ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ ပခုက္ကူခရိုင်၊ ကြက်သွန်နီကုန်စည်ဒိုင်တွင် ကြက်သွန်နီစိုက်ပျိုးရာဒေသများဖြစ်ကြသော ပေါက်၊ ဆိပ်ဖြူ၊ ရေပြာ၊ ကမ္မ၊ ရေစကြိုနှင့် ပခုက္ကူကျွန်းများမှ မိုးစိုက် (ဥစိုက်)များမှာ အရောင်းအဝယ်ဖြစ်လျက်ရှိသည့်အပြင် အခြားဒေသများဖြစ်သော ပုလဲ၊ မြင်းခြံမြို့၊ တောင်သာနယ်၊ ညောင်ဦးမှ ဆောင်းစိုက်(ပင်စိုက်)ကြက်သွန်နီများမှာ လက်ကျန်နည်းနေပြီး မိုးစိုက် (ဥစိုက်)များလည်း စတင်ဝင်ရောက်အရောင်းအဝယ်ဖြစ်နေပါသည်။

     ၂၀၂၃ခုနှစ်၊ နိုဝင်ဘာလ(စတုတ္ထပတ်)တွင် ပခုက္ကူကြက်သွန်နီကုန်စည်ဒိုင်၏ ကြက်သွန်နီနှင့် ကြက်သွန်ဖြူဒိုင်ပြတ်ဈေးမှာ ပေါက်နယ်(ယောစ) ထိပ်စတစ်ပိဿာလျှင် ကျပ်(၂၈၀၀)၊ အလတ်စတစ်ပိဿာလျှင် ကျပ်(၂၅၀၀)၊ အနိမ့်စတစ်ပိဿာလျှင် ကျပ်(၂၃၀၀)ဖြင့် ကုန်ချိန် (၁၀၀၀၀)ကျော်၊ မိုးစိုက်(ဥစိုက်) ကြက်သွန်နီ လက်ကားဈေးမှာ တစ်ပိဿာလျှင် ကျပ်(၂၁၀၀မှ ၁၉၀၀)ဖြင့် ကုန်ချိန်(၂၀၀၀၀)ကျော်ဝင်ရောက်အရောင်းအဝယ်ဖြစ်နေကြောင်း၊ မြိုမစည်ပင်ဈေးတွင် လက်လီရောင်းချသောဈေးမှာ ထိပ်စတစ်ပိဿာလျှင် ကျပ်(၃၈၀၀)၊  အလတ်စ တစ်ပိဿာလျှင် ကျပ်(၃၅၀၀)၊ အနိမ့်စတစ်ပိဿာလျှင် ကျပ် (၃၀၀၀) ဖြင့်ရောင်းချနေကြောင်း၊ တင်ပို့မှုအနေဖြင့် ရန်ကုန်ဘုရင့်နောင်ကုန်စည်ဒိုင်သို့သာတင်ပို့နေကြောင်း ကုန်သည်များထံမှ သိရှိရပါသည်။

DOCA(မကွေး)

 စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်၊ သရက်မြို့မှဝန်ထမ်းများသည် (၄-၁၂၀-၂၀၂၃)ရက်နေ့၊ နံနက်(၀၈း၃၀)နာရီအချိန်တွင်  မြို့နယ်အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ကျန်းမာရေးဦးစီးဌာန၊ သဘာဝပတ်ဝန်းကျင်ထိန်းသိမ်းရေးဦးစီးဌာနတို့နှင့်ပူးပေါင်း၍ မြို့မစည်ပင်သာယာဈေးသို့သွားရောက်ကာ ပတ်ဝန်းကျင်ညစ်ညမ်းမှုမရှိစေရေး စားသုံးသူပြည်သူများ ကျန်းမာရေးနှင့်ညီညွတ်စေရန်အတွက် ပလတ်စတစ်အိတ်များအစား သဘာဝအင်ဖက်များဖြင့် အစားထိုးအသုံးပြုစေရန် စည်ပင်သာယာဈေးအတွင်းရှိ ဈေးသည်များအား ပလတ်စတစ် Campaign အသိပညာပေးဆောင်ရွက်ခဲ့ပါသည်။

