ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် အညာဒေသ၏အစားအစာတစ်မျိုး ဖြစ်သည့်  ထန်းပင်မှရရှိသောထန်းပင်မြစ်များ ဈေးကွက်အတွင်းသို့ စတင်ဝင်ရောက် အရောင်း အဝယ်ဖြစ်လျက်ရှိပါသည်။ ထန်းပင်မြစ်များကို မန္တလေးတိုင်းဒေသကြီးအတွင်းရှိ ကျောက်ပန်း တောင်း၊ မြင်းခြံမြို့နယ်ရှိရွာများနှင့် ပခုက္ကူမြို့အနီးအနားရှိရွာများမှ ဝင်ရောက်အရောင်းအဝယ်ဖြစ် လျက်ရှိကြောင်း၊ ထန်းပင်မြစ်များကို တော်သလင်းလ ထန်းသီးရင့်မှည့်ချိန်မှစ၍ သီတင်းကျွတ်လ ဆန်းပိုင်းတွင် ချောင်းရိုးများ၌ သဲများ ထူထူတူး၍မြှုပ်ကြပြီး  သီတင်းကျွတ်လကုန်၊ နတ်တော်လ ဆန်းမှစ၍ တူးဖော်ကြကြောင်း၊ ပြာသိုလဆန်းပိုင်းတွင် ထန်းပင်မြစ်များ လှိုင်လှိုင်ပေါ်လျက်ရှိကြောင်း ထန်းစိုက်တောင်သူများထံမှ သိရှိရပါသည်။

    အချို့ထန်းစိုက်တောင်သူများမှာ ဝါခေါင်လတွင်စတင်စိုက်ပျိုးကြပြီး သီတင်းကျွတ်လပြည့်ကျော်တွင် စတင်တူးဖော်လျက်ရှိကြောင်း ထန်းစိုက်တောင်သူထံမှ သိရှိရသည်။ ၂၀၂၃ခုနှစ်၊ နိုဝင် ဘာလ(ပထမပတ်)တွင် ရောင်းချနေသောထန်းပင်မြစ်ဈေးနှုန်းများအနေဖြင့် ထန်းပင်မြစ်(၂၅) ချောင်းပါတစ်စီးလျှင်ကျပ်(၁၅၀၀)ဖြင့် ရောင်းချနေကြောင်း၊ မြို့မစည်ပင်သာယာဈေးနှင့် ပျံကျဈေး တို့တွင် ထန်းပင်မြစ် အနု၊ အရင့်ပေါ်မူတည်၍ တစ်စီးလျှင် ကျပ် (၁၂၀၀ / ၁၃၀၀)ဖြင့် ရောင်းချနေကြောင်း ဈေးသည်များထံမှ သိရှိရပါသည်။

DOCA(မကွေး)

      ပြည်တွင်းမှထွက်ရှိသည့် ကုန်ကြမ်းများကို ပြည်တွင်းမှာပင်တန်ဖိုးမြှင့်ကာ ကုန်ချောများ ထုတ်လုပ်နိုင်ခြင်းဖြင့် လယ်ယာစိုက်ပျိုးရေးကို အခြေခံသည့် မြန်မာနိုင်ငံအဖို့ လယ်ယာထွက်ကုန် သီးနှံများကို ကုန်ကြမ်းအတိုင်း ပြည်ပသို့ တင်ပို့ရောင်းချခြင်းထက် တန်ဖိုးမြှင့်ထုတ်ကုန်အဖြစ် တင်ပို့ရောင်းချခြင်းက ဝင်ငွေပိုမိုရရှိစေမည် ဖြစ်ပါသည်။ ထို့ပြင် ပြည်တွင်း၌ တန်ဖိုးမြှင့် ထုတ်ကုန်အဖြစ် ပြောင်းလဲထုတ်လုပ်နိုင်ခြင်းဖြင့် သွင်းကုန်အစားထိုးနိုင်၍ နိုင်ငံခြားငွေ ချွေတာနိုင်မည်ဖြစ်ပြီး နိုင်ငံ့စီးပွားရေးကို မြှင့်တင်နိုင်မည်ဖြစ်ပါသည်။ ထို့ကြောင့် မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ အလယ်ပိုင်းရပ်ကွက် ရှိ “မဟေသီ” စားသောက်ကုန် မိသားစုတစ်နိုင်တစ်ပိုင် ငှက်ပျောကြော်မုန့်လုပ်ငန်းသို့ ကွင်းဆင်းလေ့လာမှုအား ရေးသားတင်ပြလိုက်ပါသည်။

