ပြည်တွင်းကုန်သွယ်မှုသတင်း

    အသီးအနှံတို့၏ ဘုရင်ဟု တင်စားခေါ်ဝေါ်ကြသည့်ဒူးရင်းသီးသည်    မြန်မာ့ဈေးကွက်တွင်ရာသီပေါ်သီးနှံအဖြစ်ပေါ်ပေါက်လာပြီးနောက်ပိုင်းတွင် ရောင်းအားကောင်းမွန်လျက်ရှိသည်။   မွန်ပြည်နယ်မှ အဓိကထွက်ရှိသော ဒူးရင်းသီးများသည် ယခုနှစ်တွင် အထွက်နှုန်းကောင်းမွန်ပြီး ဝယ်လိုအားမြင့်မားမှုကြောင့် ဈေးနှုန်းများမြင့်တက်နေသည်ဟု သိရှိရသည်။  လက်ရှိဈေးကွက်တွင် ဒူးရင်းသီးတစ်လုံးလျှင်အရွယ်အစားအလိုက် ၁၅၀၀၀၀ကျပ်မှ ၄၀၀၀၀၀ကျပ်အထိပေါက်ဈေးရှိနေသည်။ အထူးသဖြင့် မွန်ဒူးရင်းသီးနှင့် ကရင်ဒူးရင်းသီးများသည်ဈေးကွက်တွင် လူကြိုက်များပြီးရောင်းအားအကောင်းဆုံးဖြစ်သည်။

    ဒူးရင်းသီးရာသီသည်  ဇွန်လမှ ဩဂုတ်လအထိ အထွက်များလေ့ရှိပြီး ယခုနှစ်တွင် မိုးအစောပိုင်းရွာသွန်းမှုကြောင့် ဒူးရင်းသီးအထွက်နှုန်းမှာ ပုံမှန်အတိုင်းရှိသည်ဟု ဒူးရင်းစိုက်တောင်သူများကပြောသည်။     သို့သော် မြန်မာနိုင်ငံသားများသာမက ပြည်ပမှဝယ်ယူသူများ      အထူးသဖြင့် တရုတ်နိုင်ငံမှဝယ်လိုအားမြင့်တက်လာခြင်း ကြောင့်ဈေးနှုန်းများမှာယခင်နှစ်များထက် ပိုမိုမြင့်တက်လာခြင်းဖြစ်ကြောင်း    ဒူးရင်းကုန်သည်များက သုံးသပ် ပြောကြားပါသည်။    အနံပြင်းသော်လည်း အရသာထူးကဲမှုကြောင့် လူကြိုက်များပြီး   ဒူးရင်းသီးစိုက်ပျိုးသူများအတွက်လည်း စီးပွားရေးကောင်းသောသီးနှံတစ်မျိုးဖြစ်နေရခြင်းဖြစ်ပါသည်။

( DOCA ဧရာဝတီ)

   ဧရာဝတီတိုင်းဒေသကြီး၊ ပုသိမ်ခရိုင် ပုသိမ်မြို့ဈေးအတွင်း ရောင်းချလျက်ရှိသော ကြက်သွန် နီ လက်လီဈေးနှုန်းများမှာ ဇွန်လတတိယပတ်မှ ဇွန်လနောက်ဆုံးပတ်ထိ ကြက်သွန်နီ အကြီး တစ်ပိဿာလျှင် ၂၀၀၀/ကျပ်၊ အသေး တစ်ပိဿာလျှင် ၁၅၀၀/ကျပ် ဈေးနှုန်းဖြင့် လက်လီ ရောင်းချခဲ့ပါသည်။ လက်ကားဈေးနှုန်းအနေဖြင့် အချိန်(၁၀)ပိဿာမှ စတင်၍ အိတ်လုံးဈေး ကြက်သွန်နီ အကြီး တစ်ပိဿာလျှင် ၁၉၀၀/ကျပ်၊ ကြက်သွန်နီအလတ် တစ်ပိဿာ လက်ကားဈေးနှုန်းမှာ ၁၆၀၀/ကျပ် ကြက်သွန်နီ အသေး လက်ကားဈေးနှုန်း တစ်ပိဿာလျှင် ၁၃၀၀/ကျပ် ဈေးနှုန်းဖြင့် ဈေးငြိမ်နေပြီး ဇူလိုင်လဆန်းတွင် ကြက်သွန်နီ ဈေးနှုန်းများ ကျဆင်းသွားပြီး ကြက်သွန်နီ(အကြီး) ၁၆၀၀/ကျပ်ဈေး သို့ ကျဆင်းသွားခဲ့ပြီး ဇူလိုင်လတတိယပတ်တွင် ကြက်သွန်နီ ဈေးနှုန်းများ ၁၈၀၀/၂၀၀၀ ကျပ် ဈေး နှုန်းသို့ မြင့်တက်သွားကြောင်း ဈေးကွက်အတွင်းမှ သိရှိရပါသည်။

