ပြည်တွင်းကုန်သွယ်မှုသတင်း

  ပဲခူးတိုင်းဒေသကြီးသည် နှစ်ရှည်သီးနှံပင်များ ၊ ကာလတိုပင်များအား စီးပွားဖြစ်စိုက်ပျိုးသူများရှိသလို   တစ်နိုင်တစ်ပိုင် စိုက်ပျိုးရောင်းချသူများလည်းရှိရာ ကီလိုမာလကာစိုက်ပျိုးရောင်းချသူများအနေဖြင့် ဝယ်လိုအားကောင်းပြီး ဈေးကောင်းရ၍ အဆင်ပြေလျက်ရှိကြောင်း သိရှိရပါသည်။

    ကီလိုမာလကာပင်သည် အစေ့မှစိုက်လျှင် အပင်သန်စွမ်းမှုနှင့် ကိုင်းခြားထွက်ရှိမှုအပေါ် မူတည်၍ ၆လမှ ၁ နှစ်အတွင်း အသီးစသီး၍ မြေထုတ်စည်းမျိုးပွားစိုက်လျှင်  ၄လမှ ၆လအတွင်း အသီးရရှိပြီး အသီးရရှိချိန်တွင် သီးထိုးယင်ကာကွယ်ရန်အတွက် အသီးများကို အိတ်စွပ်ပေးရပါသည်။ အပင်များ စိုက်ပျိုးရာတွင် လေဝင်လေထွက်ကောင်းပြီး အပင်များသန်မာစေရန် တစ်ပင်နှင့်တစ်ပင် ၁၀ ပေခြား၍ တစ်တန်းနှင့်တစ်တန်း ၁၅ ပေခြားကာ စိုက်ပျိုးရပြီး တစ်ဧကလျှင် အပင်၂၈၀- ၃၀၀ ခန့် စိုက်ပျိုး နိုင်ကြောင်း သိရှိရပါသည်။ မာလကာပင် တစ်ပင်မှ တစ်နှစ်လျှင် အသီး ၂၀၀ မှ ၃၀၀ ထိ ပျမ်းမျှထွက်ရှိပြီး  ၁ လုံးလျှင် လက်ကားဈေးအနေဖြင့် အလုံး အကြီး၊ အသေး ပေါ်မူတည်၍ ၃၀၀-၃၅၀ ကျပ်ဖြင့် ရောင်းချကြောင်းသိရှိပြီး ပြန်လည်‌ရောင်းချသူများအနေဖြင့် ၁ လုံးလျှင် ၅၀၀-၅၅၀ ဖြင့် ရောင်းချကြောင်း သိရှိရပါသည်။ ကီလိုမာလကာပင်သည် ပြုစုစောင့်ရှောက်ရသည်မှာ မခက်ခဲသလို အကြမ်းခံ၍ ကုန်ကျစရိတ်နည်းပါးသောကြောင့် စိုက်ပျိုးသင့်သောအသီးဖြစ်ကြောင်း သိရှိရပါသည်။

DOCA(ပဲခူး)

   ပဲခူးတိုင်းဒေသကြီး၊ သဲကုန်းမြို့နယ်၌ မြေပဲသီးနှံကို ယခင်နှစ်ကာလတူတွင် ဈေးကောင်းများစွာရရှိခဲ့ပြီး  ယခုအခါ မိုးမြေပဲ၊ ဆောင်းမြေပဲဟူ၍ ရာသီအလိုက် အဓိကထားစိုက်ပျိုးလျက်ရှိကြောင်းသိရပါသည်။ သဲကုန်းမြို့နယ်တွင် မြေပဲစိုက်ဧက (၅၀၀) ကျော်စိုက်ပျိုးအောင်မြင်ဖြစ်ထွန်းလျက်ရှိပြီး မြေပဲစိုက်တောင်သူများလည်းများပြားလာပါသည်။

