ပြည်တွင်းကုန်သွယ်မှုသတင်း

    ပဲခူးတိုင်းဒေသကြီး သာယာဝတီခရိုင် လက်ပံတန်းမြို့ဈေးရှိ ဇူလိုင်လ တတိယပတ်တွင် ရောင်းချနေသော  သစ်သီးဈေးနှုန်းများမှာ ပန်းသစ်တော်သီး ၁ လုံးလျှင်  (၃၅၀၀/၅၀၀၀/၇၀၀၀/) ကျပ်၊ သင်္ဘောသီး မှည့် ၁လုံးလျှင် (၁၅၀၀/၂၀၀၀/)ကျပ်၊ နာနတ်သီး (၁)လုံး (၂၀၀၀/၃၀၀၀/)ကျပ်၊ နင်္ဂါးမောက်သီး (၁)လုံး (၁၅၀၀/၂၀၀၀/ )ကျပ်၊ဖရဲသီး ၁ လုံး (၅၀၀၀/)ကျပ်၊ လိမ္မော်သီး ၁ လုံး ၂၀၀၀/ကျပ်၊ပန်းသီး ၁ လုံး (၂၀၀၀/) ကျပ်မှ ၂၅၀၀/ကျပ် မာလကာသီး ၁လုံးလျှင် ၁၀၀၀/ ၁၅၀၀/ကျပ်၊ ဒူးရင်းသီးတစ်လုံးလျှင် ၁၀၀၀၀/၁၅၀၀၀ ကျပ်၊ ကြက်မောက်သီးတစ်လုံးလျှင် ၃၀၀ကျပ်၊မင်းဂွတ်သီးတစ်လုံးလျှင် ၃၀၀ ကျပ်၊ သပျစ်သီး ၁၀ကျပ်သားလျှင် (၃၀၀၀/၄၀၀၀/)ကျပ်၊ ဈေးများဖြင့် ရောင်းချ နေကြကြောင်း မေးမြန်းသိရှိရပါသည်။

DOCA(ပဲခူး)

ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့ပေါ်ရှိ မြို့မဈေးနှင့် ရွှေတည် ဈေးကွက်အတွင်း ယခုလ ၂၀၂၅ ဇူလိုင်လ ဒုတိယပါတ်တွင် အခြေခံစားကုန်များဈေးနှင့် သားငါး ဈေးနှုန်းများကို  သွားရောက်စုံစမ်းခဲ့ပါသည်။

     အခြေခံစားကုန်များဖြစ်သော ကြက်သွန်နီထိပ်စတစ်ပိဿာ (၂၀၀၀)ကျပ်၊ ကြက်သွန်နီ အသေးတစ် ပိဿာ(၁၅၀၀)ကျပ်၊ ကြက်သွန်ဖြူကြူကုတ်တစ်ပိဿာ (၁၃၀၀၀)ကျပ်၊ ကြက်သွန်ဖြူ ဥတစ်လုံးတစ်ပိဿာ  (၁၈၀၀၀)ကျပ်၊ ကြက်သွန်ဖြူ ရှမ်းမွှာ တစ်ပိဿာ (၁၅၀၀၀)ကျပ် ၊အာလူး တစ်ပိဿာ (၄၅၀၀)ကျပ်၊ ငရုပ်ရှည်   တစ်ပိဿာ (၁၂၀၀၀)ကျပ်၊ မကျီးသီးမှည့် တစ်ပိဿာ (၁၅၀၀၀)ကျပ်၊ နနွင်းတက် တစ်ပိဿာ (၁၀၀၀၀)ကျပ် ၊     စီပီကြက် တစ်ပိဿာ (၂၅၀၀၀)ကျပ် ၊ ဗမာကြက် တစ်ပိဿာ (၃၂၀၀၀)ကျပ် ၊ အမဲသား တစ်ပိဿာ (၂၅၀၀၀)ကျပ် ၊ ရန်ကုန် ငါးမြစ်ချင်း တစ်ပိဿာ (၂၀၀၀၀)ကျပ် ၊ ငါးခူတစ်ပိဿာ (၂၇၀၀၀) ကျပ်၊ ရိုးရိုး ငါးကြင်းတစ်ပိဿာ (၁၅၀၀၀) ကျပ်၊ပုဇွန်ထုပ်ကြီး တစ်ပိဿာ (၅၀၀၀၀) ကျပ်၊ ပုဇွန်ထုပ် အသေးတစ်ပိဿာ(၃၀၀၀၀) ကျပ် ရှိကြောင်း   စုံစမ်းသိရှိခဲ့ရပါသည်။

