ပြည်တွင်းကုန်သွယ်မှုသတင်း

     ပြည်ဈေးကွက်သို့ မကွေးတိုင်း၊ မန္တလေးတိုင်း၊ ဆိပ်ဖြူ၊ အောင်လံ၊ ကျောက်ပန်းတောင်းဘက်မှ နိုဝင်ဘာလ ပထမပတ်အတွင်း နေ့စဉ် ပိဿာချိန် တစ်သောင်းခန့်ဝင်ရောက်မှုရှိနေပြီး တစ်ပတ်လျှင် ပိဿာချိန် ခြောက်သောင်းခန့်ဝင်ရောက်မှုရှိနေပါသည်။ အဝင်မှာ ပုံမှန်ထက် တစ်ပတ်လျှင် ပိဿာချိန် တစ်သောင်းခန့်ပိုမိုဝင်ရောက်မှုရှိပြီး အမြင့်ဈေးဖြင့်ဝင်ရောက်ကြောင်းသိရပါသည်။ ဈေးမြင့်ရခြင်းမှာ မိုးစိုက်ကြက်သွန်နီအကုန် ဆောင်းစိုက်ကြက်သွန်နီထွက်ပေါ်တော့မည်ဖြစ်သဖြင့် ပုံမှန်ဈေးနှုန်းအတက်နှင့် လမ်းပန်းဆက်သွယ်ရေးအခက်အခဲကြောင့်ဖြစ်ကြောင်းသိရပြီး ပြည်ဈေးကွက်ဝယ်လက်များအနေဖြင့် ဈေးနှုန်းများအဆမတန်မြင့်တက်လာမည်အထင်နှင့် ဝယ်ယူမှုပိုမိုများပြားလာသောကြောင့် ပြည်ဈေးကွက်အတွင်း အရောင်းအဝယ်သွက်လျက်ရှိကြောင်းသိရပါသည်။ ၂၀၂၃ခုနှစ်၊ နိုဝင်ဘာလ ပထမပတ်ဈေးနှုန်းများမှာ ပွဲရုံလက်ကားဈေးမှာ ကြီး/လတ်/သေး တစ်ပိဿာလျှင် ကျပ် (၃၅၀၀-၃၆၀၀/၃၇၀၀-၃၈၀၀/၃၉၀၀-၄၀၀၀) နှုန်းတို့ရှိပြီး လက်လီဈေးများတွင် ကျပ် (၃၉၀၀-၄၀၀၀/၄၁၀၀-၄၂၀၀/၄၃၀၀) နှုန်းတို့ဖြင့် အသီးသီးရောင်းဝယ်မှုရှိနေကာ ယခင်အောက်တိုဘာလဈေးနှုန်းဖြင့်နှိုင်းယှဉ်ပါက ကျပ်၇၀၀ခန့်ဈေးမြင့်သွားကြောင်းသိရှိရပါသည်။

DOCA(ပဲခူး)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးအောင်ဇော်နှင့်ဝန်ထမ်းများသည် (၉-၁၁-၂၀၂၃)ရက်နေ့၊ နံနက် (၀၉း၀၀) နာရီအချိန်တွင် မအူပင်ကျုံစုတ်ကျေးရွာရှိ ပြည်သူများအား ကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဆီ ၁ပိဿာလျှင် ၄၉၅၀ကျပ်နှုန်းဖြင့်ဝယ်ယူနိုင်ရေး တန်းစီစနစ်ဖြင့် စီစဉ်ဆောင်ရွက်ပေးခဲ့ပြီး ပြည်သူများလက်ဝယ်အရောက် ဝယ်ယူသုံးစွဲနိုင်ရေးကို ခရိုင်ဆီလုပ်ငန်းရှင်များအသင်းနှင့်အတူ ရောင်းချပေးနေမှုအခြေအနေကို ကြီးကြပ်ဆောင်ရွက်ခဲ့ကြပါသည်။

