ပြည်တွင်းကုန်သွယ်မှုသတင်း

        စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲဖြူလေးစိုက်ပျိုးမှုမရှိကြောင်း သိရှိရပါသည်။ ပဲမျိုးစုံမှာအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲဖြူလေးများကို မန္တေလေးတိုင်းဒေသကြီး၊ သပိတ်ကျင်းမြို့နယ်၊ တကောင်းမြို့နှင့် မန္တလေးမြို့တို့မှ ဝယ်ယူရောင်းချ ကြောင်း၊ ရွှေဘိုမြို့ ဈေးကွက်အတွင်း မတ်လ၊ စတုတ္ထအပတ်တွင်ရောင်းချသည့် ပဲဖြူလေးဈေးနှုန်းမှာ (၁)ပြည်လျှင် (၇၅၀ဝိ/-)ကျပ်နှင့် တစ်တင်းလျှင်(၁၁၇၀၀ဝိ/-)ကျပ်ဖြစ်ကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲပြုတ်ရောင်းချသည့်သူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း၊ ဈေးကွက်အတွင်းပဲဖြူလေးကို ခေတ်သစ်ပဲဟုလည်းခေါ်ကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲနီပြားစိုက်ပျိုးမှုမရှိကြောင်း သိရှိရပါသည်။ ပဲမျိုးစုံမှာအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲနီပြားများကို မန္တေလေးတိုင်းဒေသကြီး၊ သပိတ်ကျင်းမြို့နယ်၊ တကောင်းမြို့နှင့် မန္တလေးမြို့တို့မှ ဝယ်ယူရောင်းချကြောင်း၊ ရွှေဘိုမြို့ ဈေးကွက်အတွင်း မတ်လ၊ စတုတ္ထအပတ်တွင်ရောင်းချသည့် ပဲနီပြားဈေးနှုန်းမှာ (၁)ပြည်လျှင် (၈၇၀ဝိ/-)ကျပ်နှင့် တစ်တင်းလျှင်(၁၃၆၂၀ဝိ/-)ကျပ်ဖြစ်ကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ပဲပြုတ်ရောင်းချသူများ၊ ပဲနီပြားအခွံချွတ်ရောင်းချသူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

          “ရေအကျိုးဆယ်ပါး မတောင်းဘဲနှင့်ပြည့်” ဆိုသည့်စကားအတိုင်း မြန်မာနိုင်ငံ၏ မည်သည့် နေရာဒေသတွင်မဆို အေးမြသည့်အရသာကို ပေးစွမ်းနိုင်ပြီး ယုတ်လတ် မြတ်မရွေး သောက်သုံး နိုင်ရန် ရေအိုးစဉ်၊ ရေချမ်းစဉ်များကို ထားရှိသည့်ဓလေ့မှာ မြန်မာလူမျိုးတို့၏ ချစ်စရာကောင်းပြီး မွန် မြတ်သောစိတ်ထားကို တွေ့မြင်နိုင်ပေသည်။

          ရေအိုးကို အုတ်စီ၍သော်လည်းကောင်း၊ စတီးစဉ်၊ သံစဉ်များဖြင့်သော်လည်းကောင်း၊ အချို့မှာ ကရွတ်ခွေကာ ရေအိုးကိုစဉ်အဖြစ် အသုံးပြုကြကြောင်း၊ ရေအိုးကို ရွံ့စေးမြေဖြင့် ပြုလုပ် ထားသောကြောင့် ဘေးအန္တရာယ်မရှိခြင်းကြောင့် ရေအိုးကို နေရာတိုင်း၊ အိမ်တိုင်းတွင် သုံးစွဲကြ ကြောင်း၊ မြန်မာနိုင်ငံ၏ရာသီဉတုမှာ တပေါင်းလမှစ၍ ပူသောကြောင့် ရေအိုးကို တစ်နှစ်တစ်ခါ အသစ်လဲကြကြောင်း၊ ဟောင်းသွားသည့်ရေအိုးများကို အလေအလွင့်မဖြစ်စေရန် မီးဖိုအဖြစ် အသုံးပြုကြကြောင်း၊ ရေအိုးဟောင်းဖြင့် ပြုလုပ်သည့်မီးဖိုများကို စီးပွားဖြစ်ရောင်းချခြင်းမပြုကြဘဲ မိမိတို့အိမ်တွင် အသုံးပြုရန် လက်ဖြစ်အဖြင့် အသုံးပြုကြကြောင်း သိရှိရပါသည်။

          ရေအိုးဝယ်ယူရာတွင် ရေအိုးများမှာစိမ့်ခြင်း၊ ရေအိုးတွင် အပေါက်သေးလေးများ ပါရှိတတ်သည့်အတွက် ရေအိုးရောင်းချသည့်ဆိုင်မှ ရေထည့်ကာ စမ်းသပ်ပေးကြောင်း၊ ရေစမ်းသပ်ခိုင်းခြင်းကို ရေစမ်းခြင်းဟု ခေါ်ဆိုကြောင်း၊ ရေအိုးဝယ်ယူရာတွင် ရေစမ်းပြီးဝယ်ယူမှသာ အဆင်ပြေကြောင်း သိရှိရပါသည်။ ရေအိုးရောင်းချသူများမှလည်း ရေအိုးများကို မကွဲစေရန်အတွက် တစ်လုံးနှင့်တစ်လုံး မတိုက်မိစေရန် စနစ်တကျစီရီကာ တင်ထားရကြောင်း သိရှိရပါသည်။

