ပြည်တွင်းကုန်သွယ်မှုသတင်း

      ပြည်မြို့ရှိ ပြည်ကုန်စည်ဒိုင်တွင် ပဲမျိုးစုံရောင်းဝယ်လျက်ရှိပြီး ပဲအရောင်းအဝယ်သွက်လျက်ရှိကြောင်းသိရှိရပါသည်။

မတ်ပဲ

    ပြည်ကုန်စည်ဒိုင်တွင် အောက်တိုဘာလ စတုတ္ထပတ်တွင် မတ်ပဲတစ်တင်းကို ၉၃၀၀၀ကျပ်ဖြင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် ၁၅၀ခန့်ရှိခဲ့ပါသည်။ နိုဝင်ဘာလ ပထမပတ်တွင် မတ်ပဲဈေးနှုန်းမြင့်တက်လာပြီး ပဲတစ်တင်းကို ၉၅၅၀၀ကျပ်ဖြင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် (၁၅၀/ ၂၀၀) အိတ်ခန့်အဝယ်ရှိပါသည်။

ပဲစင်းငုံ

     အောက်တိုဘာလ စတုတ္ထပတ်တွင် ပဲစင်းငုံတစ်တင်းကို ၉၃၀၀၀ကျပ်ဖြင့် တစ်ခါတရံသာ အရောင်းအဝယ်ဖြစ်ပြီး အဝယ်ဖြစ်လျှင် တစ်ရက်ကို ပိဿာ (၂၀) ဝင်အိတ် ၂၀၀အိတ်ခန့်အဝယ်ရှိပါသည်။ နိုဝင်ဘာလ ပထမပတ်တွင် ပဲစင်းငုံတစ်တင်းကို ၉၃၀၀၀ကျပ်ဖြင့်ဈေးအေးနေပြီး တစ်ရက်လျှင် ပိဿာ (၂၀) ဝင်အိတ် (၁၀၀/၁၅၀) အိတ်ခန့် ရန်ကုန်အဝယ်ရှိပါသည်။

ကုလားပဲ

     အောက်တိုဘာလ စတုတ္ထပတ်တွင် ကုလားပဲ(HL) တစ်တင်းကို ၉၃၀၀၀ကျပ်၊ မြကြေးမှုံတစ်တင်းကို ၉၃၀၀၀ကျပ်ဖြင့် မြို့တွင်းခွဲစက်သမားများ တစ်ရက်လျှင် ပိဿာ (၂၀) ဝင်အိတ် (၂၅၀/၃၀၀) အိတ်ခန့်အဝယ်ရှိပါသည်။ နိုဝင်ဘာလ ပထမပတ်တွင် ကုလားပဲ(HL) တစ်တင်းကို ၉၃၀၀၀ကျပ်၊ မြကြေးမှုံတစ်တင်းကို ၉၃၀၀၀ကျပ်ဖြင့်ဈေးအေးနေပြီး မြို့တွင်းနှင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် (၃၀၀/၃၅၀) အိတ်ခန့်ရှိပါသည်။

စားတော်ပဲ

     အောက်တိုဘာလ စတုတ္ထပတ်တွင် စားတော်ပဲ(ကျွန်း) တစ်တင်းကို ၁၃၆၀၀၀ကျပ်ဖြင့် မြို့တွင်းအဝယ်တစ်ရက်လျှင် ပိဿာ (၂၀) ဝင်အိတ် (၂၀/၂၅) အိတ်ခန့်ရှိခဲ့ပါသည်။ နိုဝင်ဘာလ ပထမပတ်တွင် စားတော်ပဲ (ကျွန်း)တစ်တင်းကို ၁၃၆၀၀၀ကျပ်ဖြင့် တစ်ရက်လျှင် ပိဿာ (၂၀) ဝင်အိတ် ၂၅အိတ်ခန့် မြို့တွင်းအဝယ်ရှိပါသည်။

