၁.၁၁.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မိတ္ထီလာဈေးကွက်ရှိ ဆန်သစ်ဈေးနှုန်းများမှာ မြန်မာနိုင်ငံအောက်ပိုင်းမှ ထွက်ရှိသော နွေဆန် ဈေးများဖြစ်သောကြောင့် အနည်းငယ်ကျဆင်းကြောင်းသိရသည်။ ဒေသတွင်း၌ မနောသုခမျိုးကို ယခင်ကပင် စိုက်ပျိုးလာရာ ဈေးကွက်၌ ဝယ်လိုအားရှိသဖြင့် စိုက်ပျိုးကြပါသည်။ယခုနောက်ပိုင်း ဈေးကွက်တောင်း ဆိုချက်အရ ဧရာပဒေသာမျိုးကိုကျောက်ဆည်ခရိုင်မှ တင်သွင်းစိုက်ပျိုးရာ၌ အောင်မြင်မှုရှိလာပါသည်။ ဧရာပဒေသာစပါးမျိုးမှာ သက်ရင့်စပါးဖြစ်၍ မိုးစပါးအနေဖြင့် စိုက်ပျိုးလေ့ရှိကြောင်း ၊ ယခုလက်ရှိ မိတ္ထီလာဈေးကွက်အတွင်း ရောင်းဝယ်နေသော ဆန်သစ်များမှာ မြန်မာနိုင်ငံအောက်ပိုင်း ဒေသမှ စိုက်ပျိုးသော ဆန်စပါးများသာဖြစ်ကြောင်း သိရသည်။သို့ဖြစ်ပါ၍ ဒေသတွင်းဖြစ်ပေါ်နေသော စပါးဈေးမှာ စပါးဟောင်းဈေးများသာဖြစ်၍ ဈေးမြင့်နေကြောင်း တင်း (၁၀၀) လျှင် မနေသုခကျပ် (၂၆၀၀၀၀၀)၊ ဧရာပဒေသာ ကျပ်(၃၃၀၀၀၀၀)ဖြစ်ကြောင်း၊ ဆန်ဈေးမှာ ဒေသထွက်အနေနှင့် ဆန်ဟောင်း မနောသုခ တစ်အိတ်လျှင်(၉၃၀၀၀) ကျပ်နှင့် ဧရာပဒေသာတစ်အိတ်လျှင် (၁၃၀၀၀၀) ကျပ်ဖြစ်ကြောင်း အခြားဒေသထွက် ဆန်သစ်ဈေးမှာ ငစိန်(မျိုးခွဲ) တစ်အိတ် (၆၀၀၀၀ မှ ၈၅၀၀၀)ကျပ်ရှိ ကြောင်း ဈေးကွက်မှ သိရသည်။
DOCA(မန္တလေး)
ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ သိမ်ဖြူဈေးကြီးအတွင်း ကြက်သွန်ဖြူ၊ ကြက်သွန်နီတို့မှာ ကား၊ ရထားတို့ဖြင့် ဘုရင့်နောင်ကုန်စည်ဒိုင်နှင့် ရှမ်းပြည်နယ်တို့မှ နေ့စဉ် ဝင်ရောက်လျက်ရှိပြီး လက်လီ/လက်ကားပြန်လည်ရောင်းချလျက်ရှိရာ ၂၀၂၃ခုနှစ်၊ အောက်တိုဘာလ ပထမပတ်တွင် ကြက်သွန်နီ(ဆိပ်ဖြူ)အဝင် (၃၃၇၀၀)ပိဿာနှင့် ကြက်သွန်ဖြူ(ကြူကုတ်) (၁၀၀၅၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ)လက်ကားဈေးမှာ ၁ပိဿာလျှင် ၂၇၀၀ကျပ်မှ ၃၁၀၀ကျပ်အထိဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၆၈၀၀ကျပ်မှ ၇၄၀၀ကျပ်အထိရှိခဲ့ပါသည်။ အောက်တိုဘာလ ဒုတိယပတ်အတွင်း ကြက်သွန်နီ(ဆိပ်ဖြူ) အဝင် (၄၄၈၀၀)ပိဿာနှင့် ကြက်သွန်ဖြူ(ကြူကုတ်) (၁၁၇၀၀)ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ)လက်ကားဈေးမှာ ၁ပိဿာလျှင် ၂၇၀၀ကျပ်မှ ၃၃၀၀ကျပ်အထိဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၇၀၀၀ကျပ်မှ ၈၅၀၀ကျပ်အထိဖြစ်ခဲ့ပါသည်။ အောက်တိုဘာလ တတိယပတ်အတွင်း ကြက်သွန်နီ(ဆိပ်ဖြူ)အဝင် (၃၂၆၀၀) ပိဿာနှင့် ကြက်သွန်ဖြူ(ကြူကုတ်) (၈၈၀၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ ၁ပိဿာလျှင် ၂၁၀၀ကျပ်မှ ၂၄၀၀ကျပ်အထိဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၇၇၀၀ကျပ်မှ ၈၀၀၀ ကျပ်အထိရှိကြောင်း ဈေးတာဝန်ခံရုံးမှ သတင်းရရှိပါသည်။
DOCA(ရန်ကုန်)
ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ (၁၂-၁၀-၂၀၂၃) ရက်နေ့မှ (၁၈-၁၀-၂၀၂၃) ရက်နေ့အတွင်း ဖြစ်ပေါ်ခဲ့သောရေထွက်စားသောက်ကုန်ပစ္စည်းဈေးနှုန်းများအနက် ပုစွန်ခြောက်ဈေးနှုန်းများမှာ ဖျာပုံရွှေပုစွန် (ရှယ်) ၁ပိဿာလျှင် ၇၅၀၀၀/-ကျပ်မှ ၈၅၀၀၀/-ကျပ်အထိလည်းကောင်း၊ ဖျာပုံရွှေပုစွန် (ရိုးရိုး) ၁ပိဿာလျှင် ၆၀၀၀၀/-ကျပ်မှ ၇၀၀၀၀/-ကျပ်အထိလည်းကောင်း၊ ဖျာပုံချိုကြီး (ရှယ်) ၁ပိဿာလျှင် ၅၀၀၀၀/-ကျပ်မှ ၅၅၀၀၀/-ကျပ်အထိလည်းကောင်း၊ ဖျာပုံချိုသေး (ရှယ်) ၁ပိဿာလျှင် ၄၃၀၀၀/-ကျပ်မှ ၄၅၀၀၀/-ကျပ်အထိလည်းကောင်း၊ ဖျာပုံချိုသေး (ရိုးရိုး) ၁ပိဿာလျှင် ၂၅၀၀၀/-ကျပ်မှ ၃၀၀၀၀/-ကျပ်အထိလည်းကောင်း၊ ရခိုင်ရွှေပုစွန် (ရှယ်) ၁ ပိဿာလျှင် ၅၅၀၀၀/-ကျပ်မှ ၆၅၀၀၀/-ကျပ်အထိလည်းကောင်း၊ ရခိုင်ရွှေပုစွန် (ရိုးရိုး) ၁ပိဿာလျှင် ၄၀၀၀၀/-ကျပ်မှ ၄၅၀၀၀/-ကျပ်အထိဖြစ်ပေါ်ခဲ့ပြီး