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်း/သိုလှောင်/ဖြန့်ဖြူးခြင်းလုပ်ငန်းကြီးကြပ်ရေးကော်မတီသည် ပြည်ပမှတင်သွင်းသည့် စားသုံးဆီများ သတ်မှတ်အရည်အသွေးနှင့် စံချိန်စံညွှန်းများနှင့်ပြည့်မီစေရေးနှင့် ဈေးနှုန်းတည်ငြိမ်စွာဝယ်ယူစားသုံးနိုင်ရေးတို့အတွက် စဉ်ဆက်မပြတ် ထိန်းကျောင်းဆောင်ရွက်လျက်ရှိပြီး စားသုံးသူရေးရာဦးစီးဌာနမှလည်း မအူပင်ခရိုင်မြို့နယ်များအလိုက် ဆီခွဲဝေချထားနိုင်ရေးကိုလည်း စိစစ်ကြပ်မတ်ဆောင်ရွက်ပေးလျက်ရှိကြောင်းသိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူးရုံးမှ ဦးအောင်လွင်နှင့်ဝန်ထမ်းများသည် (၇-၁၁-၂၀၂၃)ရက်နေ့၊ နံနက်(၀၉း၀၀)နာရီအချိန်တွင် ညောင်တုန်းမြို့နယ်၊ ငပျောကျွန်းကျေးရွာရှိ ပြည်သူများအား စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများကိုသုံးစွဲနိုင်ရေး၊ တန်းစီစနစ်ဖြင့် ပြည်သူများလက်ဝယ်အရောက် ဝယ်ယူသုံးစွဲနိုင်ရေး ဆီရောင်းချခြင်းလုပ်ငန်းများကို မြို့နယ်စားသုံးသူရေးရာဦးစီးဌာနမှ  ကြပ်မတ်ဆောင်ရွက်ပေးခဲ့သည်။

    ဈေးကားဖြင့်သွားရောက်‌ရောင်းချရာတွင် ညောင်တုန်းမြို့နယ်ဆီကုန်သည်နှင့်ဆီလုပ်ငန်းရှင်များအသင်းအနေဖြင့် စားအုန်းဆီတင်သွင်းသည့်ကုမ္ပဏီများမှ လက်ကားကုန်သည်များထံသို့ ဖြန့်ဖြူးပေးသည့်စားအုန်းဆီများကို ရည်ညွှန်းလက်ကားဈေးအပေါ်တွင် သယ်ယူစရိတ်ထပ်ပေါင်းကာ အမြတ်၂%ထက်မပိုသောဈေးနှုန်းဖြင့် ရပ်ကွက်များ၊ ဈေးများသို့ ဈေးကားဖြင့် တစ်ပတ်အတွင်း မအူပင်မြို့နယ်၌ (၆-၁၁-၂၀၂၃/ ၉-၁၁-၂၀၂၃)ရက်နေ့တို့တွင်လည်းကောင်း၊ ပန်းတနော်မြို့နယ်၌ (၁၀-၁၁-၂၀၂၃)ရက်နေ့တွင်လည်းကောင်း၊  ညောင်တုန်းမြို့နယ်၌ (၇-၁၁-၂၀၂၃)ရက်နေ့တွင်လည်းကောင်း၊ ဓနုဖြူမြို့နယ်၌ (၈-၁၁-၂၀၂၃)ရက်နေ့တွင်လည်းကောင်း၊ မြို့နယ်အလိုက် တစ်ကြိမ်စီ အလှည့်ကျလှည့်လည်ရောင်းချပေးခဲ့ကြောင်း၊ စားသုံးသူရေးရာဦးစီးဌာနမှ တာဝန်ရှိသူများကလည်း လာရောက်ဝယ်ယူကြသောအိမ်ထောင်စုများအား စနစ်တကျတန်းစီစေခြင်း၊ လူတန်းစေ့ဝယ်ယူရရှိနိုင်ရန်ရည်ရွယ်၍ လူတစ်ဦးလျှင် (၁) ပိဿာနှုန်းဖြင့်လည်းကောင်း၊ ဈေးနှုန်းအားဖြင့်  ၄၉၅၀ကျပ်နှုန်းဖြင့်လည်းကောင်း  တန်းတူညီမျှရောင်းချကြစေရန် ကြပ်မတ်ဆောင်ရွက်ပေးခဲ့ကြောင်းသိရှိရပါသည်။

