ပြည်တွင်းကုန်သွယ်မှုသတင်း

         စစ်ကိုင်းတိုင်းဒေသကြီး၊ မုံရွာမြို့၊ ကျောက္ကာလမ်းပေါ်တွင် ဒူးရင်းသီးများ ရောင်းချလျက်ရှိ ကြောင်းသိရှိရပါသည်။ ဒူးရင်းသီးဟာ ကမ္ဘာတစ်ဝှမ်းရှိ အပူပိုင်းဒေသတွေ အပါအဝင် အရှေ့တောင်အာရှနိုင်ငံများဖြစ်တဲ့ မလေးရှား၊ အင်ဒိုနီးရှား၊ ထိုင်းနဲ့ မြန်မာ တို့မှာ အဓိကပေါက် ရောက်လေ့ရှိပါတယ်။ မြန်မာပြည်မှာဆိုရင် မြန်မာပြည်တောင်ဘက်ပိုင်း မွန်၊ ကရင်၊ တနင်္သာရီဒေသများတွင် စိုက်ပျိုးဖြစ်ထွန်းသော အသီးတစ်မျိုးဖြစ်သည်။ မြန်မာနိုင်ငံတွင် ဒူးရင်းသီးပေါ် ချိန်မှာ မေ၊ ဇွန်၊ ဇူလိုင် လတို့၌ ဒူးရင်းသီးလှိုင်လှိုင် ထွက်သောအချိန်ဖြစ်သည်။

            ဒူးရင်းသီးများကိုဒေသတွင်း စားသုံးခြင်းသာမက ရန်ကုန်၊ ပဲခူး၊ မန္တလေးနှင့် မြန်မာနိုင်ငံ အလယ်ပိုင်းဒေသသို့ တင်ပို့ရောင်းချခြင်းဖြင့် ဒူးရင်းစိုက်ပျိုးသော တောင်သူများ ဝင်ငွေတိုးတက် လျက်ရှိပြီး အသီးသီးပေါက်ဈေးရှိကြောင်းသိရှိရပါသည်။

           ယခုဇူလိုင်လတွင် ဒူးရင်းသီးများလှိုင်လှိုင် ထွက်ပေါ်နေပြီဖြစ်ရာ ဈေးနှုန်းများမှာ  အလုံးကြီး (၃၅၀၀၀)ကျပ်၊ အလတ် (၁၆၅၀၀)ကျပ်၊ အသေး (၇၅၀၀)ကျပ် ရှိကြောင်း သိရှိရပါသည်။

DOCA(စစ်ကိုင်း)

      ၂၀၂၅ ခုနှစ်ဇူလိုင်လတတိယပတ်အတွင်း ဖြစ်ပေါ်လျက်ရှိသည့် အမျိုးအစားအလိုက်ပေါက်စျေးများမှာ ၃တင်းဝင်တစ်အိတ်လျှင်ကုလားပဲ(V-2)၂၆၂၀၀၀ ကျပ်၊ ကုလားပဲ(V-7) ၂၆၃၀၀၀ ကျပ်နှင့် ၂၆၅၀၀၀ ကျပ်၊ ကုလားပဲ (ထိုင်ဝမ်) ၂၄၃၀၀၀ကျပ်  နှင့်၂၄၅၀၀၀ကျပ်၊ ကုလားပဲ(929) ၂၅၅၀၀၀ ကျပ်၊ တစ်ပိဿာပေါက်စျေးမှာ ကုလားပဲ(V-2)၄၅၇၆ကျပ်၊ ကုလားပဲ(V-7) ၄၅၉၄ ကျပ်နှင့် ၄၆၂၉ကျပ်၊ ကုလားပဲ (ထိုင်ဝမ်) ၄၃၂၀ကျပ်နှင့်၄၃၅၆ကျပ်၊ ကုလားပဲ(929) ၄၅၃၃ ကျပ်တို့ဖြစ်ပြီး၊ ယခင်နှစ် ကာလတူတစ်ပိဿာစျေးမှာ ကုလားပဲ(V-2) ၄၂၄၅ ကျပ်နှင့် ၄၂၈၀ကျပ်၊ကုလားပဲ (V-7)  ၄၃၃၂ ကျပ်၊ ကုလားပဲ(ထိုင်ဝမ်)၄၁၄၂ကျပ်နှင့် ၄၁၇၈ ကျပ်၊ကုလားပဲ(929)၄၂၃၁ ကျပ်နှင့် ၄၂၆၇ကျပ် စျေးတို့ဖြစ်သည့်အတွက် ကာလတူပေါက်စျေးနှိုင်းယှဉ်ပါက ကုလားပဲ စျေးပိုမိုရရှိကြောင်း သိရပါ သည်။   