   မြေပဲစိုက်ပျိုးရာတွင် တစ်ဧကကုန်ကျစရိတ်မှာ မြေပြုပြင်ခြင်း၊ မျိုး၊ စိုက်ပျိုးခြင်း၊ ဓာတ်မြေဩဇာ၊ ပိုးသတ်ဆေး၊ ရိတ်သိမ်း/ခြွေယူခြင်းအပါအဝင် စုစုပေါင်းကုန်ကျစရိတ် (၇၅၀၀၀၀) ကျပ်ခန့်ရှိပြီး၊ တစ်ဧကလျှင် အထွက်တင်း (၄၀) ခန့်ထွက်ရှိပါသည်။ ယခုအချိန်တွင် မြေပဲတောင့်တစ်တင်းလျှင် ပေါက်ဈေးမှာ (၄၀၀၀၀)ကျပ်ဖြစ်သဖြင့် တစ်ဧကလျှင် (၁၆၀၀၀၀၀) ကျပ်ခန့်ရရှိပြီး တစ်ဧကလျှင် အကျိုးအမြတ်မှာ (၈၅၀၀၀၀)ကျပ်ရှိကြောင်း သဲကုန်းမြို့နယ်၊ သစ်နီတောအုပ်စုတွင်နေထိုင်သော မြေပဲစိုက်တောင်သူတစ်ဦးထံမှသိရှိရပါသည်။

DOCA(ပဲခူး)

      တောင်ငူမြို့ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက်) အကောင်လိုက်ဈေး တစ်ပိဿာလျှင် ၁၆၀၀၀ ကျပ်၊ အသား သီးသန့် တစ်ပိဿာလျှင် ၂၀၀၀၀ ကျပ် ဖြင့် ဈေးနှုန်းတည်ငြိမ်နေပြီး စီပီကြက်မှာ ယခုလလယ်ပိုင်းက အခြမ်းလိုက်ဈေး တစ်ပိဿာလျှင် ၁၀၀၀၀ ကျပ်၊ အသားသီးသန့် တစ်ပိဿာလျှင် ၁၂၀၀၀ ကျပ်ရှိရာမှ ယခုလကုန်ပိုင်းတွင် တစ်ပိဿာလျှင် အကောင်လိုက်ဈေး ၉၀၀၀ ကျပ်၊ အခြမ်းလိုက်ဈေး ၁၀၀၀၀ ကျပ်ဖြင့် ဈေးနှုန်းအနည်းငယ် ကျဆင်းပါသည်။

     ဝက်သား(ရေလွတ်သား)မှာ ယခုလလယ်ပိုင်းက သုံးထပ်သား တစ်ပိဿာလျှင် ၁၄၀၀၀ ကျပ်၊ ပေါင်သား တစ်ပိဿာလျှင် ၁၅၀၀၀ ကျပ်၊ အသားသီးသန့် တစ်ပိဿာလျှင် ၁၈၀၀၀ ကျပ်ရှိပြီး ယခုလကုန်ပိုင်းတွင် သုံးထပ်သား တစ်ပိဿာလျှင် ၁၇၀၀၀ ကျပ်၊ ပေါင်သား တစ်ပိဿာလျှင် ၁၈၀၀၀ ကျပ်၊ အသားသီးသန့် တစ်ပိဿာလျှင် ၂၀၀၀၀ ကျပ်ရှိဖြင့် ဈေးအနည်းတက်ပါသည်။

    ငါးကြင်းမှာ အကောင်လိုက်ဈေး တစ်ပိဿာလျှင် ၈၀၀၀ ကျပ်အထိ၊ အသားသီးသန့် တစ်ပိဿာလျှင် ၁၀၀၀၀ ကျပ်အထိဖြင့် ဈေးနှုန်းတည်ငြိမ်နေပြီး ငါးကြင်းဖြူမှာ ယခုလလယ်ပိုင်းက အကောင်လိုက်ဈေး တစ်ပိဿာလျှင် ၁၄၀၀၀ ကျပ်၊ အမြီးလွတ်၊ ခေါင်းလွတ် တစ်ပိဿာလျှင် ၁၈၀၀၀ ကျပ်ရှိရာမှ ယခုလကုန်ပိုင်းတွင်  အကောင်လိုက်ဈေး တစ်ပိဿာလျှင် ၁၇၀၀၀ ကျပ်၊ အမြီး လွတ်၊ ခေါင်းလွတ် တစ်ပိဿာလျှင် ၂၀၀၀၀ ကျပ်ဖြင့် ဈေးအနည်းငယ်တက်ပါသည်။