DOCA(ဧရာဝတီ)

    ၁၅.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

  စစ်ကိုင်းတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် တန်ဖိုးသင့်အခြေခံစားသောက်ကုန်များကို စိုက်ပျိုး၊ မွေးမြူထုတ်လုပ်သူများမှ ဆန်၊ ဆီနှင့် ကြက်ဥ၊ ဒေသထွက် ဟင်းသီးဟင်းရွက်သီးနှံများကို ၂၀၂၃ ခုနှစ်၊ နိုဝင်ဘာလ ဒုတိယပတ် ၁၁ ရက်နေ့တွင် မုံရွာမြို့၊ ပြည်ထောင်စုဈေးတွင်   နံနက် (၇:၀၀) နာရီအချိန်တွင် သက်သာသောဈေးနှုန်းဖြင့် အပတ်စဉ် ရောင်းချပေးလျက်ရှိပါသည်။

  ထိုသို့ရောင်းချခဲ့ရာတွင် တိုင်းဒေသကြီးအစိုးရအဖွဲ့၊ ဝန်ကြီးချုပ်ဦးမြတ်ကျော်၏ ကြီးကြပ်မှုဖြင့် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မွေးမြူရေးနှင့်ကုသရေးဦးစီးဌာန၊ စည်ပင်သာယာရေးအဖွဲ့၊ စိုက်ပျိုး‌ရေးဦးစီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနတို့ သည် အခြေခံစားကုန်များ ကုန်ဈေးနှုန်းကြီးမြင့်မှု မရှိစေရေးအတွက် ကိုယ်တိုင်စိုက်ပျိုး/ မွေးမြူ/ ထုတ်လုပ်သူများနှင့် ပူးပေါင်းကာ စားအုန်းဆီတစ်ပိဿာလျှင် ၅၀၀၀ ကျပ်၊ ဝယ်ယူသည့်ပြည်သူများ အဆင်ပြေစေရန် ကောင်တာ (၅) ခုခွဲ၍ ဆီ (၁၀၀၀) ပိဿာ၊ ဆန်တစ်ပြည်လျှင် ၂၈၀၀ ကျပ်၊ ဆန်(၂၄)ပြည်ဝင်အိတ်(၃၀)အိတ်၊  ကြက်ဥ (၅) လုံးတစ်ထုပ်လျှင် ၁၀၀၀ ကျပ်၊ကြက်ဥ အလုံး(၃၀၀၀)၊ ငုံးဥ (၁၆) လုံးတစ်ထုပ်လျှင် ၁၀၀၀ ကျပ်၊ကြက်ဥ အလုံး(၂၇၀၀)၊ ကြက်သား တစ်ပိဿာလျှင် (၇၇၀၀)ကျပ်၊ (၃၀၀) ပိဿာနှင့် ကြာဇံများ၊ ခေါက်ဆွဲခြောက်များ၊ ကုလားပဲမှုန့်များ၊ ကိတ်စို/ကိတ်ခြောက်များနှင့် ဒေသထွက်ဟင်းသီးဟင်းရွက်သီးနှံများကို ပြင်ပပေါက် ဈေးထက် သက်သာသောဈေးနှုန်းများဖြင့် ရောင်းချပေးခဲ့ကြောင်း သိရှိရပါသည်။

DOCA(စစ်ကိုင်း)