      ငှက်ပျောကြော်လုပ်ငန်း ထုတ်လုပ်မှုအဆင့်ဆင့်အား လေ့လာရာတွင် ကုန်ကြမ်းငှက်ပျောသီးကို ပွင့်ဖြူမြို့နယ်အတွင်း ငှက်ပျောခြံများမှ သဘာဝ အတိုင်းရင့်မှည့်ခါနီးသည့် ဖီးကြမ်းငှက်ပျောသီးစိမ်းများကို ဝယ်ယူအသုံးပြုပါကြောင်း၊ ဝယ်ယူပြီးငှက်ပျောသီးကို တစ်ညအိပ်ထားကာ နောက်တစ်နေ့ မနက်တွင်  အခွံနွာ၍ ထုံးရည်ကြည်တွင် (၃)နာရီခန့် စိမ်ထားရပါကြောင်း၊ ထို့နောက် ရေသန့်ဆေး၍ ဆန်ဆေးရေနှင့် စိမ်ထားခြင်းအားဖြင့် အဖန်ဓါတ်အား ထိန်းညှိစေပါကြောင်း၊ ငှက်ပျောသီးအား ဓါးဖြင့်ပါးပါးလှီး၍ သကြားနှင့်ဆားဖျော်ထားသည့် ရေထဲသို့ထပ်၍စိမ်ထားရပါကြောင်း၊ ကုန်ချောဖြစ်လာစေရန် ဆီဖြင့် ကြော်၍ သင့်တင့်သောအရောင်ရလာလျှင် ဆယ်ယူ၍အအေးခံကာ ရရှိလာသော ငှက်ပျောကြော်များအား (၃)ကျပ်သား၊ (၅)ကျပ်သားချိန်တွယ်၍ အိတ်များဖြင့် ထုတ်ပိုးရကြောင်းနှင့် လုပ်သားဦးရေ (၅)ဦးဖြင့် လုပ်ငန်းများဆောင်ရွက်နေကြောင်း သိရပါသည်။

       ဈေးကွက်ဈေးနှုန်းအနေဖြင့် “မဟေသီ” စားသောက်ကုန်လုပ်ငန်း အမှတ်တံဆိပ်ဖြင့် ငှက်ပျောကြော်(၃)ကျပ်သား တစ်ထုပ်လျှင် ကျပ်(၅၀၀)နှင့် (၅)ကျပ်သား တစ်ထုပ်လျှင် ကျပ်(၉၀၀) လက္ကားဈေးနှုန်းများဖြင့် မင်းဘူး၊ ပွင့်ဖြူ၊ စလင်း၊ မကွေးမြို့နယ်များသို့ ဖြန့်ဖြူးရောင်းချကာ ရန်ကုန်၊ နေပြည်တော်များသို့လည်း  ရောင်းချရပါကြောင်း သိရပါသည်။

      သဘာဝပစ္စည်းများဖြင့် အသုံးပြုထားခြင်းကြောင့် အရသာရှိပြီး အသင့်စားသုံးနိုင်သော ငှက်ပျောကြော်မုန့်များကို အညာဒေသလက်ဆောင်အဖြစ် မကွေးတိုင်းဒေသကြီးအတွင်းရှိ တန်ခိုးကြီးဘုရားများ၊ ပွဲဈေးတန်းများနှင့် ကုန်စုံဆိုင်များတွင်ပြန်လည်ရောင်းချရန် ဝယ်ယူမှုများရှိပြီး ပုံမှန် ဝင်ငွေရနေ ကြောင်းနှင့် အလုပ်အကိုင်အခွင့်အလမ်းများ ဖန်တီးပေးနေကြောင်း သိရပါသည်။

DOCA(မကွေး)