          ယခုရာသီတွင် ရေအိုးများကို လှိုင်လှိုင်ရောင်းချရကြောင်း၊ ရွှေဘိုမြို့တွင် ရောင်းချသည့် ရေအိုးများမှာ အမြို့မြို့အနယ်နယ်မှ လာရောက်သည့် ရေအိုးများဖြစ်ကြောင်း၊ ရွှေဘိုမြို့တွင် စစ်ကိုင်းမြို့မှထွက်ရှိသည့် စစ်ကိုင်းအိုး၊ ရွှေဘိုမြို့ခရိုင် ခင်ဉီးမြို့နယ် မြင်းဒေါင်းရွာမှထွက်ရှိသည့် မြင်းဒေါင်းအိုး၊ ရေဦးခရိုင် တန့်ဆည်မြို့နယ်မှ ထွက်ရှိသည့် တန့်ဆည်အိုး စသည်တို့ဖြစ်ကြောင်း၊ စစ်ကိုင်းအိုးကြီး(၁)လုံးလျှင် (၈၀၀ဝိ/-)ကျပ်၊ မြင်းဒေါင်းအိုး(ကြီး)တစ်လုံးလျှင် (၇၀၀ဝိ/-)ကျပ်၊ တန်ဆည်အိုး(ကြီး)တစ်လုံးလျှင် (၇၅၀ဝိ/-)ကျပ်ဖြင့် အရောင်းအဝယ်ဖြစ်လျှက်ရှိကြောင်း ရေအိုး ရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲကြားစိုက်ပျိုးမှုမရှိကြောင်း သိရှိရပါသည်။ ပဲမျိုးစုံမှာအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် မြေထောက်ပဲများကို မန္တေလေးတိုင်းဒေသကြီး၊ သပိတ်ကျင်းမြို့နယ်၊ တကောင်းမြို့နှင့် မန္တလေးမြို့တို့မှ ဝယ်ယူရောင်းချကြောင်း၊ ရွှေဘိုမြို့ ဈေးကွက်အတွင်း မတ်လ၊ စတုတ္ထအပတ်တွင်ရောင်းချသည့် ပဲကြားဈေးနှုန်းမှာ (၁)ပြည်လျှင် (၆၀၀ဝိ/-)ကျပ်နှင့် တစ်တင်းလျှင်(၉၃၀၀ဝိ/-)ကျပ်ဖြစ်ကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲပြုတ်၊ ပဲရေဖွရောင်းချမည့်သူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

           ပဲပုဇွန်သီး(နွေပဲသီး)ကို လူတိုင်းစားသုံးလေ့ရှိကြပြီး နူးညံ့သောပဲတစ်မျိုးဖြစ်သည်။ ပဲသီးနုနု များကို အရည်သောက် ရေနွေးဖျော၍ပြုတ်စား ကြော်စားလေ့ရှိကြသည်။ အိမ်တွင်တစ်နိုင်တစ်ပိုင် စိုက်ပါကလည်း လွယ်ကူစွာစိုက်ပျိုးဖြစ်ထွန်းသည်။ စင်ထောင်၍သော်လည်းကောင်း ခြံစည်းရိုးများတွင်ကပ်၍ သော်လည်း ကောင်းစိုက်ပျိုးနိုင်သည်။

            ပဲပုဇွန်သီး (နွေပဲသီး)ကို နတ်တလင်းမြိုနယ် ကြို့ပင်သာကျေးရွာ၊ သရက်ပင်ကန်ရိုး ကျေးရွာ၊ လယ်ဦးစုကျေးရွာနှင့် ကျေးရွာအများစုတွင် တစ်ပိုင်တစ်နိုင်စိုက်ပျိုးကြပါသည်။ ပဲပုဇွန်သီးကို သီတင်းကျွတ် လနှင့် တန်ဆောင်မုန်းလများတွင် စိုက်ပျိုးကြသည်။ မြေဆွေးနှင့် အပေါ်ယံ မြေသားများရော၍ ကျင်းတူး ကာစိုက်ပျိုးကြသည်။ ကျင်းအလယ်တွင် (၄-၅)စေ့ခန့်ကို ထည့်၍စိုက်ပျိုးကြသည်။ အပင်ငယ်များ(၁) ပေခန့်ရှိပါက အပင်တက်ရန်တိုင်များထောင်ပေးကာ စင်ထိုးပေးရသည်။ နေ့စဉ်ရေလောင်းပေးရသည်။ (၃)လအကြာတွင် အသီးစတင်သီးသည်။ (၄၅)ရက်ခန့်ဆက်တိုက်သီးသည်။ နတ်တလင်းမြို့နယ် ဈေးကွက် အတွင်း ယခု၂၀၂၅ခုနှစ် တွင်ပဲပုဇွန်သီး (နွေပဲသီး) တစ်ပိဿာလျှင် လက္ကား  (၂၅၀၀)ကျပ်နှင့် လက်လီ (၁၀)သား လျှင် (၃၀၀)ကျပ်နှုန်းဖြင့် ရောင်းဝယ်နေကြောင်း သိရပါသည်။

DOCA(ပဲခူး)