    ငါးရံ့မှာ ယခုလလယ်ပိုင်းက အကောင်သေး တစ်ပိဿာလျှင် ၁၂၀၀၀ ကျပ်၊ အကောင်ကြီး တစ်ပိဿာလျှင် ၁၃၀၀၀ ကျပ်ရှိရာမှ ယခုလကုန်ပိုင်းတွင် တစ်ပိဿာလျှင် ၁၇၀၀၀ ကျပ်၊ ငါးခူမှာ ယခုလလယ်ပိုင်းက အကောင်သေး တစ်ပိဿာလျှင် ၁၃၀၀၀ ကျပ်၊ အကောင်ကြီး တစ်ပိဿာလျှင် ၁၅၀၀၀ ကျပ်ရှိရာမှ ယခုလကုန်ပိုင်းတွင် တစ်ပိဿာလျှင် ၂၀၀၀၀ ကျပ်ဖြင့် ဈေး နှုန်းအနည်းငယ်တက်ပါသည်။

      ယခုလလယ်ပိုင်းက ပုဇွန်ဆိတ် တစ်ပိဿာလျှင် ၁၀၀၀၀ ကျပ်၊ ပုဇွန်အသေးမှာ တစ်ပိဿာလျှင် ၂၀၀၀၀ ကျပ်၊ အလတ် တစ်ပိဿာလျှင် ၂၂၀၀၀ ကျပ်နှင့် အကြီး တစ်ပိဿာလျှင် ၂၄၀၀၀ ကျပ် ရှိရာမှ ယခုလကုန်ပိုင်းတွင် ပုဇွန်ဆိတ် တစ်ပိဿာလျှင် ၁၂၀၀၀ ကျပ်၊ ပုဇွန်အသေးမှာ တစ်ပိဿာလျှင် ၂၄၀၀၀ ကျပ်၊ အလတ် တစ်ပိဿာလျှင် ၃၀၀၀၀ ကျပ်နှင့် အကြီး တစ်ပိဿာလျှင် ၃၅၀၀၀  ကျပ်ဖြင့် ဈေးတက်ကြောင်း ညောင်ပင်ဈေးရှိ သားငါးအရောင်းဆိုင်များမှ သိရပါသည်။

DOCA(ပဲခူး)

      တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ ယခင်အပတ်က တစ်ပိဿာလျှင် ၁၇၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၆၀၀၀ ကျပ်၊ စားအုန်းဆီမှာ ယခင်အပတ်က တစ်ပိဿာလျှင် ၁၀၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၉၅၀၀ ကျပ်ဖြင့် ဈေးနှုန်းအနည်းငယ်ကျဆင်းပါသည်။

        ကြက်သွန်နီမှာ ယခင်အပတ်က တစ်ပိဿာလျှင် အသေး ၂၄၀၀ ကျပ်၊ အလတ် ၂၈၀၀ ကျပ်၊ အကြီး ၃၂၀၀ ကျပ်နှင့် တရုတ်ကြက်သွန်နီ ၃၂၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၂၂၀၀ ကျပ်၊ အလတ် ၂၆၀၀ ကျပ်၊ အကြီး ၃၀၀၀ ကျပ်နှင့် တရုတ်ကြက်သွန်နီ ၃၀၀၀ ကျပ်ဖြင့် ဈေးနှုန်းအနည်းငယ်ကျဆင်းပါသည်။

       ကြက်သွန်ဖြူမှာ ယခင်အပတ်က တစ်ပိဿာလျှင် အသေး ၈၀၀၀ ကျပ်၊ အလတ် ၉၀၀၀ ကျပ်နှင့် အကြီး ၁၀၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၈၀၀၀ ကျပ်၊ အလတ် ၈၅၀၀ ကျပ်နှင့် အကြီး ၉၀၀၀ ကျပ်ဖြင့် ဈေးနှုန်းပြန်လည်ကျဆင်းပြီး တရုတ် ကြက်သွန်ဖြူ ၉၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

     အာလူးမှာ တစ်ပိဿာလျှင် အသေး ၂၂၀၀ ကျပ်၊ အလတ် ၂၅၀၀ ကျပ်၊ အကြီး ၃၀၀၀ ကျပ်ဖြင့် ဈေးနှုန်းတည်ငြိမ်နေပြီး တရုတ်အာလူးမှာ ယခင်လက တစ်ပိဿာလျှင် ၃၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၃၀၀၀ ကျပ်ဖြင့် ဈေးနှုန်းကျဆင်းပါသည်။

