ပြည်တွင်းကုန်သွယ်မှုသတင်း

              တောင်ငူခရိုင် ဖြူးမြို့ မြို့မဈေးကြီးတွင် မြေပဲဆံ(အဖြူ/အနီ)မှာ ယခင်လက တစ်ပိဿာ လျှင် ၉၅၀၀ ကျပ်ရှိရာမှ ယခုအပတ်တွင် ၁၀၀၀၀ ကျပ်ရှိသဖြင့် ဈေးနှုန်း ၅၀၀ ကျပ်တက်ပါသည်။ ကုလားပဲလုံးမှာ တစ်ပိဿာလျှင် ၆၅၀၀ ကျပ်၊ ကုလားပဲခြမ်းမှာ တစ်ပိဿာလျှင် ၇၇၀၀ ကျပ်ဖြင့် ဈေးနှုန်းတည်ငြိမ်နေပါသည်။

              အသင်းပဲမှာ ယခင်လက တစ်ပြည်လျှင် ၇၅၀၀ ကျပ်ရှိရာမှ ယခုအပတ်တွင် တစ်ပြည် လျှင် ၈၀၀၀ ကျပ်ဖြင့် ဈေးနှုန်း ၅၀၀ ကျပ်၊ ပဲလွန်းဖြူမှာ ယခင်လက တစ်ပြည်လျှင် ၈၀၀၀ ကျပ် ရှိရာမှ ယခုအပတ်တွင် တစ်ပြည်လျှင် ၉၀၀၀ ကျပ်ဖြင့် တစ်ပြည်လျှင် ၁၀၀၀ ကျပ် ဈေးနှုန်းတက်ပါ သည်။

              ပဲနောက်မှာ တစ်ပြည်လျှင် ၉၀၀၀ ကျပ်မှ ၁၁၀၀၀ ကျပ်အတွင်းဈေးနှုန်းရှိကြောင်း ဖြူးမြို့ စည်ပင်သာယာဈေးအတွင်းရှိ ကိုမောင်မောင် ကုန်စုံဆိုင်မှ သိရပါသည်။

DOCA(ပဲခူး)

             အုတ်တွင်းမြို့နယ်အတွင်း စစ်တောင်းမြစ်နှင့် ခပေါင်းချောင်းဘေးရှိ ကျေးရွာအများစု ဟင်းသီးဟင်းရွက်စိုက်ပျိုးရေးကို အဓိကထားလုပ်ကိုင်ကြပါသည်။ မြစ်ချောင်းများဘေးရှိ နုံးတင်မြေ နုများသည် မြေဩဇာကောင်းမွန်သဖြင့် ပန်းဂေါ်ဖီ၊ သခွား၊ ငရုတ်၊ ရုံးပတီ၊ မုန်ညင်း၊ ကန်စွန်း၊ ချဉ်ပေါင်နှင့် ပန်းအမျိုးမျိုးကို နှစ်စဉ် စိုက်ပျိုးရောင်းချလျှက်ရှိပါသည်။

              မုန်ညင်းသည် အေးသောရာသီကိုကြိုက်နှစ်သက်သဖြင့် ဆောင်းရာသီတစ်ခုလုံး စိုက်ပျိုး နိုင်ပါသည်။ မုန်ညင်းစေ့ကို မြေချပြီး သုံးလေးရက်ခန့်အကြာတွင် အပင်များပေါက်လာပြီး တစ်လခန့် အကြာတွင် မုန်ညင်းပင်များကို စတင်ဆွတ်ခူးနိုင်ပါသည်။

              ယခုအချိန်တွင် မုန်ညင်းဖူးများ လှိုင်လှိုင်ထွက်ပေါ်နေပြီဖြစ်သဖြင့် ခပေါင်းဈေးအတွင်း တစ်စည်းလျှင် ၂၀၀ ကျပ်မှ ၂၅၀ ကျပ်အထိဖြင့် ရောင်းချလျှက်ရှိပါသည်။ မုန်ညင်းများကို တောင်ငူ မြို့ ညောင်ပင်ဈေးအပြင် အမှာရှိသည့်မြို့များသို့လည်း ပို့ဆောင်ပေးကြောင်း သိရပါသည်။

