ပြည်တွင်းကုန်သွယ်မှုသတင်း

       တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့ပေါ်တွင် ဆိပ်ငယ်ဈေးကြီးနှင့် စမ်းချောင်း ကုန်စိမ်းဈေးများတွင် ခရမ်းသီး၊ ဂေါ်ဖီထုတ်၊ ကန်စွန်းရွက်၊ ခဝဲသီး၊ မုန်လာထုပ်၊ ပြောင်းဖူး၊ ထိုင်ဝမ်မုန်ညင်း၊ ရွှေဖရုံသီး၊ ဆလပ်ရွက်၊ ဘိုစားပဲ၊ ပဲရှည်သီး၊ ပဲပင်ပေါက်အစရှိသည့် ကုန်စိမ်း များကို ရန်ကုန်မြို့ကုန်စည်ဒိုင်များမှဝယ်ယူ၍ ပြန်လည်ရောင်းချကြကြောင်း သိရှိရပါသည်။

      ယခု၂၀၂၅ခုနှစ်၊ အောက်တိုဘာလတတိယပတ်တွင် မြိတ်မြို့ပေါ်တွင် ရောင်းချနေသော ကုန် စိမ်းဈေးများမှာကန်စွန်းရွက်တစ်စည်းလျှင်(၉၀၀)ကျပ်၊ ခဝဲသီးတစ်လုံးလျှင်(၁၅၀၀)ကျပ်၊ ထိုင်ဝမ်မုန် ညင်းတစ်စည်းလျှင်(၁၀၀၀)ကျပ်၊ ရွှေဖရုံသီးတစ်လုံးလျှင်(၇၀၀၀)ကျပ်၊ ဆလပ်ရွက် တစ်စည်းလျှင် (၁၅၀၀)ကျပ်၊ ကြက်သွန်မိတ်တစ်စည်းလျှင်(၆၀၀)ကျပ်၊ ချဥ်ပေါင်ရွက်တစ်စည်း လျှင်(၅၀၀)ကျပ်၊ ပူစီနံတစ်စည်းလျှင်(၅၀၀)ကျပ်၊ ပဲတောင့်ရှည်တစ်စည်းလျှင်(၈၀၀)ကျပ်၊ ဘူးသီးတစ်လုံးလျှင် (၅၀၀၀) ကျပ်၊ ဒညင်းသီး(၁၀)လုံးလျှင် (၁၄၀၀)ကျပ်၊ ရုံးပတီသီးတစ်တောင့် လျှင် (၂၀၀)ကျပ်ဖြင့် ဈေးများတွင် အသီးသီးရောင်းချနေကြောင်း သိရှိရပါသည်။

DOCA(တနင်္သာရီ)

     တနင်္သာရီမြို့နယ်မှ ထွက်ရှိသောနာနတ်သီးများကို ကားလမ်းဖြင့် သယ်ယူလာ၍ မြိတ်မြို့ ပေါ်ရှိ ဈေးများတွင် ရောင်းချကြပါသည်။ နာနတ်သီးသည် မိုးရာသီတွင် အများအပြားထွက်ရှိပါသည်။ နာနတ်သီးစားသုံးခြင်းဖြင့် ခန္ဓာကိုယ်ခွန်အားကို တိုးမြှင့်ပေးပြီး ရေဓါတ်ဖြည်တင်းပေးခြင်း သွေးလည် ပတ်မှုကောင်းစေခြင်း၊ နာပိတ်ခြင်းကိုသက်သာစေခြင်း၊ ခန္ဓာကိုယ်ရောင်ရမ်းခြင်းမှ ကာကွယ်ပေး ခြင်း၊ ဗီတာမင်ဘီကြွယ်ဝစေခြင်း၊ အရိုးအကြောသန်မာခြင်းစသည့် အကျိုးကျေးဇူးများရရှိခြင်း ကြောင့် စားသုံးသူများ ကြိုက်နှစ်သက်သောအသီးဖြစ်ပါသည်။

