ပြည်တွင်းကုန်သွယ်မှုသတင်း

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် အခြေခံစားကုန်ဈေးနှုန်းများကို အပတ်စဉ်တင်ပြလျက်ရှိပါသည်။ စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် ရောင်းချသည့် ကြက်ဥ၊ ငုံးဥများကို ယခင်က ဒေသတွင်းအပြင် ကန့်ဘလူခရိုင် ဇီးကုန်းမြို့နှင့် မန္တလေးမြို့တို့မှ သယ်ယူရောင်းချကြသော်လည်း ယခုအချိန်တွင် ဒေသတွင်း ဥစားကြက်များ မွေးမြူနိုင်ခြင်းမရှိသည့်အပြင် ကန့်ဘလူခရိုင် ဇီးကုန်းမြို့မှလည်း ဝင်ရောက်မှုမရှိသဖြင့် မန္တလေးမြို့မှ အဓိကမှာယူရောင်းချကြပါသည်။ ရွှေဘိုမြို့၌ ဇူလိုင်လ၊ စတုတ္ထအပတ်တွင် ရောင်းချသည့် ကြက်ဥဈေးနှုန်းများမှာ အရွယ်အစား အကြီး၊ အသေးပေါ်မူတည်၍ တစ်လုံးလျှင် (၄၃ဝိ/-)ကျပ်၊ (၄၅ဝိ/-) ကျပ်၊ (၅၀ဝိ/-)ကျပ်နှင့် (၅၅ဝိ/-)ကျပ်ဖြင့် ရောင်းချလျက်ရှိပြီး ငုံးဥ(၂၅)လုံးလျှင်(၂၀၀ဝိ/-)ကျပ်ဖြင့် ရောင်းချကြကြောင်း၊ တစ်ခါတစ်ရံတွင် ရွှေဘို၊ မန္တလေးကားလမ်းပိတ်ခြင်းများရှိသဖြင့် လမ်းခရီတွင် အချိန်ကြန့်ကြာမှုရှိ၍ ကြက်ဥ၊ ငုံးဥ ပုတ်ခြင်းများရှိကြောင်း၊ ကြက်ဥ၊ ငုံးဥများမှာ ဒေသတွင်းစားသုံးမှုများသဖြင့် ပုံမှန်အရောင်းအဝယ်ဖြစ်လျက်ရှိကြောင်း ရောင်းချသူများထံမှ သတင်းရရှိပါသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့တွင် မိသားစုစားဝတ်နေရေးအတွက် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ဩဇာသီး၊ ငှက်ပျောသီး၊ စပျစ်သီး၊ သခွားမွှေးသီး၊ ကျောက်သခွားမွှေးသီး၊ ပန်းသီး၊ ပန်းသစ်တော်သီး၊ သင်္ဘောသီး၊ မင်းဂွတ်သီး၊  ဒညှင်းသီး  နှင့် ဖရဲသီးများကို  မိမိတို့ ဒေသထွက် နှင့် မန္တလေးမြို့၊ လားရှိုးမြို့တို့မှ မှာယူ ရောင်းချလျက်ရှိကြောင်း သိရသည်။

   ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ဖြစ်ပေါ်နေသော ကျွန်းလှမြို့၏ ကျောက်သခွားမွှေး သီး၏ ဈေးနှုန်းများမှာ ကျောက်သခွားမွှေးသီး အကြီး(၁)လုံးလျှင်(၅၅၀၀)ကျပ်၊ ကျောက်သခွားမွှေးသီး အသေး(၁)လုံးလျှင်(၃၅၀၀)ကျပ်ဈေးနှုန်းတို့ဖြင့်လည်းကောင်း စပျစ်သီး ဈေးနှုန်းများမှာ စပျစ်သီး ထိုင်ဝမ် အလုံးကြီး တစ်ပိဿာ(၃၃၀၀၀)ကျပ်၊ စပျစ်သီး အလုံးသေး တစ်ပိဿာလျှင်(၂၀၀၀၀)ကျပ်၊ စပျစ်သီး(၅၀)ကျပ်သားလျှင်(၁၀၀၀၀)ကျပ် ဈေးနှုန်းတို့ဖြင့်‌ အရောင်းအဝယ်ဖြစ်လျက်ရှိကြောင်း သစ်ရာမြိုင်ဈေးတိုက်တန်းတွင် သစ်သီးမျိုးစုံ ရောင်းချနေသော ဈေးသည်ထံမှ သိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်နှင့် အနီးတစ်ဝိုက်ဒေသများဖြစ်သော ကျွဲရဲ၊ မအူ၊ ဘုမ္မနိုး၊ ညောင်ဖြူပင်၊ အမြင့်ကျေးရွာများမှ သီးနှံစိုက်တောင်သူများသည် စားဖိုဆောင် သီးနှံဖြစ်သည့် ဆူးပုတ်သေးနှင့် ဆူးပုတ်ကြီးပင်များကို စီးပွားဖြစ် စိုက်ပျိုးလျက်ရှိပါသည်။  ၂၀၂၅ခုနှစ်၊ ဇူလိုင်လ စတုတ္ထပတ်၌ ချင်းတွင်းရတနာဈေး၊ မန်းကျည်းပင်ဈေး၊ ဗန္ဓုလဈေး၊ သာစည်ဈေး၊ ပြည်ထောင်စု ဈေးနှင့်  ဝန်ထမ်း အိမ်ရာရှိ နန္ဒဝန် ဈေးသစ်တို့တွင် ရောင်းချနေသော ဆူးပုတ်သေးများအနေဖြင့် (၁၀) ကျပ်သားလျှင် ( ၉၀၀) ကျပ်ဖြင့်လည်းကောင်း၊ ( ၁ )ပိဿာလျှင် (၈၀၀၀)ကျပ်ဖြင့်လည်းကောင်း၊ ဆူးပုတ်ကြီး( ၃) စည်းပါ တစ်ထုံးလျှင် ( ၅၀၀) ကျပ်ဖြင့် လည်းကောင်း ရောင်းချလျက်ရှိကြောင်း ကုန်စိမ်း ရောင်းချသူ ဈေးသည်တစ်ဦးထံမှ သိရသည်။

DOCA(စစ်ကိုင်း)

     မန္တလေးတိုင်းဒေသကြီး၊မိတ္ထီလာခရိုင်၊ သာစည်မြို့နယ်သည် လယ်ယာထွက် ကုန်သီးနှံစိုက်ပျိုး ဖြစ်ထွန်းလျက်ရှိရာ ဆီထွက်သီးနှံတစ်မျိုးဖြစ်သည့် မြေပဲကို ၂၀၂၅ ခုနှစ်၊ ဇူလိုင်လ ဒုတိယအပတ်တွင် စတင်စိုက်ပျိုးလျက်ရှိကြောင်း စိုက်ပျိုးဧက (၁၇၃)ဧက ရှိကြောင်း မြို့နယ် စိုက်ပျိုးရေးဦးစီးဌာနမှ သိရှိရပါသည်။ ဇူလိုင်လတွင် စတင်စိုက်ပျိုးသော မြေပဲမှာ တစ်ဧကလျှင် အတောင့် (၆) တင်းစိုက်ပျိုးကာ လုပ်သားခ၊ ထယ်ထွန်စသည့် စိုက်စရိတ်များနှင့် စုစုပေါင်း တွက်ချက်ပါက တစ် ဧက ကုန်ကျစရိတ်အနေနှင့် (၃၆၀၀၀၀) ဝန်းကျင်ကုန်ကျကာ ထွက်ရှိလာသည့် သီနှံအပေါ်တစ်တင်း လျှင် နှုတ်/ဆွတ်ခ အနေနှင့် ရိတ်သိမ်းခအပေါ် တစ်တင်းလျှင် (၄) ပြီ လုပ်သားခပေးရပါသည်။ ယခုလက်ရှိပေါက် ဈေးမှာ မြေပဲအတောင့်တစ်ပိဿာလျှင် (၄၅၀၀) ကျပ် နှင့် မြေပဲဆံ တစ်ပိဿာလျှင် (၈၅၀၀) ကျပ် ရှိကြောင်း ဈေးကွက်မှ သိရသည်။

DOCA(မန္တလေး)