   ဆက်လက်၍ မြို့နယ်စည်ပင်သာယာဈေး၌ ဒီဇင်ဘာလ(ပထမပတ်)အတွင်း ဖြစ်ပေါ်လျက်ရှိသောအခြေခံစားသောက်ကုန်ဈေးနှုန်းများကိုမေးမြန်းစုံစမ်းရာ ဆန်(၁)ပြည်လျှင် ပေါ်ဆန်းမွှေး(ပုသိမ်) အဟောင်း ကျပ်(၅၀၀၀မှ ၆၀၀၀)၊ ဧရာပဒေသာ(ပုသိမ်) ကျပ်(၄၂၀၀မှ ၄၅၀၀)၊ မနောသုခ ကျပ် (၃၂၀၀မှ ၃၃၀၀)၊ မှော်ဘီ ကျပ်(၃၅၀၀မှ ၃၆၀၀)၊ ဆီ(၁)ပိဿာလျှင် ပဲဆီ ကျပ်(၁၄၀၀၀)၊ နှမ်းဆီ ကျပ်(၁၄၅၀၀မှ ၁၅၀၀၀)၊ အာလူး(အကြီး/အသေး)အရွယ်အစားအလိုက် (၁)ပိဿာလျှင် ကျပ်(၂၇၀၀မှ ၃၃၀၀)၊ ကြက်သွန်ဖြူ(အကြီး၊ အသေး)(၁)ပိဿာလျှင် ကျပ်(၁၄၀၀၀)၊ ကြက်သွန်နီ(အသေး၊ အလတ်၊ အကြီး) (၁)ပိဿာလျှင် ကျပ်(၃၅၀၀၊ ၃၈၀၀၊ ၄၀၀၀)၊ ကုလားပဲခွဲခြမ်း (၁)ပိဿာလျှင် ကျပ်(၆၀၀၀မှ ၆၅၀၀)၊ ငရုတ်စို(အမှည့်)(၁)ပိဿာလျှင် ကျပ်(၃၅၀၀မှ၄၀၀၀)၊ ငရုတ်ခြောက်(၁) ပိဿာလျှင် ကျပ်(၁၈၀၀၀မှ ၂၀၀၀၀)၊ ခရမ်းချဉ်သီး(ကြာကွက်သီး)(၁)ပိဿာလျှင် ကျပ်(၃၀၀၀)၊ (ရှမ်းသီး)(၁)ပိဿာလျှင် ကျပ်(၂၀၀၀မှ ၂၂၀၀)၊ ကြက်သား(CP)(၁)ပိဿာလျှင် ကျပ်(၁၁၀၀၀မှ ၁၄၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၇၀၀၀မှ ၁၈၀၀၀)၊ ဝက်သား(၁)ပိဿာလျှင် ကျပ်(၁၃၀၀၀)၊ အမဲသား(၁)ပိဿာလျှင် ကျပ်(၁၃၀၀၀)၊ ဆိတ်သား(၁)ပိဿာလျှင် ကျပ်(၁၆၀၀၀)နှင့် ငါးကြင်းအကောင်ကြီး(၁)ပိဿာလျှင် ကျပ်(၁၅၀၀၀)တို့ဖြင့် အရောင်းအဝယ်ဖြစ်လျက်ရှိကြောင်း မြို့မစည်ပင် သာယာဈေးအတွင်းရှိ ဈေးသည်များထံမှသိရှိရပါသည်။

DOCA(မကွေး)

    မကွေးတိုင်းဒေသကြီး၊ စားသုံးသူရေးရာဦးစီးဌာန၊ မင်းဘူးခရိုင်၊ စလင်းမြို့နယ်တာဝန်ခံ ဦးဆန်းလင်းမောင်(ဦးစီးမှူး)သည် (၄-၁၂-၂၀၂၃)ရက်နေ့၊ နံနက်(၁၀:၀၀)နာရီအချိန်တွင် စလင်းမြို့၊ မြင်တင်ရပ်ကွက်ရှိ "မြတ်မွှေး"ပဲကြော်လုပ်ငန်းသို့သွားရောက်၍ ထုတ်လုပ်မှုအဆင့်ဆင့်နှင့် ဈေးနှုန်းဈေးကွက်အခြေအနေတို့ကို ကွင်းဆင်းလေ့လာမေးမြန်းခဲ့ပါသည်။