DOCA(ပဲခူး)

              ဖြူးမြို့နယ်၊ ညောင်ကားယားကျေးရွာ၊ ကံ့ကော်ဦးမုန့်နှင့်အကြော်စုံလုပ်ငန်းမှ ထုတ်လုပ် သော ပြောင်းဖူးစေ့ကြော်သည် လူကြိုက်များ၍ ရောင်းအားကောင်းပါသည်။ ပြောင်းဖူးစေ့ကြော် ရာတွင် ပြောင်းဖူးစေ့အခြောက်များကို နူးအိသွားသည်အထိ ဒယ်အိုးကြီးများဖြင့် နှစ်နာရီခန့်ကြာ အောင် ပေါင်းခံထားရပါသည်။

              ပေါင်းခံပြီး ပြောင်းဖူးစေ့များကို အပူခံခင်းထားသော ဝါးကပ်များပေါ်တွင် ဖြန့်ကျက်၍ ရေစစ်ထားပြီး ရေစင်မှ ပြောင်းဖူးစေ့များကို ဒယ်အိုးကြီးထဲတွင် ဆီပွက်ပွက်ဆူအောင် တည်ပြီးမှ ကြော်ရပါသည်။ ကြော်ပြီးသော ပြောင်းဖူးစေ့များကို ဆယ်ယူပြီး ဆား၊ အချိုမှုန့်တို့ကိုထည့်ပြီး သမအောင်မွှေပေးရပါသည်။ ထို့နောက် အချိန်ဖြင့်မှာယူသူများကို အချိန်ဖြင့်လည်းကောင်း၊ မုန့်မျိုးစုံ အရောင်းဆိုင်များသို့ပို့မည့် ပြောင်းဖူးစေ့များကို ပလပ်စတစ်အိတ်ဖြင့် ထုပ်ပိုး၍ လည်းကောင်း ဈေးကွက်အတွင်း ရောင်းချပါသည်။

              ပြောင်းဖူးစေ့ခြောက် ပိဿာ ၃၀ ပါအိတ် တစ်အိတ်လျှင် ၅၄၀၀၀ ကျပ်ဖြင့် ဝယ်ယူရပြီး ပြောင်းဖူးစေ့ကြော်ပြီးလျှင် အချိန်ဖြင့်ဝယ်ယူပါက တစ်ပိဿာလျှင် ၁၂၀၀၀ ကျပ်ဖြင့် ရောင်းချပါ သည်။ အချိန်ဖြင့်ဝယ်ယူသူများကလည်း ပလပ်စတစ်အိတ်ဖြင့် ပြန်လည်ထုပ်ပိုးပြီး ရောင်းချပါသည်။ ပလပ်စတစ်အိတ်အသေးဖြင့် ထုပ်ပိုးထားသည့် ပြောင်းဖူးစေ့ကြော် တစ်ထုပ်ကို ၅၀၀ ကျပ်ဖြင့် ရောင်းချကြောင်း လုပ်ငန်းရှင် ဦးမျိုးဇော်၏ ပြောပြချက်အရ သိရပါသည်။

DOCA(ပဲခူး)