    ငရုတ်သီးခြောက် အပုမှာ တစ်ပိသာလျှင် ၁၆၀၀၀ ကျပ်မှ ၁၈၀၀၀ ကျပ်၊ ငရုတ်သီးခြောက် အရှည်မှာ ၁၆၀၀၀ ကျပ်မှ ၁၈၀၀၀ ကျပ်၊ ငရုတ်သီးခြောက် အပွမှာ တစ်ပိဿာလျှင် ၂၃၀၀၀ ကျပ်မှ ၂၅၀၀၀ ကျပ်ဖြင့် ဈေးနှုန်းတည် ငြိမ်နေပါသည်။

   မြေပဲဆံ(အနီ)မှာ ယခင်အပတ်က တစ်ပိဿာလျှင် ၉၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၉၅၀၀ ကျပ်၊ မြေပဲဆံ (အဖြူ)မှာ ယခင်အပတ်က တစ်ပိဿာလျှင် ၈၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၈၆၀၀ ကျပ်ဖြင့် ဈေးနှုန်းအနည်းငယ်တက်ခဲ့ပါသည်။ ကုလားပဲခြမ်းမှာ တစ်ပိဿာလျှင် ၆၅၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၆၃၀၀ ကျပ်ဖြင့် ဈေးနှုန်းအနည်းငယ်ကျဆင်းပြီး ကုလားပဲလုံးမှာ တစ်ပိဿာလျှင် ၆၀၀၀ ကျပ်ရှိ ကြောင်းနှင့် အရောင်းအဝယ်မှာ ပုံမှန်အတိုင်းရှိကြောင်း သိရပါသည်။

DOCA(ပဲခူး)

      ပဲခူးတိုင်းဒေသကြီး၊ တောင်ငူမြို့တွင် ယခင်အပတ်က 92 92 RON တစ်လီတာလျှင် ၂၂၈၅ ကျပ်၊ 95 RON တစ်လီတာလျှင် ၂၄၀၀ ကျပ်၊ ဒီဇယ် တစ်လီတာလျှင် ၂၅၀၅ ကျပ်နှင့် ပရီမီယံဒီဇယ် တစ်လီတာလျှင် ၂၅၇၅ ကျပ်ရှိပါသည်။

      ယခုအပတ်တွင် တောင်ငူမြို့ ဖြိုးဝေကျော်စက်သုံးဆီဆိုင်၌ 92 RON တစ်လီတာလျှင် ၂၃၅၀ ကျပ်၊ 95 RON တစ်လီတာလျှင် ၂၄၆၅ ကျပ်၊ ဒီဇယ် တစ်လီတာလျှင် ၂၅၅၅ ကျပ်နှင့် ပရီမီယံဒီဇယ် တစ်လီတာလျှင် ၂၆၃၀ ကျပ်ရှိပါသည်။

   အုတ်တွင်းမြို့ Petro-K စက်သုံးဆီအရောင်းဆိုင်တွင်  92 RON တစ်လီတာလျှင် ၂၃၄၅ ကျပ် ၊ 95 RON တစ်လီတာလျှင် ၂၄၆၅ ကျပ်၊ ဒီဇယ် တစ်လီတာ လျှင် ၂၅၅၅ ကျပ်နှင့် ပရီမီယံဒီဇယ် တစ်လီတာလျှင် ၂၆၃၀ ကျပ် ရှိပါသည်။

   ရေတာရှည်မြို့ အောင်မေတ္တာ စက်သုံးဆီအရောင်းဆိုင်တွင်  92 RON တစ်လီတာလျှင် ၂၃၅၀ ကျပ်၊ 95 RON တစ်လီတာလျှင် ၂၄၇၀ ကျပ်၊ ဒီဇယ် တစ်လီတာလျှင် ၂၅၆၀ ကျပ်နှင့် ပရီမီယံဒီဇယ် တစ်လီတာလျှင် ၂၆၃၅ ကျပ် ရှိပါသည်။

   သို့ဖြစ်၍ ယခုအပတ်တွင် 92 RON နှင့် 95 RON တစ်လီတာလျှင် ၆၅ ကျပ်၊ ဒီဇယ်မှာ တစ်လီတာလျှင် ၅၀ ကျပ်နှင့် ပရီမီယံဒီဇယ်မှာ  တစ်လီတာလျှင် ၅၅ ကျပ်ခန့် ဈေးနှုန်းမြင့်တက်ကြောင်း သိရပါသည်။

DOCA(ပဲခူး)