          အာလူးဈေးကွက် ရောင်းချမှုအနေဖြင့် အာလူးတစ်ပိဿာလျှင် ဇွန်လတတိယပတ်တွင် ၄၀၀၀/ကျပ်ဈေးရှိခဲ့သော်လည်း ယခု ဇူလိုင်လ စတုတ္တပတ်တွင်လည်း အာလူးဈေးနှုန်းများမှာ ၅၅၀၀/ကျပ် ဈေးဖြင့် ရောင်းချမှုရှိပြီး ဈေးနှုန်းအနည်းငယ်မြင့်တက်လာကြောင်း သိရှိရပါသည်။

DOCA(ဧရာဝတီ)

     ငရုတ်သီးကို နေရာဒေသအနံ့အပြား ပေါက်ရောက်နိုင်သည်၊ နှုံးတင်မြေနုမြေတွင်ပိုမိုဖြစ်ထွန်းပါသည်။ပြည်တွင်း ဒေသအသီးသီးမှ မှငရုတ်သီးစိမ်းများ မတ်လတွင် ထွက်ရှိပါသည်၊ ယခင်ဈေးကွက်တွင် တစ်ပိသာ ၂၀၀၀ဝိ/ မှ ၂၂၀၀ဝိ၊ ယခုဈေးကွက်တွင် တစ်ပိသာ ၅၀၀ဝိ/မှ ၆၀၀ဝိ/ဈေးရှိပါသည်။ ငရုတ်သီးအခြောက်ယခင်ဈေးကွက်တွင် တစ်ပိသာ ၁၈၀၀ဝိ/မှ၂၀၀၀ဝိ၊ ယခုဈေးကွက်တွင် တစ်ပိသာ ၅၀၀ဝိ/မှ ၆၀၀ဝိ/ဈေးရှိပါသည်။ ဧရာဝတီတိုင်းဒေသကြီးတွင် ဟင်္သာတခရိုင်နှင့် မအူပင်ခရိုင်တို့မှ အများဆုံးထွက်ရှိပါသည်။

( DOCA ဧရာဝတီ)

    ဂေါ်ရခါးညွှန့်သည် ကယ်လိုရီနည်းသော၊ အမျှင်ဓာတ်ကြွယ်ဝပြီး ဗီတာမင်နှင့် သတ္တုဓာတ်များ ကြွယ်ဝသော ဟင်းသီးဟင်းရွက်ဖြစ်ပါသည်။ ဂေါ်ရခါးညွှန့်တွင် သံဓာတ်နှင့် သွပ်ဓာတ်မြင့်မားစွာ ပါဝင်သည်။ သံဓာတ်နှင့် ဇင့်တို့သည် လူ့ခန္ဓာကိုယ်အတွက် အရေးကြီးသော သတ္တုဓာတ်များ ဖြစ်သည်။ ဂေါ်ရခါးညွှန့်သည် အမျှင်ဓာတ်လည်းကြွယ်ဝသည်။ ဂေါ်ရခါးညွှန့်ဟာ နှလုံးအတွက် အထောက်အကူဖြစ်ပြီး ကင်ဆာရောဂါကို ကာကွယ်နိုင်ပါတယ်။ ဂေါ်ရခါးညွှန့်မှာပါဝင်တဲ့ အာဟာရဓာတ်တွေက ခန္ဓာကိုယ်အတွက် အကျိုးကျေးဇူးအများကြီးရနိုင်ကြောင်း သိရပါသည်။