     အခြေခံစားကုန်များနှင့် သားငါးဈေးနှုန်းများမှာ ယခင် ၂၀၂၅ ဇွန်လ ဒုတိယပါတ် ဈေးနှုန်းများနှင့် ယခု ၂၀၂၅ ဇူလိုင်လ ဒုတိယပါတ် ဈေးနှုန်းများ နှိုင်းယှဉ်ပါကစားဖိုချောင်သုံး စားကုန်အချို့ ဈေးနည်းငယ် ကျဆင်းသွားပြီး ကျန်စားကုန်များ အတက် အကျမရှိဘဲ ဈေးနှုန်းများ တည်ငြိမ်လျှက်ရှိကြောင်း   စုံစမ်းသိရှိခဲ့ရပါသည်။

DOCA(ပဲခူး)

   ပဲခူးတိုင်း (အနောက်) နတ်တလင်းခရိုင် ဇီးကုန်းမြို့နယ်ရှိ ‌‌‌  ဒေသတွင်း ဆီထွက်သီးနှံဖြစ်သော နှမ်းသီးနှံအား တစ်ပိုင်တစ်နိုင် တိုးမြှင့်စိုက်ပျိုးလာကြသည်။နှမ်းဆီ၊ပဲဆီသန့်တို့အား ဒေသဈေးကွက်တွင် စားသုံးသူများ၏ လိုအပ်ချက် အရ စိုက်ပျိုးကြိတ်ခွဲ စားသုံးနိုင်ရေး လယ်ယာမြေ ၊ခြံမြေနှင့် ကုန်းကွင်းတို့၌ သီးသန့်စိုက် ပျိုးလာကြောင်း သိရသည်။

     မိုးနှမ်းအား မေလဆန်းတွင် မိုးကြိုနှမ်းအဖြစ် စတင်စိုက်ပျိုးပြီး ဩဂုက်လတွင် ရိတ်သိမ်းနိုင်ပြီ ဖြစ် ၍ ၂၀၂၄-၂၀၂၅ ခုနှစ် စိုက်ပျိုးဧကမှာ (၁၅၇၀)ဧက ဖြစ်ကြောင်း မြို့နယ်စိုက်ပျိုးရေး ဌာနမှ သိရသည်၊ ဒေသစိုက် နှမ်းမျိုးမှာ စမုံနက်နှင့်နှမ်းနီတို့ဖြစ်သည်။

     နှမ်းသီနှံပေါ်ချိန်တွင် မြို့နယ်ဆီစက်ငယ်များသို့ ဆီကြိတ်ခွဲ စားသုံးမှု့နှင့် ကုန်ကြမ်းဖြစ်သော နှမ်းဖတ် တို့အား ဆီစက်များမှ ကြိတ်ခအဖြစ် ကုန်ကြစရိတ် နည်းစွာ ဆီကြိတ်ခွဲ ရမှု့ အပေါ် စားဆီဖှုလုံမှု့ အထောက်အပံ့များ ရရှိစေပြီး ဆီသန့်များ စားသုံးနိုင်မှု့ ရရှိနိုင်ကြမည် ဖြစ်သဖြင့် ဆီထွက်သီးနှံများ ဖြစ်သော မိုးနှမ်းမြေပဲနှင့် ဆောင်းနှမ်း/မြေပဲ တို့အား နည်းစနှစ်တကျ စိုက်ပျိုး လာကြခြင်းဖြင့် ဒေသစားသုံးမှု့  ပိုလျှံပါက ပြည်တွင်းစားသုံးဆီဖူလုံမှု့ ရရှိနိုင်မည် ဖြစ်ပါသည်။

DOCA(ပဲခူး)

   ပဲခူးတိုင်းဒေသကြီး ၊ နတ်တလင်းခရိုင် ၊ နတ်တလင်းမြို့ ညဈေးတွင် ရောင်းချနေသော ခရမ်းချဉ်သီး ဈေးနှုန်းများမှာ မိုးရာသီတွင် ခရမ်းချဉ်သီး ရှားပါးသောကြောင့်  ဇွန်လပထမပတ်တွင် ခရမ်းချဉ်သီးတစ်ပိဿာ (၅၀၀၀)ကျပ်၊ ဇွန်လ ဒုတိယပထမပတ်တွင် ရောင်းချနေသော ခရမ်းချဉ်သီး ဈေးနှုန်းများမှာ ခရမ်းချဉ်သီး တစ်ပိဿာ (၇၀၀၀) ကျပ်နှုန်းရှိပြီး၊ ခရမ်းချဉ်သီး ဈေးနှုန်းများ မြင့်တက်ရခြင်းမှာ မိုးရာသီတွင် ခရမ်းချဉ်သီး ရှားပါးသောကြောင့်  ဈေးနှုန်းမြင့်တက်ရခြင်းဖြစ်ပါသည်။ 

