ပြည်တွင်းကုန်သွယ်မှုသတင်း

   ဒညင်းသီးကို မြိတ်ခရိုင်အတွင်းရှိ ကျွန်းစုမြို့နှင့် တနင်္သာရီမြို့တို့မှ အများဆုံး ထွက်ရှိ၍ မြိတ်မြို့ပေါ်ရှိ ဈေးများသို့ လာရောက်ရောင်းချကြပါသည်။ ဒညင်းသီးသည် မေလမှ စက်တင်ဘာ လလောက်ထိ ထွက်ရှိသောရာသီပေါ်သီးနှံ တစ်မျိုးဖြစ်သည်။ ကုန်စိမ်းရောင်းချသူ များသည် ဒညင်း သီးအားဝယ်ယူ၍ ပြုတ်၍သော်‌လည်းကောင်း၊ ဆားရေစိမ်(သို့)ချဥ်ဖတ် ပြုလုပ်၍သော်လည်းကောင်း ရောင်းချကြပြီး မြိတ်ဒေသတွင်အများအားဖြင့် ဒညင်းသီးချဥ်ဖတ် ဟုခေါ်ကြသည်။ ဒညင်းသီးချဥ်ဖတ် ပြုလုပ်ရာတွင် ဒညင်းသီး၏အခွံမာအား ခွဲထုတ်ပြီး ထွက်ရှိ လာသော ဒညင်းသီးပေါ်ရှိ အခွံ‌ပျော့အား အနည်းငယ်ခွာ၍ ရေတစ်ရက်စိမ်ပေးကာ အခွံပျော့အား ခွဲထုတ်ရပါသည်။ သုံးရက်/လေးရက် လောက်ရေလောင်း၍ (နေပူမထိရပါ) ဒညင်းသီးအစိမ်း ‌ရောင်ဖြစ်လာပါက ဒညင်းသီးအလုံးခြောက် သွားသည်ထိ သုံးရက်/လေးရက်လောက် နေပူလှန်းရ ပါသည်။ ခြောက်သွားသော ဒညင်းသီးများကို တစ်ရေပြန်ဆေးပြီး စဥ့်အိုးထဲထည့်ကာ ဆားရေတို့ ဖြင့် စိမ်လိုက်ပါက အလုံးသေးပါလျှင် (၇)ရက် အလုံးကြီးလျှင် (၁၀)ရက်အတွင်း ဒညင်းသီးချဥ် ဖတ်ရရှိပါသည်။
    မြိတ်ဒေသတွင် ၂၀၂၄ခုနှစ်ဇူလိုင်လတွင် ဒညင်းသီးချဥ်ဖတ်(၁၀)လုံးလျှင် (၇၀၀)ကျပ်ဖြစ် ၍ ၂၀၂၅ခုနှစ် ဇူလိုင်လတတိယပတ်တွင် ဒညင်းသီးချဥ်ဖတ် (၁၀)လုံးလျှင် (၁၂၀၀)ကျပ်ရှိ ကြောင်း ဒညင်းသီးချဥ်ဖတ်ရောင်းချသူထံမှ သိရှိရပါသည်။

DOCA(တနင်္သာရီ)

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ဈေးအတွင်းရှိ  ဇူလိုင်လအတွင်း ရောင်းချနေသော ဟင်းသီးဟင်းရွက်ဈေးနှုန်းများမှာ အိုးဖရုံသီးတစ်လုံး ၁၀၀၀ ကျပ်၊ရွှေဖရုံသီး တစ်စိပ် လျှင်၅၀၀/ကျပ်၊ဂေါ်ရခါးသီး လုံး ၇၀၀ ကျပ်၊ ငရုတ်သီးစိမ်း တစ်ပိဿာ ၁၀၀၀၀ ကျပ်၊ ခရမ်းချဉ်သီးတစ်ပိဿာ ၄၀၀၀ ကျပ်၊ နံနံပင် ၁ပိဿာ ၂၀၀၀ ကျပ်၊ပဲတောင့်ရှည်အတောင့် ၂၅ တောင့် တစ်စည်းလျှင် ၇၀၀ ကျပ်၊  ကြက်ဟင်းခါးသီး အသေးတစ်ပိဿာ ၂၀၀၀ ကျပ်၊ ကြက်ဟင်းခါးသီး အကြီးတစ်လုံးလျှင် ၅၀၀ ကျပ်၊ခရမ်းသီးတစ် ပိဿာလျှင် ၄၀၀၀ ကျပ်၊ ပဲပင်ပေါက်တစ် ဆယ်ကျပ်သားလျှင် ၇၀၀ ကျပ်၊သံပုရာသီးတစ်လုံးလျှင် ၁၀၀ ကျပ်၊မုန်လာဥနီ တစ်ဆယ် ကျပ်သားလျှင် ၂၀၀၀ ကျပ်၊ မုန်ညှင်းထုပ် တစ်ဆယ်ကျပ်သားလျှင် ၁၅၀၀ ကျပ်၊ရုံပတီသီး တစ်ပိဿာ ၃၀၀၀ ကျပ်၊သခွားသီးသုတ်သီးတစ်လုံးလျှင် ၂၀၀၀ ကျပ်၊ဘူးသီးတစ်စိပ်လျှင် ၅၀၀ကျပ်၊ ကန်ဇွန်းရွက် တစ်စည်းလျှင် ၃၀၀ ကျပ်၊ပြောင်းဖူးတစ်ဖူးလျှင် ၇၀၀ ကျပ်၊ ဘူးညွှန့်တစ်စီးလျှင် ၁၀၀၀ ကျပ်၊‌ဂေါ်ဖီတစ်ထုပ် ၃၀၀၀ ကျပ်ဈေးများ ဖြင့်ရောင်းချ နေကြကြောင်း မေးမြန်းသိရှိရပါသည်။