   လုပ်ငန်းရှင်အနေဖြင့် "မြတ်မွှေး"ပဲကြော်လုပ်ငန်းကိုလုပ်ကိုင်ခဲ့ရာမှာ (၁၀)နှစ်ခန့်ရှိပြီဖြစ်သော်လည်း ပဲပူးကြော်လုပ်ငန်းကိုလုပ်ကိုင်ရာတွင် (၂)နှစ်ခန့်သာရှိသေးပါကြောင်း၊ ပဲပူးကြော် လုပ်ကိုင်ရာတွင် ကုန်ကြမ်းအဖြစ် ပဲကြီးကို ဆင်ဖြူကျွန်းမြို့နှင့်မုံရွာမြို့တို့မှဝယ်ယူပါကြောင်း၊ (၁)တင်းလျှင် ကျပ် (၁၂၀၀၀၀-၁၃၀၀၀၀)ဖြင့်ဝယ်ယူရကြောင်း၊ ပဲကြီးနှင့်ဆီတို့ အဓိကပါဝင်ကြောင်း၊ ပဲကြီးကို တစ်နေ့နှင့်တစ်ညရေစိမ်ပြီးနောက် ပွလာသောပဲကို လက်ဖြင့်အခွံချွတ်ရကြောင်း၊ စက်ဖြင့်အခွံချွတ်ပါက ပဲများကွဲထွက်သွားနိုင်ခြင်း၊ ပဲအလှနည်းခြင်းတို့ကြောင့် လက်ဖြင့်အခွံချွတ်ရခြင်းဖြစ်ပါကြောင်း၊ အခွံချွတ်ပြီးသားပဲများကို ရေဖြင့်သန့်စင်သွားအောင်ဆေးကြော၍ ရေစစ်ထားရကြောင်း၊ ပြီးလျှင် ဆားအနည်းငယ်၊ ဆော်တာအနည်းငယ်နှင့် ကော်မုန့်အနည်းငယ်ထည့်၍ ဆီနှင့်ကြော်ရပါကြောင်း၊ ပဲများကြွပ်လာလျှင် အအေးခံကာရရှိလာသော ပဲပူးကြော်များကို (၁၀)ကျပ်သားထုပ်၊ (၅၀)ကျပ်သားထုပ်၊ (၁)ပိဿာထုပ်များထုပ်၍ ဈေးကွက်သို့တင်ပို့ရကြောင်း၊ လုပ်သားဦးရေ(၇)ဦးခန့်ဖြင့် လုပ်ငန်းများဆောင်ရွက်ပါကြောင်း၊ ဈေးနှုန်းအနေဖြင့် ပဲပူးကြော်ကို (၁၀)ကျပ်သား(၁)ထုပ်လျှင် ကျပ်(၁၃၀၀)၊ (၅၀)ကျပ်သားထုပ်(၁)ထုပ်လျှင် ကျပ်(၆၅၀၀)၊  (၁)ပိဿာထုပ်(၁)ထုပ်လျှင် ကျပ်(၁၃၀၀၀)ဖြင့် ပွင့်ဖြူ၊ မင်းဘူး၊ စလင်း၊ ဆင်ဖြူကျွန်းနှင့် ဆိပ်ဖြူမြို့နယ်များသို့တင်ပို့ရကြောင်း ပဲကြော်လုပ်ငန်းရှင် ဒေါ်မြင့်မြင့်သန်းထံမှ သိရှိရပါသည်။

DOCA(မကွေး)

   ရန်ကုန်မြို့တော်စည်ပင်သာယာရေးကော်မတီ၏ ကြီးကြပ်ကွက်ကဲမှုအောက်ရှိ ရန်ကုန်အရှေ့ပိုင်းခရိုင်၊ အထက်ပုဇွန်တောင်လမ်း၊ မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်မှ စားသုံးသူပြည်သူများသို့  နေ့စဉ် ကြက်/ဘဲများကို လက်လီ/လက်ကား ရောင်းချပေးလျက်ရှိကြောင်း သိရှိရပါသည်။

   ရန်ကုန်အရှေ့ပိုင်းခရိုင်၊ စားသုံးသူရေးရာဦးစီးမှူးရုံးမှ ဝန်ထမ်းများသည် မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်တွင် ရောင်းချလျက်ရှိသော ကြက်/ဘဲ ဈေးနှုန်းများအား ဈေးကွက်ဈေးနှုန်းစုံစမ်းခြင်းများ ပြုလုပ်ခဲ့ရာ  မြန်မာကြက် ၁ ပိဿာလျှင် (၁၃၀၀၀/၁၄၀၀၀)ကျပ်၊ အသားတိုးကြက် ၁ပိဿာလျှင် (၅၉၀၀/၆၀၀၀) ကျပ်၊ မွေးမြူရေးကြက် (ထီး/မ) ၁ ပိဿာလျှင်(၅၅၀၀/၈၂၀၀) ကျပ်၊ ဘဲအရှင် ၁ ပိဿာလျှင် (၄၀၀၀/ ၆၀၀၀) ကျပ်၊ ချယ်ရီဘယ်ရီဘဲ ၁ ပိဿာလျှင် (၅၅၀၀ - ၆၀၀၀) ကျပ်တို့ဖြင့်  ကုန်ချိန် (၈၆၈၀၀) ပိဿာခန့် အဝင်ရှိနေကြောင်း ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့်ပြည်နယ်များမှ အရောက်ပို့စနစ်ဖြင့်လည်းကောင်း တင်ပို့ရောင်းချလျက်ရှိရာ ၂၀၂၃ ခုနှစ်၊ ဒီဇင်ဘာလ ၄.၁၂.၂၀၂၃ ရက်နေ့ ဈေးနှုန်းများဖြစ်ကြောင်း သိရပါသည်။