DOCA(မန္တလေး)                                                                                      

   ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာ စျေးကောင်းရသည့် ပဲအမျိုးအစားဖြစ်ပါသည်။ မန္တလေးပဲမျိုးစုံစျေးကွက်သို့ ပဲတီစိမ်းဝင်ရောက်မှုအနေဖြင့် မန္တလေးတိုင်း ဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ဝင် ရောက်ကြောင်း သိရပါသည်။ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုး မှု (၂၇၀၉၅၈)ဧက၊ ရိတ်သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇) တင်း ဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်း တွင်၂၀၂၅ခုနှစ်ဇူလိုင်လတတိယပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ် လျှင် ပဲတီစိမ်းအညာ ၃၀၀၀၀၀ ကျပ်နှင့် ၄၀၀၀၀၀ ကျပ်၊ပဲတီရွှေဝါ(ပဲခွဲ)၂၂၀၀၀၀ ကျပ်နှင့် ၂၅၀၀၀၀ ကျပ်၊ တစ်ပိဿာစျေးမှာပဲတီစိမ်းအညာ ၅၃၃၃ကျပ်နှင့် ၇၁၁၁ကျပ်၊ ပဲတီရွှေဝါ(ပဲခွဲ) ၃၉၁၁ ကျပ် နှင့် ၄၄၄၄ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပဲတီစိမ်း (အညာ) ၃၀၂၂ ကျပ်နှင့် ၃၅၅၆ ကျပ်၊ပဲတီစိမ်း(ပဲခွဲ)၂၄၈၉ ကျပ်ဖြစ်ပေါ်ခဲ့ပြီး၊ ကာလတူ စျေးနှိုင်းယှဉ်ပါက ပဲတီစိမ်းအညာမှာ တစ်ပိဿာလျှင် ၃၅၅၅ ကျပ်စျေးပိုမိုရရှိ ကြောင်း သိရပါ သည်။

DOCA(မန္တလေး)

     ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ ခြင်း တို့ကြောင့်အရောင်းသွက်လျက်ရှိကြောင်း သိရပါသည်။  မန္တလေးအစေ့ထုတ်ပြောင်းစျေးကွက်သို့    ရှမ်းပြည်နယ်မှ အများအပြား ဝင်ရောက်လျက်ရှိပြီး၊ မန္တလေးတိုင်းဒေသကြီး နှင့် စစ်ကိုင်းတိုင်း ဒေသကြီး တို့မှလည်းဝင်ရောက်လျက်ရှိကြောင်း သိ ရပါ သည်။    မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက်နှုန်း   ၄၉.၅၅   တင်း၊ အထွက်တင်း    စုစုပေါင်း ၆၆၀၅၉၁ တင်းဖြစ်ကြောင်းသိရပါသည်။ မန္တလေးပွဲစား၊ကုန်သည်စက်ပိုင်များ မဟာကထိန်တော်အသင်းတွင်၂၀၂၅ ခုနှစ် ဇူလိုင်လ တတိယပတ်အတွင်းဖြစ်ပေါ်သည့်အစေ့ထုတ်ပြောင်းစျေးမှာ ၃တင်းဝင်တစ်အိတ်လျင်ပြောင်းဖူးစေ့(ဗမာ)  ၈၅၀၀၀ ကျပ်နှင့်၈၆၀၀၀ကျပ်၊ပြောင်းဖူးစေ့(ရှမ်း)၈၇၀၀၀ကျပ်နှင့်၈၈၀၀၀ကျပ်၊ပြောင်းဖူးစေ့(စီပီ) ၈၇၀၀၀ကျပ်နှင့်၈၈၀၀၀ ကျပ်၊တစ်ပိဿာစျေးအနေဖြင့်ပြောင်း ဖူးစေ့(ဗမာ)၁၅၇၄ ကျပ်နှင့်၁၅၉၃ ကျပ်၊ ပြောင်းဖူးစေ့(ရှမ်း)၁၆၁၁ကျပ်နှင့် ၁၆၃၀ကျပ်၊ပြောင်းဖူး စေ့(စီပီ)၁၆၁၁ကျပ်နှင့်၁၆၃၀ ကျပ် စျေးတို့ဖြစ်ကြောင်းသိရပါသည်။     ယခင်နှစ်ကာလတူ  တစ်ပိဿာစျေးမှာ ပြောင်းဖူးစေ့ (ဗမာ) ၁၂၀၄ကျပ်နှင့်၁၂၂၂ကျပ်၊ပြောင်းဖူးစေ့(ရှမ်း)၁၃၁၅ ကျပ် နှင့် ၁၃၃၃ ကျပ်၊ ပြောင်းဖူးစေ့(စီပီ)၁၂၇၈ ကျပ်နှင့်၁၂၉၆ကျပ်တို့ ဖြစ်ကြောင်း သိရပါသည်။ယခုနှစ် စေျးနှင့်ယခင်နှစ်ကာလတူစျေး နှိုင်းယှဉ် ပါက  တစ်ပိဿာလျှင် ၃၀၀ ကျပ်အထက်ပိုမိုရရှိ ကြောင်း သိရပါ သည်။