ရေချိုငါးခြောက်ဈေးနှုန်းများမှာ ငါးကျဉ်းကြပ်တိုက် (ကြီး) ၁ပိဿာလျှင် ၆၀၀၀၀/-ကျပ်မှ ၇၀၀၀၀/-ကျပ်အထိလည်းကောင်း၊ ငါးကျဉ်းကြပ်တိုက် (သေး) ၁ပိဿာလျှင် ၄၀၀၀၀/-ကျပ်မှ ၄၅၀၀၀/-ကျပ်အထိလည်းကောင်း၊ ငါးမွေထိုးခြောက် ၁ပိဿာလျှင် ၂၅၀၀၀/-ကျပ်မှ ၃၀၀၀၀/-ကျပ်အထိလည်းကောင်း၊ ငါးရံ့ခြောက် (ကြီး) ၁ပိဿာလျှင် ၆၀၀၀၀/-ကျပ်မှ ၆၅၀၀၀/-ကျပ်အထိလည်းကောင်း၊ ငါးရံ့ခြောက် (လတ်) ၁ပိဿာလျှင် ၄၀၀၀၀/-ကျပ်မှ ၄၅၀၀၀/-ကျပ်အထိလည်းကောင်း၊ ငါးရံ့လုံးခြောက် ၁ပိဿာလျှင် ၂၅၀၀၀/-ကျပ်မှ ၃၀၀၀၀/-ကျပ်အထိရှိခဲ့ပြီး ရေငန်ငါးခြောက်ဈေးနှုန်းများအနေဖြင့် ငါးကွမ်းရှပ် ၁ပိဿာလျှင် ၂၀၀၀၀/-ကျပ်မှ ၂၅၀၀၀/-ကျပ်အထိလည်းကောင်း၊ ငါးတံခွန် (မျင်းကြီး) ၁ပိဿာလျှင် ၄၀၀၀၀/-ကျပ်မှ ၄၃၀၀၀/-ကျပ်အထိလည်းကောင်း၊ ငါးတံခွန် (လုံး) ၁ပိဿာလျှင် ၂၀၀၀၀/-ကျပ်မှ ၂၃၀၀၀/-ကျပ်အထိလည်းကောင်း၊ ငါးပုတ်သင်ခြောက် ၁ပိဿာလျှင် ၈၀၀၀/-ကျပ်မှ ၁၀၀၀၀/-ကျပ်အထိလည်းကောင်း၊ ငါးရောင် (ကြီး) ၁ပိဿာလျှင်မှ ၃၀၀၀၀/-ကျပ်မှ ၃၃၀၀၀/-ကျပ်အထိလည်းကောင်း၊ ငါးရောင် (လတ်) ၁ပိဿာလျှင် ၂၅၀၀၀/-ကျပ်မှ ၂၇၀၀၀/-ကျပ်အထိလည်းကောင်း၊ ငါးမြီးတံသွယ် ၁ပိဿာလျှင် ၄၀၀၀/-ကျပ်မှ ၄၅၀၀ကျပ်အထိအသီးသီးဖြစ်ပေါ်ခဲ့ပြီး ရေထွက်စားသောက်ကုန်ဈေးနှုန်းများမှာ တည်ငြိမ်လျက်ရှိကြောင်းသိရှိရပါသည်။
DOCA(ရန်ကုန်)
၂၀၂၃ ခုနှစ်၊ အောက်တိုဘာလ စတုတ္ထပတ်အတွင်း ဘားအံမြို့တွင် အခြေခံစားကုန်များဖြစ်သော ပေါ်ဆန်းဆန် တစ်ပြည် ၅၄၀၀ ကျပ်၊ ဧည့်မထဆန် (ရွှေသွယ်) တစ်ပြည် ၂၉၀၀ ကျပ်၊ ဧည့်မထဆန် (မနောသုခ) တစ်ပြည် ၃၄၀၀ ကျပ်၊ ဆန်ကွဲ တစ်ပြည် ၂၁၀၀ ကျပ်ဖြင့် ဆန်ဈေးနှုန်းမှာ ယခင်အပတ်အတိုင်း ဈေးနှုန်းတည်ငြိမ်ပြီး အရောင်းအဝယ်ဖြစ်လျက် ရှိပါသည်။ စားအုန်းဆီ(ယိုးဒယား)တစ်ပိဿာလျှင် ၇၀၀၀ ကျပ်၊ စားအုန်းဆီ(ရည်ညွှန်းဈေး) တစ်ပိဿာလျှင် ၄၉၀၀ ကျပ်၊ မြေပဲဆီတစ်ပိဿာလျှင် ၁၆၀၀၀ ကျပ်တို့ဖြင့် အရောင်း အဝယ်ဖြစ်လျက်ရှိပြီး ကြက်သွန်နီ တစ်ပိဿာလျှင် ၃၃၀၀ ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် ၈၅၀၀ ကျပ်နှင့် ကြက်သွန် ဖြူ(ရှမ်းစ)တစ်ပိဿာလျှင် ၁၀၀၀၀ ကျပ်၊ အာလူး တစ်ပိဿာလျှင် ၂၃၀၀ ကျပ်၊ ဂျင်း တစ်ပိဿာလျှင် ၅၀၀၀ ကျပ်၊ ငရုပ်သီးခြောက် တစ်ပိဿာလျှင် ၁၄၀၀၀ ကျပ်၊ ပဲနီလေး တစ်ပိဿာလျှင် ၇၀၀၀ ကျပ်၊ ကုလားပဲခြမ်း တစ်ပိဿာလျှင် ၆၅၀၀ ကျပ်ဖြင့် အရောင်းအဝယ်ဖြစ်လျက်ရှိပါသည်။
အသား/ငါး ဈေးနှုန်းများမှာ ဝက်သား တစ်ပိဿာလျှင် ၁၅၀၀၀ ကျပ်၊ အမဲသားတစ်ပိဿာ လျှင် ၁၅၀၀၀ ကျပ်၊ ဆိတ်သား တစ်ပိဿာလျှင် ၁၈၀၀၀ ကျပ်၊ ကြက်သား(CP) တစ်ပိဿာလျှင် ၁၀၅၀၀ ကျပ်၊ ချောင်းငါးကြင်း တစ်ပိဿာလျှင် ၂၀၀၀၀ ကျပ်၊ ငါးမြစ်ချင်းတစ်ပိဿာလျှင် ၈၀၀၀ ကျပ်၊ မွေးမြူရေးငါးခူ တစ်ပိဿာလျှင် ၇၀၀၀ ကျပ်၊ ပုစွန်(ဘော့ချိတ်)တစ်ပိဿာလျှင် ၂၂၀၀၀ ကျပ် ဖြင့် ငါးဈေးများမှာ ယခင်အပတ်အတိုင်းဈေးနှုန်းတည်ငြိမ်ပြီး အရောင်းအဝယ်ဖြစ်လျက်ရှိကြောင်း သိရသည်။
ကြက်ဥလက်လီဈေးနှုန်းမှာ ကြက်ဥ(ကြီး)တစ်လုံးလျှင် ၃၀၀ ကျပ်၊ ကြက်ဥ(သေး) တစ်လုံးလျှင် ၂၇၀ ကျပ်၊ ဘဲဥ(ကြီး)တစ်လုံးလျှင် ၃၈၀ ကျပ်၊ ဘဲဥ(သေး)တစ်လုံးလျှင် ၃၅၀ ကျပ်၊ ဟင်းသီးဟင်းရွက်ဈေးနှုန်းများမှာ ဂေါ်ဖီထုတ် ၁ ထုတ်လျှင် ၁၅၀၀ ကျပ်၊ ခရမ်းချဉ်သီး တစ်ပိဿာလျှင် ၁၈၀၀ ကျပ်၊ ပဲတောင့်ရှည်သီး တစ်စည်းလျှင် ၇၀၀ ကျပ်၊ ကန်စွန်းရွက် တစ်စည်းလျှင် ၂၅၀ ကျပ်၊ ချဉ်ပေါင်ရွက် တစ်စည်းလျှင် ၂၅၀ ကျပ်ဖြင့် အရောင်းအဝယ် ဖြစ်လျက်ရှိပါသည်။
DOCA(ကရင်)