    မွန်ပြည်နယ်၊ မော်လမြိုင်မြို့ကုန်စည်ဒိုင်တွင် ၂၀၂၃ခုနှစ်၊ နိုဝင်ဘာလ (ပထမပတ်) အတွင်း  ဆန်ဈေးနှုန်းအခြေအနေမှာ ပေါ်ဆန်းမွှေး အနိမ့်ဈေး (၁၀၈ပေါင်) တစ်အိတ်လျှင်        ကျပ်၁၀၄၀၀၀၊ ပေါ်ဆန်းမွှေး အနိမ့်ဈေး(၁၀၈ပေါင်) တစ်အိတ်လျှင် ကျပ်၁၀၇၀၀၀၊ ပေါ်ကျွဲ အမြင့်ဆုံး (၁၀၈ပေါင်)တစ်အိတ်လျှင် ကျပ်၉၆၅၀၀၊ ပေါ်ကျွဲ အနိမ့်ဈေး(၁၀၈ပေါင်) တစ်အိတ်လျှင် ကျပ်၉၉၅၀၀၊ ဧည့်မထအနိမ့်ဆုံး (၁၀၈ပေါင်) တစ်အိတ်လျှင် ကျပ်၇၃၀၀၀ ဧည့်မထအမြင့်ဆုံး(၁၀၈ပေါင်) တစ်အိတ်လျှင် ကျပ်၇၆၀၀၀ဖြစ်ကြောင်းသိရှိရပါသည်။ ၎င်းဆန်ဈေးနှုန်းများသည် အပတ်စဉ်အလိုက် ပြောင်းလဲမှုရှိကြောင်းသိရပါသည်။

DOCA(မွန်)

   ကုန်ဈေးနှုန်းမြင့်တက်မှုကြောင့် စားသုံးသူပြည်သူများ ဝန်ထုပ်ဝန်ပိုးမဖြစ်စေရေးနှင့် ဖြစ်သင့်ဖြစ်ထိုက်သည့် ဈေးနှုန်းအတိုင်း ဝယ်ယူရရှိနိုင်ရေးအတွက် ရောင်းသူမှ ဝယ်သူသို့ တိုက်ရိုက်ရောင်းချခြင်း ဖြင့် ကရင်ပြည်နယ်အတွင်း ကုန်ဈေးနှုန်းတည်ငြိမ်ရေးနှင့် ကျဆင်းနိုင်စေရန် ကရင်ပြည်နယ်ကုန်ဈေးနှုန်း တည်ငြိမ်ရေးနှင့် ကျဆင်းရေးကော်မတီက ဘားအံမြို့  အမှတ်(၃)ရပ်ကွက် ကမ်းနားလမ်း အခွန်လွတ်ဈေးကို အပတ်စဉ် စနေနေ့၌ ဖွင့်လှစ်ရောင်းချပေးလျက်ရှိကြောင်း သိရသည်။

         အဆိုပါ အခွန်လွတ်ဈေးတွင် ကိုယ်တိုင်စိုက်ပျိုး ထုတ်လုပ်သူများနှင့် အသား/ငါးအရောင်းဒိုင်များ စည်ပင်သာယာမှသတ်မှတ် ဈေးနှုန်းဖြင့်ရောင်းချရာတွင် ဝက်သား ၁ပိဿာ၁၂၀၀၀ကျပ်၊ အမဲသား ၁ပိဿာ၁၄၀၀၀ကျပ်၊ဆိတ်သား ၁ပိဿာ ၁၇၀၀၀ကျပ်၊ ကြက်သား (အိမ်ကြက်) ၁ပိဿာ ၁၅၀၀၀ကျပ်၊ ကြက်သား(မွေးမြူရေး) ၁ပိဿာ ၁၂၀၀၀ကျပ်၊ မွေးမြူရေးငါးကြင်း ၁ပိဿာ ၇၀၀၀ကျပ်၊ ချောင်းငါးကြင်း ၁ပိဿာ၁၂၀၀၀ကျပ်၊ ငါးတန် ၁ပိဿာ၄၆၀၀၀ကျပ်၊တီလားဘီးယား ၁ပိဿာ၆၀၀၀ကျပ်၊ငါးမဲလုံး ၁ပိဿာ၆၀၀၀ကျပ်၊ငါးခုံးမ  ၁ပိဿာ၆၀၀၀ကျပ်၊ငါးမုတ် ၁ပိဿာ၅၀၀၀ကျပ်၊ ပလာတူး ၁ပိဿာ ၆၀၀၀ကျပ်၊ ဘဲဥ ၁လုံး၃၀၀ကျပ်၊ကြက်ဥ ၁လုံး၂၅၀ကျပ်၊ကန်စွန်းရွက် ၁စည်း ၁၁၀၀ကျပ်၊ ချဉ်ပေါင်ရွက် ၁စည်း ၁၀၀ကျပ်၊ ဂေါ်ဖီထုပ် ၁ထုပ်၁၀၀၀ကျပ်၊ခရမ်းချဉ်သီး ၁ပိဿာ၁၀၀၀ကျပ်၊ စားသုံးဆီ၁ပိဿာ ၅၂၀၀ကျပ်နှင့်ဧည့်မထ/မနှောသုခဆန်၁ပြည်၂၇၀၀ကျပ်စသည့်ဖြင့် စားသုံးသူပြည်သူများထံ ဈေးနှုန်း ချိုသာစွာဖြင့် တိုက်ရိုက် ရောင်းချပေးလျက်ရှိကြောင်း သိရသည်။