ပဲကြီး

   အောက်တိုဘာလ စတုတ္ထပတ်တွင် ပဲကြီး(ရွှေကျွန်း) တစ်တင်းကို ၁၁၈၀၀၀ကျပ်၊ ပဲကြီး(ကုန်းပဲ)တစ်တင်းကို ၁၁၅၀၀၀ကျပ်ဖြင့် ပဲကြော်သမားများ မြို့တွင်းအဝယ်ရှိခဲ့ပြီး တစ်ရက်လျှင် ပိဿာ (၂၀) ဝင်အိတ် (၂၀၀/၃၀၀)အိတ်ခန့်ရှိပါသည်။ နိုဝင်ဘာလ ပထမပတ်တွင် ပဲကြီး (ရွှေကျွန်း) တစ်တင်းကို ၁၁၅၈၀၀၀ကျပ်၊ ကုန်းပဲတစ်တင်းကို ၁၁၅၀၀၀ကျပ်ဖြင့် မြို့တွင်း ပဲကြော်သမားများ တစ်ရက်လျှင် ပိဿာ (၂၀) ဝင်အိတ် ၃၀၀အိတ်ခန့်အဝယ်ရှိပါသည်။

ဘိုကိတ်

     ပြည်ကုန်စည်ဒိုင်၏ အောက်တိုဘာလ စတုတ္ထပတ်တွင် ဘိုကိတ်ပဲတစ်တင်းကို ၆၉၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် ၁၀၀အိတ်ခန့်ရှိခဲ့ပါသည်။ နိုဝင်ဘာလ ပထမပတ်တွင် ဘိုကိတ်တစ်တင်းကို ၆၅၀၀၀ကျပ်ဖြင့်ဈေးကျခဲ့ပြီး တစ်ရက်လျှင် ပိဿာ (၂၀) ဝင်အိတ် (၅၀/၁၀၀)အိတ်ခန့် မြို့တွင်းအဝယ်ရှိခဲ့ပါသည်။

     ပြည်ကုန်စည်ဒိုင်တွင် မတ်ပဲ၊ ကုလားပဲ၊ ပဲကြီးဈေးများမှာ ဈေးနှုန်းမြင့်တက်လျက်ရှိပြီး စားတော်ပဲ၊ ပဲစင်းငုံတို့မှာ ဈေးအေးလျက်ရှိကြောင်းသိရှိရပါသည်။

DOCA(ပဲခူး)

   မကွေးတိုင်းဒေသကြီး၊ အစိုးရအဖွဲ့၏ လမ်းညွှန်မှာကြားချက်ဖြင့် သရက်ခရိုင်စီမံအုပ်ချုပ်ရေး အဖွဲ့ဥက္ကဌ၏ စီမံပေးမှုအရ ကံမမြို့နယ်တွင် သရက်မြို့နယ်၊ ဆီကုန်သည်များက (၁၀-၁၁-၂၀၂၃) ရက်နေ့၊ (၁၃း၀၀)နာရီအချိန်တွင် ကံမမြို့ပေါ် အမှတ်(၁/၂/၃/၄)ရက်ကွက်များရှိ အိမ်ထောင်စု (၂၂၀၀)စုအတွက် စားအုန်းဆီ ပိဿာ(၂၂၀၀)ပိဿာအား သက်သာသောဈေးနှုန်းဖြစ်သည့် စားအုန်းဆီ (၁)ပိဿာလျှင် ကျပ်(၅၅၀၀)ဈေးနှုန်းဖြင့် ရောင်းချပေးခဲ့ပါသည်။

   ထိုသို့ ရောင်းချပေးနေမှုအား ကံမမြို့နယ်စီမံအုပ်ချုပ်ရေးအဖွဲ့ ဥက္ကဌ၊ အတွင်းရေးမှူးနှင့် အဖွဲ့ဝင်များဦးဆောင်၍ မြို့နယ်အထွေထွေအုပ်ချုပ်ရေး၊ မြို့နယ်ရဲတပ်ဖွဲ့၊ မြို့နယ်စည်ပင်သာယာ ရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်အဆင့်ဌာနဆိုင်ရာအရာရှိများ၊ သရက်ခရိုင်၊ စားသုံးသူရေးရာဦးစီးဌာနမှဝန်ထမ်းများနှင့် ကံမမြို့နယ်တာဝန်ခံတို့က စားသုံးသူပြည်သူများအဆင်ပြေ ချောမွေ့စွာဝယ်ယူနိုင်ရေး၊ စားအုန်းဆီဈေးနှုန်းများမှန်ကန်မှုရှိစေရေး၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီဝယ်ယူရာ၌ စနစ်တကျရှိစေရန်အတွက် စားသုံးသူပြည်သူများအား တန်းစီစနစ်ဖြင့် ရောင်းချပေးခြင်းတို့ကို ကြီးကြပ်၍  ပူးပေါင်းဆောင်ရွက်ခဲ့ကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ သရက်ခရိုင်၊ ကံမမြို့၊ မြို့မဈေး၌ ကြက်သွန်နီများ အခြားစားဖိုဆောင်သီးနှံများကို သရက်မြို့နှင့် ပြည်မြို့မှ ဝယ်ယူရောင်းချကြကြောင်း သိရှိရသည်။