ကရင်ပြည်နယ်၊ ဘားအံခရိုင်၊ ဘားအံမြို့နယ်တွင် မိုးစပါး ၂၃၈၆၈၈ ဧက စိုက်ပျိုးပြီး ၂၀၂၃ ခုနှစ်၊ အောက်တိုဘာလအတွင်း ၃၂၃ ဧက ရိတ်သိမ်းပြီးဖြစ်ကြောင်း၊ သံတောင်ကြီးခရိုင်၊ သံတောင်ကြီး မြို့နယ်တွင် ၆၂၄၈ ဧက စိုက်ပျိုးပြီး ၆၇၄ ဧက ရိတ်သိမ်းပြီးဖြစ်ကြောင်း၊ ဖာပွန်ခရိုင် ဖာပွန်မြို့နယ်တွင် စိုက်ဧက ၁၃၈၉၂ ဧကတွင် ၇၂၃ ဧက ရိတ်သိမ်းပြီး ဖြစ်ကြောင်း၊ ဘားအံခရိုင်တွင် တစ်ဧကအထွက်နှုန်းအနေဖြင့် စပါးတင်း (၇၀)ခန့် ထွက်ရှိကြောင်းသိရပြီး ဈေးနှုန်းအနေဖြင့် မိုးစပါး (အသစ်) (၄၆ပေါင်) တင်း ၁၀၀ လျှင် အစိုဓါတ် ၂၀% တွင် ၁၅၇၀၀၀၀ ကျပ်ဈေးဖြင့် အရောင်းအဝယ် ဖြစ်လျက်ရှိပြီး ဆန်သစ်တစ်အိတ်လျှင် ၆၃၀၀၀ ကျပ်ဈေးဖြင့် ဈေးဖွင့်ရောင်းဝယ်လျက်ရှိကြောင်း သိရသည်။
DOCA(ကရင်)
ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ (၁၉-၁၀-၂၀၂၃) ရက်နေ့မှ (၂၅-၁၀-၂၀၂၃) ရက်နေ့အတွင်း ဖြစ်ပေါ်ခဲ့သောအခြေခံစားသောက်ကုန်ဈေးနှုန်းများမှာ ကြက်သွန်ဖြူ(ကြူကုတ်-ရှယ်) ၁ပိဿာလျှင် အမြင့်ဈေး ၇၅၀၀/-ကျပ်မှ အနိမ့်ဈေး ၇၄၀၀/-ကျပ်ဖြင့်လည်းကောင်း၊ ပဲကြီး(ကုန်း) ၁ပိဿာလျှင် ၅၃၉၀/-ကျပ်မှ ၅၅၇၀/-ကျပ်အထိလည်းကောင်း၊ ပဲကြီး(ရွှေကျွန်း) ၁ပိဿာလျှင် ၅၆၆၀/-ကျပ်မှ ၅၈၄၅/-ကျပ်အထိလည်းကောင်း၊ ကုလားပဲခြမ်း ၁ပိဿာလျှင် ၅၈၅၀/-ကျပ်မှ ၆၁၀၀/-ကျပ်အထိလည်းကောင်း၊ ငရုတ်သီး (ဆင်ဖြူကျွန်း-ပု) ၁ပိဿာလျှင် ၁၄၀၀၀/-ကျပ်မှ ၁၆၀၀၀/-ကျပ်အထိလည်းကောင်း၊ ငရုတ်သီး (အိမ်မဲ-ရှည်) ၁ပိဿာလျှင် ၆၀၀၀/-ကျပ်မှ ၇၀၀၀/-ကျပ်အထိလည်းကောင်း၊ မန်ကျည်းသီး (ကပ်ပွင့်) ၁ပိဿာလျှင် ၁၁၅၀/-ကျပ်မှ ၁၂၅၀/-ကျပ်အထိ လည်းကောင်း၊ မန်ကျည်းသီး (အသား) ၁ပိဿာလျှင် ၁၉၀၀/-ကျပ်မှ ၂၅၀၀/-ကျပ်အထိလည်းကောင်း၊ ကြံသကာ (အိတ်သွတ်စ) ၁ပိဿာလျှင် ၃၁၀၀/-ကျပ်မှ ၃၂၀၀/-ကျပ်အထိလည်းကောင်း၊ ကြံသကာ (သစ်) ၁ပိဿာလျှင် ၄၀၀၀/-ကျပ်ဖြင့်လည်းကောင်း၊ သကြား (ပြည်တွင်း) ၁ပိဿာလျှင် ၃၇၅၀/-ကျပ်မှ ၃၇၇၀/-ကျပ်အထိလည်းကောင်း၊ ထန်းလျက် (တောင်သာ) ၁ပိဿာလျှင် ၃၅၅၀/-ကျပ်မှ ၃၈၀၀/-ကျပ်အထိလည်းကောင်း၊ ထန်းလျက် (ညောင်ဦး) ၁ပိဿာလျှင် ၄၀၀၀/-ကျပ်မှ ၄၂၀၀/-ကျပ်အထိလည်းကောင်း၊ အာလူး (တရုတ်) ၁ပိဿာလျှင် ၁၇၀၀/-ကျပ်မှ ၁၈၀၀/-ကျပ်အထိလည်းကောင်း၊ ကြက်သွန်နီ (ဆိပ်ဖြူ) ၁ပိဿာလျှင် ၁၈၀၀/-ကျပ်မှ ၃၃၀၀/-ကျပ်အထိလည်းကောင်း အသီးသီးဖြစ်ပေါ်ခဲ့ပြီး ပဲကြီးနှင့် ထန်းလျက်(တောင်သာ) မှာ ဈေးတက်၍ ကြက်သွန်ဖြူ(ကြူကုတ်)နှင့် အာလူး(တရုတ်) ဈေးနှုန်းများအနည်းငယ်ကျဆင်းလျက်ရှိပြီး အခြားအခြေခံစားသောက်ကုန်များမှာ ဈေးနှုန်းအနည်းငယ်သာ အတက်အကျဖြစ်လျက်ရှိကြောင်းတွေ့ရှိရပါသည်။
DOCA(ရန်ကုန်)
မြန်မာနိုင်ငံ စက်သုံးဆီတင်သွင်း/ သိုလှောင်/ ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကား ဈေးနှုန်းတို့ကို နေ့စဉ် ထုတ်ပြန်ပေးလျက်ရှိပါသည်။
ကရင်ပြည်နယ် ဘားအံမြို့တွင် စက်သုံးဆီဆိုင် (၇)ဆိုင် ဖွင့်လှစ်ရောင်းချလျက်ရှိပြီး အောက်တိုဘာလ စတုတ္ထအပတ်တွင် ဖြစ်ပေါ်နေသော စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၁၀၅)ကျပ်၊ ဓာတ်ဆီ(95)တစ်လီတာလျှင် (၂၁၉၅)ကျပ်၊ ဒီဇယ်(ရိုးရိုး) တစ်လီတာလျှင် (၂၃၄၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၄၆၀)ကျပ်ဖြင့် ရောင်းချလျက်ရှိကြောင်းသိရသည်။
စက်သုံးဆီဝယ်ယူသုံးစွဲမှုနှင့် ပတ်သက်၍ သုံးစွဲသူမိဘပြည်သူများအနေဖြင့် စက်သုံးဆီ ဝယ်ယူသုံးစွဲရာတွင် ကျေနပ်မှုမရှိပါက စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ (၀၆၇-၄၀၉၈၈၁၊ ၀၆၇-၄၁၁၁၂၉၊ ၀၉-၆၉၉၆၁၁၁၆၊ ၀၉-၄၄၀၄၃၃၅၃၃) ဖုန်းနံပါတ်များသို့ လုံခြုံစိတ်ချစွာဖြင့် တိုင်ကြားနိုင်ကြောင်း သတင်းရရှိပါသည်။
DOCA(ကရင်)