        အဆိုပါအခွန်လွတ်ဈေးများ ဖွင့်လှစ်ရောင်းချပေးခြင်းဖြင့်  ကိုယ်တိုင်စိုက်ပျိုးထုတ်လုပ်သူများအနေဖြင့် ဝယ်သူများထံသို့ ကြားပွဲစားမခံဘဲ တိုက်ရိုက်ရောင်းချနိုင်သောကြောင့် သီးနှံ၊ အသား/ငါး ထုတ်လုပ်ရောင်းချမှုအပေါ် အမြတ်အစွန်းပိုမိုရရှိနိုင်မည်ဖြစ်ပြီး စားသုံးသူပြည်သူများ အနေဖြင့်လည်း ဈေးနှုန်းသက်သာစွာဖြင့် တိုက်ရိုက်ဝယ်ယူနိုင်သောကြောင့် နေ့စဉ်စားသောက်ရေးအတွက် ကုန်ကျစရိတ်အပေါ် ကာမိကာ ကုန်ဈေးနှုန်းအဆမတန်ကြီးမြင့်မှုကြောင့် လှုမှုစီးပွားဘဝ ရိုက်ခတ်မှု လျော့နည်းသက်သာလာမည်ဖြစ်ကြောင်း သတင်းရရှိပါသည်။

DOCA(ကရင်)

      မွန်ပြည်နယ်ရှိ သံပရာသီးဈေးနှုန်းများမှာ ၂၀၂၃ခုနှစ်၊ အောက်တိုဘာလအတွင်း သံပရာသီး (အသေး)တစ်လုံးလျှင် ကျပ် (၅၀မှ ၇၀)အထိ၊ သံပရာသီး (အကြီး)တစ်လုံးလျှင် ကျပ် (၈၀မှ ၁၀၀)အထိဖြစ်သည်။ ၂၀၂၃ခုနှစ်၊ နိုဝင်ဘာလ (ပထမပတ်) အတွင်း သံပရာသီးဈေးနှုန်းမှာ သံပရာသီး (အသေး) တစ်လုံးလျှင် ကျပ် (၁၅၀မှ ၂၀၀)အထိ၊ သံပရာသီး(အကြီး)တစ်လုံးလျှင် ကျပ်(၂၅၀မှ ၄၀၀)အထိ ဈေးနှုန်းမြင့်တက်လာခဲ့သည်။

  ထိုသို့ သံပရာသီးဈေးနှုန်းမြှင့်တက်လာရခြင်းမှာ သံပရာသီးလှိုင်လှိုင်ထွက်ပေါ်ချိန်ဖြစ်သော မိုးရာသီကုန်ဆုံးချိန်ဖြစ်သဖြင့် အသီးထွက်နှုန်းနည်းပါးလာခြင်းကြောင့်ဖြစ်ကြောင်း သိရှိရပါသည်။

DOCA(မွန်)