DOCA(ပဲခူး)                      

     ပဲခူးတိုင်းဒေသကြီး၊သာယာဝတီခရိုင်၊ လက်ပံတန်းမြို့မဈေးအတွင်း ဇူလိုင်လတတိယ ပတ်တွင် ရောင်းချလျက်ရှိသော ငပိ၊ငခြောက်၊ပုဇွန်ခြောက်ဈေးနှုန်းများမှာ ပုဇွန်ငပိ တစ်ဆယ် ကျပ်သားလျှင် ၂၀၀၀/ ကျပ်ဈေးနှုန်းများဖြင့် ရောင်းချလျက်ရှိပါသည်။ မြိတ်ဒေသထွက်ကုန် မျှင်ငပိဗူး ၂၅ ကျပ်သား တစ်ဗူးလျှင် ၅၀၀၀/ကျပ်၊ဈေးနှုန်းတို့ဖြင့် ဈေးကွက်အတွင်း ရောင်းချ လျှက်ရှိပါသည်။ ငပုတ် သင်ခြောက် တစ်ဆယ်ကျပ်သားလျှင် ၃၅၀၀/၄၀၀၀ ကျပ်၊အာဗြဲခြောက် အချိုခြောက်တစ်ဆယ် ကျပ်သားလျှင် ၄၀၀၀/၆၀၀၀/၇၀၀၀ ကျပ်ထိ အသေးအကြီးပေါ်မူတည်၍ ဈေးနှုန်းမြင့်တက် ရောင်းချလျက်ရှိပါသည်။အသားမြှောင်းခြောက် တစ်ဆယ် ကျပ်သားလျှင် ၂၈၀၀/၃၀၀၀ ကျပ်၊SP ခြောက် (ငဖီးမ) ခြောက် တစ်ဆယ်ကျပ်သားလျှင် ၁၈၀၀ ကျပ်၊ ငတံခွန်ခြောက် တစ်ဆယ် ကျပ်သားလျှင် ၂၅၀၀/၂၈၀၀ ကျပ်၊ ငနီတူခြောက် တစ်ဆယ်ကျပ် သားလျှင် ၄၀၀၀/ ကျပ်၊ငဇင်းပြားခြောက် တစ်ဆယ်ကျပ်သားလျှင် ၃၀၀၀ ကျပ်ဈေး တို့ဖြင့် ပုံမှန်ရောင်းချလျက် ရှိပါသည်။

   ပုဇွန်ခြောက်ဈေးနှုန်းများအနေဖြင့် ပုဇွန်ခြောက်တစ်ဆယ်ကျပ်သားလျှင် အနည်းဆုံး ၈၀၀၀ ကျပ်မှစတင်၍  ၁၆၀၀၀ ကျပ်ထိ ဈေးနှုန်းများရှိနေပါသည်။အများဆုံးဝယ်ယူလျက် ရှိသော ပုဇွန် ခြောက်မှာ ၁၁၀၀၀/၁၂၀၀၀/ကျပ်ဈေးနှုန်းဖြင့် ရောင်းချလျက်ရှိသော ပုဇွန်ခြောက်များ ဖြစ်ပါ သည်။ ပုဇွန်ခြောက်ဈေးနှုန်းများမှာ ယခင်လနှင့်ယခုလနှိုင်းယှဉ်ပါက ဈေးနှုန်းများအမျိုးအစားတစ်ခုချင်း အလိုက်(၁၀၀၀/)ကျပ်ဈေးမြင့်တက်သွားလျှက်ရှိကြောင်းဈေး အတွင်းငပိ၊ငခြောက်၊ ပုဇွန်ခြောက် ရောင်းချသူ တစ်ဦးထံမှ သိရှိရပါ သည်။

DOCA(ပဲခူး)

   ပဲခူးတိုင်းဒေသကြီး၊သာယာဝတီခရိုင်၊ လက်ပံတန်းမြို့စည်ပင်သာယာဈေးတွင်ရှိသောဂျင်း  ဈေးနှုန်းများမှာ ဇူလိုင်လပထမပတ်တွင် ဂျင်း ၁၀ကျပ်သားလျှင် ၈၀၀/ကျပ်ရှိခဲ့ပြီး ယခုဇူလိုင်လ တတိယပတ်တွင်လည်း ၈၀၀/ကျပ်ရှိနေပါသည်။ ဂျင်းဈေးနှုန်းများ အတက်အကျ မရှိ ယခင်လဈေးနှုန်းအတိုင်း ဈေးငြိမ်နေပါသည်။ ကြက်သွန်ဖြူဈေးနှုန်းများအနေဖြင့် ဇူလိုင်လပထမပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀/ကျပ်၊ ယခု ဇူလိုင်လ တတိယပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀ကျပ် ဈေးနှုန်းဖြင့်ရောင်းချလျက်ရှိပါသည်။

