ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် မြို့အနီးရှိကျေးရွာများဖြစ်သော ပန်းတော်ပြင်ကျေးရွာ၊ ဥယျာဉ်ကျေးရွာ၊ မယ်ဇလီတောကျေးရွာ၊ ‌‌ညောင်ပင်သာကျေးရွာ၊ ရွာတော်ကျေးရွာတို့မှထွက်ရှိသော ဟင်းသီးဟင်းရွက်များအပါအဝင် မိကျောင်းရဲမြို့၊ တောင်တွင်းကြီးမြို့၊ သရက်မြို့၊ ပွင့်ဖြူမြို့၊ ရန်ကုန်မြို့၊ မင်းဘူးမြို့နှင့် မကွေးမြို့တို့မှ ကုန်စည်များကိုမှာယူ၍ ရောင်းဝယ်ဖောက်ကားလျက်ရှိပါသည်။

  ၂၀၂၃ခုနှစ်၊ အောက်တိုဘာလ (စတုတ္ထပတ်) တွင် မင်းလှမြို့၊ ဇေယျာသီရိဈေး၌ရောင်းချလျက်ရှိသော အခြေခံစားကုန်များ၏ဈေးနှုန်းများမှာ ဇီယာဆန် (၁) ပြည်လျှင် ကျပ် (၃၅၀၀)၊ ‌ပေါ်ဆန်း (ဖျာပုံ) (၁) ပြည်လျှင် ကျပ် (၅၀၀၀)၊ ပေါ်ဆန်း (ရွှေဘို) (၁) ပြည်လျှင် ကျပ် (၇၀၀၀)၊ ဧရာပဒေသာ (၁) ပြည်လျှင် ကျပ် (၆၀၀၀)၊ နှမ်းဆီ (၁) ပိဿာလျှင် ကျပ်(၁၆၀၀၀)၊ ပဲဆီ (၁) ပိဿာလျှင် ကျပ်(၁၆၀၀၀)၊ မျှင်ငါးပိ (၁) ပိဿာလျှင် ကျပ် (၆၀၀)၊ ကြက်သွန်နီ (၁) ပိဿာလျှင် ကျပ် (၃၅၀၀)၊ ကြက်သွန်ဖြူ (ရှမ်း) (၁) ပိဿာလျှင် ကျပ် (၈၀၀၀)၊ ကြက်သွန်ဖြူ (ဗမာ) (၁) ပိဿာလျှင် ကျပ် (၁၀၀၀၀)၊ ငရုတ်သီးခြောက် (ရှည်)(၁) ပိဿာလျှင် ကျပ်(၂၀၀၀၀)၊ ချင်းတက်(၁)(၁)ပိဿာလျှင် ကျပ်(၁၀၀၀၀)၊ နနွင်းတက် (၁) ပိဿာလျှင် ကျပ်(၁၀၀၀၀)၊ ပုစွန်ခြောက်(၁)ပိဿာလျှင် ကျပ်(၇၀၀၀၀ - ၉၀၀၀၀)၊ အာဗြဲခြောက် (၁) ပိဿာလျှင် ကျပ် (၃၀၀၀၀)၊ အိမ်သုံးဆား (၁) ပိဿာလျှင် ကျပ် (၇၀၀)၊ ငရုတ်သီးစိမ်း (၁) ပိဿာလျှင် ကျပ် (၁၆၀၀၀)၊ ခရမ်းချဉ်သီး (၁) ပိဿာလျှင် ကျပ် (၁၆၀၀-၁၈၀၀)၊ ခရမ်းသီး (၁) ပိဿာလျှင် ကျပ် (၄၀၀၀)၊ ပဲသီး (၁) ပိဿာလျှင် ကျပ် (၄၀၀၀)၊ အာလူး (၁) ပိဿာလျှင် ကျပ် (၂၆၀၀)၊ မုန်လာဥနီ (၁) ပိဿာလျှင် ကျပ် (၅၀၀၀)၊ မုန်ညှင်း (၁) ပိဿာလျှင် ကျပ် (၅၀၀၀)၊ ရုံးပတီသီး (၁၀) တောင့်လျှင် ကျပ် (၂၀၀)၊ ပန်းဂေါ်ဖီ (၁) ပွင့်လျှင် ကျပ် (၁၅၀၀)၊ ဂေါ်ဖီထုပ် (၁) ထုပ်လျှင် ကျပ် (၁၂၀၀)၊ ‌ဂေါ်ရခါးသီး (၄) လုံးလျှင် ကျပ် (၁၀၀၀)၊ ချဉ်‌ပေါင်ရွက် (၁) စည်းလျှင် ကျပ် (၅၀)၊ ကန်စွန်းရွက် (၁) စည်းလျှင် ကျပ် (၅၀)၊ သခွားသီး (၁) လုံးလျှင် ကျပ် (၂၀၀)၊ ပြောင်းဖူး (သကြား) (၁) ဖူးလျှင် ကျပ် (၃၅၀)၊ ပြောင်းဖူး (ရိုးရိုး) (၁) ဖူးလျှင် ကျပ် (၃၅၀)၊ မြေပဲဆံ (၁) ပြည်လျှင် ကျပ် (၁၀၀၀၀)၊ ကုလားပဲ (၁) ပြည်လျှင် ကျပ် (၁၀၀၀၀)၊ မောင်မခေါ်ပဲ (၁) ပြည်လျှင် ကျပ် (၁၁၀၀၀)၊ ကြက်သား (CP) (၁) ပိဿာလျှင် ကျပ် (၁၀၀၀၀)၊ ကြက်သား (ဗမာ) (၁) ပိဿာလျှင် ကျပ် (၁၇၀၀၀)၊ ဝက်သား (၁) ပိဿာလျှင် ကျပ် (၁၃၀၀၀)၊ အမဲသား (၁) ပိဿာလျှင် ကျပ် (၁၃၀၀၀)၊ ဆိတ်သား (၁) ပိဿာလျှင် ကျပ် (၁၆၀၀၀-၂၀၀၀၀)၊ မြစ်ပုစွန်ထုပ်ကြီး (၁) ပိဿာလျှင် ကျပ် (၄၀၀၀၀)၊ မြစ်ငါးမြင်း (၁) ပိဿာလျှင် ကျပ် (၂၄၀၀၀)၊ မြစ်ငါးကြင်း (၁) ပိဿာလျှင် ကျပ် (၁၄၀၀၀)၊ ရေခဲရိုက်ငါးတန် (၁) ပိဿာလျှင် ကျပ် (၆၅၀၀)၊ ကြက်ဥ (၁၀) လုံးလျှင် ကျပ် (၂၅၀၀-၂၇၀၀)၊ ဘဲဥ (၁၀) လုံးလျှင် ကျပ် (၄၀၀၀)၊ ငုံးဥ (၁၀) လုံးလျှင် ကျပ် (၇၀၀) စသည်ဖြင့် အသီးသီးအရောင်းအဝယ်ဖြစ်လျက်ရှိကြောင်း ဈေးရောင်းချသူများထံမှသိရှိရပါသည်။

