ပြည်တွင်းကုန်သွယ်မှုသတင်း

          ၂၀၂၄ခုနှစ် ဒီဇင်ဘာလ တတိယပတ်အတွင်း ရွှေဘိုမြို့နယ်တွင် အခြေခံစားကုန်များ ဖြစ်သော ရွှေဘိုပေါ်ဆန်း တစ်ပြည် (၆၇၀၀)ကျပ်၊ရွှေဘိုပေါ်ဆန်း(သစ်) တစ်ပြည် (၅၂၀၀)ကျပ်၊  ဧရာမင်းဆန်  တစ်ပြည်လျှင် (၅၆၀၀)ကျပ်၊ ဧရာမင်းဆန်(သစ်) တစ်ပြည်လျှင် (၄၆၀၀)ကျပ်၊ ရွှေဝါထွန်း တစ်ပြည် (၃၅၀၀)ကျပ်ဖြင့် အရောင်းအဝယ် ဖြစ်လျက်ရှိသည်။

စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၁၆၀၀၀ကျပ်၊  စားအုန်းဆီ တစ်ပိဿာလျှင် ၈၅၅၀ကျပ်နှင့် နှမ်းဆီ တစ်ပိဿာလျှင် ၁၆၀၀၀ကျပ်၊ နေကြာဆီ တစ်ပိဿာလျှင် ၁၄၅၀၀ကျပ်ဖြင့် အရောင်း အဝယ် ဖြစ်နေကြောင်း သိရသည်။

ကြက်သွန်နီ တစ်ပိဿာလျင် ၃၅၀၀ကျပ်မှ ၅၀၀၀ကျပ်ထိ အရောင်းအဝယ် ဖြစ်လျက်ရှိသည်။ ရှမ်း ကြက်သွန်ဖြူ တစ်ပိဿာ ၁၄၀၀၀ကျပ်မှ ၁၇၀၀၀ကျပ်ထိ ၊ (ကြူကုပ်) တစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊ ကြက်သွန်ဖြူ(အသစ်) (ဗမာ) တစ်ပိဿာလျှင် (၁၃၀၀၀ကျပ်မှ ၁၅၀၀၀)ကျပ်၊ ချင်းတစ်ပိဿာ ၇၀၀၀ကျပ်၊ ငရုတ်သီးခြောက် အမျိုးအစားအလိုက် ၁၆၀၀၀ကျပ် မှ ၂၀၀၀၀ကျပ်ထိ အာလူး တစ်ပိဿာ ၈၀၀၀ကျပ်မှ ၉၀၀၀ကျပ်ထိ ၊ခရမ်းချဉ်သီး တစ်ပိဿာ ၅၅၀၀ကျပ်ဖြင့် အရောင်းအဝယ် ဖြစ်နေပါသည်။

          ကြက်ဥ လက်လီဈေးနှုန်းမှာ (ကြီး)တစ်လုံး ၅၀၀ကျပ်၊ (သေး) တစ်လုံး ၄၅၀ကျပ် ၊ ဘဲဥ (ကြီး) တစ်လုံး (၅၀၀)ကျပ်၊ (သေး)တစ်လုံး (၄၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာ ၁၆၀၀၀ကျပ်မှ ၁၈၀၀၀ကျပ်ထိ၊ကြက်သား (ဗမာ) ဒေသကြက်တစ်ပိဿာ ၂၇၀၀၀ ကျပ်မှ ၃၀၀၀၀ကျပ်ထိ၊  ဝက်သား တစ်ပိဿာ ၃၀၀၀၀ကျပ်မှ ၃၂၀၀၀ကျပ်ထိ၊ အမဲသားတစ်ပိဿာ ၁၉၀၀၀ကျပ်မှ ၂၀၀၀၀ကျပ်ထိ၊  ငါးမြစ်ချင်း တစ်ပိဿာ ၁၃၀၀၀ကျပ်၊ ငါးကြင်း တစ်ပိဿာ ၁၃၀၀၀ကျပ်ဖြင့် ရောင်းဝယ်နေကြောင်း သိရသည်။