မိတ္ထီလာခရိုင်အတွင်း ဝါသီးနှံကို အများအပြားစိုက်ပျိုးပြီး အောက်တိုဘာလလယ်မှစ၍ ရိတ်သိမ်းခဲ့ကြောင်း စတင်ရိတ်သိမ်းရာ၌ အပင်ခြေရှိ ဝါပေါက်များကိုသာ ရိတ်သိမ်းကာ ၎င်းမှာ အရည်အသွေးနိမ့်သဖြင့် ဈေးနိမ့်လေ့ရှိ၍၊ တစ်ပိဿာ ၂၀၀၀ ကျပ် ဝန်းကျင်သာရရှိခဲ့ပါကြောင်း အောက်တိုဘာလ တတိယပတ်အတွင်း ဝါဈေးမှာ တစ်ပိဿာ ၂၅၀၀ ကျပ်ထိ ရရှိလာပါကြောင်း လုပ်သားခအနေဖြင့် ဝါကောက်လုပ်သားများအား တောင်သူမှ ဝါအထွက်မလှိုင်မီအချိန်တွင် နေ့စားခ တစ်ရက် ၆၀၀၀ ကျပ် ပေးချေပြီး လာမည့် နိုဝင်ဘာလဆန်းပိုင်းတွင် ဝါတစ်ပိဿာလျှင် ၄၀၀ ကျပ်နှုန်း ဖြင့် ပေးချေသွားမည်ဖြစ်ကြောင်း သိရသည်။ ယခုနှစ်တွင်လည်း ယမန်နှစ်နည်းတူ ဝါပန်း၊အသီးပွင့်ဖူး ချိန်၌ မိုးများခဲ့သဖြင့် သီးနှံအတွက် ထိခိုက်မှုအနည်းငယ်ရှိသော်လည်း ဝါဈေးကောင်းမည်ဆိုပါက တောင်သူများအတွက် အကျိုးအမြတ်ရနိုင်မည်ဟု မျှော်လင့်ကြောင်း သိရသည်။
DOCA(မန္တလေး)
တောင်ငူမြို့၊ အနီးပတ်ဝန်းကျင်ရှိ ကျေးလက်ဒေသများမှ ချောင်း၊ မြောင်းနှင့် လယ်ကြားမှဖမ်းယူရရှိသော ဒေသထွက်ငါးများကို အများအားဖြင့် ဈေးဝယ်သူများစည်ကားသော တောင်ငူမြို့ပေါ်ရှိ ဈေးများဖြစ်သည့် ညောင်ပင်ဈေး၊ ဘုရင့်နောင်ဈေးများ၊ ရွှေဆံတော်ဘုရားဈေးများတွင် ဒေသခံများက လာရောက်ရောင်းချလျက်ရှိပါသည်။
၂၀၂၃ခုနှစ်၊ စက်တင်ဘာလတွင် ဒေသပေါ်ငါးများဖြစ်သော ငါးသလဲထိုး၊ ငါးစရစ်များမှာ တစ်ပိဿာလျှင် ၃၅၀၀၀ကျပ်ဈေးရှိခဲ့ရာ ယခုအောက်တိုဘာလတွင် တစ်ပိဿာလျှင် ၂၀၀၀၀ကျပ်အထိ၊ ငါးနုဆန်းမှာ ယခင်စက်တင်ဘာလတွင် တစ်ပိဿာလျှင် ၂၅၀၀၀ကျပ်ဈေးမှ ယခုအောက်တိုဘာလတွင် ၁၈၀၀၀ကျပ်မှ ၁၇၀၀၀ကျပ်အထိ၊ ငါးဘတ်မှာ ယခင်စက်တင်ဘာလတွင် တစ်ပိဿာလျှင် ၂၅၀၀၀ကျပ်မှ ယခုအောက်တိုဘာလတွင် ၂၀၀၀၀ ကျပ်အထိ ဈေးနှုန်းကျဆင်းသွားပါသည်။
ယခုအခါ မိုးရာသီကုန်ဆုံးပြီဖြစ်၍ ဒေသငါးများပေါများစွာပေါ်နေပြီဖြစ်ရာ ဒေသငါးမှတစ်ဆင့်ထုတ်လုပ်သည့် ငါးခြောက်များကိုလည်း မကြာမီစားသုံးနိုင်တော့မည်ဖြစ်ကြောင်း တောင်ငူမြို့မှသိရှိရပါသည်။
DOCA(ပဲခူး)
