ပြည်တွင်းကုန်သွယ်မှုသတင်း

    ပုလောဝက်အူချောင်းကို မြိတ်မြို့တွင်သာမက ပုလောမြို့တွင်လည်း ထုတ်လုပ်ဖြန့် ရောင်းချလျက်ရှိသည်။ အချိုဓါတ်များပြီး အရသာရှိသောကြောင့် လက်ဆောင်အဖြစ်ဝယ်ယူကြပြီး မြိတ်ခရိုင်ဒေသထွက်အစားအစာများထဲမှ  တစ်ခုအပါအဝင်ဖြစ်သည်။ ဝက်အူချောင်များထဲမှ ပုလော ဝက်အူချောင်းသည် အရောင်းရဆုံးဖြစ်ပြီး လူကြိုက်အများဆုံးဖြစ်သည်။

    မြိတ်မြို့တွင်ရောင်းချလျက်ရှိသော ဝက်အူချောင်းစျေးနှုန်းမှာ တစ်ပိဿာ (၄၅၀၀၀)ကျပ်ရှိပြီး ပုလောဝက်အူချောင်မှာ တစ်ပိဿာလျှင် (၅၀၀၀၀)ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

    မန္တလေးမြို့တွင်းသို့ ပြင်ဦးလွင်နှင့်ရှမ်းပြည်နယ်တောင်ပိုင်း ရွာငံနှင့် ရပ်ဆောက်ဘက်များ မှ သစ္စာပန်းများ ယခုရက်ပိုင်းအတွင်း လှိုင်လှိုင်ဝင်ရောက်လျှက်ရှိပါသည်။ မန္တလေးဒေသခံ ပြည်သူများအနေနှင့် သစ္စာပန်းများကိုအိမ်ဘုရားနှင့် ဘုန်းတော်ကြီးကျောင်း၊စေတီပုထိုးများတွင် ဝါတွင်း ကာလတွင် သစ္စာပန်းများ လှိုင်လှိုင်ဘုရားတင်လှူကြပါသည်။ အနီရောင်၊အဝါရောင်၊ ပန်းရောင်၊ခရမ်းရောင်၊လိမ္မော်ရောင်အဖြူရောင်တို့ဖြင့်လှပသည့်သစ္စာပန်းများ ဈေးနှုန်းဈေးကွက် အနေ နှင့် ၅ ခက် ၁ စီးပါ လက်လီရောင်ဈေး ၁၅၀၀-၂၀၀၀-၂၅၀၀ ကျပ်များနှင့် ရောင်းဝယ် မှုရှိပြီးပြင်ဦးလွင်နှင့်ရွာငံဘက် များမှ ဝင်ရောက်သည့် ပန်းစည်းများအနေနှင့် ၅ ခက်စည်း ပါ၁၅ စည်း ၁ စည်းလျှင် ပန်းဒိုင်  ရောင်းဝယ်ဈေးအနေနှင့် ၂၀၀၀၀ ကျပ်မှ ၂၅၀၀၀ ကျပ် ဈေးနှုန်း များနှင့် ရောင်းဝယ်မှုရှိပြီး ယခု ရက်ပိုင်းအတွင်း ပန်းအဝင်များလည်း လှိုင်လှိုင်ဝင်ရောက်ပြီး ရောင်းဝယ်မှုအားကောင်းကြောင်း လေ့လာသိရှိရပါသည်။

DOCA(မန္တလေး)

               ကျွန်းလှမြို့၊ သစ်ရာမြိုင်ဈေးတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံးကုန် ပစ္စည်းများရောင်းချသည့်အနက်မှ အသား/ငါး ဈေးနှုန်းများထဲမှ ဝက်သားဈေးနှုန်းသည်လည်း မြင့်တက် လျက်ရှိပါသည်။

         ကျွန်းလှမြို့ ဇူလိုင်လ ပထမပတ်၏ သားဝက်ဈေးနှုန်းများအနေဖြင့် ဝက်သားရှယ် (အသားသီး သန့်) လက်လီ တစ်ပိဿာလျှင်(၃၂၀၀၀)ကျပ်၊ ဝက်သား(ပေါင်သား) လက်လီ တစ်ပိဿာလျှင် (၃၀၀၀၀) ကျပ်၊ ဝက်သားရိုးရိုး(နံကိုင်းသား)လက္ကား တစ်ပိဿာလျှင်(၂၇၀၀၀)ကျပ်၊ ဝက်သားရိုးရိုး(နံကိုင်းသား) လက်လီ တစ်ပိဿာလျှင်(၂၉၀၀၀)ကျပ်၊ ဝက်သား ဝမ်းတွင်းကလီစာ လက်လီ တစ်ပိဿာလျှင် (၂၀၀၀၀) ကျပ် နှင့် ဝက်သား(မေးဖျား၊ နားရွက်)လက်လီ တစ်ပိဿာလျှင်(၂၅၀၀၀)ကျပ်၊ (၁)ပိဿာလျှင်(၄၀၀၀) ကျပ်ဈေးနှုန်းတို့ဖြင့်  အရောင်းအဝယ်ဖြစ်လျက်ရှိကြောင်း ဝက်သားရောင်းချသူထံမှ သိရပါသည်။

DOCA(စစ်ကိုင်း)