          ၂၀၂၄ ခုနှစ်၊ ဒီဇင်ဘာလ ၁၈ ရက်နေ့၊ (၀၉း၀၀)နာရီ အချိန်တွင် ထားဝယ်မြို့၊ အိမ်ရှေ့ပြင်ရပ် ကွက်၊ ရေးလမ်းရှိ ရတနာဦးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ စီစဥ်မှုဖြင့် Yadanarbon Global Network Distribution Co,Ltd မှ တင်ပို့ရောင်းချသည့် စားအုန်းဆီ ၁ ပေပါလျှင် ၁၁၀ ပိဿာပါ စားအုန်းဆီ (၄၃)ပေပါကို ယာဥ်မောင်းဦးအောင်ကျော်ကျော် ၊ယာဉ်အမှတ် 7M-2226/ Hino မော်တော်ယာဥ်ဖြင့်တင်ဆောင်၍ ရောက်ရှိလာရာ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူး ဦးစိုးဦးနှင့်တာဝန်ရှိသူများက သွားရောက် စစ်ဆေးခဲ့ကြောင်း၊ အဆိုပါ စားအုန်းဆီစုစုပေါင်း (၄၃) ပေပါအား ကုမ္ပဏီ၏လက်ကားအ​ရောင်းကိုယ်စားလှယ်မှ တစ် ဆင့် ထားဝယ်မြို့၊ အိုးလုပ်ရပ်ကွက်၊ နိဗ္ဗာန်လမ်းရှိဦးဘိုသစ်၏ ယမုံလှိုင် ကုန်စုံဆိုင် အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူများအား ရောင်းချ ပေး သွားမည်ဖြစ်ကြောင်း သိရှိရပါသည်။

DOCA(တနင်္သာရီ)