DOCA(စစ်ကိုင်း)

        ဧရာဝတီတိုင်းဒေသကြီး၊ မြောင်းမြခရိုင်၊လပွတ္တာမြို့နယ်တွင် ခရိုင်အုပ်ချုပ်ရေးအဖွဲ့၊ မြို့နယ်စည်ပင်သာယာအုပ်ချုပ်ရေးအဖွဲ့၊ မွေးမြူရေးနှင့်ကုသရေးဦးစီးဌာန၊ စားသုံးသူရေးရာဦးစီးဌာနရှိဝန်ထမ်းများသည်     (၁၁-၁၂-၂၀၂၄)    ရက်နေ့ နံနက်(၀၈:၀၀)နာရီအချိန်တွင် လပွတ္တာမြို့နယ်ရှိ အခွန်လွတ်ဈေးတွင် ကြက်ဥအလုံး(၃၀၀၀)နှင့် ရွေးနဒီရေပေါ်ဈေးတွင် ကြက်ဥအလုံး(၃၀၀၀) သွားရောက်၍ ရောင်းချခဲ့ကြောင်းသိရှိရပါသည်။

            ထိုသို့ရောင်းချပေးရာတွင် အများပြည်သူများသက်သာစွာဝယ်ယူနိုင်ရန် တစ်လုံးလျှင် (၃၈၀)ကျပ်နှင့် လူ(၁)ဦး လျှင် (၅)လုံးနှုန်းဖြင့် လပွတ္တာမြို့နယ်ရှိ အခွန်လွတ်ဈေးနှင့် ရွေးနဒီရေပေါ်ဈေးတို့တွင် စုစုပေါင်း ကြက်ဥအလုံးရေ (၆၀၀၀) အား ရောင်းချပြီး လိုအပ်သည်များကို သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်း၍ နောက်ရက်များတွင်လည်း ဆက်လက်ရောင်းချပေးသွားရန် စီစဉ်ထားကြောင်း သိရှိရပါသည်။ 

DOCA(ဧရာဝတီ)

  ရွှေဘိုခရိုင်စီမံခန့်ခွဲမှုကော်မတီ၏ ကြီးကြပ်မှုဖြင့် ဒီဇင်ဘာအားကစားလ လူထုစုပေါင်းလမ်း လျှောက်ပွဲကို အပတ်စဉ်စနေနေ့တိုင်းကျင်းပခဲ့ရာ ရွှေဘိုခရိုင်နှင့် မြို့နယ်အဆင့် ဝန်ထမ်းများ လမ်းလျှောက်ပွဲပါဝင်ဆင်နွဲကြပြီး  ရွှေဘိုမြို့၊ အမှတ်(၂)အခြေခံပညာအထက်တန်းကျောင်းတွင် အားကစားများဆောင်ရွက်ကြရာ လမ်းလျှောက်ပွဲတွင် ပါဝင်ဆင်နွဲကြသော ဝန်ထမ်းများအား ဈေးနှုန်းသက်သာစွာဖြင့် စားအုန်းဆီများ ဝယ်ယူနိုင်ရန်ရည်ရွယ်၍ ရွှေဘိုခရိုင် စားသုံးသူရေးရာ ဦးစီးဌာနမှ ဝန်ထမ်းများသည် ၂၀၂၄ခုနှစ်၊ ဒီဇင်ဘာလ ၂၁ ရက်နေ့ နံနက် (၇:၀၀)နာရီအချိန်တွင် စားအုန်းဆီများကို ရောင်းချခဲ့ပါသည်။

          အဆိုပါ လမ်းလျှောက်ပွဲမှ ပြန်လာသော ဌာနဆိုင်ရာဝန်ထမ်းများနှင့် ပြည်သူများအား စားအုန်းဆီ (၂၂၀)ဘူး ရောင်းချခဲ့ရာ (၁)ဦးလျှင် စားအုန်းဆီ (၁)ဘူးနှုန်းရောင်းချပြီး  (၅၀) ဆယ် သား (၁)ဘူးလျှင် (၄၃၀ဝိ/-)ကျပ်ဖြင့် ရောင်းချခဲ့ကြောင်း  သတင်းရရှိပါသည်။