   ဇွန်လ ပထမပတ်တွင် ရောင်းချနေသော အာလူးဈေးနှုန်းမှာ အာလူးတစ်ပိဿာ (၇၀၀၀)ကျပ် ဖြစ်ပြီး ယခုဒုတိယပတ်တွင် ရောင်းချနေသော အာလူးဈေးနှုန်းများမှာ အာလူး တစ်ပိဿာ (၇၀၀၀)ကျပ်ဖြင့် ဈေးနှုန်းတည်ငြိမ်နေကြောင်း သိရပါသည်။ သို့ဖြစ်ပါ၍ စားသုံးသူများအနေဖြင့် အာလူး ဈေးနှုန်းများသည် တည်ငြိမ်နေပါသော်လည်း  အရောင်းဝယ်သွက်လျက်ရှိပါသည်။

  DOCA(ပဲခူး)

      မျှစ်သည် ဝါးပင်နုနုလေးများဖြစ်ပါသည်။ အမြင့်တစ်ပေ မပြည့်ခင်မှာ ခူးဆွတ်ထားသည့် ဝါးပင်ရဲ့ အသားတက်လေးတွေဖြစ်ပါသည်။ အသားမှာ စားလျှင် ခပ်ကြွပ်ကြွပ်လေးဖြင့် စားကောင်း ပါသည်။ ဝါးပင်နုလေးများ အရွယ်ရောက်လာသည့်အခါ ဝါးဖြင့် ရက်လုပ်ရောင်းချသည့် စကော၊ စကာ၊ တောင်း၊ ဝါးကုလားထိုင်အပြင် ဝါးနှီးများအဖြစ်လည်း အသုံးပြုကြပါသည်။ မြန်မာနိုင်ငံဒေသ အတွင်းလည်း ပေါက်ရောက်ကြောင်း သိရပါသည်။ မျှစ်သည် ပရိုတင်းကြွယ်ဝပြီး ကယ်လိုရီပါဝင်မှု နည်းပါးပါသည်။ မျှင်ကို လူအများနှစ်ခြိုက်စွာစားသုံးကြပါသည်။ အမျှင်ဓါတ်များသည့်အတွက် ဝမ်းမှန်၏စေပါသည်။ မျှစ်သည်‌ ကြော်စားခြင်း၊ သုတ်စားခြင်း၊ ဟင်းရည်ချက်စားခြင်းနှင့် အတို့ အမြှုပ် အနေဖြင့်လည်း အမျိုးမျိုးစားသောက်၍ရပါသည်။ မျှစ်ပင်များအား မိုးဦးကျ ရာသီတွင် သာစား သောက်ရပါသည်။ မျှစ်စိုများအား တောင်သူများမှ တောအတွင်းဝင်‌ရောက်ပြီး တူးယူရပါ သည်။ ရရှိလာသည့် မျှစ်အစိမ်းများအား ရေနွေးဆူဆူတွင် (၁၅)မိနစ်ခန့် အချိန်ကြာမြင့်စွာ ပြုတ်ပြီးလျှင် နူးညံ့သောမျှစ်ပြုတ်များ ရရှိလာပါသည်။ မျှစ်များအား စားသုံးခြင်းဖြင့် ကျန်းမာရေး အတွက် အထောက်အကူပြုကြောင်း သိရှိရပါသည်။ ပြည်ဈေးကွက်တွင် ရောင်းချနေသော မျှစ်နု(အစိမ်း)ဈေးနှုန်းမှာ တစ်ပိဿာလျှင် (၁၀၀၀)ကျပ်၊ မျှစ်ပြုတ်တစ်ပိဿာလျှင် (၂၀၀၀)ကျပ် နှုန်းဖြင့်ရောင်းချလျှက်ရှိပါသည်။ မျှစ်ပေါ်ခါတွင် မျှစ်စိမ်းတစ်ပိဿာလျှင် (၂၅၀၀-၃၀၀၀)ကျပ်၊ မျှစ်ပြုတ်တစ်ပိဿာလျှင် (၃၀၀၀-၃၅၀၀)ကျပ်ဖြင့် ရောင်းချခဲ့ကြောင်း သိရှိရပါသည်။

DOCA(ပဲခူး)