DOCA(မကွေး)

        မြန်မာနိုင်ငံသည် စိုက်ပျိုးရေးကိုအခြေခံသောနိုင်ငံဖြစ်ပြီး စပါးကိုအဓိကထားစိုက်ပျိုးသော နိုင်ငံဖြစ်ပါသည်။   စပါးများကို ခေတ်မီဆန်စက်များတွင် ကြိတ်ခွဲ၍ ထွက်ရှိလာသော ဆန်၊ဆန်ကွဲ၊  ဖွဲနု၊ ဖွဲကြမ်းများကို နည်းလမ်းမျိုးစုံဖြင့် အသုံးပြုလျက်ရှိကြသည်။ ဆန်သည် လူတို့အတွက် အရေးအကြီးဆုံး အဟာရဖြစ်ပြီး ဖွဲနုသည်လည်း တိရိစ္ဆာန်များအတွက် အစားအစာအဖြစ် အသုံးပြုရသည်။   ငါး၊ကြက်၊ဝက်၊ နွားနှင့် အိမ်မွေးတိရိစ္ဆာန်များအတွက် အရေးပါသည့် အစားအစာတစ်မျိုးဖြစ်သည်။

       ဖွဲနုတွင်ပါဝင်သော အာဟာရတန်ဖိုးများမှာ ပရိုတင်း၊ ဖိုင်ဘာနှင့် စွမ်းအင်တို့မြင့်မားစွာ ပါဝင်ပြီး ဗိုက်တာမင်နှင့် သတ္တုဓါတ်များလည်း များစွာပါဝင်ကြောင်း သိရသည်။ ထို့အပြင် အစာကြေ  ညက်လွယ် ခြင်း၊အူလမ်းကြောင်းကျန်းမာရေး ကောင်းမွန်စေခြင်းနှင့် Antioxidant တို့ပါဝင်သည့် အတွက် တိရစ္ဆာန်များ ကိုယ်ခံအားစနစ်ကို တိုးတက်ကောင်းမွန်စေသည်။ သို့သော် ဖွဲနုသည် အဆီထုတ်ထားသည့် ဖွဲနုမဟုတ်ပါက အဆီဓါတ်မြင့်မားစွာ ပါဝင်နေမည်ဖြစ်ပြီး အဆီမထုတ်ထားသော ဖွဲနုများကို ကာလကြာရှည်စွာ မလှောင်ထားသင့်ပဲ လျင်လျင်မြန်မြန် အသုံးပြုသင့်ပါသည်။ အဆီထုတ်ထားသောဖွဲနုဖြစ်ပါက ကြာရှည်စွာ သိုလှောင်ထားနိုင်ပါသည်။ သို့သော် ဖွဲနုတွင် သတ္တုဓါတ်များ စုပ်ယူမှုကို အဟန့်အတားဖြစ်စေသည့် Phytate ပါဝင်မှုမြင့်မားသည့်အတွက် Phytate ကိုချေဖျက်ဖြိုခွဲပေးနိုင်သည့် Phytate Enzyme များကို ဖွဲနုအစာနှင့် တွဲဖက်အသုံးပြုသင့်ပါသည်။ ဖွဲနုကို တိရိစ္ဆာန်အစာများတွင် သင့်တင့်မျှတစွာ ထည့်သွင်းအသုံးပြုခြင်းက တိရိစ္ဆာန်များအတွက် လွန်စွာအဟာရပြည့်ဝစေပါသည်။ ဖွဲနုတွင် အဟာရတန်ဖိုးအဖြစ်  Crude Protein/  Crude Fat/ Crude Fiber တို့အပြင် Calcium/Phosphorus/  Methionine/ Lysine/ Choline/ Linoleic Acid နှင့် Metabolic Energy တို့ပါဝင်ကြောင်း သိရပါသည်။

      ပဲခူးတိုင်းဒေသကြီး၊ သာယာဝတီခရိုင်တွင်  မိုးစပါးများ လှိုင်လှိုင်ထွက်ရှိလာသောကြောင့် ဖွဲနု များမှာ ယခင်စက်တင်ဘာလ ပေါက်ဈေး၄၂၀ကျပ်ရှိခဲ့သော်လည်း ယခုအခါတွင် ဈေးနှုန်း ကျဆင်း လျက်ရှိပါသည်။ ဖွဲနု (၆၅)ပေါင်တစ်အိတ်လျှင် ၂၄၀၅၀  /ကျပ်ဖြင့် အရောင်းအဝယ်ဖြစ်ပြီး အဓိက ဝယ်လက်များမှာ ဒေသတွင်းငါးမွေးမြူရေးကန်များမှ ငါးစာအဖြစ် ဝယ်ယူသုံးစွဲလျက်ရှိပြီး ပိုလျှံသည့် ဖွဲနုများကို အခြားတိုင်းနှင့် ပြည်နယ်များသို့ တင်ပို့ရောင်းချနိုင်ကြောင်းလည်း သိရှိရပါသည်။ အောက်တိုဘာ ပထမပတ်နှင့် ဒုတိယပတ်များတွင် တစ်ပေါင်လျှင် ၃၇၀/ကျပ်ဖြစ်ပြီး တတိယပတ်နှင့် စတုတ္ထပတ်များ (၃၇၅) ကျပ်ဈေးဖြင့် အရောင်းအဝယ်ဖြစ်နေကြောင်း သိရသဖြင့် ဖွဲနုဈေးကွက်အနေဖြင့် ယခင်လထက် နှိုင်းယှဉ်ပါက အကျဘက်သို့ ဦးတည်နေပါကြောင်း ဈေးကွက်အတွင်း လေ့လာမှုများအရ သိရှိရပါသည်။

DOCA(ပဲခူး)