   ကြက်သွန်ဖြူ(ရှမ်းစ) ဈေးနှုန်းအနေဖြင့်  ဇူလိုင်လပထမပတ်တွင် ၁၀ ကျပ်သားလျှင် ၁၀၀၀ ကျပ်ပေါက်ဈေးရှိနေပြီး ယခုဇူလိုင်လတတိယပတ်တွင်လည်း ဈေးနှုန်းအပြောင်းအလဲမရှိ၊ ဈေးငြိမ် နေပါသည်။ ကြက်သွန်ဖြူ (ဥတစ်လုံး) ဈေးကွက်မှာတစ်ဆယ်ကျပ်သားလျှင် ၂၅၀၀ ကျပ်  ဈေးနှုန်း တို့ဖြင့် ရောင်းချလျှက်ရှိရာ ဂျင်း၊ကြက်သွန်ဖြူ၊ဈေးကွက်တို့မှာ ဈေးအေးနေပြီးပုံမှန် ရောင်းဝယ် လျှက်ရှိပါသည်။

DOCA(ပဲခူး)

  တောင်ငူခရိုင်၊ အုတ်တွင်းမြို့နယ်၊ဝါးတီးကျေးရွာအုပ်စု၊ညောင်ပင်ရွာမှ ကျေးလက်နေ ပြည်သူများသည် စိုက်ပျိုးရေးလုပ်ငန်းကို အဓိကထားလုပ်ကိုင်ကြသည်။ ရာသီအလိုက်သီးနှံများ စိုက်ပျိုးလျက်ရှိရာ ပြောင်းဖူးသည် ဒေသတွင်းအများဆုံး စားသုံးကြပြီး ဈေးကွက်ဝင်၍ အာဟာရဓါတ်  ကြွယ်ဝ သော သီးနှံတစ်မျိုးဖြစ်သည်။

    ပြောင်းဖူးတွင် အဖြူမျိုး (ဖန်စီဗစ်) နှင့် အဝါမျိုး (King) ဟူ၍ နှစ်မျိုးရှိပြီး အချိန်မရွေးစိုက်၍ ရသည်ဆိုသော်လည်း မိုးရာသီစိုက်ပျိုးရခြင်းသည် ရေးသွင်းရန်မလိုသည့်အတွက် ကုန်ကျစရိတ်သက်သာ စေပါသည်။

    လက်ရှိချိုးယူရရှိသောပြောင်းဖူးများသည် ဧပြီလမှစိုက်ပျိုးထားသောသီးနှံများဖြစ်ပြီး ပြောင်းဖူး မျိုးထုပ်(၁)ထုပ်လျှင် ၅၀၀၀၀ကျပ်ဖြင့် ဝယ်ယူခဲ့ရပြီး တစ်ဧကလျှင် မျိုးထုပ်(၆)ထုပ်အထိ စိုက်ပျိုးနိုင် ပါသည်။ ဖြစ်ထွန်းလာသောသီးနှံများကို အကြီးတစ်ဖူးလျှင် ၄၀၀ ကျပ်၊ အလတ် တစ်ဖူးလျှင် ၂၅၀ မှ ၃၀၀ အထိ ရောင်းချရပြီး မိုးနှောင်းပိုင်းတွင်စိုက်ပျိုးသော ပြောင်းဖူးများသည် စိုက်ပျိုးသူနည်းပါးသဖြင့် ဈေးကောင်းပိုရပါသည်။

     တစ်ဧကကုန်ကျစရိတ်အနေဖြင့် မိုးရာသီတွင် ၇၀၀၀၀၀ ကျပ်မှ ၈၀၀၀၀၀ ကျပ်အထိ ကုန်ကျပြီး ဆောင်းရာသီတွင် ၁၀၀၀၀၀၀ ကျပ် မှ ၁၁၀၀၀၀၀ကျပ် အထိ ကုန်ကျနိုင်ပါသည်ဟု ခန့်မှန်း သိရှိရသည်။ ဆောင်းရာသီတွင် စိုက်ပျိုးရသောပြောင်းသီးနှံသည် ရေသွင်းရသည့်အတွက် ကုန်ကျစရိတ် ပိုသော်လည်း အနှံထွက်ချိန်တွင် မိုးရွာသွန်းမှုမရှိသဖြင့် အပျက်အစီးနည်းပါးခြင်း၊ စိုက်ပျိုးသူနည်းပါးခြင်း တို့ကြောင့်  အထွက်နှုန်းကောင်းပြီးဈေးကောင်းရသည်ဟု ပြောင်းစိုက်ပျိုးသည့် ကျေးလက်နေတောင်သူ တစ်ဦးထံမှသိရှိရသည်။

DOCA(ပဲခူး)