   မန္တလေးကုန်စိမ်းစျေးကွက်အတွင်းသို့ ဒေသတွင်းမြို့နယ်များမှ ထွက်သည့်ကုန်စိမ်းများ၊ စစ်ကိုင်းတိုင်းဒေသကြီးနှင့်ရှမ်းပြည်နယ်ဒေသထွက်ကုန်စိမ်းများ ဝင်ရောက်မှုများပြီး၊ကျန်ဒေသများ မှလည်းဝင်ရောက်ကြောင်းသိရပါသည်။ မန္တလေးမြို့၄၁လမ်းစျေး(ကမ်းနားလမ်းစျေး)နှင့်သီရိမာလာ ဈေး(ပိုက်ကျုံးစျေး)တို့မှာ ဟင်းသီးဟင်းရွက်ကုန်စိမ်းများ လက်လီ/ လက္ကားရောင်းချသည့်စျေးများ ဖြစ်ပါသည်။၄၁လမ်းစျေးမှာ မန္တလေးတိုင်းဒေသကြီး၊စစ်ကိုင်းတိုင်းဒေသကြီးနှင့် ရှမ်းပြည်နယ်ထွက် ကုန်စိမ်းများပိုမိုဝင်ရောက်လျှက်ရှိပြီး၊ သီရိမာလာစျေးမှာ မန္တလေးတိုင်းဒေသကြီးနှင့်ရှမ်းပြည်နယ် ထွက်ကုန်စိမ်းများပိုမိုဝင်ရောက်ကြောင်း သိရပါသည်။ ၂၀၂၅ ခုနှစ် ဇူလိုင်လဒုတိယပတ်အတွင်း ကုန်စိမ်းကိုက်လံဟင်းရွက်ပေါက်စျေးအနေဖြင့် လက္ကားစျေး(၁၀စီးပါ)တစ်စည်းလျှင်  ၅၀၀၀ ကျပ် နှင့် ၆၀၀၀ ကျပ်၊ လက်လီစျေးတစ်စည်းလျှင် ၇၀၀ ကျပ်နှင့် ၈၀၀ ကျပ်အသီးသီး ရောင်းချ လျက် ရှိကြောင်းသိရပါသည်။ မိုးရာသီအချိန်ဖြစ်၍ ဟင်းရွက်ကုန်စိမ်းများဝင် ရောက်မှုများပြားလျက်ရှိပြီး၊ ကိုက်လံဟင်းရွက်စျေးနှုန်း အနည်းငယ်ကျသွားကြောင်း သိရပါသည်။ ကိုက်လံဟင်းရွက် အစည်း အသေး အကြီးအပေါ်မူတည်၍ စျေးနှုန်းအနည်းငယ်ကွာခြားမှုရှိပြီး၊ သီရိမာလာစျေးအတွင်း နေ့စဉ် ကုန်စိမ်းသီးနှံဝင်ရောက်မှုမှာ ကုန်စည်အမျိုးအစား အလိုက်Canter ၁၂ဘီးနှင့် ၆ ဘီး) ယာဉ်(၄၀) စီး နှင့်(၆၀)စီးအကြား  ဝင်ရောက် လျက်ရှိကြောင်း  သိရပါသည်။

DOCA(မန္တလေး)

            ကျွန်းလှမြို့နယ်အတွင်းရှိ ကျေးရွာများမှ စိုက်ပျိုးကြသော ရွှေဖရုံသီးများကို ကျွန်းလှမြို့၊ သစ်ရာမြိုင်‌ဈေး ကွက်အတွင်းသို့ လာရောက်ပို့ဆောင် ရောင်းချကြပြီး ရာသီချိန်မဟုတ်သည့် ကာလ များတွင် ရွှေဖရုံသီးများ ကို မန္တလေးမြို့တို့မှ မှာယူ ရောင်းချရကြောင်း သိရှိရပါ သည်။

             ၂၀၂၅ ခုနှစ်၊ ဇူလိုင်လ ပထမအပတ်တွင် ကျွန်းလှမြို့၊ သစ်ရာမြိုင်‌ဈေးကွက်အတွင်းရှိ ရွှေဖရုံသီး ဈေးနှုန်းအနေဖြင့် ရွှေဖရုံသီး လက္ကားဈေး တစ်ပိဿာလျှင်(၃၀၀၀)ကျပ်၊ ရွှေဖရုံသီး လက်လီဈေး တစ်ပိဿာလျှင်(၂၇၀၀)ကျပ် နှင့် ရွှေဖရုံသီး တစ်စိတ်လျှင်(၅၀၀)ကျပ် ဈေးနှုန်းတို့ဖြင့် လည်းကောင်း၊ ဘူးသီး ဈေးနှုန်းအနေဖြင့် ဘူးသီးအလုံး(အကြီး) တစ်လုံးလျှင် လက္ကားဈေး(၂၈၀၀)၊ ဘူးသီးအလုံး(အကြီး) တစ်လုံးလျှင် လက်လီဈေး(၃၀၀၀)ကျပ်၊ ဘူးသီး (အလတ်) တစ်လုံးလျှင် လက္ကားဈေး(၂၃၀၀)ကျပ်နှင့် ဘူးသီး (အလတ်)တစ်လုံးလျှင် လက်လီဈေး (၂၅၀၀) ကျပ်၊ ဘူးသီး(အသေး) တစ်လုံးလျှင် လက္ကားဈေး (၁၈၀၀)ကျပ်၊ ဘူးသီး(အသေး)တစ်လုံးလျှင် လက်လီဈေး (၂၀၀၀)ကျပ် နှင့် ဘူးသီး တစ်စိတ်လျှင် (၅၀၀) ကျပ် ဈေးနှုန်းဖြင့် ရောင်းချလျက်ရှိကြောင်းသိရပါသည်။

DOCA(စစ်ကိုင်း)