   ကံမမြို့၊ မြို့မစည်ပင်ဈေးအတွင်း (၃-၁၁-၂၀၂၃)ရက်နေ့မှ(၉-၁၁-၂၀၂၃)ရက်နေ့ထိ ရောင်း ချလျက်ရှိသော အခြေခံစားကုန်များ၏ လက်လီဈေးနှုန်းများမှာ ပေါ်ဆန်းမွှေး တစ်ပြည်လျှင် ကျပ် (၅၅၀၀)၊ ဧည့်မထ/မှော်ဘီ တစ်ပြည်လျှင် ကျပ်(၃၅၀၀)၊ ငစိန်/ရိုးနီ တစ်ပြည်လျှင် ကျပ်(၄၈၀၀)၊ ပဲဆီ တစ်ပိဿာလျှင် ကျပ်(၁၆၀၀၀)၊ စားအုန်းဆီ တစ်ပိဿာလျှင် ကျပ်(၅၅၀၀)၊ Meizan တစ်ပိဿာလျှင် ကျပ်(၈၀၀၀)၊ Lotus တစ်ပိဿာလျှင် ကျပ်(၉၀၀၀)၊ ကုလားပဲ တစ်ပိဿာလျှင် ကျပ်(၇၀၀၀)၊ အာလူး တစ်ပိဿာလျှင် ကျပ်(၃၂၀၀)၊ ဆား တစ်ပိဿာလျှင် ကျပ်(၅၀၀)၊ ကြက်သွန်နီ တစ်ပိဿာလျှင် ကျပ်(၄၀၀၀)၊ ကြက်သွန်ဖြူ တစ်ပိဿာလျှင် ကျပ်(၂၀၀၀၀)၊ ငရုတ်သီးခြောက် တစ်ပိဿာလျှင် ကျပ်(၁၈၀၀၀)၊ ကြက်ဥ  တစ်လုံးလျှင် ကျပ်(၂၅၀)၊ ကြက်သား(CP)  တစ်ပိဿာလျှင် ကျပ် (၈၀၀၀)၊ ဝက်သား တစ်ပိဿာလျှင် ကျပ်(၁၃၀၀၀)၊ အမဲသား တစ်ပိဿာလျှင် ကျပ်(၁၃၀၀၀)၊ ဆိတ်သား တစ်ပိဿာလျှင် ကျပ်(၁၆၀၀၀)၊ ငါးကြင်း တစ်ပိဿာလျှင် ကျပ်(၁၀၀၀၀)၊ ငါးမြစ်ချင်း တစ်ပိဿာလျှင် ကျပ်(၇၅၀၀)၊ ဘဲဥ တစ်လုံးလျှင် ကျပ်(၃၅၀)ဈေးဖြင့် အသီးသီးရောင်းချလျက်ရှိပြီး ဆန်၊ ဆီ၊ ကြက်သွန်ဖြူ၊ အာလူးစသည့် ကုန်ပစ္စည်းခြောက်များကို ပြည်ခရိုင်မှဝယ်ယူရကြောင်း ဈေးရောင်းချသူ ဒေါ်သန်းထွေးထံမှ သိရပါသည်။

DOCA(မကွေး)