          မိတ္ထီလာကုန်စည်ဒိုင်တွင် ယခုဇူလိုင်လစတုတ္ထပတ်တွင် ဖြစ်ပေါ်နေသော ဆီထွက် သီးနှံဈေးနှုန်း များမှာ နှမ်းညိုတစ်တင်းလျှင် (၈၇၀၀၀-၈၉၀၀၀)ကျပ်၊ နှမ်းဖြူတစ်တင်းလျှင် (၉၂၀၀၀- ၉၅၀၀၀)ကျပ်၊ နေကြာစေ့တစ်ပိဿာလျှင်(၆၂၀၀-၆၃၀၀)ကျပ်၊ မြေပဲဆီတစ်ပိဿာလျှင် (၁၇၀၀၀-၁၈၀၀၀)ကျပ်၊ နှမ်းဆီ(၁၃၀၀၀-၁၆၀၀၀)ကျပ်၊ နေကြာဆီတစ်ပိဿာ လျှင်(၁၈၀၀၀-၁၉၀၀၀) ကျပ်၊ နှမ်းဖတ် တစ်ပိဿာလျှင်(၂၈၀၀-၂၈၅၀)ကျပ်၊ ပဲဖတ်တစ်ပိဿာလျှင် (၄၄၅၀-၄၅၀၀)ကျပ်၊ နေကြာဖတ် တစ်ပိဿာလျှင်(၂၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ကာလတူနှိုင်းယှဉ်လျှင် နှမ်းညိုတစ်တင်းလျှင် (၁၁၀၀၀)ကျပ်၊ နှမ်းဖြူတစ်တင်းလျှင် (၁၂၀၀၀)ကျပ်၊ နေကြာစေ့ တစ်ပိဿာ လျှင်(၇၀၀)ကျပ်၊ နှမ်းဖတ်တစ်ပိဿာ လျှင်(၁၃၅၀)ကျပ်၊ ပဲဖတ်တစ်ပိဿာလျှင် (၄၀၀)ကျပ်၊ နေကြာဖတ် တစ်ပိဿာလျှင်(၃၀၀)ကျပ်ခန့်ဈေးနှုန်းကျဆင်းလာကြောင်း၊ဈေးနှုန်းကျဆင်းလာရခြင်းမှာ မိုးနှမ်းများ ဈေးကွက်သို့ဝင်ရောက်လာခြင်းကြောင့်ဖြစ်ကြောင်း၊ ပဲဆီ၊နှမ်းဆီဈေးနှုန်းမှာ တည်ငြိမ်နေ ကြောင်းသိရပါသည်။

          ပဲမျိုးစုံဈေးကွက်တွင် V2ကုလားပဲတစ်တင်းလျှင် (၈၅၀၀၀-၈၆၀၀၀)ကျပ်၊929တစ်တင်းလျှင် (၈၃၀၀၀) ကျပ်၊ပဲစဉ်းငုံသစ်တစ်တင်းလျှင်(၈၅၀၀၀-၈၆၀၀၀)ကျပ်၊ပဲတီစိမ်းတစ်တင်းလျှင်(၁၁၀၀၀၀- ၁၁၅၀၀၀)ကျပ်ဖြင့်အရောင်းအဝယ်ဖြစ်လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် V2ကုလား ပဲတစ်တင်းလျှင် (၂၀၀၀)ကျပ်၊929တစ်တင်းလျှင် (၂၀၀၀) ကျပ်ခန့်ဈေးကျဆင်းလာပြီး ပဲစဉ်းငုံသစ် တစ်တင်းလျှင်(၂၀၀၀)ကျပ်ခန့်မြင့်တက်လာကြောင်းသိရပါသည်။

        စားဖိုဆောင်သီးနှံဈေးနှုန်းများမှာ ကြက်သွန်နီတစ်ပိဿာလျှင်(၉၀၀-၁၀၀၀)ကျပ်၊ ငရုတ်သစ် တစ်ပိဿာလျှင်(၁၀၀၀၀-၁၂၀၀၀)ကျပ်ဈေးဖြင့်အရောင်းအဝယ်ဖြစ်လျက်ရှိကြောင်း၊ ယခင်လနှင့် ကာလတူနှိုင်းယှဉ်လျှင် ငရုတ်သစ် တစ်ပိဿာလျှင်(၁၅၀၀-၃၀၀၀)ကျပ်ခန့်ဈေးနှုန်းမြင့်တက်လာပြီး ကြက်သွန်နီဈေးမှာတည်ငြိမ်နေကြောင်းသိရပါသည်။

DOCA(မန္တလေး)