DOCA(စစ်ကိုင်း)

          မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်း ကြီးကြပ်ရေး ကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်း လက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

          ‌ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၄ခုနှစ် ဒီဇင်ဘာလ ဒုတိယပတ် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၃၃၇၅)ကျပ်၊ ဓါတ်ဆီ(95)တစ်လီတာလျှင် (၃၄၉၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၉၂၅)ကျပ်၊ ဒီဇယ်(ပရီမီယမ်)တစ်လီတာလျှင် (၃၅၄၅)ကျပ်ဖြင့် ရောင်းချလျက်ရှိကြောင်း သိရသည်။

          ယခု ၂၀၂၄ခုနှစ် ဒီဇင်ဘာလ တတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာ လျှင် (၃၄၄၅)ကျပ်၊ ဓါတ်ဆီ(95)တစ်လီတာလျှင် (၃၅၆၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၉၉၀)ကျပ်၊ ဒီဇယ်(ပရီမီယမ်)တစ်လီတာလျှင် (၃၆၂၅)ကျပ်ဖြင့် ရောင်းချ နေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင်(၇၀)ကျပ်၊ ဓါတ်ဆီ(95)တစ်လီတာလျှင် (၇၀)ကျပ် ဈေးနှုန်းမြင့်တက်ခဲ့ပြီး၊ ဒီဇယ် (ရိုးရိုး) တစ်လီတာလျှင် (၆၅)ကျပ်၊ ဒီဇယ် (ပရီမီယမ်) တစ်လီတာလျှင် (၈၀)ကျပ် ဈေးနှုန်းမြင့်တက်လျက်ရှိကြောင်း စက်သုံးဆီ အရောင်းဆိုင်များမှ သတင်း ရရှိသည်။

DOCA(စစ်ကိုင်း)

ထန်းပင်မြစ်သည် အညာဒေသတစ်ခုတည်းတွင်သာ ထွက်ရှိသော ရာသီစာသီးနှံတစ်မျိုးဖြစ်ပြီး ဆောင်းရာသီနဲ့အင်မတန်လိုက်ဖက်လှပြီး အညာဒေသရဲ့မပါမဖြစ်ရာသီစာသီးနှံဖြစ်ပါသည်။ ထန်းပင်မြစ် ကိုတချို့အရပ်ဒေသတွင်“ထန်းမြစ်”ဟုလည်းကောင်း၊ တချို့က“ထန်းပင်ပေါက်” ဟု လည်းကောင်းခေါ် ကြသည်။ ထန်းမြစ်(ခ) ထန်းပင်ပေါက်များသည် ထန်းသီးစေ့ မှထွက်ရှိလာသော ဆောင်းရာသီကာလ တွင်ရရှိသည့်ရာသီစာတစ်မျိုးဖြစ်ပါသည်။ ထန်းပင်မြစ်သည် လူတို့၏ခန္ဓာကိုယ်အတွက်လိုအပ်သော ဗီတာမင်ဘီဓာတ်ပေါင်းစုအပြင်အဆီဓာတ်နှင့်ပရိုတိန်းဓာတ်များလည်းပါရှိသည်။ အမျှင်ဓာတ်ကြွယ်ဝစွာ ပါရှိ၍အစာခြေစနစ်ကိုတိုးတက်ကောင်းမွန်စေကာဝမ်းချုပ်ခြင်းမှလည်းကာကွယ်ပေးသည်။ ခန္ဓာကိုယ်တွင် အပူဓာတ်ကိုလျှော့ချပေးနိုင်သည့်ဆေးဖက်ဝင်ရာသီစာတစ်မျိုးဖြစ်သည်။ ဆောင်းရာသီတွင်သာ ပေါပေါ များများရရှိသောထန်းပင်မြစ်သည်စိမ့်သက်သောအရသာရှိသည်။ ရင့်သော ထန်းပင်မြစ်က စေးထန်းကာ အရသာပိုကောင်းသည်။ဘေးထွက်ဆိုးကျိုးမရှိဘဲ အရွယ်သုံးပါးမရွေး စားသုံးသင့်ပြီး ကိုယ်ဝန်ဆောင် များလည်း  စားသုံးသင့်ပါသည်။ 

