ပြည်တွင်းကုန်သွယ်မှုသတင်း

    မလှိုင်မြို့နယ်တွင် မန်းကျည်းသီးမှည့်ထွက်ပေါ်ချိန်မှာ နှစ်စဉ် ဖေဖော်ဝါရီလဆန်းပိုင်းတွင် စတင်ထွက်ပေါ်ပြီး မတ်လတွင် ဖြိုင်ဖြိုင်ထွက်ရှိကြောင်း၊ ယခုနှစ်တွင် ရာသီဥတုအခြေအနေအရ အသီးအားနည်းကြောင်းတွေ့ရှိရပြီး အထွက်နည်းနိုင်ကြောင်း၊ မန်ကျည်းသီးရောင်းဝယ်သူများထံမှသိရှိရပါသည်။ မလှိုင်မြို့နယ်တွင်း မကျည်းသီးမှည့်ကုန်သည်နည်းပါးသော်လည်း လက်ရှိမန်ကျည်းမှည့်လှောင်လက် ကုန်သည်၏ပြောပြချက်အရ ယခုနှစ်၌ မန်ကျီးအဟောင်းတစ်ပိဿာလျှင် (အသားဖတ်) ၃၀၀၀ကျပ်ခန့်ရှိပြီး အရောင်းမရှိကြောင်း မတ်လကုန်ထိ တက်ဈေးမျှော်လျက်ရှိပြီး မြို့နယ်တွင် ကုန်ချိန် (၂) သိန်းခန့်ရှိကြောင်း ကုန်သည်များထံမှသိရှိရပါသည်။

DOCA(မန္တလေး)

  မန္တလေးတိုင်းဒေသကြီး၊ ကျောက်ဆည်ခရိုင်တွင် ကုလားပဲ (ဆောင်း) စိုက်ပျိုးမှုအနေဖြင့် (၂၀၂၃-၂၀၂၄) ဘဏ္ဍာနှစ်အတွင်း ကျောက်ဆည်မြို့နယ်တွင် (၂၈၄၂၆)ဧက၊ စဉ့်ကိုင်မြို့နယ်တွင် (၁၆၃၀၄) ဧက၊ မြစ်သားမြို့နယ်တွင် (၃၃၆၁၂)ဧက၊ စုစုပေါင်း(၇၈၃၄၂)ဧကစိုက်ပျိုးပြီးစီးပြီးဖြစ်ကြောင်း လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၏ စာရင်းများအရသိရှိရပါသည်။ ကုလားပဲ (ဆောင်း) ကို ယာမြေများ၌ အောက်တိုဘာလတွင် မိုးရေအစိုဓာတ်ဖြင့်စိုက်ပျိုးကြပြီး တချို့မှာမူ ရေစက်များဖြင့် ရေတင်၍စိုက်ပျိုးကြကြောင်းသိရှိရပါသည်။ ကုလားပဲကို မျိုးအနေဖြင့် V2 မျိုးနှင့် ရိုးရိုးကုလားပဲလုံးသေးမျိုးဟူ၍ (၂)မျိုးရှိပြီး V2 ကုလားပဲမျိုးကိုသာအများဆုံးစိုက်ပျိုးကြကြောင်း၊ စိုက်ပျိုးမှုအနေဖြင့် (၁)ဧကလျှင် မျိုးစေ့ ၁တင်း/ ၁တင်းခွဲနှုန်းခန့်ပတ်ကြဲရကြောင်း၊ တောင်သူများအနေဖြင့် ကုလားပဲမျိုးကို မျိုးချန်စနစ်ဖြစ်စိုက်ပျိုးကြသည့်အပြင် တချို့မှာမူ စိုက်ပျိုးချိန်ရောက်မှသာ စျေးကွက်အတွင်းမှ ဝယ်ယူ၍စိုက်ပျိုးကြကြောင်းသိရှိရပါသည်။ ယခုနှစ်စိုက်ပျိုးချိန်တွင် ကုလားပဲမျိုးစျေးနှုန်းအနေဖြင့် ကုလားပဲရိုးရိုးတစ်တင်းလျှင် (၇၈၀၀၀)ကျပ်၊ကုလားပဲ V2 တစ်တင်းလျှင် (၈၆၀၀၀)ကျပ်စျေးနှုန်းတို့ဖြင့် ရောင်းဝယ်လျက်ရှိကြောင်း၊ (၁)ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၂၅၀၀၀၀)ကျပ်ခန့်ကုန်ကျကြောင်းသိရှိရပါသည်။ ယာမြေများတွင်စိုက်ပျိုးသော အစောစိုက်ကုလားပဲများမှာ ယခုအချိန်တွင် စတင်ထွက်ရှိနေပြီဖြစ်ကြောင်း၊ (၁)ဧကအထွက်နှုန်းအနေဖြင့် (၇-၈)တင်းခန့်ထွက်ရှိကြောင်း၊ စျေးနှုန်းအနေဖြင့် ယခင်နှစ် ကုလားပဲရိုးရိုးတစ်တင်းလျှင် (၅၃၀၀၀)ကျပ်၊ ကုလားပဲ V2 တစ်တင်းလျှင် (၆၃၀၀၀)ကျပ် စျေးနှုန်းတို့ရှိခဲ့ပြီး ယခုနှစ် ကုလားပဲစတင်ထွက်ပေါ်ချိန်တွင် ကုလားပဲရိုးရိုးတစ်တင်းလျှင် (၉၀၀၀၀)ကျပ်၊ ကုလားပဲ V2 တစ်တင်းလျှင် (၉၈၀၀၀)ကျပ်စျေးနှုန်းတို့ဖြင့် အရောင်းအဝယ်ဖြစ်နေကြောင်း၊ အကျိုးအမြတ်အနေဖြင့် (၄၃၀၀၀၀)ကျပ်ခန့်ရရှိကြောင်း တောင်သူတစ်ဦး၏ပြောပြချက်အရသိရှိရပါသည်။ ကုလားပဲစိုက်ပျိုးခြင်းသည် ကုန်ကျစရိတ်သက်သာပြီး အချိန်ကုန်သက်သာကာ မိသားစုအပိုဝင်ငွေရရှိသောကြောင့် စိုက်ပျိုးသင့်သောသီးနှံဖြစ်ပါကြောင်း ရေးသားတင်ပြလိုက်ရပါသည်။