     တောင်ငူမြို့တွင် ယူရီးယားလုံးကြီး ဓါတ်မြေဩဇာများဖြစ်သော နေရွက်လှေတံဆိပ်မှာ တစ်အိတ်လျှင် ၇၇၀၀၀ ကျပ်၊ Good Luck တံဆိပ်မှာ ၇၈၀၀၀ ကျပ်၊ Rainbow တံဆိပ်မှာ ၈၁၀၀၀ ကျပ်၊ ရွှေကောမတ် 10:20:20 ကွန်ပေါင်းဓါတ်မြေဩဇာမှာ တစ်အိတ်လျှင် ၆၈၀၀၀ ကျပ်၊ 15:15:15 ကွန်ပေါင်းဓါတ်မြေဩဇာမှာ တစ်အိတ်လျှင် ၁၁၅၀၀၀ ကျပ်၊ Flat Plus (Farm Lieknd) ပိုးသတ်ဆေးမှာ တစ်လီတာလျှင် ၄၆၅၀၀ ကျပ် အသီးသီးရှိပြီး ဈေးနှုန်းတည်ငြိမ်လျက်ရှိပါသည်။.

    ယခင်မိုးစပါး စိုက်ပျိုးစဉ်ကာလက မြင်းပျံ၊ CP, MC, အာမို၊ ဩဘာ စသည့် ဓါတ်မြေဩဇာ များမှာ အရောင်းသွက်ခဲ့ပါသည်။ ယခုအခါ မိုးစပါးစိုက်ပျိုးပြီးစီးပြီးဖြစ်သဖြင့် ၎င်းမြေဩဇာများမှာ ဝယ်ယူမှုမရှိသလောက် ဖြစ်နေပြီး ဓါတ်မြေဩဇာအရောင်းဆိုင်များက ဝယ်ယူသိုလှောင်ခြင်း မရှိသောကြောင့် ပစ္စည်းပြတ်လပ်နေကြောင်း သိရှိရပါသည်။

DOCA(ပဲခူး)

     မကွေးတိုင်းဒေသကြီး၊ မကွေးခရိုင်၊ မကွေးကုန်စည်ဒိုင်သို့ နှမ်းနှင့်ပဲမျိုးစုံသီးနှံများကို မကွေးမြို့နယ်အတွင်းရှိကျေးရွာများနှင့် ရေနံချောင်း၊ နတ်မောက်မြို့များအပြင် မင်းဘူးမြို့နယ်အတွင်းရှိ ကျေးရွာများမှလည်း လာရောက်ရောင်းချကြကြောင်းသိရသည်။

     မကွေးကုန်စည်ဒိုင်တွင်၂၀၂၃ခုနှစ်၊ အောက်တိုဘာလ(စတုတ္ထပတ်)၌ နှမ်းဖြူ(၁)တင်းလျှင် ကျပ်(၁၃၀၀၅၀)ဖြစ်ခဲ့ပြီး (၁)ရက်လျှင် (၄၅)ပိဿာဝင်အိတ်ဖြင့် အိတ်ရေ(၄၀၀)ခန့်၊ နှမ်းနီ(၁)တင်းလျှင် ကျပ်(၁၀၈၀၀၀)ဖြစ်ခဲ့ပြီး (၁)ရက်လျှင် အိတ်ရေ(၂၄၀)ခန့်၊ နှမ်းနက်(စမုံ)(၁)တင်းလျှင် ကျပ် (၁၁၈၀၅၀) ဖြစ်ခဲ့ပြီး (၁)ရက်လျှင် အိတ်ရေ (၄၀၀)ခန့်၊ နှမ်းညိုကြား(၁)တင်းလျှင် ကျပ်(၁၀၂၀၀၀)ဖြစ်ခဲ့ပြီး (၁)ရက်လျှင် အိတ်ရေ (၁၀၀)ခန့်၊ နှမ်းနက်(ရိုးရိုး)(၁)တင်းလျှင် ကျပ်(၁၀၆၉၅၀)ဖြစ်ခဲ့ပြီး (၁)ရက်လျှင် အိတ်ရေ(၁၂၀)ခန့် အရောင်းအဝယ်ဖြစ်လျက်ရှိပါသည်။ ယခင်(တတိယပတ်)နှင့်နှိုင်းယှဉ်ပါက ယခု (စတုတ္ထပတ်)တွင် နှမ်းဖြူ(၁)တင်းလျှင် ကျပ်(၃၁၅၀)နှင့် နှမ်းနက်(စမုံ) (၁)တင်းလျှင် ကျပ်တို့(၁၀၅၀)ဖြင့် အသီးသီးဈေးမြင့်တက်ခဲ့ပါသည်။ နှမ်းနီမှာ ကျပ်(၁၉၅၀)ဈေးလျောခဲ့ပြီး နှမ်းညိုကြားနှင့် နှမ်းနက်(ရိုးရိုး)မှာ ဈေးနှုန်းတည်ငြိမ်လျက်ရှိကြောင်းသိရသည်။