စေးစေးစိမ့်စိမ့်သက်သက်အရသာရှိသော ထန်းပင်မြစ်များကို စားဖူးသူတိုင်း နှစ်ခြိုက်ကြသည်။ ထန်းပင်မြစ်များကို မီးဖုတ်၍ဖြစ်စေ၊ ရေဖြင့်ပြုတ်၍ဖြစ်စေ စားသုံးနိုင်သည်။ မီးဖုတ် သို့မဟုတ် ပြုတ်ပြီး  နောက်ဆုံတွင်ထည့်ထောင်းပြီးပဲဆီ၊မြေပဲထောင်း၊ဆား ထည့်စားလျှင်အရသာပိုကောင်းသည်။     အညာဒေသတွင်ထန်းပင်မြစ်ပြုတ်ကိုထောင်းပြီးဆီဖြင့်ပြန်ကြော်စားကြသည်။ ထန်းပင်မြစ်ကြော် ကို ကလေး၊ လူကြီးမရွေးကြိုက်နှစ်သက်ကြသည်။ မန္တလေးတိုင်းဒေသကြီး၊ ကျောက်ပန်းတောင်း၊ ညောင်ဦးမြို့နယ်၊ ငါ့သရောက်မြို့နယ်တို့၌ အများဆုံးလုပ်ကိုင်ကြကြောင်း၊ အညာကျေးလက်ဒေသရှိ ထန်းပင်စိုက် တောင်သူများအတွက် ဝင်ငွေတိုးစေသော ရာသီစာသီးနှံ ဖြစ်ကြောင်းသိရသည်။   

ထန်းစေ့များကို ဝါခေါင်လ၊ တော်သလင်းလများတွင် သတ်မှတ်ထားသည့် နေရာများတွင် ကျင်းတူး၍ထန်းစေ့များကို စီတန်းကာ မြေကျင်းထဲတွင် ဖြန့်ခင်းကာ မြေပြန်ဖုံးအုပ်ထားပြီး ထွက်ရှိလာ သည့်ထန်းပင်မြစ်များကိုတန်ဆောင်မုန်းလ၊နတ်တော်လတို့တွင်ဖော်ယူနိုင်သည်။ရရှိပြီးသောထန်းပင်မြစ် များ ကို၁၀ချောင်းစည်း၊ ၁၅ချောင်းစည်း၊၂၅ချောင်းစည်းများပြုလုပ်ကာ ဈေးကွက်အတွင်းရောင်းချကြ သည်။မန္တလေးတိုင်းဒေသကြီး၊ညောင်ဦးခရိုင် ကျောက်ပန်းတောင်းမြို့နယ်ရှိ တောင်သူများ ရောင်းချ သည့် ပေါ်ဦးပေါ်ဖျား ထန်းပင်မြစ်များရောင်းအားကောင်းပြီး ဈေးကောင်း ရရှိနေကြောင်း ယခုလ ဒီဇင်ဘာလ (တတိယပတ်) တွင် ထန်းပင်မြစ်ဈေးနှုန်းအနေဖြင့်  လက္ကားဈေး ထန်းပင်မြစ် (၂၅)ချောင်းပါ ရိုးရိုး တစ်စည်းလျှင် ကျပ်(၁၇၀၀/-)၊ရှယ် ကျပ်(၂၀၀၀/-)ဈေးရှိပြီး လက်လီဈေးတစ်စည်းလျင် ရိုးရိုး ကျပ်(၂၀၀၀/-)၊ရုက္ခစိုး(ခ)ရှယ်(၂၅)ချောင်းပါတစ်စည်းလျှင်ကျပ်(၃၀၀၀/-)ဈေးများဖြင့် ရောင်းချလျက်ရှိ  ကြောင်း သိရှိရပါသည်။

DOCA(မန္တလေး)