   ပြည်ဈေးကွက်တွင် ပဲလက်ကျန်အနည်းငယ်ဖြင့်သာ ရောင်းဝယ်နေသောပဲတီစိမ်းသီးနှံမှာ နေ့စဉ်ရောင်းဝယ်မှုမဖြစ်တော့ဘဲ တစ်ခါတစ်ရံသာ ရောင်းဝယ်မှုဖြစ်သည်ဟုသိရပါသည်။ မိုးပဲတီစိမ်းများမှာ ဇူလိုင်လ၊ ဩဂုတ်လများတွင် အထွက်လှိုင်ချိန်ဖြစ်သောကြောင့် ဈေးကွက်အတွင်း ပဲအဝင်များပြီး အရောင်းအဝယ်သွက်ခဲ့သော်လည်း စက်တင်ဘာလမှစ၍ ပဲအဝင်ပါးသွားခဲ့ကာ အရောင်းအဝယ်လည်းအေးသွားခဲ့ပါသည်။ ပဲတီစိမ်းသီးနှံသည် မတ်ပဲသီးနှံကဲ့သို့ တစ်နှစ်တာလုံး ဈေးကွက်ရောင်းဝယ်နေကြသည့်သီးနှံမဟုတ်ဘဲ ပဲထွက်ပေါ်ချိန်ကာလများတွင်သာ အရောင်းအဝယ်ဖြစ်ခဲ့ကြပါသည်။ အောက်တိုဘာလ လယ်လောက်တွင် ဆောင်းပဲသစ်များ ဈေးကွက်သို့ဝင်ရောက်လာနိုင်ပြီး ယခုကာလတွင်မူ လက်ကျန်မိုးပဲတီစိမ်းအနည်းငယ်သာရောင်းဝယ်နေကြကာ တစ်တင်းလျှင် ၅၇၀၀၀ကျပ်ဖြင့် အခြားပဲများထက် ဈေးလျော့နည်းခဲ့သည့်အတွက် ယခုနှစ်ပဲဈေးကွက်၌ ပဲတီစိမ်းသီးနှံမှာ ဈေးကောင်းမရဘဲ ဈေးအေးခဲ့ကြောင်းသိရပါသည်။ ပဲတီစိမ်းသီးနှံကို ရန်ကုန်ဝယ်လက်ထက် မန္တလေးဝယ်လက်များက အဝယ်ပိုများကြောင်းသိရပါသည်။

DOCA(ပဲခူး)