DOCA(မန္တလေး)

   နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသကဲ့ သို့ နေကြာစေ့များအား လှော်၍ သရေစာအဖြစ်စားသုံးလျက်ရှိပြီး စျေးကောင်းရသည့်အမယ် ဖြစ်ကြောင်း သိရပါသည်။ နေကြာသီးနှံအား မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး နှင့် ရှမ်းပြည်နယ်တို့တွင် အများအပြားစိုက်ပျိုးကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံကို မိုးနေကြာ နှင့် ဆောင်းနေကြာ အဖြစ် စိုက်ပျိုး လျက်ရှိပြီး၊ ၂၀၂၄-၂၀၂၅ ခုနှစ်နေကြာစိုက်ပျိုးမှု ၁၈၆၁၉၅ ဧက၊ ရိတ်သိမ်းမှု၁၈၄၂၂၇ ဧက၊အထွက် ၂၄.၂၆တင်းနှုန်းနှင့်အထွက်၄၄၆၉၃၅၁တင်းဖြစ်ကြောင်း သိရပါသည်။ နေကြာဆီသည်ကျန်းမာ ရေးအရ စားသင့်သည့်မပြည့်ဝ ဆီတစ်မျိုးဖြစ်ကြောင်း သိရပါသည်။ မန္တလေးပွဲစား၊ ကုန်သည် စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်ဇူလိုင်လတတိယပတ်အတွင်း ဖြစ်ပေါ် လျက် ရှိသည့် ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ်အိတ်လျှင် ၁၉၅၀၀၀ ကျပ်၊ တစ်ပိဿာလျှင် ၇၂၂၂ ကျပ်၊ နေကြာဖတ်တစ် ပိဿာလျှင် ၂၀၀ဝ ကျပ်နှင့် ၂၀၅ဝ ကျပ် ဖြစ်ပြီး၊ယခင်နှစ် ကာလတူ ပေါက်စျေးမှာ ၃တင်း တစ်အိတ်လျှင် ၁၄၀၀၀၀ကျပ်နှင့် ၁၄၅၀၀၀ ကျပ်၊ တစ်ပိဿာလျှင် ၅၁၈၅ ကျပ်နှင့် ၅၃၇၀ ကျပ်တို့ဖြစ်ကြောင်း သိရပါသည်။ ဆီနေကြာ ယခုနှစ် နှင့် ယခင်နှစ် ပေါက်စျေးနှိုင်းယှဉ်ပါက တစ်ပိဿာ လျှင် ၁၈၅၂ ကျပ်စျေး ပိုမိုရရှိကြောင်း သိရပါသည်။

DOCA(မန္တလေး)