     အဆိုပါ မိုးရာသီအချိန်တွင် ဂေါ်ရခါးပင်၌ ဂေါ်ရခါးသီးများသာမက ဂေါ်ရခါးညွှန့်လေးများလည်း အညွှန့်တလူလူနှင့် လတ်ဆတ်စွာ ရရှိသည့်အပြင် ကျန်းမာရေးအတွက် အလွန်အကျိုးရှိပြီး ဈေးသက်သာတဲ့ ဟင်းတစ်ခွက်ရရှိမှာဖြစ်ပါတယ်။ ဒါကြောင့် မိုးအေးအေးနှင့် လိုက်ဖက်သည့်အပြင် ကျန်းမာရေးကို အထောက်အကူရစေသည့် ဂေါ်ရခါးညွှန့်များအား သောက်ဆမ်းချက်စားလို့လဲရသလို ကြော်ချက်ကလေး ချက်စားလို့လဲရပါတယ်။ အခုအခါ ဟော့ပေါ့ထဲတွင်လည်း ကျန်းမာရေးအမယ်တစ်ခုအဖြစ် ထည့်ပြုတ်စားနေကြပြီဖြစ်ပါတယ်။ ဈေးကွက်ထဲတွင် တစ်စီးလျှင် (၂၀၀၀)ကျပ်ဖြင့်ရောင်းချလျက်ရှိပြီး ရာသီစာကလေးဖြစ်သည့်အတွက် အရောင်းသွက်လျက်ရှိကြောင်းနှင့် စားသုံးရန်အထူးသင့်တော်ပါကြောင်း သိရပါသည်။

( DOCA ဧရာဝတီ)

    ထောပတ်မျိုးစိတ်များစွာထဲမှာမှ Hassထောပတ်သီးသည် နိုင်ငံခြားကိုင်းဆက်သီးဖြစ်ပြီး ထောပတ်ဘုရင်ဆိုပြီး တင်စားလောက်အောင် အရသာမှာဆိမ့်ပြီး နူးညံ့အိစက်စားကောင်းပါသည်။အလုံးအ ရွယ်အစားမှာ ပုံမှန်ဒေသထောပတ်သီးထပ်သေးပါသည်။ အစေ့သေးပြီး အသားပြည့်ပါသည်။အ  မျှင်မပါပဲစားလို့ အဆင်ပြေကြ၍ ယခုဈေးကွက်ထဲတွင် ရောင်းအားကောင်းလျက်ရှိပါသည်။ကိုင်း ဆက်သီးမို့kgဖြင့် ရောင်းချလျက်ရှိပါသည်။ဈေးနူန်းသည်အရွယ်အစားပေါ်မူတည်ပြီး ဈေးအမျိုးမျိုး ရှိပါသည်။

    ယခုဧရာဝတီတိုင်း၊ ပုသိမ်မြို့ရှိဈေးထဲနှင့် သစ်သီးဆိုင်များတွင် ရောင်းချလျက်ရှိသော ဈေးနှုန်းများမှာ Babyhassဆိုသည့် အသေးလေးတွေကို 1kg ၄၀၀၀ကျပ်/ ၁၄လုံးဝန်ရပြီး Premium size 1kg ၇၀၀၀ကျပ် /၁၀လုံးဝန်ကျင်ရပါသည်။ Grade A size1kg ၁၀၀၀၀ကျပ်ထိ ရောင်းလျက်ရှိပါသည်/ ၆လုံးဝန်ကျင်ရပါသည်။ယခုအချိန်တွင် hassထောပတ်များကို onlineဈေးကွက်တွင် တွင်ကျယ်စွာ ရောင်းချလျက်ရှိနေပါသည်။1k တွင် အလေးချိန်ကျပ်သား ၆၀ကျပ်သားဝန်းကျင်ဖြစ်ပါသည်။  ထောပတ်သီးသည် ကျန်းမာရေးအတွက် အကျိုးကျေးဇူးများစွာရှိပါသည်။hassထောပတ်များကို ရှမ်းပြည်နယ်ရှိ ထောပတ်ခြံများမှ တိုက်ရိုက်ဝယ်ယူရောင်းချသည်ဟု သိရပါသည်။

( DOCA ဧရာဝတီ)