   ပဲဈေးနှုန်းများမှာလည်း အောက်တိုဘာလ(စတုတ္ထပတ်)၌ ပဲတီစီမ်း(၁)တင်းလျှင် ကျပ် (၅၉၀၀၀)ဖြစ်ခဲ့ပြီး (၁)ရက်လျှင်(၃၀)ပိဿာဝင်အိတ်ဖြင့် အိတ်ရေ(၄၀၀)အိတ်ခန့်၊ ကုလားပဲ(HL) (၁) တင်းလျှင် ကျပ်(၈၇၉၇၀)ဖြစ်ခဲ့ပြီး (၁)ရက်လျှင် အိတ်ရေ(၁၄၀)အိတ်ခန့်၊ ကုလားပဲ(929)(၁)တင်းလျှင် ကျပ် (၈၈၇၃၀)ဖြစ်ခဲ့ပြီး (၁)ရက်လျှင် အိတ်ရေ(၆၀)အိတ်ခန့်၊ ပဲကြီးဖြူ(၁)တင်းလျှင် ကျပ်(၁၀၆၉၇၀) ဖြစ်ခဲ့ပြီး (၁)ရက်လျှင် အိတ်ရေ(၁၀၀)အိတ်ခန့်၊ ပဲကြီးမဲ(၁)တင်းလျှင် ကျပ်(၈၅၀၂၅)ဖြစ်ခဲ့ပြီး (၁)ရက်လျှင် အိတ်ရေ(၄၀)အိတ်ခန့်၊ မတ်ပဲ(၁)တင်းလျှင် ကျပ်(၉၁၀၀၀)ဖြစ်ခဲ့ပြီး (၁)ရက်လျှင် အိတ်ရေ (၄၀)အိတ်ခန့်၊ မြေပဲဆီဆံ(အောက်ကျ)(၁)တင်းလျှင် ကျပ်(၅၈၅၀၀)ဖြစ်ခဲ့ပြီး (၁)ရက်လျှင် အိတ်ရေ(၄၀၀)အိတ်ခန့်အရောင်းအဝယ်ဖြစ်လျက်ရှိသည်။ ယခင်(တတိယပတ်)နှင့်နှိုင်းယှဉ်ပါက ယခု(စတုတ္ထပတ်)တွင် ပဲတီစိမ်း၊  ကုလားပဲ(HL)၊ ကုလားပဲ(929)၊ ပဲကြီးဖြူ၊ ပဲကြီးမဲတို့မှာ ဈေးနှုန်းတည်ငြိမ်လျက်ရှိသည်။ မတ်ပဲမှာ ကျပ်(၃၀၀၀)ဖြင့် ဈေးနှုန်းမြင့်တက်ခဲ့ပြီး မြေပဲဆီဆံ(အောက်ကျ)မှာ ကျပ်(၆၀၀၀)ဈေးလျော့ကျခဲ့ကြောင်းသိရသည်။

    အောက်တိုဘာလ(စတုတ္ထပတ်)၌ မကွေးမြို့မှ မန္တလေးမြို့သို့ တင်ပို့မှုအနေဖြင့် နှမ်း(၅၀၀၀) အိတ်နှင့် ရန်ကုန်မြို့သို့ နှမ်း(၁၃၀၀)အိတ်၊ စုစုပေါင်းနှမ်း (၆၃၀၀)အိတ်၊ မကွေးမြို့မှ မန္တလေးမြို့သို့ တင်ပို့မှုအနေဖြင့် မြေပဲ (၁၀၀၀)အိတ်၊ ကုလားပဲ(၁၅၀၀)အိတ်၊ ပဲတီစိမ်း(၁၀၀၀)အိတ်နှင့် ရန်ကုန်မြို့သို့ မြေပဲ(၁၀၀၀)အိတ်၊ ကုလားပဲ(၅၀၀)အိတ်၊ ပဲတီစိမ်း(၁၀၀၀)အိတ်၊ စုစုပေါင်း(၆၀၀၀)အိတ်တင်ပို့ ခဲ့ကြောင်း မကွေးကုန်စည်ဒိုင်မှသိရပါသည်။