DOCA(မန္တလေး)

    The Supervisory Committee on Import, Storage and Distribution of Edible Oil under the Ministry of Commerce has been closely observing the FOB prices in Malaysia including transportation cost, tariff and banking service charges, and issuing the wholesale market reference rate for edible oil on weekly basis.

    According to market condition and prices in the world's palm oil producing and exporting countries during this week, the reference prices of palm oil in the Yangon market is announced at Ks 5,275 per Viss for the period from 5 February 2024 to 12 February 2024.

    If those retailers and wholesalers are found overcharging, storing inventory intentionally and attempting unscrupulous action to manipulate the market, they will be taken by legal action under the Essential Goods and Services Law.

  The palm oil reference prices can be found on Department of Consumer Affairs’ website: www.doca.gov.mm, its Facebook page and the Facebook page of the Myanmar Edible Oil Dealers’ Association.

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ် ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး ဇန်နဝါရီလ စတုတ္ထပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင်လိုက် တစ်ပိဿာလျှင် (၁၂၀၀၀)ကျပ်၊ တီလားဗီးယားအကောင်သေးတစ်ပိဿာလျှင် (၅၀၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၈၀၀၀)ကျပ်၊ ငါးကြင်း တစ်ပိဿာလျှင် (၁၀၀၀၀)ကျပ်၊ ငါးဖယ် တစ်ပိဿာလျှင် (၈၀၀၀)ကျပ်၊ ငါးမုတ် တစ်ပိဿာလျှင် (၇၀၀၀) ကျပ်၊ ငါးမြင်းတစ်ပိဿာလျှင် (၆၅၀၀)ကျပ်၊ ငါးဘတ် တစ်ပိဿာလျှင် (၂၀၀၀၀)ကျပ်၊ ငါးဂျောင်း တစ်ပိဿာလျှင် (၁၂၀၀၀)ကျပ်၊ ငါးအုံတုံ တစ်ပိဿာလျှင် (၁၁၀၀၀)ကျပ်၊ ငါးအုံတုံခုတ်သား တစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သား တစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၄၀၀၀)ကျပ်၊ ငါးဖယ်ခြစ်တစ်ပိဿာလျှင် (၁၈၀၀၀)ကျပ်၊  ပုစွန်ထုပ် တစ်ပိဿာလျှင် (၃၂၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