      အောက်တိုဘာလတတိယပတ်တွင် ရောင်းချနေသော မြိတ်မြို့နယ်ရှိ နာနတ်သီးအသေး တစ်လုံးလျှင် (၅၀၀၀)ကျပ်၊ အကြီးတစ်လုံးလျှင် (၈၀၀၀)ကျပ်ခန့် ဈေးရရှိကြောင်း ကုန်စိမ်း ရောင်းချသူများထံမှ သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့တွင် နဂါးမောက်သီးနှင့် မာလကာသီးများကို ရန်ကုန်နှင့် အခြားမြို့များမှ အဓိကမှာယူရောင်းချလျက်ရှိပြီး ဒေသတွင်းတစ်နိုင်တစ်ပိုင်စိုက်ပျိုး လျက်ရှိကြပါသည်။ ၎င်းနဂါးမောက်သီးနှင့် မာလကာသီးကို  မြိတ်မြို့ရှိဈေးကြီးများနှင့် လမ်းဘေး သစ်သီးဆိုင်များတွင်အများဆုံး ရောင်းချနေကြောင်း သိရှိရပါသည်။ နဂါးမောက်သီးတွင် ခရမ်းရောင် အသီးနှင့် အဖြူရောင်းအသီးအဖြစ်နှစ်မျိုးရှိသည်။ အနီရောင်နဂါးမောက်သီးနှင့် အဖြူရောင် နဂါး မောက်သီးတွင် အနီရောင်နဂါးမောက်သီးမှာ ပို၍လူကြိုက်များလျက်ရှိပြီး စျေးနှုန်းအရ အနီရောင် နဂါးမောက်သီးမှာ စျေးကောင်းရရှိကြောင်း သိရှိရပါသည်။

     ၂၀၂၅ခုနှစ် အောက်တိုဘာလ တတိယပတ်တွင် မြိတ်မြို့ပေါ်ရှိ ဈေးနှုန်းမှာ နဂါးမောက်သီး (အဖြူ)ဈေးနှုန်း တစ်လုံးလျှင် (၂၅၀၀)ကျပ်၊ နဂါးမောက်သီး(အနီ)ဈေးနှုန်း တစ်လုံးလျှင်(၃၀၀၀) ကျပ်ရှိပြီး မာလကာသီးတစ်လုံးလျှင် (၁၅၀၀)ကျပ် မှ (၂၀၀၀)ကျပ်ရှိ ကြောင်း သိရှိရပါသည်။

DOCA(တနင်္သာရီ)

      စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ် ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ကုလားပဲသီးနှံ များကို မှော်တော်ကျေးရွာ၊ မြေထူးကျေးရွာနှင့် အခြားသောကျေးရွာများတွင် စိုက်ပျိုးကြောင်း၊ ကုလားပဲကို ဆောင်းရာသီ၌ အများဆုံးစိုက်ပျိုးကြောင်း သီးနှံစိုက်ပျိုးမှုစာရင်းများအရ သိရသည်။

      ၂၀၂၅ ခုနှစ်၊ အောက်တိုဘာလ စတုတ္ထပတ်အတွင်း ကန့်ဘလူမြို့နယ်၌ ကုလားပဲထိုင်ဝမ် တစ်တင်းလျှင် (၆၉၅၀၀)ကျပ်၊ (929)တစ်တင်းလျှင် (၇၂၅၀၀)ကျပ်၊ (V2)တစ်တင်းလျှင် (၇၃၅၀၀) ကျပ်နှင့် (V7)တစ်တင်းလျှင် (၇၃၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း၊ ယခင်လ စတုတ္ထပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ကုလားပဲ ထိုင်ဝမ်တစ်တင်း လျှင်(၆၅၀၀)ကျပ်၊ (929)တစ်တင်းလျှင် (၄၅၀၀)ကျပ်၊ (V2)တစ်တင်းလျှင် (၅၀၀၀)ကျပ်ဈေးနှုန်း မြင့်တက်လျက်ရှိကြောင်း၊ကန့်ဘလူမြို့နယ်မှ ထွက်ရှိသည့် ကုလားပဲများကို မန္တလေးမြို့ရှိ ပွဲရုံများ နှင့်ကုန်စည်ဒိုင်များသို့ တင်ပို့ရောင်းချကြောင်း ဒေသတွင်သီးနှံပွဲရုံများထံမှ သိရှိရသည်။