DOCA(ရန်ကုန်)

 မကွေးတိုင်းဒေသကြီးအတွင်းရှိ မကွေးကုန်စည်ဒိုင်နှင့်ပွဲရုံများ၌ သီးနှံမျိုးစုံတို့မှာ ပုံမှန်အရောင်းအဝယ်ဖြစ်လျက်ရှိပါသည်။ (၃၀-၁၁-၂၀၂၃)ရက်နေ့တွင် မကွေးကုန်စည်ဒိုင်၌ဖြစ်ပေါ်လျက်ရှိသော သီးနှံစျေးနှုန်းများမှာ ပဲတီစိမ်း(သစ်)(၂၀)ပိဿာဝင်(၁)တင်းလျှင် ကျပ်(၅၂၀၀၀)၊ ပဲနောက်(၂၀)ပိဿာဝင် (၁)တင်းလျှင် ကျပ်(၄၆၅၀၀)၊ ပဲလွန်း(၁၉)ပိဿာဝင်(၁)တင်းလျှင် ကျပ်(၅၅၀၀၀)၊ ကုလားပဲ(929) (၁၉)ပိဿာဝင်(၁)တင်းလျှင် ကျပ်(၈၄၅၀၀)၊ ကုလားပဲ(ဟော်လန်)(၁၉)ပိဿာဝင်(၁)တင်းလျှင် ကျပ် (၈၄၀၀၀)၊ ပဲကြီး(ဖြူ)ပြားကြီး(၁၉)ပိဿာဝင်(၁)တင်းလျှင် ကျပ်(၁၃၀၀၀၀)၊ ပဲကြီးဖြူ(လတ်)(၁၉) ပိဿာဝင်(၁)တင်းလျှင် ကျပ်(၁၂၀၀၀၀)၊ ပဲကြီးဖြူ(သေး)(၁၉)ပိဿာဝင်(၁)တင်းလျှင် ကျပ်(၁၁၀၀၀၀)၊ နှမ်းနက်(စမုံ) (၁၅)ပိဿာဝင်(၁)တင်းလျှင် ကျပ်(၁၀၇၀၀၀-၁၁၀၀၀၀)၊ နှမ်းဖြူ(၁၅)ပိဿာဝင်(၁)တင်းလျှင် ကျပ်(၁၁၅၀၀၀)၊ နှမ်းနီ(မကွေး)(၁၅)ပိဿာဝင် (၁)တင်းလျှင် ကျပ်(၁၀၀၀၀၀)၊ မြေပဲလုံးဆံ(နီ) (၁)ပိဿာလျှင် ကျပ်(၅၃၀၀-၅၅၀၀)နှင့် မြေပဲလုံးဆံ(ဖြူ)(၁)ပိဿာလျှင် ကျပ်(၅၅၅၀-၅၆၀၀)ဈေးနှုန်းတို့ရှိကြောင်းသိရှိရပါသည်။

       မကွေးကုန်စည်ဒိုင်၌ (၂၈-၁၁-၂၀၂၃) ရက်နေ့မှ (၁-၁၂-၂၀၂၃)ရက်နေ့အထိ အရောင်းအဝယ်ဖြစ်ခဲ့မှုအခြေအနေမှာ နှမ်းဖြူတန်ချိန် (၁၀၀)ခန့်၊ နှမ်းနီတန်ချိန် (၂၅)ခန့်၊ နှမ်းနက်(စမုံ)တန်ချိန် (၁၀၀)ခန့်၊ နှမ်းနက်(ရိုးရိုး) တန်ချိန် (၅၀)ခန့်၊ ပဲတီစိမ်းတန်ချိန် (၅၀)ခန့်၊ ကုလားပဲတန်ချိန် (၁၀၀)ခန့်၊ ပဲကြီးဖြူတန်ချိန် (၄၀)ခန့်၊ ပဲကြီးမဲတန်ချိန် (၁၀)ခန့်၊ စားတော်ပဲတန်ချိန် (၂၀)ခန့်၊ မတ်ပဲတန်ချိန်(၁၅)ခန့်နှင့် မြေပဲဆံတန်ချိန်(၅၀၀)ခန့်၊ ပဲနောက်တန်ချိန်(၅၀)ခန့်နှင့် ပဲလွန်းဝါတန်ချိန်(၇၀)ခန့်တို့ဖြစ်ကြောင်း လေ့လာသိရှိရပါသည်။

DOCA(မကွေး)