    စျေးကွက်အတွင်းသို့ ဝင်ရောက်လာသည့်ငှက်ပျောသီးများမှာ    မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့်ပဲခူတိုင်းဒေသကြီးတို့မှဝင်ရောက်မှုများကြောင်း သိရရှိရပါတယ်။ မန္တလေး တိုင်းဒေသကြီးအတွင်း အမရပူရ၊ပုသိမ်ကြီး၊မတ္တရာ၊ကျောက်ဆည်၊စဉ့်ကိုင်၊မြစ်သားမြို့နယ်တို့ တွင် ငှက်ပျောသီးသီးနှံအများအပြားစိုက်ပျိုးကြောင်း  သိရှိရပါတယ်။    စျေးကွက်အတွင်း ရောင်းချသည့် ငှက်ပျောသီးများအနက်  အများဆုံးတွေ့ရှိရသည့်အမျိုးအမည်များမှာ  ဖီးကြမ်း၊  သီးမွေး၊  ရခိုင်၊ ငှက်ပျောချဉ်နှင့်ရွှေနီငှက်ပျောတို့ဖြစ်ပါတယ်။ ငှက်ပျောသီး သီးနှံကို အဟာရဓါတ်စာ၊ဖျော်ရည်နှင့် စားသောက်ကုန်တို့တွင်  ထည့်သွင်းသုံးစွဲခြင်း၊ ဘုရားပွဲနှင့် မိရိုးဖလာကန်တော့ပွဲများတွင်   သုံးစွဲ ကြောင်း သိရှိရပါတယ်။ ဖီးကြမ်းငှက်ပျောသီးအနေဖြင့် မတ္တရာမှထွက်သည့်အသီးမှာ အခွံထူပြီး၊ အရသာမှာ အချိုဓါတ်အနည်းငယ်လျော့ကြောင်းနှင့် ကျောက်ဆည်မှထွက်သည့် ငှက်ပျောသီးမှာ   အခွံပါးပြီး၊အချိုဓါတ်များကြောင်း သိရှိရပါတယ်။ ဖီးကြမ်းနှင့် ရခိုင်ငှက်ပျောသီးများကို  ဘုရားပွဲနှင့်  မိရိုးဖလာပွဲများတွင် သုံးစွဲမှုများပြီး၊ကန်တော့ပွဲတစ်ပွဲတွင် အုန်းသီးတစ်လုံးနှင့်သုံးစွဲသည့် ငှက်ပျော ခိုင်အရေအတွက်အလိုက်၊အလုံးအရွယ်အစားအလိုက်စျေးနှုန်းအမျိုးမျိုးရှိရာ၁၂၀၀ဝိ/- နှင့် ၁၈၀၀ဝိ/-စျေးအသီးသီးရောင်းချကြောင်းတွေ့ရှိရပါတယ်။ စျေးကွက်အတွင်း ရောင်းချသည့်ငှက်ပျောဖီး စျေးနှုန်းများအနေဖြင့် တစ်ဖီးလျင်  ဖီးကြမ်း(အစိမ်း)    ၂၀၀ဝိ/- နှင့် ၃၅၀ဝိ/-စျေး၊   ဖီးကြမ်း  (အမှည့်) ၁၅၀ဝိ/- နှင့် ၃၀၀ဝိ/- စျေး၊ ရခိုင်ငှက်ပျောသီးနှင့်ငှက်ပျောချဉ်သီးမှာ    အစိမ်းနှင့်အမှည့်   စျေးကွာခြားမှုမရှိဘဲ တစ်ဖီးလျင် ၁၅၀ဝ/- နှင့် ၂၀၀ဝိ/- စျေးတို့   အသီးသီးရောင်းချလျက်ရှိပါတယ်။ သီးမွေးငှက်ပျောသီးအနေဖြင့်   ကျောက်ဆည်၊ စဉ့်ကိုင်၊ မြစ်သား၊ မတ္တရာတို့တွင် အများအပြား စိုက်ပျိုးပြီး၊စစ်ကိုင်းတိုင်း ဒေသကြီးနှင့် ပဲခူးတိုင်းဒေသကြီးတို့မှလည်း     ဝင်ရောက်မှုများရှိပါတယ်။   တောင်ငူမြို့နယ်မှထွက်ရှိသည့် သီးမွေးငှက်ပျောသီးမှာ အလုံးလှ၍ အနံ့နှင့်အရသာမှာ လူကြိုက် များပြီးစျေးကောင်းရကာ တစ်ဖီးလျင်(၁၇လုံးနှင့် ၂၅လုံးပါ) ၄၀၀ဝိ/- နှင့် ၅၅၀ဝိ/-စျေး၊ ကျန် ဒေသများမှထွက်သည့်သီးမွေးငှက်ပျောသီး အစိမ်း/အမှည့် တစ်ဖီးလျင်  ၁၅၀ဝိ/-  နှင့် ၂၅၀ဝိ/-စျေး အသီးသီးရောင်းချလျက်ရှိပါတယ်။  တောင်ငူမြို့နယ်မှ  ထွက်ရှိသည့် ရွှေနီငှက်ပျောသီး တစ်ဖီးလျင် အလုံးအရေတွက်နှင့် လတ်ဆတ်မှုအပေါ်မူတည်၍ ၅၀၀ဝိ/-နှင့် ၈၀၀ဝိ/- စျေးတို့ဖြင့် ရောင်းချလျက် ရှိပါတယ်။ မိုးရာသီနှင့်နွေရာသီထွက်ငှက်ပျောသီးများမှာ ပို၍ လှပပြီး၊ ဆောင်းရာသီတွင် ငှက်ပျော သီးသီးနှံမှာ လှပမှုနည်းကြောင်း သိရှိရပါတယ်။ စျေးကွက်အနေဖြင့်   ဒီဇင်ဘာလဒုတိယပတ် အတွင်း  ဒေသမျိုးစုံမှအသီးမျိုးစုံဝင်ရောက်မှုများပြီး  ငှက်ပျောသီးမှာ အရောင်းသွက်သည့် သီးနှံဖြစ်ကြောင်း မန္တလေးမြို့၊ ရေနီမြောင်းစျေးရှိ ငှက်ပျောသီးရောင်းချသည့်ဆိုင်ရှင်တစ်ဦး၏ပြောပြချက်အရ သိရှိရပါတယ်။

DOCA(မန္တလေး)