     ပြည်ခရိုင်၏ နှမ်းသီးနှံဈေးကွက်၏ ဈေးနှုန်းများမှာ ၂၀၂၁ခုနှစ်တွင် နှမ်းဈေးမှာ တစ်တင်းလျှင် ၃၀၀၀၀ကျပ်မှ ၆၀၀၀၀ကျပ်အထိတို့ဖြင့် အရောင်းအဝယ်ဖြစ်ခဲ့ပြီး ၂၀၂၂ခုနှစ်တွင် နှမ်းဈေးများမြင့်တက်လာခဲ့ကာ တစ်တင်းလျှင် ၈၀၀၀၀ကျပ်ခန့်မှ ၁၀၀၀၀၀ကျပ်ခန့်အထိ ရောင်းဝယ်မှုဖြစ်ခဲ့ပါသည်။ ထိုသို့ဈေးနှုန်းမြင့်တက်လာရခြင်းမှာ စိုက်ဧကလျော့နည်းသွားသောကြောင့် အထွက်နှုန်းများလည်းလျော့နည်းသွားပြီး ဝယ်လိုအားကောင်းလာသည့်အတွက် နှမ်းဈေးများ မြင့်တက်လာရခြင်းဖြစ်သည်ဟု ခန့်မှန်းရပါသည်။ ယခု၂၀၂၃ခုနှစ်၊ နှစ်ဆန်းပိုင်းတွင် နှမ်းဈေးများအနေဖြင့် နှမ်းနီတစ်တင်းလျှင် ၇၃၀၀၀ကျပ်၊ နှမ်းနက်တစ်တင်းလျှင် ၈၆၀၀၀ကျပ်နှင့် စမုံနက်နှမ်းတစ်တင်းလျှင် ၈၈၀၀၀ကျပ်ဖြင့် ဈေးစတင်ဖွင့်ခဲ့ပါသည်။ ဖေဖော်ဝါရီလတွင် နှမ်းနီတစ်တင်းလျှင် ၈၃၀၀၀ကျပ်၊ နှမ်းနက်တစ်တင်းလျှင် ၉၃၀၀၀ကျပ်နှင့် စမုံနက်နှမ်းတစ်တင်းလျှင် ၁၀၀၀၀၀ကျပ်အထိ ဈေးများမြင့်တက်လာခဲ့ပါသည်။ နွေနှမ်းများစိုက်ပျိုးချိန်ဖြစ်သဖြင့် ဈေးကွက်အတွင်း နှမ်းလက်ကျန်ရှားလာပြီး ရန်ကုန်၊ မန္တလေးဝယ်လက်များက အဝယ်ရှိသောကြောင့် ဈေးမြင့်တက်လာခဲ့ပါသည်။ မတ်လနှင့် ဧပြီလတွင် နွေနှမ်းများ ဈေးကွက်ရောက်ချိန်ဖြစ်သော်လည်း ဈေးငြိမ်နေခဲ့ပါသည်။ မေလ၊ ဇွန်လနှင့် ဇူလိုင်လတွင် မိုးနှမ်းများစိုက်ပျိုးနေချိန်ဖြစ်၍ နှမ်းနီတစ်တင်းလျှင် ၈၈၀၀၀ကျပ်၊ နှမ်းနက်တစ်တင်းလျှင် ၉၆၀၀၀ကျပ်နှင့် စမုံနက်နှမ်းတစ်တင်းလျှင် ၁၀၃၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။ ဩဂုတ်လနှင့် စက်တင်ဘာလတို့တွင် နှမ်းနီတစ်တင်းလျှင် ၁၀၆၀၀၀ကျပ်နှင့် စမုံနက်နှမ်းတစ်တင်းလျှင် ၁၁၆၀၀၀ကျပ်ဖြင့် မိုးနှမ်းပေါ်စအချိန်တွင် နယ်ဝယ်လက်နှင့် မန္တလေးဝယ်လက်များအဝယ်လိုက်၍ ဈေးနှုန်းမြင့်တက်လာခဲ့ပါသည်။ အောက်တိုဘာလ တတိယပတ်တွင် နှမ်းနီတစ်တင်းလျှင် ၁၀၁၀၀၀ကျပ်၊ နှမ်းနက်တစ်တင်းလျှင် ၉၅၀၀၀ကျပ်နှင့် စမုံနက်နှမ်းတစ်တင်းလျှင် ၁၀၆၀၀၀ကျပ်ဖြင့်ရောင်းချပြီး ယခုနိုဝင်ဘာလ ပထမပတ်တွင် နှမ်းနီတစ်တင်းလျှင် ၁၀၀၀၀၀ကျပ်၊ နှမ်းနက်တစ်တင်းလျှင် ၉၃၀၀၀ကျပ်နှင့် စမုံနက်နှမ်းတစ်တင်းလျှင် ၁၀၆၀၀၀ကျပ်ဖြင့် မန္တလေးနှင့် အောင်လံဝယ်လက်များက ဝယ်ယူမှုရှိသဖြင့် တစ်နေ့လျှင် (၃)တင်းဝင် အိတ်(၃၀၀)ခန့် အရောင်းအဝယ်ဖြစ်ခဲ့ကြောင်းသိရပါသည်။

    ၂၀၂၃ခုနှစ်တွင် နှမ်းစိုက်ဧကနည်းသွားသော်လည်း အထွက်နှုန်းကောင်း၍ ဈေးကောင်းရသောကြောင့် နှမ်းစိုက်တောင်သူများ အကျိုးအမြတ်ရရှိသောအချိန်ဖြစ်ပါသည်။ အထွက်နှုန်းကောင်းမွန်သည့်နှမ်းမျိုးကောင်းများကို ရွေးချယ်၍စိုက်ပျိုးမည်ဆိုပါက ပြည်တွင်းတွင် စားသုံးဆီဖူလုံမည့်အပြင် နှမ်းဆီကို အဆင့်မြှင့်တင်ပြီး နိုင်ငံခြားသို့တင်ပို့မည်ဆိုပါက နိုင်ငံခြားဝင်ငွေလည်းရရှိလာနိုင်မည်ဖြစ်ပါသည်။ ဆီစက်များအနေဖြင့်လည်း စားသုံးဆီကိုအဆင့်မြှင့်တင်၍ ထုတ်လုပ်လာနိုင်ပါက အသေးစား၊ အငယ်စား၊ အလတ်စား MSMEs လုပ်ငန်းများဖွံ့ဖြိုးတိုးတက်လာနိုင်မည်လည်းဖြစ်ပါကြောင်း ရေးသားတင်ပြလိုက်ရပါသည်။

DOCA(ပဲခူး)