          ငါးဈေးနှုန်းများအား ဇန်နဝါရီလ တတိယပတ်နှင့်နှိုင်းယှဉ်ပါက ငါးရံ့အကောင်လိုက် တစ်ပိဿာလျှင် (၂၀၀၀)ကျပ်၊ ငါးမုတ် တစ်ပိဿာလျှင် (၅၀၀)ကျပ်ဈေးနှုန်းမြင့်တက်ကာ တီလားဗီးယားအကောင်သေး တစ်ပိဿာလျှင် (၁၀၀၀)ကျပ်၊ ငါးဘတ် တစ်ပိဿာလျှင် (၁၀၀၀)ကျပ်၊  ငါးကြင်းခုတ်သား တစ်ပိဿာလျှင် (၂၀၀၀)ကျပ် ဈေးနှုန်းကျဆင်းပြီး   ကျန်ငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း  ကန့်ဘလူမြို့မဈေးအတွင်း ရောင်းချလျက်ရှိသောငါးဒိုင်များမှ သတင်းရရှိပါသည်။

DOCA(စစ်ကိုင်း)

    လှည်းကူးခရိုင်၊ လှည်းကူးမြို့နယ်၊ ကလီထော်အုပ်စု၊ ရွှေကြာကန်ကျေးရွာရှိ စီးပွားရေးလုပ်ငန်းရှင် ဦးကျော်လင်းဦး၏ CP အသားစားကြက်မွေးမြူရေးလုပ်ငန်းသို့ သွားရောက်လေ့လာခဲ့ရာတွင် ခြံမန်နေဂျာ ဦးမျိုးချစ်က ကြက်ပေါက်များကို ထောက်ကြန့်မြို့ရှိ “ထွန်း”မွေးမြူရေးအစာ၊ ဆေးနှင့်ကြက်ပေါက်ဖြန့်ချိရေးလုပ်ငန်းမှဝယ်ယူ၍ မွေးမြူရကြောင်း၊ ၎င်းတို့တွင် ကြက်ခြံ(၂)ခြံရှိရာ တစ်ခြံလျှင် ကြက်အကောင် (၃၀၀၀) ဖြင့်  စုစုပေါင်း (၆၀၀၀)ကျော်ကို စီးပွားဖြစ်မွေးမြူထားကြောင်းနှင့် ကြက်ပေါက်တစ်ကောင်လျှင် (၁၃၀၀)ကျပ်နှုန်းဖြင့် ဝယ်ယူမွေးမြူခဲ့ကြောင်းသိရှိရပါသည်။

    ကြက်ပေါက်များကို စတင်မွေးမြူစမှ ရက်ပေါင်း(၂၀)ရက်နေ့အထိ ဖွဲမှုန့်ခံ၍ မိမိအနေဖြင့် မွေးမြူထားကြောင်း၊ ရက်ပေါင်း(၂၀)ကျော်ပါက ဖွဲမှုန့်များကိုဖယ်ပြီး ကြမ်းကျင့်ချိန်တွင် ကြမ်း၏ အအေးဒဏ်နှင့် ရေ၏အအေးဒဏ်ကိုမခံရအောင် အထူးဂရုပြု၍စိုက်မွေးမြူရပါသည်။ CP ကြက်စာဈေးနှုန်းအနေဖြင့် ကြက်သားပေါက်အစာ (၅၀ကီလို) တစ်အိတ်လျှင် (၈၅၀၀၀)ကျပ်၊ ကြက်လတ်စာ (၅၀ကီလို) တစ်အိတ်လျှင် (၈၂၀၀၀)ကျပ်နှင့် ကြက်ကြီးစာ (၅၀ကီလို) တစ်အိတ်လျှင် (၈၁၀၀၀)ကျပ်နှုန်းဖြင့်ဝယ်ယူကာ ကြက်စာများကို တစ်နေ့လျှင် (၃)ကြိမ်ခန့်ကျွေးမွေး၍ မွေးမြူရပါသည်။ ရက် (၄၀) မှ (၄၅)ရက်အတွင်းရှိသော CP အသားစားကြက်ကို ဈေးကွက်အတွင်း၌ (၁)ပိဿာလျှင် (၄၂၀၀) ကျပ်မှ (၄၃၀၀) ကျပ်ဖြင့် ရွှေပြည်သာမြို့နယ်ရှိ ကြက်ဒိုင်မှ မိမိတို့ မွေးမြူရေးခြံသို့ လာရောက်ဝယ်ယူခဲ့ကြောင်း ခြံမန်နေဂျာ၏ ပြောပြမှုအရသိရှိရပါသည်။

DOCA(ရန်ကုန်)