂၀)အိတ်၊ မြေပဲ(လုံးဆံဖြူ)(၅၃၀)အိတ်၊ မြေပဲ(လုံးဆံနီ)(၃၂၀)အိတ်၊ မတ်ပဲ(၁၈၀)အိတ်ဖြစ်ကြောင်း သိရှိရပါသည်။

            ဝါသီးနှံမှာ ယခင်အပတ်တစ်ပိဿာ (၁၈၅ဝိ-၁၉၅ဝိ)ဖြစ်ပြီး ယခုအပတ်(၁၈၀ဝိ-၁၉၀ဝိ)ရှိသည့် အတွက် (၅ဝိ/-)ကျပ်ဈေးလျော့ခဲ့ပြီး ပိဿာချိန်(၃၈၀၀ဝ)ခန့်အရောင်းအဝယ်ဖြစ်ခဲ့ကြောင်း ကုန်သည်ထံမှ သိရှိခဲ့ရပါသည်။

DOCA(မကွေး)

              ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်ရှိ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံ ဦးအောင်နိုင်ဦးနှင့် ဝန်ထမ်းများသည် ဂန္ဓမာပန်း စိုက်ပျိုးထုတ်လုပ်မှုနှင့် ဈေးနှုန်းဈေးကွက်အခြေအနေများအား သိရှိနိုင်ပါရန် ဝါးတောအုပ်စု၊ ဆည်ကြီးကုန်းကျေးရွာသို့ (၂၁.၂.၂၀၂၂) ရက်နေ့ နေလည် (၁:၃၀)အချိန်တွင် ကွင်းဆင်းလေ့လာ ဆောင်ရွက်ခဲ့ပါသည်။

          ရွှေတောင်မြို့နယ်တွင် ဂန္ဓမာပန်းစိုက်ဧကမှာ ၃၀၀ကျော်ရှိပြီး ဝါးတောအုပ်စုတွင် ဧက (၄၀)ခန့်စိုက်ပျိုးထားပါသည်။ ဂန္ဓမာပန်းစိုက်ပျိုးရာတွင် တစ်ဧကလျှင် အပင်(၁)သိန်းကျော် စိုက်ပျိုးနိုင်ပြီး အပင်ရှစ်သောင်းခန့်သာရောင်းတန်းဝင်သော ပန်းပင်များဖြစ်ပါသည်။ ဂန္ဓမာပန်း၏ (၁)ဧကစိုက်ပျိုးထုတ်လုပ်ကုန်ကျစရိတ်မှာ (၂၅)သိန်းခန့်ကုန်ကျပြီး တစ်ဧကလျှင် အပင် ရှစ်သောင်း ခန့်ထွက်ရှိပါသည်။ ဈေးနှုန်းအနေဖြင့် အပင်၁ပင်လျှင် ၆၀ ကျပ်မှ ၁၂၀ကျပ်ထိ ဈေးရရှိသဖြင့် တစ်ဧကအကျိုးအမြတ်မှာ ၂၃သိန်း မှ သိန်း၇၀အထိ ရရှိကြောင်းသိရှိရပါသည်။

          ရွှေတောင်မြို့နယ်၊ ဝါးတောအုပ်စု၊ ဆည်ကြီးကုန်းကျေးရွာတွင် ဂန္ဓမာပန်းကို မိသားစုတစ်ပိုင်တနိုင်ဝင်ငွေရရှိနိုင်ရန် ဧကလိုက်မစိုက်ပျိုးဘဲ အများဆုံးစိုက်ပျိုးဧကမှာ (၂၅)ဧကသာ စိုက်ပျိုးကြောင်းသိရှိရပြီး စိုက်ပျိုးထုတ်လုပ်ကုန်ကျစရိတ်မှာ ၆၂၀၀၀၀ကျပ်ခန့်ကုန်ကျပြီး ပန်းပင် အရေအတွက်မှာ (၂)သောင်းကျော်ခန့်ထွက်ရှိပြီး တစ်ပင်ကို ၆၀ကျပ်ဖြင့်ရောင်းချပါသည်။ ထွက်ရှိသော ဂန္ဓမာပန်းများကို ရန်ကုန်မြို့ရှိ သီရိမင်္ဂလာဈေးနှင့် ပြည်မြို့ရှိဈေးကွက်များသို့ ရောင်းချပါသည်။ ဂန္ဓမာပန်းသည် အကျိုးအမြတ်များသောပန်းဖြစ်သဖြင့် ရွှေတောင်မြို့နယ်အပြင် အခြားမြို့နယ်များပါ စိုက်ပျိုးမည်ဆိုပါက ပန်းစိုက်တောင်သူများအနေဖြင့် မိသားစု တပိုင်တနိုင်ဝင်ငွေအပြင် ဧကတိုးချဲ့စိုက်ပျိုးနိုင်ပါက အကျိုးအမြတ်ပိုမိုရရှိမည်ဖြစ်ကြောင်း သိရှိရပါသည်။

DOCA(ပဲခူး)