DOCA(မကွေး)

      တောင်ငူမြို့ ညောင်ပင်ဈေးရှိ သားငါးဆိုင်များတွင် ယခု အောက်တိုဘာ စတုတ္ထပတ်တွင် ကြက်သား (အိမ်မွေးကြက်)မှာ အကောင်လိုက်ဈေး ၁၇၀၀၀ ကျပ်၊ အခြမ်းလိုက်ဈေး ၂၀၀၀၀ ကျပ်၊ စီပီကြက်မှာ တစ်ပိဿာလျှင် အကောင်လိုက်ဈေး ၈၀၀၀ ကျပ်၊ အခြမ်းလိုက် ဈေး ၁၀၀၀၀ ကျပ်၊ ရင်အုပ်သား ၁၁၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

      ဝက်သား(ရေလွတ်သား) သုံးထပ်သား တစ်ပိဿာလျှင် ၁၆၀၀၀ ကျပ်၊ ပေါင်သားမှာ တစ်ပိဿာလျှင် ၁၇၀၀၀ ကျပ်၊ အသားသီးသန့်မှာ တစ်ပိဿာလျှင် ၁၈၀၀၀ ဖြင့် ဈေးနှုန်းအနည်း ငယ် ကျဆင်းပါသည်။

      ငါးကြင်းမှာ အကောင်လိုက်ဈေး တစ်ပိဿာလျှင် ၁၀၀၀၀ ကျပ်၊ အခြမ်းလိုက်ဈေး ၁၂၀၀၀ ကျပ်ဖြင့် ဈေးနှုန်းတည်ငြိမ်နေပြီး ငါးကြင်းဖြူမှာ ယခင်အပတ်က အကောင်လိုက်ဈေး တစ်ပိဿာလျှင် ၁၇၀၀၀ ကျပ်၊ အမြီးလွတ်၊ ခေါင်းလွတ် တစ်ပိဿာလျှင် ၂၀၀၀၀ ကျပ် ရှိရာမှ ယခု  အပတ်တွင် အကောင်လိုက်ဈေး တစ်ပိဿာလျှင် ၁၈၀၀၀ ကျပ်နှင့် အခြမ်းလိုက်ဈေး တစ်ပိဿာလျှင် ၂၂၀၀၀ ကျပ်ဖြင့် ဈေးနှုန်းအနည်းငယ်တက်ပါသည်။

      ငါးရံ့မှာ တစ်ပိဿာလျှင် အသေး ၁၂၀၀၀ ကျပ်၊ အလတ် ၁၄၀၀၀ ကျပ်နှင့် အကြီး ၁၆၀၀၀ ကျပ်၊ ငါးခူမှာ တစ်ပိဿာလျှင် အသေး ၁၂၀၀၀ ကျပ်၊ အလတ် ၁၄၀၀၀ ကျပ်နှင့် အကြီး ၁၆၀၀၀ ကျပ်ဖြင့် ဈေးနှုန်း တည်ငြိမ်နေပါသည်။

   ပုစွန်ဆိတ် တစ်ပိဿာလျှင် ၁၂၀၀၀ ကျပ်၊ ပုစွန်ကျော့မှာ တစ်ပိဿာလျှင် ၁၅၀၀၀ ကျပ်၊ ပုစွန်အသေးမှာ တစ်ပိဿာလျှင် ၂၄၀၀၀ ကျပ်၊ ပုစွန်အလတ်မှာ တစ်ပိဿာလျှင် ၂၆၀၀၀ ကျပ်ဖြင့် ဈေးနှုန်းတည်ငြိမ်နေပြီး ပုစွန်အကြီးမှာ ယခင်အောက်တိုဘာ တတိယပတ်က တစ်ပိဿာလျှင် ၂၈၀၀၀ ကျပ်ရှိရာမှ ယခု အောက်တိုဘာ စတုတ္ထပတ်တွင် တစ်ပိဿာလျှင် ၃၀၀၀၀ ကျပ်ဖြင့် ဈေးနှုန်းအနည်းငယ်တက်ကြောင်း ညောင်ပင်ဈေးရှိ အသားငါးအရောင်းဆိုင်များမှ သိရှိရပါသည်။

DOCA(ပဲခူး)