DOCA(စစ်ကိုင်း)     

      ပင်ပျော့ပင်ငယ်ဖြစ်ပြီး (၁)ပေခန့်အထိရှည်သည်။ ပင်စည်မှာ ဥ၏အောက်ခြေတွင် ရှိပြီး အနည်းငယ်မာကျော၍ အဝိုင်းပုံသဏ္ဍာန်ရှိကာ အမြစ်များဖြာထွက်နေသည်။ ကြက်သွန်ဖြူဥမှာ အဖြူရောင်ရှိပြီးသေးငယ်၏။ တစ်ဥတည်း(သို့မဟုတ်)အတက်များစွာစုပေါင်းနေပြီး အခွံပါးဖြင့် ဖုံးအုပ်ထားသည်။ ဥတစ်လုံးကြက်သွန်ဖြူက ဆေးဘက်ဝင်သည်။ တိုင်းရင်းဆေးကျမ်းများ၌ ဖော်ပြထားသည်မှာ ကြက်သွန်ဖြူဥသည် အချဉ်မှတစ်ပါး အရသာ(၅)မျိုးရှိနေ၏။ သွေးနှင့်သင့်၏။ ဖျားနာခြင်းနှင့် အရေပြားရောဂါတို့ကို ပျောက်ကင်းစေနိုင်၏။ ဆီးရွှင်ခြင်း၊ မျက်စိအားကောင်းခြင်း၊ လေသလိပ်ကြေခြင်းနှင့် သွေးသည်းခြေကိုတိုးပွာစေနိုင်သည်။ ကြက်သွန်ဖြူ၏အောက်ပိုင်းကို လှီး၍ ထွက်လာသောအစေးရည်ဖြင့် ပွေး၊ ယားနာ၊ ဝက်ခြံတို့အား မကြာခဏပွတ်ပေးခြင်းဖြင့်ပျောက်ကင်းစေနိုင်သည်။ ကြက်သွန်ဖြူကို နေ့စဉ်စားသုံးခြင်းဖြင့် သွေးတိုးရောဂါကို ပျောက်ကင်းစေနိုင်သည်။ ကြက်သွန်ဖြူကို အရည်ပြု၍ သောက်ခြင်း(သို့မဟုတ်)စားသုံးခြင်းဖြင့် ချောင်းဆိုးရောဂါ၊ ဝမ်းဖော ဝမ်းရောင်နှင့်ဝမ်းဗိုက်တွင် ဖြစ်ပေါ်တတ်သောအနာရောဂါများအား သက်သာပျောက်ကင်းစေသည်။

        ကြက်သွန်ဖြူကို ဆားအနည်းငယ်ထည့်၍ နှမ်းဆီတွင် စိမ်ထားပြီး ထမင်းမစားမီပုံမှန် စားသုံးပါက လေရောဂါသက်သာပျောက်ကင်းစေသည်။ ကြက်သွန်ဖြူမီးဖုတ်၍ ကျွေးခြင်းဖြင့် ကလေးများ လေဆန်နာသက်သာပျောက်ကင်းစေသည်။ ကြက်သွန်ဖြူအရည်ကို ရေအနည်းငယ်နှင့်သကြား ရောပြီး ချိန်ဆတိုက်ပေးကချောင်းဆိုးကြက်ညှာပျောက်သည်။ အကြောအခြင်များကိုက်ခဲခြင်း အတွက်လည်း ကြက်သွန်ဖြူအရည်ဖြင့်ပွတ်လိမ်း၍ နှိပ်နယ်ပေးခြင်းဖြင့် သက်သာပျောက်ကင်းစေ နိုင်ကြောင်း လေ့လာတွေ့ရှိရပါသည်။

DOCA (မန္တလေး)